NEWS

ការទល់ទ្រប្រាសាទបុរាណជាកិច្ចការចាំបាច់សម្រាប់ការងារអភិរក្ស

Published on 24 November 2019 11:10 AM Post By ៖ Apsara National Authority

ដោយសារកត្តាធម្មជាតិ ភ្លៀង ខ្យល់ កម្តៅថ្ងៃ រុក្ខជាតិ និងអាយុកាលនៃថ្មបានធ្វើឱ្យប្រាសាទបុរាណជាច្រើនបាក់បែក ដួលរលំ និងមានតម្រូវខ្ពស់ឱ្យក្នុងការទល់ទ្រឬជួសជុលឡើងវិញដើម្បីអភិរក្សសំណង់ប្រាសាទបុរាណទាំងនោះបានទាន់ពេលវេលា។ ឆ្លើយតបនឹងបញ្ហានេះ អាជ្ញាធរអប្សរាបានបង្កើតកម្មវិធីបណ្តុះបណ្តាលជាច្រើនដើម្បីអភិវឌ្ឍន៍ធនធានមនុស្សជាអ្នកបន្តវេននាពេលអនាគត។

ជាក់ស្តែងវគ្គបណ្តុះបណ្តាលអំពីការទល់ទ្រសំណង់ប្រាសាទបុរាណ បានបង្ហាត់បង្រៀនសិក្ខាកាមឲ្យយល់ដឹងថាការទល់ទ្រទ្រល់គ្រាន់តែជាសកម្មភាពបណ្តោះអាសន្ន ប៉ុន្តែចាំបាច់ត្រូវតែធ្វើបន្ទាន់ដើម្បីបង្ការគ្រោះថ្នាក់ដល់ប្រាសាទ អ្នកទស្សនាប្រាសាទ ឬកន្លែងណាដែលមានហានិភ័យខ្ពស់ និងរក្សាទ្រង់ទ្រាយដើមប្រាសាទឱ្យនៅដដែល និងសម្រួលដល់កិច្ចការជួសជុលនាពេលអនាគត។

ចំពោះវិធីសាស្ត្រនៃការទល់ទ្រវិញមានចំនួន២ប្រភេទគឺទល់ទ្រដោយឈើ និង ទល់ទ្រដោយបេតុង ដោយអ្នកជំនាញត្រូវសិក្សាលើមូលហេតុមួយចំនួនដែលធ្វើឱ្យប្រាសាទខូចទ្រង់ទ្រាយ ពិនិត្យមើលលើកម្លាំងនិងទម្ងន់សង្កត់ សិក្សាលើសម្ភារនិងបច្ចេកទេសទល់ទ្រតាមរូបមន្តវ៉ិចទ័រ ព្រមទាំងត្រូវរចនាការទល់ទ្រឱ្យសមស្របទៅតាមទម្ងន់ ជៀសវាងគ្រោះថ្នាក់ឬរំខានដល់ភ្ញៀវទេសចរ។

លោក អៀន ធី សិក្ខាកាមមកពីក្រុមអភិរក្សថ្ម បានលើកឡើងថា ខ្ញុំបានសិក្សាស្វែងយល់ច្រើនអំពីរបៀបបច្ចេកទេសនៃការទល់ទ្រថ្ម ការថែទាំថ្ម សម្ភារៈសម្រាប់ប្រើប្រាស់ តើត្រូវធ្វើរបៀបម៉េចដើម្បីទល់ថ្មឱ្យជាប់។ វគ្គសិក្សានេះពិតជាមានប្រយោជន៍ច្រើនសម្រាប់ខ្ញុំ ព្រោះវាជាជំនាញថ្មីមួយទៀតក្រៅពីជំនាញអភិរក្សថ្មដែលខ្ញុំមាន។ ខ្ញុំនឹងយកជំនាញនេះទៅបង្ហាត់បង្រៀនកូនក្រុមរបស់ខ្ញុំឱ្យចេះពីរបៀបទល់ទ្រថ្មសម្រាប់កិច្ចការអភិរក្សប្រាសាទដ៏វែងឆ្ងាយនៅក្នុងតំបន់អង្គរ។

សូមបញ្ជាក់ថា ការបណ្តុះបណ្តាលធនធានមនុស្សសម្រាប់បន្តវេនទៅអនាគតគឺជាកិច្ចការអទិភាពដ៏ចម្បងមួយរបស់អាជ្ញាធរជាតិអប្សរានាពេលបច្ចុប្បន្ន ហើយអាជ្ញាធរជាតិអប្សរាតែងតែធ្វើការបណ្តុះបណ្តាលអ្នកជំនាញជាតិទាំងការអនុវត្តផ្ទាល់និងទ្រឹស្ដី។ ទន្ទឹមនេះ អាជ្ញាធរជាតិអប្សរាក៏តែងតែសហការជាមួយដៃគូ អន្តរជាតិអញ្ជើញអ្នកជំនាញបរទេសផ្សេងៗ ដែលមានបទពិសោធន៍ ចំណេះដឹងខ្ពស់ទៅលើការងារអភិរក្ស អភិវឌ្ឍន៍ទេសចរណ៍ ក៏ដូចជាការងារអភិវឌ្ឍសង្គម ដើម្បីធ្វើការបណ្តុះបណ្តាលអ្នកជំនាញជាតិឲ្យកាន់តែមានមានចំណេះដឹងនិងចំណេះធ្វើទូលំទូលាយ។

តាមរយៈការបណ្តុះបណ្តាលនេះ អាជ្ញាធរជាតិអប្សរាក៏កំពុងក្លាយជាស្ថាប័ននាំមុខគេអំពីការបណ្តុះបណ្តាលក្នុងបណ្តាប្រទេសអាស៊ានលើផ្នែកអភិរក្សបេតិកភណ្ឌ ជាពិសេសទៅលើការអភិរក្សថ្មនិងប្រាសាទបុរាណ៕












អត្ថបទ៖ កញ្ញា ឆាយ ផាន់នី
រូបភាព៖ លោក ហាប់ គឹមអាន
នៅព្រឹកថ្ងៃទី១២ ខែសីហា ឆ្នាំ២០២០ នៅស្នាក់ការអាជ្ញាធរជាតិអប្សរា បានរៀបចំសិក្ខាសាលាផ្ទៃក្នុងស្ដីពី «ប្រព័ន្ធគ្រប់គ្រងបរិស្ថានអង្គរ»។ សិក្ខាសាលានេះមានគោលបំណងផ្សព្វផ្សាយសៀវភៅប្រើប្រាស់ប្រព័ន្ធគ្រប់គ្រងបរិស្ថាន-អង្គរ ស្វែងយល់ និងចូលរួមការពារបរិស្ថានក្នុងតំបន់អង្គរ។
នាព្រឹកថ្ងៃទី១២ ខែសីហា ឆ្នាំ២០២០ ឯកឧត្តម ហង់ ពៅ អគ្គនាយកអាជ្ញាធរជាតិអប្សរា បានដឹកនាំកិច្ចប្រជុំជាមួយភ្នាក់ងារទេសចរណ៍នៃនាយកដ្ឋានអភិវឌ្ឍន៍ទេសចរណ៍អង្គរ ដើម្បីពិនិត្យមើលការវិវត្តនៃការងារទូទៅ ក៏ដូចជាស្វែងយល់ពីផលលំបាកនិងបញ្ហាប្រឈមនានាដែលក្រុមការងារភ្នាក់ងារទេសចរណ៍តែងជួបប្រទះជាប្រចាំ។
ក្នុងគោលបំណងស្ដារគម្របព្រៃឈើក្នុងតំបន់ការពាររមណីយដ្ឋានបេតិកភណ្ឌពិភពលោកអង្គរឲ្យកាន់តែច្រើនឡើង និងបំផុសស្មារតីឲ្យមានការចូលរួមរបស់ប្រជាពលរដ្ឋអំពីកិច្ចការបរិស្ថាន។ ក្នុងន័យនេះ ចាប់ពីខែមិថុនាមកដល់បច្ចុប្បន្ន គឺមានរយៈពេលជាង២ខែមកហើយដែលអាជ្ញាធរជាតិអប្សរា បានចែកកូនឈើជាង៧ម៉ឺនដើមដល់អង្គភាពរដ្ឋ អង្គការ សហគមន៍ សាលារៀន វត្តអារាម វិស័យឯកជន និងសាធារណជនទូទៅដែលបានដាក់ពាក្យស្នើសុំយកទៅដាំនៅតាមតំបន់ផ្សេងៗទាំងក្នុងខេត្តសៀមរាប និងខេត្តមួយចំនួនក្នុងប្រទេសកម្ពុជា។
អាជ្ញាធរជាតិអប្សរា បានបន្តចែកជូនកូនឈើដល់សាធារណជនជិតឆ្ងាយ ដើម្បីយកទៅដាំក្នុងបំណងបង្កើនគម្របព្រៃឈើឡើងវិញនៅក្នុងប្រទេសកម្ពុជា។ នៅថ្ងៃទី៧ និងទី៨ ខែសីហា ឆ្នាំ២០២០ កូនឈើចំនួន ៤,៦២០ដើមទៀត បានចែកជូនដល់សាធារណជនក្នុងខេត្តសៀមរាប ខេត្តបន្ទាយមានជ័យ និងខេត្តតាកែវ។
សេចក្ដីគោរពជូនសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា
ក្នុងឱកាសដ៏សែនមហានក្ខត្តឫក្សថ្លៃថ្លានៃខួបកំណើតគម្រប់ ៦៨ឆ្នាំ ឈានចូល៦៩ឆ្នាំ នាថ្ងៃទី ០៥ ខែសីហា ឆ្នាំ២០២០នេះ តាងនាមថ្នាក់ដឹកនាំ និងមន្ត្រីរាជការគ្រប់លំដាប់ថ្នាក់នៃអាជ្ញាធរជាតិអប្សរា និងក្នុងនាមខ្ញុំផ្ទាល់ ខ្ញុំបាទសូមសម្ដែងនូវមនោសញ្ចេតនារីករាយឥតឧបមា និងសេចក្ដីគោរពស្រលាញ់ដ៏ជ្រាលជ្រៅបំផុត ព្រមទាំងសូមគោរពជូនពរ បវរមហាប្រសើរជូន សម្ដេចតេជោនាយករដ្ឋមន្ត្រី ជាទីគោរពដ៏ខ្ពង់ខ្ពស់ សូមមានជន្មាយុយឺនយូរមានសុខុមាលភាពល្អបរិបូរណ៍ បញ្ញាញាណភ្លឺថ្លា ដើម្បីដឹកនាំរាជរដ្ឋាភិបាល និងប្រទេសជាតិទទួលជោគជ័យដ៏ត្រចះត្រចង់ថ្មីៗថែមទៀត ជាពិសេសវឌ្ឍនភាព និងកិត្យានុភាពល្បីរន្ទឺលើឆាកអន្តរជាតិ
FirstPrev12345...337338NextLast

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
9
Today
:
2159
Yesterday
:
6412
This Week
:
20300
This Month
:
0247164
Total
:
012072795