NEWS

អាជ្ញាធរជាតិអប្សរារៀបចំពិធីបណ្តែតប្រទីប សំពះព្រះខែ និងអកអំបុក នៅទីក្រុងអង្គរធំនៃរមណីយដ្ឋានអង្គរ

Published on 05 November 2019 08:56 AM Post By ៖ Apsara National Authority
ដើម្បីអបអរសាទរពិធីបុណ្យឯករាជ្យជាតិ៩វិច្ឆិកា និងព្រះរាជពិធីបុណ្យអុំទូក បណ្តែតប្រទីប សំពះព្រះខែ និងអកអំបុកដែលជាបុណ្យប្រពៃណីជាតិរបស់ប្រជាជនខ្មែរ អាជ្ញាធរជាតិអប្សរាសហការជាមួយវិស័យឯកជន នឹងរៀបចំពិធីទទួលទានអំបុកខ្មែរ ការពារជាតិ សាសនា ព្រះមហាក្សត្រ និងបណ្តែតប្រទីប សំពះព្រះខែនិងអកអំបុក ចាប់ពីថ្ងៃសៅ ១៣កើត រហូតដល់ថ្ងៃទីអង្គារ ១រោច ខែកត្តិក ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី០៩ ដល់ថ្ងៃទី១២ ខែវិច្ឆិកា ឆ្នាំ២០១៩ នៅបរិវេណព្រះលានជល់ដំរី ក្រុងអង្គរធំនៃរមណីយដ្ឋានអង្គរ។

កម្មវិធីនេះ រៀបចំឡើងក្នុងគោលបំណងចូលរួមបង្ហាញពីសុខសន្តិភាព ការគោរពស្រឡាញ់ជាតិ សាសនា ព្រះមហាក្សត្រ និងថ្នាក់ដឹកនាំ ដោយមានការចូលរួមពីព្រះសង្ឃក្នុងនិងក្រៅប្រទេសជាង៥០០អង្គ និងពុទ្ធបរិស័ទជិតឆ្ងាយជាងពីរពាន់នាក់ ដើម្បីផ្សព្វផ្សាយអំពីវប្បធម៌ ប្រពៃណីនិងទំនៀមទម្លាប់របស់ជនជាតិខ្មែរទៅតាមរដូវកាល។ ជាពិសេស កម្មវិធីនេះនឹងមានការរៀបចំពិធីសាសនាមួយចំនួន ព្រមទាំងសកម្មភាពជាក់ស្តែងជាច្រើនពាក់ព័ន្ធនឹងការច្រូតស្រូវ ដាល់អំបុក បណ្តែតប្រទីប សំពះព្រះខែ និងអកអំបុក។

នៅក្នុងកម្មវិធីនេះដែរ ក៏មានការសម្តែងសិល្បៈល្ខោនបុរាណខ្មែរចំនួន២រាត្រី គឺនៅរាត្រីថ្ងៃអាទិត្យ ១៤កើត រហូតដល់ថ្ងៃចន្ទ ១៥កើត ខែកត្តិក ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី១០ដល់ថ្ងៃទី១១ ខែវិច្ឆិកា ឆ្នាំ២០១៩។ ដោយឡែក នៅព្រឹកថ្ងៃអង្គារ ១រោច ខែកត្តិក ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី១២ ខែវិច្ឆិកា ឆ្នាំ២០១៩ នឹងមានរៀបចំពិធីរាប់បាត្រជាកិច្ចបញ្ចប់។

អាស្រ័យហេតុនេះ អាជ្ញាធរជាតិអប្សរា ក៏សូមគោរពអញ្ជើញសាធារណៈជន ភ្ញៀវទេសចរជាតិ និងអន្តរជាតិចូលរួមក្នុងពិធីទទួលទានអំបុករួមគ្នាដើម្បីអបអរការស្រឡាញ់សុខសន្តិភាពនិងចូលរួមជាមួយសកម្មភាពជាក់ស្តែង និងទស្សនាសិល្បៈល្ខោនបុរាណខ្មែរឱ្យបានច្រើនកុះករ៕




អត្ថបទ៖ កញ្ញា ហ៊ីង ស្រីរ័ត្ន
ក្នុងរយៈពេលជាងមួយខែនៃយុទ្ធនាការដាំ និងចែកចាយកូនឈើក្នុងរដូវវស្សាឆ្នាំ២០២០នេះ អាជ្ញាធរជាតិអប្សរា បានចែកចាយកូនឈើគ្រប់ប្រភេទដូចជា គ្រញូង ធ្នង់ បេង ច្រេស ឈើទាល គគីរ កកោះ រំដួល គុយ សិរមាន់ ផ្កាក្ងោក ផ្កាឥន្ទនេលជាដើម ជូនដល់ស្ថាប័នរដ្ឋ អង្គការ សហគមន៍ សាលារៀន វត្តអារាម វិស័យឯកជន និងសាធារណជនទូទៅបានចំនួនជិត៥មុឺនដើម ដើម្បីចូលរួមជាមួយរាជរដ្ឋាភិបាលក្នុងការស្តារ និងបង្កើនគម្របព្រៃឈើឲ្យប្រសើរឡើងវិញ ទាំងក្នុងតំបន់សៀមរាប អង្គរ និងតាមបណ្តាខេត្តនានា។
នៅព្រឹកថ្ងៃទី១១ ខែកក្កដា ឆ្នាំ២០២០នេះ លោក ឡុង កុសល អ្នកនាំពាក្យអាជ្ញាធរជាតិអប្សរា និងជាប្រធាននាយកដ្ឋានផ្សព្វផ្សាយ បានដឹកនាំក្រុមការងារចូលរួមដាំកូនឈើឡើងវិញនៅបញ្ជាការដ្ឋានយោធភូមិភាគទី៤។ ពិធីប្រព្រឹត្តិទៅក្រោមអធិបតីភាព ឯកឧត្តមឧត្តមសេនីយឯក ពៅ ហេង មេបញ្ជាការដ្ឋានយោធភូមិភាគទី៤ ឯកឧត្តម នាក់ ណេរ៉ុន អភិបាលរងនៃគណៈអភិបាលខេត្តសៀមរាប តំណាងកងឯកភាពកំចាត់មីនទី៤ ព្រមទាំងមន្រ្តី បុគ្គលិកអាជ្ញាធរជាតិអប្សរា និងពលទាហានប្រមាណជាង៤០០នាក់។ កូនឈើដែលបានដាំនៅពេលនោះសរុបចំនួន ៥០០០ដើម មាន១៨ប្រភេទ ដែលជាការឧបត្ថម្ភដោយអាជ្ញាធរជាតិអប្សរា៕
១៖ លោកជំទាវ ភឿង សកុណា ចូលរួមកិច្ចប្រជុំអន្តរក្រសួងដើម្បីពិភាក្សាលើពង្រាងផែនការមេវិស័យទេសចរណ៍ខេត្តសៀមរាប ឆ្នាំ២០២០-២០៣៥
នៅថ្ងៃទី៨ ខែកក្កដា ឆ្នាំ២០២០ នៅសណ្ឋាគាររីជិនស៊ីអង្គរ លោកជំទាវ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ ឯកឧត្តម ថោង ខុន រដ្ឋមន្ត្រីក្រសួងទេសចរណ៍ ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន ឯកឧត្តម ទៀ សីហា អភិបាលនៃគណៈអភិបាលខេត្តសៀមរាប
ក្នុងគោលបំណងអភិវឌ្ឍន៍ហេដ្ឋារចនាសម្ពន្ធនិងសម្បទាទេសចរណ៍ ទេសភាព បរិស្ថាន ខាងលិចមុខប្រាសាទអង្គរវត្តឱ្យមានភាពល្អប្រសើរ និងលើកតម្លៃអង្គរឱ្យសមជាបេតិកភណ្ឌពិភពលោក អាជ្ញាធរជាតិអប្សរា ដោយមានការចូលរួមស្ម័គ្រចិត្តពីបងប្អូនអាជីវករ សំណង់ភោជនីយដ្ឋាន អាគាររដ្ឋ និងតូបលក់ដូរមួយចំនួនត្រូវបានរុះរើ។
តាមរបាយការណ៍នាយកដ្ឋានរៀបចំដែនដីនិងគ្រប់គ្រងលំនៅដ្ឋានក្នុងតំបន់អង្គរនៃអាជ្ញាធរជាតិអប្សរាឱ្យដឹងថា សប្តាហ៍ទី១ ខែកក្កដា ឆ្នាំ២០២០ ក្រុមការងារនៃនាយកដ្ឋានរៀបចំដែនដី និងគ្រប់គ្រងលំនៅដ្ឋានក្នុងឧទ្យានអង្គរប្រចាំច្រកទាំង៦របស់អាជ្ញាធរជាតិអប្សរា បានទទួលពាក្យ ស្នើសុំធ្វើលំនៅដ្ឋាននិងជួសជុលតិចតួចចំនួន៦៥ ករណី ក្នុងចំណោមសំណើទាំងនោះ។
FirstPrev12345...329330NextLast

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
6
Today
:
1458
Yesterday
:
3855
This Week
:
05313
This Month
:
0248052
Total
:
011710648