NEWS

ភ្ញៀវទេសចរច្រើនកុះករទស្សនារមណីយដ្ឋានអង្គរនាឱកាសបុណ្យចូលឆ្នាំសកល

Published on 01 January 2020 12:16 PM Post By ៖ Apsara National Authority
វត្តមានភ្ញៀវទេសចរជាតិ-អន្ដរជាតិជាច្រើនកុះករ បានមកទស្សនារមណីយដ្ឋានអង្គរនាឱកាសបុណ្យចូលឆ្នាំសកល ២០១៩-២០២០។ នៅតាមប្រាសាទមួយចំនួនក្នុងរមណីយដ្ឋានអង្គរ ពិសេសប្រាសាទអង្គរវត្ត គឺភ្ញៀវទេសចរបានបង្ហាញនូវស្នាមញញឹម ភាពសប្បាយរីករាយជាលក្ខណៈគ្រួសារ ក្នុងឱកាសនៃដំណើរកម្សាន្តសម្រាប់ថ្ងៃឈប់សម្រាករបស់ពួកគេ៕

សូមទស្សនាទិដ្ឋភាពភ្ញៀវទេសចរដើរទស្សនានៅតាមប្រាសាទក្នុងរមណីយដ្ឋានអង្គរដូចតទៅ















រដូវប្រាំងចូលមកដល់ បានធ្វើឱ្យស្មៅនិងរុក្ខជាតិមួយចំនួនក្រៀមស្វិតស្រពោននៅក្នុងតំបន់រមណីយដ្ឋានអង្គរ ប៉ុន្តែទោះជាយ៉ាងណា ក៏អាជ្ញាធរជាតិអប្សរាបានប្រឹងប្រែងថែទាំស្រោចស្រពស្មៅនៅតាមសួនកសិន្ធុប្រាសាទអង្គរវត្តឱ្យនៅតែមានពណ៌បៃតង។ ក្នុងនោះដែរ ចំពោះវាលស្មៅនៅក្នុងបរិវេណប្រាសាទអង្គរវត្ត ក៏អាជ្ញាធរជាតិអប្សរា កំពុងរៀបចំប្រព័ន្ធស្រោចស្រពវាលស្មៅទាំងនោះផងដែរ។
រហាត់ទឹកអង្គរដែលមានអាយុកាលតាំងពីទស្សវត្សរ៍ទី៦០ ស្ថិតក្នុងទីតាំងសួនបណ្តុះកូនឈើប្រាសាទតាកែវ ត្រូវបានជួសជុលដោយអ្នកជំនាញអាជ្ញាធរជាតិអប្សរា កាលពីខែកញ្ញា ឆ្នាំ២០១៩ ក្រោមជំនួយថវិការបស់លោកជំទាវឧកញ៉ាមហាឧបាសិកា កិត្តិបណ្ឌិត សៀង ចាន់ហេង អគ្គនាយិកាក្រុមហ៊ុន ហេងអភិវឌ្ឍន៍ នឹងត្រូវបញ្ចប់ការជួសជុលក្នុងពេលឆាប់ៗ ហើយដាក់សម្ពោធឱ្យប្រើប្រាស់ជាផ្លូវការ នៅខែមេសា ឆ្នាំ២០២០ខាងមុខ។
ខ្លោងទ្វារតាកាវ ជាខ្លោងទ្វារមួយក្នុងចំណោមខ្លោងទ្វារទាំង៥នៃក្រុងអង្គរធំ ដែលស្ថិតនៅទិសខាងលិចនៃប្រាសាទបាយ័ន្ត។ ដោយសារអាយុកាល អាកាសធាតុ សង្គ្រាម កង្វះការថែទាំ និងការដុះដាលនៃដើមឈើ បណ្តាលឱ្យរូបចម្លាក់បង្កាន់ដៃយក្សនិងទេវតាជាច្រើនដួលរលំ ហើយក៏បានធ្វើឱ្យរចនាសម្ពន្ធរបស់ខ្លោងទ្វារមួយភាគធំ ពិសេសរូបដំរីទាំង៤បានរងនូវការខូចខាតជាខ្លាំង ដែលតម្រូវឱ្យមានការជួសជុលដើម្បីសង្គ្រោះនិងអភិរក្ស។
១៖ ភ្ញៀវទេសចរបន្តដើរទស្សនានៅរមណីយដ្ឋានអង្គរ
នៅព្រឹកថ្ងៃទី១០ ខែមីនា ឆ្នាំ២០២០ ដំណើរទេសចរណ៍របស់ភ្ញៀវទេសចរ នៅតែមានជាប្រក្រតីក្នុងរមណីយដ្ឋានអង្គរ។ យើងឃើញថា ភ្ញៀវទេសចរទាំងនោះ ហាក់មានការយល់ដឹង ការថែទាំសុខភាព និងមិនមានការភ័យខ្លាច ក្នុងដំណើរកម្សាន្តមកកាន់តំបន់រមណីយដ្ឋានអង្គរ ក៏ដូចជាខេត្តសៀមរាបឡើយ។
យោងតាមរបាយការណ៍នៅក្នុងឆ្នាំ២០១៩ ក្រុមការងារលេខាធិការដ្ឋានសហគមន៍ទាំង៥ក្រុមនៃអាជ្ញាធរជាតិអប្សរាបានបន្តការងារចុះពិនិត្យចំនួន២៨៦៧ គ្រួសារ ក្នុងនោះក្រុមការងារបានអនុញ្ញាតឱ្យមានការជួសជុលកែលម្អលំនៅដ្ឋាននិងសាងសង់សំណង់ស្រាលតូចតាចបានចំនួន១៧៩៩គ្រួសារ ក្នុងតំបន់រមណីយដ្ឋានបេតិកភណ្ឌពិភពលោកអង្គរ។

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
4
Today
:
0256
Yesterday
:
1988
This Week
:
11059
This Month
:
0006263
Total
:
010594361