ព័ត៌មានថ្មីៗ

និស្សិតជប៉ុនចុះកម្មសិក្សាស្វែងយល់អំពីការងារគ្រប់គ្រងបេតិកភ័ណ្ឌពិភពលោកក្នុងតំបន់រមណីយដ្ឋានអង្គរ

បានផ្សាយនៅ ថ្ងៃទី 22 ខែ សីហា ឆ្នាំ2019 02:04 PM ដោយ ៖ អាជ្ញាធរជាតិអប្សរា
ក្រុមនិស្សិតមកពីសាកលវិទ្យាល័យចំនួន២របស់ជប៉ុន បានផ្តើមចុះកម្មសិក្សានៅរមណីយដ្ឋានអង្គររយៈពេល២សប្ដាហ៍ គឺពីថ្ងៃទី១៩ ដល់ថ្ងៃទី៣០ សីហា ឆ្នាំ២០១៩។ កម្មសិក្សានេះ ធ្វើឡើងក្រោមអនុស្សរណៈយោគយល់គ្នារវាងសាកលវិទ្យាល័យជប៉ុន និងអាជ្ញាធរជាតិអប្សរា ដែលបានធ្វើឡើងជាមួយសាកលវិទ្យាល័យ Kanazawa ពីឆ្នាំ២០១០មក រីឯសាកលវិទ្យាល័យ Komatsu ពីឆ្នាំ២០១៦ និងបានទទួលនិស្សិតឱ្យមកចុះធ្វើកម្មសិក្សានៅអាជ្ញាធរជាតិអប្សរាជារៀងរាល់ឆ្នាំ និងមាននាយកដ្ឋានគ្រប់គ្រងទឹកជាអ្នកទទួលបន្ទុកដឹកនាំនិស្សិតចុះធ្វើកម្មសិក្សានេះ។

នៅឆ្នាំ២០១៩នេះនិស្សិតដែលចុះកម្មសិក្សានៅពេលនេះសរុបមានចំនួន៦ (ស្រី៤រូប) ក្នុងនោះមកពីសាកលវិទ្យាល័យ Kanazawa ចំនួន៣រូប និងសាកលវិទ្យាល័យ Komatsu ចំនួន៣រូប រួមនិងមេក្រុមមួយរូប និងសាស្រ្ដាចារ្យដឹកនាំចំនួន២រូប សរុបចំនួន៩រូប។

គោលបំណងការចុះកម្មសិក្សារបស់និស្សិតជប៉ុន គឺឱ្យពួកគាត់បានសិក្សាស្វែងយល់ពីការងារគ្រប់គ្រងរមណីយដ្ឋានអង្គរ ដូចជាកិច្ចការអភិរក្ស ការគ្រប់គ្រងទឹក ការគ្រប់គ្រងធនធានធម្មជាតិ និងឱ្យស្វែងយល់ពីវប្បធម៌ ប្រពៃណី និងរបៀបរស់នៅរបស់អ្នកស្រុកក្នុងតំបន់អង្គរជាដើម។ល៕












អត្ថបទ៖ នាយកដ្ឋានផ្សព្វផ្សាយ      រូបភាព៖ នាយកដ្ឋានគ្រប់គ្រងទឹក
ក្រៅពីការយកចិត្តទុកដាក់លើការងារអភិរក្ស និងអភិវឌ្ឍន៍ប្រកបដោយចីរភាពក្នុងតំបន់រមណីយដ្ឋានអង្គរ ក្នុងនោះ អាជ្ញាធរជាតិអប្សរាក៏បានយកចិត្តទុកដាក់ជាប្រចាំចំពោះសុខទុក្ខបងប្អូនប្រជាពលរដ្ឋដែលរស់នៅក្នុងតំបន់រមណីយដ្ឋាននោះផងដែរ។ ជាក់ស្តែងក្រុមការងារសហគមន៍នៃអាជ្ញាធរជាតិអប្សរាប្រចាំស្រុកបន្ទាយស្រី ដឹកនាំដោយឯកឧត្តម ម៉ី ម៉ារ៉ាឌី ទីប្រឹក្សាអាជ្ញាធរជាតិអប្សរា ព្រមទាំងអាជ្ញាធរមូលដ្ឋាន បានចុះសាកសួរសុខទុក្ខប្រជាពលរដ្ឋ និងបាននាំយកអំណោយជាស័ង្គសីចំនួន២០សន្លឹក ទៅឧបត្ថម្ភជូនគ្រួសារទីទ័លក្រសម្រាប់ប្រក់ដំបូលរោងបាយនៅភូមិថ្នល់ទទឹង ឃុំព្រះដាក់ ស្រុកបន្ទាយស្រី ខេត្តសៀមរាប កាលពីព្រឹកថ្ងៃទី១៦ ខែមិថុនា ឆ្នាំ២០១៦ កន្លងទៅនេះ។
រសៀលថ្ងៃទី១៣ ខែមិថុនា ឆ្នាំ២០១៦កន្លងទៅនេះ មគ្គុទ្ទេសក៍ទេសចរណ៍ចំនួន២០រូប រួមទាំងមន្រ្តីអាជ្ញាធរជាតិអប្សរាផង បានចេញដំណើរទៅចូលរួមវគ្គបណ្តុះបណ្តាលរយៈពេលខ្លីនៅទីក្រុងម៉ាកាវនៃសាធារណរដ្ឋប្រជាមានិតចិន។
តំបន់អង្គរត្រូវបានអង្គការយូណេស្កូចុះក្នុងបញ្ជីបេតិកភណ្ឌពិភពលោកនៅឆ្នាំ១៩៩២ថា មានទំហំ៤០១គីឡូម៉ែត្រក្រឡា ប៉ុន្តែបើផ្អែកទៅលើសំណល់បុរាណវិទ្យានិងស្លាកស្នាមប្រវត្តិសាស្រ្តនៃអាណាចក្រខ្មែរ ឲ្យយើងដឹងថាអារ្យធម៌អង្គរមានវិសាលភាពដ៏ធំធេងហួសពីព្រំដែនកំណត់នៃប្រទេសកម្ពុជានាពេលបច្ចុប្បន្ន។
ជារៀងរាល់ថ្ងៃអាជ្ញាធរជាតិអប្សរាបានយកចិត្តទុកដាក់យ៉ាងខ្លាំងចំពោះការរស់នៅនិងសុខទុក្ខរបស់ប្រជាជនក្នុងតំបន់អង្គរតាមរយៈក្រុមការងារផ្សេងៗ ជាពិសេសក្រុមការងារសហគមន៍ ដែលបានជួយពួកគាត់ទាំងការប្រកបមុខរបរ បញ្ហាសុខភាព ការថែរក្សាទំនៀមទម្លាប់ដូនតា ការសង់លំនៅដ្ឋានរបស់ប្រជាជន និងទីជម្រកសព្វពាហនៈជាដើម។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
1
ថ្ងៃនេះ
:
1789
ម្សិលមិញ
:
1770
សប្តាហ៍នេះ
:
08355
ខែនេះ
:
0003559
សរុប
:
010591657