NEWS

ថ្នាក់ដឹកនាំអាជ្ញាធរជាតិអប្សរាចូលរួមអបអរការប្រារព្ធខួបទី៤១ឆ្នាំនៃថ្ងៃ០៧ មករា ១៩៧៩

Published on 07 January 2020 12:50 PM Post By ៖ Apsara National Authority

មកដល់ពេលនេះ៤១ឆ្នាំហើយ (០៧ មករា ១៩៧៩-០៧ មករា ២០២០) ដែលប្រជាជនខ្មែរក្នុងព្រះរាជារាណាចក្រកម្ពុជាបានទទួលសុខសន្តិភាព សេរីភាព ការអភិវឌ្ឍគ្រប់វិស័យ ដែលកើតចេញពីការបូជាសាច់ឈាមនិងអាយុជីវិតរបស់អតីតយុទ្ធជននៅលើសមរភូមិសង្គ្រាមនៃរបបយង់ឃ្នង៣ឆ្នាំ ៨ខែ ២០ថ្ងៃ។

ជាសក្ខីភាពនៃសុខសន្តិភាពនិងការរស់រានជាថ្មី នៅព្រឹកថ្ងៃទី០៧ មករា ២០២០ នេះដែរ ឯកឧត្តម ហង់ ពៅ អគ្គនាយកអាជ្ញាធរជាតិអប្សរា បានដឹកនាំក្រុមការងារ ចូលរួមសម្តែងសេចក្តីគោរពដើម្បីរំឭកដល់វិញ្ញាណក្ខន្ធរបស់វីរៈយុទ្ធជនខ្មែរដែលបានពលីជីវិតដើម្បីបម្រើឱ្យបុព្វហេតុជាតិ មាតុភូមិ និងអាយុជីវិតរបស់មនុស្សខ្មែរគ្រប់រូប ដែលប្រារព្ធឡើងក្រោមអធិបតីភាពសម្តេចពិជ័យសេនា ទៀ បាញ់ ថ្នាក់ដឹកនាំខេត្តសៀមរាប និងប្រជាជនជាច្រើននាក់នៅវិមានរំឭកគុណវីរៈយុទ្ធជននិងប្រារព្ធអង្គមិទ្ទិញនៅមុខព្រះរាជដំណាក់។

កូនចៅខ្មែរមិនភ្លេចឡើយចំពោះគុណូបការៈរបស់បុព្វបុរសដែលបានបូជាជីវិតជូនជាតិនិងប្រជាជន ឱ្យបានស្គាល់សុខសន្តិភាពរហូតដល់សព្វថ្ងៃនេះ។ ជាក់ស្តែង ៤១ឆ្នាំដែលកើតចេញពីថ្ងៃ០៧ មករា ១៩៧៩ នាំឱ្យមានសុខសន្តិភាពនិងការអភិវឌ្ឍគ្រប់វ័យ។ ក្នុងនោះតំបន់អង្គរក៏បានទទួលនូវការអភិរក្សនិងការបណ្តុះបណ្តាលធនធានមនុស្ស កិច្ចសហប្រតិបត្តិការអន្តរជាតិក្នុងការសង្គ្រោះអង្គរឱ្យរួចផុតពីហានិភ័យផងដែរ។

សូមឧទ្ទិសឱ្យថ្ងៃ០៧ មករា ជាថ្ងៃចងចាំពីការរស់រានជាថ្មីរបស់ជនជាតិខ្មែរ និងជាថ្ងៃដឹងគុណដល់វីរៈយុទ្ធជនដែលបានលះបង់ជីវិតសង្គ្រោះជាតិឱ្យផុតពីភ្លើងសង្គ្រាម ព្រមទាំងជាថ្ងៃដែលនាំមកនូវសន្តិភាព ការអភិវឌ្ឍ និងអភិរក្សដល់ប្រទេសជាតិ ប្រជាជនខ្មែរ និងតំបន់អង្គរឱ្យកាន់តែប្រសើរឡើង៕









































ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ទ្រង់បានបំពេញព្រះរាជបេសកកម្មប្រកបដោយភាពជោគជ័យលើទឹកដីនៃអតីតរាជធានីនៃអាណាចក្រខ្មែរ។ កាលពីថ្ងៃទី២៤ ខែឧសភា ឆ្នាំ២០១៦កន្លងទៅនេះ នាព្រះលានជល់ដំរីនៃទីក្រុងអង្គរធំដែលជាអតីតរាជធានីដ៏ឧត្តុង្គឧត្តមនាកំឡុងសតវត្សទី៩ដល់ទី១៥ បច្ចុប្បន្នស្ថិតក្នុងរមណីយដ្ឋានអង្គរ ព្រះអង្គបានយាងជាព្រះរាជាធិបតីដ៏ខ្ពង់ខ្ពស់បំផុត ក្នុងព្រះរាជពិធីច្រត់ព្រះនង្គ័ល។ ព្រះរាជបេសកកម្មបន្ទាប់គឺ ព្រះអង្គទ្រង់យាងទៅបំពេញព្រះរាជទស្សនកិច្ចនៅតំបន់ប្រាសាទកោះកេរដែលក៏ជាអតីតរាជធានីក្នុងកំឡុងដើមសតវត្សទី១០ បច្ចុប្បន្នស្ថិតក្នុងខេត្តព្រះវិហារ ដើម្បីបួងសួងដល់ព្រះវិញ្ញាណក្ខន្ធអតីតព្រះមហាក្សត្រខ្មែរគ្រប់ជំនាន់ ដើម្បីប្រទានក្តីសុខដល់ប្រជានុរាស្ត្រទូទាំងនគរនៃព្រះរាជាណាចក្រកម្ពុជា។
ព្រះរាជពិធីច្រត់ព្រះនង្គ័លឆ្នាំនេះ ត្រូវបានរៀបចំឡើងនៅលើទឹកដីសៀមរាបអង្គរ នៅមុខព្រះលានជល់ដំរី នាព្រឹកថ្ងៃទី២៤ ខែឧសភា ឆ្នាំ២០១៦ ត្រូវនឹងថ្ងៃ៤រោច ខែពិសាខ ពុទ្ធសករាជ ២៥៦០ ក្រោមព្រះរាជាធិបតីភាពដ៏ខ្ពង់ខ្ពស់បំផុត នៃ ព្រះករុណាព្រះបាទសម្តេចព្រះបរមនាថនរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ដោយមានការចូលរួមពីថ្នាក់ដឹកនាំ និងប្រជាពលរដ្ឋយ៉ាងច្រើនកុះករ។
ដើម្បីអបអរសាទរព្រះរាជពិធីច្រត់ព្រះនង្គ័ល ដែលប្រារព្ធឡើងនៅក្នុងបរិវេណមុខព្រះលានជល់ដំរី ក្រោមព្រះរាជាធិបតីភាពដ៏ខ្ពង់ខ្ពស់បំផុត នៃ ព្រះករុណាព្រះបាទសម្តេចព្រះបរមនាថនរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជានោះ អាជ្ញាធរជាតិអប្សរានឹងចែកទឹកជូនបងប្អូនប្រជាពលរដ្ឋ និងភ្ញៀវទេសចរទាំងអស់ ដែលមកទស្សនាកម្មវិធីរយៈពេល៤ថ្ងៃដោយមិនគិតថ្លៃ គឺចាប់ពីថ្ងៃទី២៣រហូតដល់ថ្ងៃទី២៦ ខែឧសភា ឆ្នាំ២០១៦។ ទីតាំងចែកចាយទឹកមានពីរកន្លែងស្ថិតនៅផ្នែកខាងជើង និងខាងត្បូងនៃព្រះលានជល់ដំរី ដែលជាទីតាំងប្រារព្ធពិធី។
អាជ្ញាធរជាតិអប្សរា តាមរយៈក្រុមការងារសហគមន៍ប្រចាំស្រុកបា្រសាទបាគង នាព្រឹកថ្ងៃទី២៣ ខែឧសភានេះ បាននាំយកអំណោយសង្គ្រោះបឋមរបស់ ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានអាជ្ញាធរជាតិអប្សរា ទៅជូនប្រជាពលរដ្ឋមួយគ្រួសារដែលមានអាសយដ្ឋាននៅភូមិកញ្ជរ ឃុំរលួស ដែលរងគ្រោះដោយត្រូវខ្យល់ព្យុះដួលរលំផ្ទះទាំងស្រុង កាលពីដើមខែឧសភាកន្លងទៅ។
ក្រុមអ្នកជំនាញផ្នែកគ្រប់គ្រងទឹកនៃអាជ្ញាធរជាតិអប្សរាកំពុងរៀបចំប្រព័ន្ធទឹក ដោយបង្កប់ទុយោដាក់តាមបណ្តោយផ្លូវចូលពីខ្លោងទ្វារចូលទៅកសិណនៃប្រាសាទបន្ទាយស្រី។ ការរៀបចំប្រព័ន្ធទឹកនេះ គឺដើម្បីបញ្ជូនទឹកកុំឲ្យដក់នៅយូរពេលភ្លៀងធ្លាក់ម្តងៗ និងដើម្បីលើកតម្លៃទេសភាពវប្បធម៌នៃប្រាសាទ ជាពិសេស គឺសម្រួលដល់ការធ្វើដំណើររបស់ភ្ញៀវទេសចរក្នុងរដូវភ្លៀង។

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
5
Today
:
1467
Yesterday
:
1988
This Week
:
12270
This Month
:
0007474
Total
:
010595572