ព័ត៌មានថ្មីៗ

មន្ត្រី-បុគ្គលិកអាជ្ញាធរជាតិអប្សរាចំនួន២០រូប បានទទួលវគ្គបណ្តុះបណ្តាលជំនាញនិងបច្ចេកទេសនៃការប្រើប្រាស់ Drone

បានផ្សាយនៅ ថ្ងៃទី 15 ខែ ឧសភា ឆ្នាំ2020 04:39 PM ដោយ ៖ អាជ្ញាធរជាតិអប្សរា
មជ្ឈមណ្ឌលបណ្តុះបណ្តាលអង្គរនៃអាជ្ញាធរជាតិអប្សរាបានបើកវគ្គបណ្តុះបណ្តាលស្តីពី “ជំនាញនិងបច្ចេកទេសនៃការប្រើប្រាស់ Drone” ដល់មន្ត្រី-បុគ្គលិកបច្ចេកទេសនៃអាជ្ញាធរជាតិអប្សរាចំនួន២០រូប មកពីនាយកដ្ឋានជំនាញផ្សេងៗគ្នា រយៈពេល២ថ្ងៃ ចាប់ពីថ្ងៃទី១២ ដល់ថ្ងៃទី១៣ ខែឧសភា ឆ្នាំ២០២០។

វគ្គបណ្តុះបណ្តាលនេះបង្រៀនដោយ លោក រ៉ម វិចិត្រ និងលោក ជាវ ប៊ុនថង ជាមន្ត្រីបច្ចេកទេសបម្រើការងារនៅនាយកដ្ឋានគ្រប់គ្រងទឹកនៃអាជ្ញាធរជាតិអប្សរា ដើម្បីពង្រឹងសមត្ថភាពនិងចំណេះដឹងដល់មន្ត្រី-បុគ្គលិកច្ចេកទេស លើការងារគ្រប់គ្រងបេតិកភណ្ឌ ដោយប្រើប្រាស់ឧបករណ៍បច្ចេកទេសជំនួយ ជួយសម្រួលដល់ការងារឱ្យកាន់តែមានប្រសិទ្ធភាព និងឆាប់រហ័សតាមទិសដៅរបស់នាយកដ្ឋាន/អង្គភាពរបស់ខ្លួន។

វគ្គបណ្តុះបណ្តាលនេះ ផ្តោតទៅលើរបៀបវារៈសំខាន់ៗដូចជា សេចក្តីណែនាំទូទៅអំពី Drone អនុវត្តន៍ការបង្ហោះ Drone នៅក្នុង Plan Mode ការបង្កើតផែនទី 2D ដោយប្រើរូបថតពី Drone មូលដ្ឋានទ្រឹស្តីនៃការបង្ហោះ Drone នៅក្នុង Manuel Mode អនុវត្តន៍ការបង្ហោះ Drone នៅក្នុង Manuel Mode ការបង្កើត 3D object ដោយប្រើរូបថតពី Drone សំណួរ ចម្លើយ និងក្រៅពីការសិក្សាទ្រឹស្ដីនៅក្នុងថ្នាក់រៀន សិក្ខាកាមទាំងអស់នឹងចុះអនុវត្តការប្រើប្រាស់ Drone ជាក់ស្ដែងនៅលើទីតាំងផ្ទាល់។

មានប្រសាសន៍ក្នុងថ្ងៃបិទវគ្គបណ្តុះបណ្តាល ឯកឧត្តម ជុំ សុភមករា បានអបអរសាទរដល់សិក្ខាកាមទាំង២០រូប ដែលបានបញ្ចប់វគ្គសិក្សានេះប្រកបដោយជោគជ័យ ទាំងទ្រឹស្តីនិងការអនុវត្តន៍។ ឯកឧត្តមក៏បានសំណូមពរដល់សិក្ខាកាមទាំងអស់សូមប្រើនូវចំណេះដឹងទាំងនេះឱ្យចំគោលដៅ និងតួនាទី ក្នុងការបំពេញភារកិច្ចជូនដល់នាយកដ្ឋាន/អង្គភាព ឱ្យបានរីកចម្រើន៕
















អត្ថបទនិងរូបភាព៖ មជ្ឈមណ្ឌលបណ្តុះបណ្តាលអង្គរ
នៅថ្ងៃទី១៤ ខែកញ្ញា ឆ្នាំ២០២០ ឯកឧត្តម សុខ សង្វារ អគ្គនាយករងទទួលបន្ទុកនាយកដ្ឋានអភិវឌ្ឍន៍ទេសចរណ៍អង្គរនៃអាជ្ញាធរជាតិអប្សរា និងលោក HONG Jianchun អនុប្រធានគណៈកម្មាធិការរដ្ឋបាលហ័ងសាន បានបន្តពង្រឹងកិច្ចសហប្រតិបត្តិការលើវិស័យទេសចរណ៍នៅតំបន់បេតិកភណ្ឌអង្គរនិងហ័ងសាន។
ក្នុងគោលបំណងស្ដារគម្របព្រៃឈើក្នុងតំបន់រមណីយដ្ឋានបេតិកភណ្ឌពិភពលោកអង្គរឲ្យកាន់តែមានចំនួនច្រើនឡើង ក៏ដូចជាក្នុងន័យបំផុសស្មារតីឲ្យមានការចូលរួមរបស់ប្រជាពលរដ្ឋអំពីកិច្ចការបរិស្ថាន ជាបន្តបន្ទាប់អាជ្ញាធរជាតិអប្សរា បានបន្តចែកជូនកូនឈើដល់សាធារណជនជិតឆ្ងាយ ដើម្បីយកទៅដាំនៅតាមតំបន់នានាក្នុងប្រទេសកម្ពុជា។ ក្នុងពាក់កណ្ដាលខែកញ្ញា ឆ្នាំ២០២០ គឺចាប់ពីថ្ងៃទី១ ដល់ថ្ងៃទី១២ ខែកញ្ញា
ដូនតាខ្មែរបានកសាងប្រាសាទខ្លះមានខ្លោងទ្វារចេញចូល៤ទិស ខ្លះ២ទិស និងខ្លះ១ទិស ដែលឱ្យមនុស្សចេញចូលតាមទិសខាងកើតឬខាងលិចដែលកំណត់ថាជាខ្លោងទ្វារធំ ដោយយោងទៅលើប្រាង្គសំខាន់បែរមុខទៅទិសណា។
នៅព្រឹកថ្ងៃទី១៣ ខែកញ្ញា ឆ្នាំ២០២០ នេះ អាជ្ញាធរជាតិអប្សរា ក្រោមកិច្ចសហការជាមួយរដ្ឋបាលខេត្តសៀមរាប និងធនាគារ CIMB បានរៀបចំពិធីដាំកូនឈើចំនួន ១,៥០០ដើម នៅបរិវេណប្រាសាទបន្ទាយក្ដី ក្រោមប្រធានបទ «យើងដាំ យើងចំណាំ យើងថែរក្សា ប្រាង្គប្រាសាទដែលជាបេតិកភណ្ឌមនុស្សជាតិ»។ ក្នុងពិធីនៅពេលនោះ លោក ឡុង កុសល អ្នកនាំពាក្យអាជ្ញាធរជាតិអប្សរា ក្នុងនាមឯកឧត្តម ហង់ ពៅ អគ្គនាយកអាជ្ញាធរជាតិអប្សរា បានសម្ដែងអារម្មណ៍រីករាយ និងរំពឹងថា ស្ថាប័នសាធារណៈពាក់ព័ន្ធនិងស្ថាប័នឯកជនដទៃទៀត នឹងបន្តចូលរួមកាន់តែច្រើនក្នុងការដាំកូនឈើក្នុងរមណីយដ្ឋានអង្គរ
១៖ ទូតឥណ្ឌាចប់អាណត្តិជួបសម្ដែងការគួរសមនិងជម្រាបលាថ្នាក់ដឹកនាំអាជ្ញាធរជាតិអប្សរា
នៅរសៀលថ្ងៃទី៨ ខែកញ្ញា ឆ្នាំ២០២០នេះ ឯកឧត្តមអគ្គនាយកអាជ្ញាធរជាតិអប្សរា បានអនុញ្ញាតឱ្យលោកជំទាវ Manika Jain ឯកអគ្គរដ្ឋទូតឥណ្ឌាប្រចាំកម្ពុជាចប់អាណត្តិ ជួបសម្ដែងការគួរសម និងជម្រាបលាថ្នាក់ដឹកនាំអាជ្ញាធរជាតិអប្សរា។ ក្នុងជំនួបនោះ លោកជំទាវឯកអគ្គរដ្ឋទូត បានរំឭកពីកិច្ចសហប្រតិបត្តិការ រវាងប្រទេសឥណ្ឌា និងអាជ្ញាធរជាតិអប្សរា ក្នុងការងារជួសជុលនៅប្រាសាទអង្គរវត្ត និងប្រាសាទតាព្រហ្ម។ បន្ថែមពីនេះ លោកជំទាវអគ្គរដ្ឋទូត ក៏បានលើកពីគម្រោងបណ្ដុះបណ្ដាលវគ្គខ្លីៗដល់យុវជនកម្ពុជា លើការងារអភិរក្សប្រាសាទ សិល្បៈ និងវប្បធម៌ផងដែរ។
ដើមដំបូងមុន12345...345346បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
10
ថ្ងៃនេះ
:
1357
ម្សិលមិញ
:
29907
សប្តាហ៍នេះ
:
59535
ខែនេះ
:
0215616
សរុប
:
012723205