ព័ត៌មានថ្មីៗ

ការងាររៀបចំសោភណភាពនៅមុខប្រាសាទព្រះពិធូរ នឹងជួយលើកកម្ពស់តម្លៃបេតិកភណ្ឌ និងជីវភាពរបស់ប្រជាពលរដ្ឋក្នុងតំបន់អង្គរ

បានផ្សាយនៅ ថ្ងៃទី 10 ខែ មករា ឆ្នាំ2020 01:08 PM ដោយ ៖ អាជ្ញាធរជាតិអប្សរា

ដើម្បីរក្សាសោភណភាពប្រាសាទ និងឆ្លើយតបនឹងអនុសាសន៍របស់គណៈកម្មាធិការICC-Angkor អាជ្ញាធរជាតិអប្សរាកំពុងរៀបចំសោភណភាពចំណត និងតូបលក់ដូរឡើងវិញនៅមុខប្រាសាទព្រះពិធូរ ក្នុងបរិវេណប្រាសាទអង្គរធំ។ ការងារនេះរៀបចំឡើងដោយគិតគូរទៅលើការលើកកម្ពស់បរិស្ថាន និងលើកស្ទួយកម្រិតជីវភាពរបស់ប្រជាជនក្នុងតំបន់អង្គរ។

នារសៀលថ្ងៃទី៩ ខែមករា ឆ្នាំ២០២០ នេះ ឯកឧត្តម សុខ សង្វារ អគ្គនាយករងនៃអាជ្ញាធរជាតិអប្សរា និងជាប្រធានក្រុមការងារអនុវត្តគម្រោងនេះ បានដឹកនាំក្រុមការងារដើម្បីចុះពិនិត្យទីតាំងជាក់ស្តែងនៅបរិវេណក្រុមប្រាសាទព្រះពិធូរ បន្ទាប់ពីក្រុមការងាបានរៀបចំប្លង់រួចរាល់។

មានប្រសាសន៍ក្នុងឱកាសនេះ ឯកឧត្តម បញ្ជាក់ថា ការរៀបចំសោភណភាពចំណត និងតូបលក់ដូរនេះក្រុមការងារបានគិតគូរលើបរិស្ថាន និងបុរាណវិទ្យាជាសំខាន់។ ជាក់ស្តែង ការរៀបចំប្លង់នេះត្រូវធ្វើឡើងដោយផ្អែកលើការចុះអង្កេតជាក់ស្តែងរបស់ក្រុមការងារគ្រប់គ្រងព្រៃឈើ និងបរិស្ថាន និងការធ្វើកំណាយបុរាណវិទ្យា។

ឯកឧត្តមបន្ថែមថា ការចុះពិនិត្យលើកនេះ គឺដើម្បីកែសម្រួលនូវគំរូបប្លង់មួយចំនួន តាមការណែនាំរបស់លោកជំទាវរដ្ឋមន្ត្រី នាជំនួបពិភាក្សាកន្លងទៅថ្មីៗនេះ។ ឯកឧត្តមសង្ឃឹមថា មិនយូរទេ ក្រោយគម្រោងនេះត្រូវបានអនុវត្តហើយ ភ្ញៀវទេសចរនឹងបានឃើញទិដ្ឋភាពដ៏ស្រស់ត្រកាលនៃប្រាសាទព្រះពិធូរ ដែលកន្លងមកភ្ញៀវទេសចរជាច្រើនបានដើររំលង៕

អត្ថបទនិងរូបភាព៖នាយកដ្ឋានអភិវឌ្ឍន៍ទេសចរណ៍អង្គរ
ក្រុមមគ្គុទ្ទេសក៍ទេសចរណ៍ចំនួន២០រូបនិងមន្ត្រីអាជ្ញាធរជាតិអប្សរាចំនួន៤រូប បានចេញដំណើរទៅចូលរួមវគ្គបណ្តុះបណ្តាលមគ្គុទ្ទេសក៍ទេសចរណ៍នៅទីក្រុងម៉ាកាវ សាធារណរដ្ឋប្រជាមានិតចិននៅថ្ងៃទី១៣ ខែមិថុនា ឆ្នាំ២០១៦នេះ។
មនុស្សម្នាស្ទើរពេញពិភពលោកដែលបានមកដល់ប្រទេសកម្ពុជា ទាំងអ្នកបុរាណវិទ្យា អ្នកនរវិទ្យា អ្នកប្រវត្តិវិទ្យា មគ្គុទេសនក៍ទេសចរណ៍ ព្រមទាំងភ្លៀវទេសចរ នាំគ្នាឆ្ងល់ទាក់ទង់នឹងទៅនឹងជីវភាពនៃការរស់នៅរបស់មនុស្សសម័យដើម ជាពិសេសគឺមនុស្សដែលរស់នៅក្នុងសម័យកសាងប្រាសាទអង្គរវត្ត មានកម្លាំងពលំ និងការច្នៃប្រឌិតខ្ពស់។
ឆ្លងផុតរដូវវស្សាឆ្នាំនេះហើយ ការជួសជុលសារមន្ទីរព្រះនរោត្តមសីហនុអង្គរ ដែលធ្វើឡើងដោយកិច្ចសហការរវាងអាជ្ញាធរជាតិអប្សរា និងមូលនិធិក្លឹប១%នៃក្រុមហ៊ុនអ៊ីងអុង(AEON) របស់ប្រទេសជប៉ុននឹងដំណើរការហើយ។ មុននឹងឈានដល់ដំណាក់កាលជួសជុលនេះ នាយកប្រតិបត្តិនៃក្រុមហ៊ុនអ៊ីអុង លោក Keiichi Tadaki បានចំណាយពេលមួយព្រឹក នាថ្ងៃទី១២ ខែឧសភា ឆ្នាំ២០១៦នេះ ដើម្បីចូលទស្សនាសារមន្ទីរព្រះនរោត្តមសីហនុអង្គរ។ ទទួលដំណើរទស្សនារបស់លោកនាយកប្រតិបត្តិនៅពេលនេះមាន ឯកឧត្តម ឈរ ថាណាត អគ្គនាយករងនៃអាជ្ញាធរជាតិអប្សរា លោក និន ចាន់សាមៀន ប្រធាននាយកដ្ឋានគ្រប់គ្រងព្រៃឈើ ទេសភាពវប្បធម៌ និងបរិស្ថាន លោក យិត ចាន់ដារដ្ឋ ប្រធានស្តីទីនៃនាយកដ្ឋានអភិវឌ្ឍន៍វប្បធម៌ សារមន្ទីរ និងបទដ្ឋានបេតិកភណ្ឌ និងមន្ត្រីមួយចំនួនទៀតនៃអាជ្ញាធរជាតិអប្សរា។
“ខ្ញុំមិនបានធ្វើរូបចម្លាក់ ឬវត្ថុអនុស្សាវរីយ៍ដែលអ្នកភូមិភាគច្រើនគេនិយមធ្វើនោះទេ។ ខ្ញុំតែងច្នៃប្រឌិតជារូបចម្លាក់ផ្សេងៗ ប្លែកៗខុសពីអ្នកដទៃ ទើបម៉ូយមកទិញរបស់ខ្ញុំជាហូរហែមិនសូវដាច់។ ជួនកាលខ្ញុំទៅឃើញចម្លាក់ ស្អាតៗគេតាំងលក់នៅតាមហាងធំៗ ខ្ញុំ​មកផ្ទះវិញក៏យកទម្រង់នោះមកច្នៃបន្ថែមចេញជារូបចម្លាក់ផ្សេងមួយទៀត”។ ទាំងនេះជាប្រសាសន៍រៀបរាប់របស់លោកពូ តាន់ សុខុន នៅភូមិរហាល សង្កាត់នគរធំ ដែលជាភូមិបុរាណមួយ នៅជាប់នឹងស្រះស្រង់នៃរមណីយដ្ឋានអង្គរ នាព្រឹកថ្ងៃទី៨ ខែមិថុនា ឆ្នាំ២០១៦នេះ។
បុណ្យទេសន៍ផ្តាច់កម្មពៀរ
( ថ្ងៃទី 11 ខែ មិថុនា ឆ្នាំ2016 )
នៅពេលដែលមានមនុស្សឈឺរ៉ាំរ៉ៃ ជាពិសេស ទាក់ទិននឹងជំងឺរបស់មនុស្សចាស់ ដែលគ្រប់គ្នាយល់ថា វាជារឿងធម្មជាតិរបស់មនុស្សមិនអាចជៀសផុត ដូនតាខ្មែរតែងមានកិច្ចពិធីមួយចំនួនទៀត ដើម្បីជួយអបស្ទបជីវិតរបស់ពួកគាត់។ ពិធីនោះសោតមានតូចមានធំ ទៅតាមលទ្ធភាពជាក់ស្តែងរបស់ក្រុមគ្រួសារនៃអ្នកជំងឺ។ គោលបំណងសំខាន់នៃពិធីគឺដើម្បីរំដោះកម្មពៀរ ឬថា ផ្តាច់កម្មពៀរផ្សេងៗ ហើយអាចជួយទ្រទ្រង់អាយុជីវិតរបស់អ្នកជំងឺនោះឲ្យបានយូរតទៅទៀត។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
6
ថ្ងៃនេះ
:
5071
ម្សិលមិញ
:
9740
សប្តាហ៍នេះ
:
90068
ខែនេះ
:
0034824
សរុប
:
013726278