ព័ត៌មានថ្មីៗ

កម្មវិធីបណ្ដុះគំនិតកុមារថែរក្សាបរិស្ថានអង្គរសម្រាប់ឆ្នាំ២០១៩-២០២០បានចាប់ផ្តើមដំណើរការហើយ!

បានផ្សាយនៅ ថ្ងៃទី 24 ខែ ធ្នូ ឆ្នាំ2019 09:43 AM ដោយ ៖ អាជ្ញាធរជាតិអប្សរា

អង្គភាពប្រព័ន្ធគ្រប់គ្រងបរិស្ថានអង្គរនៃអាជ្ញាធរជាតិអប្សរា បានខិតខំប្រឹងប្រែងដើម្បី បណ្តុះគំនិតកុមារឱ្យយល់ដឹង ភ្ញាក់រឭក និងចេះស្រឡាញ់ថែរក្សាការពារសម្បត្តិវប្បធម៌ សម្បត្តិធម្មជាតិ នៃតំបន់អង្គរដើម្បីឈានទៅរស់នៅក្នុងសង្គមប្រកបដោយសុខមាលភាព សុខដុមរម្យនារវាងបរិស្ថានស្អាត សង្គមវប្បធម៌ និងសង្គមរស់នៅរបស់មនុស្សក្នុងតំបន់អង្គរទាំងមូល។

ក្នុងគោលបំណងថែរក្សាការពារសម្បត្តិវប្បធម៌ សម្បត្តិធម្មជាតិ ទំនៀមទម្លាប់ល្អ សង្គមសីលធម៌ក្នុងតំបន់ រក្សាអភិវឌ្ឍន៍ស៊ីចង្វាក់គ្នារវាង (ធម្មជាតិ ប្រាសាទ និងអ្នកស្រុក) ពោលគឺរវាង (បរិស្ថាន វប្បធម៌ និងសហគមន៍) បណ្ដុះគំនិតថ្មី ទម្លាប់ថ្មីដល់កុមារដើម្បីឱ្យកុមារមានទេពកោសល្យ ចេះគិតដោយខ្លួនឯង និងចេះដោះស្រាយបញ្ហាប្រឈមមុខដោយខ្លួនឯង។

ដោយឡែកសម្រាប់ឆ្នាំទី២ កម្មវិធីបណ្ដុះគំនិតកុមារថែរក្សាបរិស្ថានអង្គរ ដែលអនុវត្តចាប់ពីខែធ្នូ ឆ្នាំ២០១៩ រហូតដល់ ខែឧសភា ឆ្នាំ២០២០ មានរយៈពេល៦ខែក្នុង១ឆ្នាំ តាមរយៈអង្គភាពប្រព័ន្ធគ្រប់គ្រងបរិស្ថានអង្គរនៃអាជ្ញាធរជាតិអប្សរាសហការជាមួយមន្ទីរអប់រំ យុវជន និងកីឡា ខេត្តសៀមរាប ស្ថាប័នធានាគុណភាពជប៉ុន(JQA) និងសាកលវិទ្យាល័យSophiaនៃប្រទេសជប៉ុន អប់រំបរិស្ថានកុមារចំនួន៣៨៨នាក់ មកពីសាលាបឋមសិក្សាចំនួន៣ រួមមាន សាលាបឋមសិក្សាគោកគ្រឿល សាលាបឋមសិក្សាដូនឪ និងសាលាបឋមសិក្សាត្រពាំងស្វាយ។

ចំពោះគ្រូបង្គោល គឺជាគ្រូទទួលបន្ទុកថ្នាក់ទី៤ ទី៥ និងទី៦ ចំនួន១២នាក់មកពីសាលាបឋមសិក្សាទាំង៣ខាងលើ ទទួលបានការអប់រំបណ្តុះបណ្តាលពីអ្នកជំនាញនៃអាជ្ញាធរជាតិអប្សរា ស្ថាប័នជប៉ុនJAQ និងសាកលវិទ្យាល័យ Sophia។ រីឯកម្មវិធីបណ្តុះបណ្តាលបែងចែកកុមារជាក្រុមៗដើម្បីឲ្យកុមារចេះដឹកនាំក្រុមធ្វើការងារតាមប្រធានបទរបស់ក្រុមរៀងៗខ្លួន។ ផ្ដល់ឱ្យកុមារនូវគំនិតបរិស្ថានដែលកើតចេញពីសកម្មភាពប្រចាំថ្ងៃរបស់ខ្លួន និងរបស់អ្នកដទៃ រួចជំរុញឱ្យកុមារអនុវត្តតាមវិធីមួយដែលជាគំនិតគោលនៃស្តង់ដារអន្តរជាតិ ISO 14001 ដាក់ជាស្នូលនៃការអប់រំនេះ ពោលគឺក្បួន PDCA (Plan - Do - Check - Act មានន័យថា គិត - ធ្វើ - តាមដាន - ពិនិត្យឡើងវិញ)។ បង្កើតល្បែងកម្សាន្ត កញ្ច្រែងបរិស្ថាន សម្រាប់ឱ្យកុមារលេងក្រោយពីហត់នឿយការងាររៀនសូត្រ។ បង្ហាញសកម្មភាពថែរក្សាបរិស្ថានដោយក្រុមកុមារ និងផ្តល់សម្ភារសិក្សាមួយចំនួនដល់សិស្សានុសិស្សផងដែរ។

នាពេលអនាគតកម្មវិធីបណ្ដុះគំនិតកុមារថែរក្សាបរិស្ថានអង្គរ នឹងផ្ទេរការងារអប់រំនេះទៅសាលាបឋមសិក្សាទាំង៣ខាងលើ និងមន្ទីរអប់រំ យុវជន និងកីឡាក្នុងខេត្តសៀមរាប សម្រាប់អនុវត្តបន្ត។ ជាពិសេសគ្រូបង្គោលទាំងអស់ត្រូវបន្តបង្ហាត់បង្រៀនកុមារក្រោយៗទៀត និងបន្តពង្រីកទៅសាលាផ្សេងៗទៀត ដោយជំរុញឱ្យសាលាទាំង៣ខាងលើ ធ្វើជាស្នូលសម្រាប់ការអនុវត្តន៍ ណែនាំដល់គ្រូ និងសាលានានាក្នុងតំបន់អង្គរទាំងមូល។

ការអប់រំបរិស្ថានសម្រាប់កុមារ ជាមធ្យោបាយមួយជួយឱ្យកុមារដែលជាអ្នកស្នងដំណរទៅជំនាន់ក្រោយយល់ដឹងអំពីសម្បត្តិវប្បធម៌ និងបរិស្ថាននៅជុំវិញខ្លួនគេ ចាប់អារម្មណ៍ទៅលើការថែរក្សា ការពារសម្បត្តិទាំងនេះ ដោយបណ្ដុះទម្លាប់ថ្មីសម្រាប់កុមារឱ្យមានលទ្ធភាពដោះស្រាយឆ្លើយតបទៅនឹងបញ្ហាថ្មីដែលកើតមាននៅក្នុងតំបន់របស់ខ្លួន។

ម្យ៉ាងទៀត ការរក្សាការពារសម្បត្តិវប្បធម៌ សម្បត្តិធម្មជាតិ ទំនៀមទម្លាប់ល្អ សង្គមសីលធម៌ ជាផ្លូវតែមួយឆ្ពោះទៅរកការរីកចម្រើនជូនតំបន់អង្គរជាប់ជាអង្វែងតទៅ៕
















រូបភាព និងអត្ថបទ៖ លោក អ៊ុន មុណីនីតា
ក្រុមអភិរក្សនិងជួសជុលវត្ថុសិល្បៈ (I.T.A.L.I.A) នៃនាយកដ្ឋានអភិរក្សប្រាសាទក្នុងឧទ្យានអង្គរ និងបុរាណវិទ្យាបង្ការ នៃអាជ្ញាធរជាតិអប្សរា បានប្រគល់វត្ថុសិល្បៈចំនួន៤០ប្រភេទ ដែលក្នុងនោះមានលោហៈចំនួន៣៦ និងកុលាលភាជន៍ចំនួន៤ ពីមន្ទីរពិសោធន៍នៃក្រុមអភិរក្សនិងជួសជុលវត្ថុសិល្បៈ (I.T.A.L.I.A) នៅក្នុងអភិរក្សដ្ឋានអង្គរ ជូនទៅវត្តរាជបូព៌វិញ។
អាជ្ញាធរជាតិអប្សរា សូមសម្ដែងនូវការអបអរសាទរជាមួយរាជរដ្ឋាភិបាលកម្ពុជា ក៏ដូចជាក្រសួងទេសចរណ៍ក្នុងឱកាសដែល កម្ពុជាត្រូវបានចាត់ទុកជាគោលដៅទេសចរណ៍បេតិកភណ្ឌអន្ដរជាតិល្អបំផុត (Best Destination-Heritage International) ដែលផ្តល់ដោយសមាគមអ្នកសរសេរអំពីការធ្វើដំណើរក្នុងតំបន់ប៉ាស៊ីហ្វិក (Pacific Area Travel Writers Association-PATWA)។
នាព្រឹកថ្ងៃទី១២ ខែមិនា ឆ្នាំ២០២០ ឯកឧត្តម ហង់ ពៅ អគ្គនាយកអាជ្ញាធរជាតិអប្សរា អមដំណើរដោយអគ្គនាយករង ប្រធាននាយកដ្ឋាន និងសហការីជំនាញ បានចុះពិនិត្យកិច្ចការអភិរក្សនិងការអភិវឌ្ឍនៅក្នុងនិងក្រៅបរិវេណប្រាសាទអង្គរវត្ត។
នៅមជ្ឈមណ្ឌលបណ្តុះបណ្តាលអង្គរ នាថ្ងៃទី១១ ខែមិនា ឆ្នាំ២០២០ បានរៀបចំពិធីបញ្ចប់វគ្គបណ្តុះបណ្តាលគ្រូបង្គោលអប់រំបេតិកភណ្ឌដល់សិក្ខាកាមចំនួន២២នាក់ មពីនាយកដ្ឋានជំនាញចំនួន៨ រួមមានមាន៖ នាយកដ្ឋានអភិវឌ្ឍន៍ទេសចរណ៍អង្គ រដ្ឋបាលនិងបុគ្គលិក អភិវឌ្ឍន៍វប្បធម៌ សារមន្ទីរ និងបទដ្ឋានបេតិកភណ្ឌ អភិវឌ្ឍន៍កសិកម្មនិងសហគមន៍ អភិរក្សប្រាសាទក្រៅឧទ្យានអង្គរ គម្រោងអភិវឌ្ឍន៍ភូមិធម្មជាតិរុនតាឯក ផ្សព្វផ្សាយ និងមជ្ឈមណ្ឌលបណ្តុះបណ្តាលអង្គរ ក្រោមអធិបតីភាពឯកឧត្តម គឹម សុធិន អគ្គនាយករងអាជ្ញាធរជាតិអប្សរា។
អាជ្ញាធរជាតិអប្សរាកំពុងមមាញឹករៀបចំកែលម្អប្រព័ន្ធរំដោះទឹកភ្លៀង ទេសភាពបៃតង សណ្ដាប់ធ្នាប់សាធារណៈមុខបរិវេណប្រាសាទអង្គរវត្តដែលកិច្ចការទាំងនេះផ្តោតទៅលើការបញ្ជៀសការដក់ទឹកក្នុងរដូវវស្សា ការពង្រីកវាលស្មៅបៃតង ការដាំកូនឈើប្រណិត ការរៀបចំអ្នកលក់ដូរចល័ត ការរៀបចំឲ្យចូលទៅចតក្នុងទីតាំងចំណត និងបញ្ឈប់ការចតឬឈប់រថយន្តឬរម៉កកង់បីក្រៅទីតាំងចំណត។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
10
ថ្ងៃនេះ
:
1400
ម្សិលមិញ
:
1988
សប្តាហ៍នេះ
:
12203
ខែនេះ
:
0007407
សរុប
:
010595505