NEWS

សិស្សានុសិស្សសាលាបឋមសិក្សាស្រះស្រង់ទស្សនកិច្ចសិក្សានៅសិប្បកម្មអង្គរ(Artisans d’Angkor)

Published on 15 August 2019 04:02 PM Post By ៖ Apsara National Authority

តាមរយៈកម្មវិធីអប់រំបេតិកភណ្ឌកុមារតំបន់អង្គរ កុមារសាលាបឋមសិក្សាស្រះស្រង់ប្រមាណ៧០នាក់ចុះទស្សនសិក្សាស្វែងយល់បន្ថែមអំពីចង្វាក់ផលិតកម្មចម្លាក់ឈើ ចម្លាក់ថ្មកែវ ថ្មភក់ ចម្លាក់ស្ពាន់ ចម្លាក់បិទមាស គំនូរលើសូត្រ លើក្តារ កុលាលភាជន៍ និងតម្បាញសូត្រដែលធ្វើដោយដៃនៅសិប្បកម្មអង្គរ ហៅកាត់ថា (Artisans d’Angkor) ដើម្បីឱ្យកុមារយល់ដឹងដំណើរការផលិតវត្ថុសិល្បៈ ដែលជាផ្នែកមួយបញ្រ្ជាបចំណេះដឹងឱ្យកុមារចូលរួមថែរក្សា និងលើកតម្លៃសម្បត្តិបេតិកភណ្ឌ។

កម្មវិធីនេះជាផ្នែកមួយក្នុងកម្មវិធីអប់រំបេតិកភណ្ឌសម្រាប់អប់រំដល់កុមារដែលបានផ្តល់ចំណេះដឹងជាមូលដ្ឋានអំពីបេតិកភណ្ឌ សិក្សាទ្រឹស្តីក្នុងថ្នាក់ និងចុះសិក្សាតាមរមណីយដ្ឋាននានា ដឹកនាំដោយក្រុមការងារអប់រំបេតិកភណ្ឌ សហការជាមួយអាជ្ញាធរជាតិអប្សរា និងអង្គការគាំពារកេរមរតក កាលពីថ្ងៃទី១៥ ខែសីហា ឆ្នាំ២០១៩។

លោកស្រី ដួង សុភាព នាយកគ្រប់គ្រងធនធានមនុស្សនៃក្រុមហ៊ុនចម្រុះសិប្បកម្មអង្គរ ឱ្យដឹងថា នេះជាលើកទីមួយហើយដែលកុមារបានមកធ្វើទស្សនកិច្ចសិក្សា កត្តានេះពិតជាសំខាន់ណាស់អាចបញ្រ្ជាបចំណេះដឹងពាក់ព័ន្ធនឹងសម្បត្តិបេតិភណ្ឌដល់កុមារ ដោយហេតុថាសិប្បកម្មអង្គរជាកន្លែងផលិតវត្ថុអនុស្សាវរីយ៍ហើយវត្ថុសិល្បៈទាំងនោះដកស្រង់ប្រវត្តិសាស្រ្ត ប្រាង្គប្រាសាទនានា និងបរិស្ថាន។ អ្នកស្រីបញ្ចាក់ថា ក្រៅពីទស្សនាតាមប្រាសាទនានាអង្គរ នៅទីនេះក៏ជាកន្លែងសំខាន់សម្រាប់ភ្ញៀវដែលចង់មកឃើញសកម្មភាពពិតៗរបស់សិប្បករបានបញ្ចេញនូវស្នាដៃ ធ្វើដោយដៃ បង្ហាញថាខ្មែរយើងមានសមត្ថភាពដូចដូនតាសាងអង្គរវត្តដែរ។ លោកស្រីស្វាគមន៍ជានិច្ចគ្រប់ជាតិសាសន៍ដែលចង់មកទស្សនា ជាពិសេសកូនខ្មែរដែលចង់ស្វែងយល់ពីសិប្បកម្មផលិតដោយដៃ និងដោយស្នាដៃកូនខ្មែរជំនាន់ថ្មី។

លោក ខៀវ ច័ន្ទ ជាគ្រូបណ្តុះបណ្តាលក្នុងកម្មវិធីអប់រំបេតិកភណ្ឌ លើកឡើងថា ឆ្នាំនេះមានអាទិភាពពិសេសដែលភាគីសិប្បកម្មអង្គរ និងជាសប្បុរសជនមួយក្នុងខេត្តសៀមរាបបានអនុញ្ញាតសិស្សមកទស្សនកិច្ចសិក្សា ប្រការនេះដូចបានតម្រង់ទិសដល់កុមារទៅថ្ងៃអនាគត ក្នុងករណីសិស្សណាម្នាក់គ្នានលទ្ធភាពបន្តការសិក្សាពួកគាត់អាចចាប់យកជំនាញណាមួយដែលខ្លួនពេញចិត្ត។

លោកបន្តថា អ្វីដែលសំខាន់នោះធ្វើឱ្យកុមារមកឃើញទិដ្ឋភាពនៃរោងជាង ការដាប់ឆ្លាក់តាំងពីជំហានដំបូងរហូតដល់ចប់ទទួលបានផលិតផលសម្រេច។ លោកជឿជាក់ថា កុមារពិតជាយល់តម្លៃរូបនីមួយៗ ថាមុននឹងបានរូបមួយៗគេត្រូវចំណាយអ្វីខ្លះ កត្តានេះអាចធ្វើឱ្យកុមារចេះគិត កាត់បន្ថយការបំផ្លាញដោយចេតនា ឬអចេតនាពេលទៅទស្សនាប្រាសាទ និងចូលរួមថែរក្សាសម្បត្តិបេតិកភណ្ឌទាំងលើដី និងក្រោមដី៕
















អត្ថបទ៖ លោក យី សុថា រូបភាព៖ លោក យី សុថា
នៅព្រឹកថ្ងៃទី២៩ ខែកញ្ញា ឆ្នាំ២០២០នេះ អគ្គនាយកអាជ្ញាធរជាតិអប្សរា ដែលអមដំណើរដោយលោក គ្រីស្ដុហ្វ ហ្សីហ្កូដូ (CHRISTOPHE GIGAUDAUT) ទីប្រឹក្សាសហប្រតិបត្តិការ និងកិច្ចការវប្បធម៌ នៃស្ថានទូតបារាំងប្រចាំកម្ពុជា បានធ្វើទស្សនកិច្ចទៅកាន់ការដ្ឋានជួសជុលប្រាសាទមេបុណ្យខាងលិច ដើម្បីស្វែងយល់ពីការងារទូទៅ។ នេះជាទស្សនកិច្ចដំបូងរបស់សហប្រធានភាគីបារាំង ខណៈដែលលោកទើបនឹងចូលមកជំនួសការងារពីអតីតសហប្រធានចាស់ ដែលចប់អាណត្តិ។
ដើម្បីឲ្យសោភ័ណភាពបានប្រសើរឡើងវិញនៅក្នុងឧទ្យានអង្គរ និងតំបន់ដែលគ្រប់គ្រងដោយអាជ្ញាធរជាតិអប្សរា នាយកដ្ឋានគ្រប់គ្រងព្រៃឈើ ទេសភាពវប្បធម៌ និងបរិស្ថាន បានធ្វើការកាត់សម្អាតដើមឈើដែលដួលរលំដោយសារភ្លៀង និងខ្យល់កន្ទ្រាក់ក្នុងរដូវវស្សាឆ្នាំនេះបានចំនួន៩៧ដើម ដែលដើមឈើទាំងនោះមានមុខកាត់ពី១០ស.ម ដល់៧០ស.ម និងស្ថិតនៅតាមទីតាំងផ្សេងៗគ្នាដូចជា៖
បច្ចុប្បន្នបរិវេណមុខប្រាសាទអង្គរវត្ត បានចាប់ផ្តើមប្រែមុខមាត់ថ្មីជាបណ្ដើរៗស័ក្ដិសមជារមណីយដ្ឋានបេតិកភណ្ឌពិភពលោកដែលមានភាពទាក់ទាញដ៏អស្ចារ្យ ដោយលោកអ្នកអាចឃើញនូវទស្សនីយភាពថ្មី ប្លែកភ្នែក ពេលមកទស្សនាប្រាសាទអង្គរវត្ត ក្រោយពីតំបន់នេះមានការអភិវឌ្ឍជាបន្តបន្ទាប់ពីសំណាក់អាជ្ញាធរជាតិអប្សរា។
១ ព្រះមហាវិមលធម្ម សិរីសុវណ្ណោ ពិន សែម បំផុសគំនិតឱ្យពលរដ្ឋខ្មែរដាំដើមព្នៅឡើងវិញ
នារសៀលថ្ងៃទី២២ ខែកញ្ញា ឆ្នាំ២០២០ ព្រះមហាវិមលធម្ម សិរីសុវណ្ណោ ពិន សែម រាជាគណៈថ្នាក់ទោ និងជាឧត្តមទីប្រឹក្សាគណៈសង្ឃនាយក នៃព្រះរាជាណាចក្រកម្ពុជា និងជាព្រះចៅអធិការវត្ត រាជបូណ៌ បានដឹកនាំព្រះសង្ឃប្រមាណ៦០អង្គ ដាំដើមព្នៅចំនួន៨៤ដើម នៅបរិវេណកសិន្ធុខាងជើងនៃប្រាសាទអង្គរវត្ត។ ព្រះអង្គមានសង្ឃដីកាថា ដើមព្នៅមានសារប្រយោជន៍ដ៏អស្ចារ្យ ដែលប្រជាពលរដ្ឋខ្មែរត្រូវដឹង និងចូលរួមដាំឡើងវិញកុំឱ្យបាត់បង់ គឺថាដើមព្នៅជារុក្ខជាតិដ៏ខ្ពង់ខ្ពស់ក្នុងសាសនាព្រាហ្មណ៍ ជារុក្ខជាតិរបស់ព្រះសិវៈ និងជាឱសថព្យាបាលរោគផង។
ព្នៅ ជាប្រភេទរុក្ខជាតិបុរាណខ្មែរ ហើយមានសារប្រយោជន៍ច្រើនមុខ ទាំងសម្រាប់បរិភោគ និងជាឱសថផង លើសពីនេះ វាជារុក្ខជាតិដែលត្រូវបានលើកតម្កើងទាំងពិធីសាសនា និងកិច្ចពិធីផ្សេងៗក្នុងសាសនាព្រាហ្មណ៍។ ដោយយល់ពីសារប្រយោជន៍ ក៏ដូចជាដើម្បីអភិរក្សពូជដើមព្នៅកុំឱ្យបាត់បង់ អាជ្ញាធរជាតិអប្សរា មានគម្រោងរៀបចំជាចម្ការព្នៅ ដោយដាំពូជព្នៅចម្រុះនៅក្នុងតំបន់រមណីយដ្ឋានអង្គរ ក៏ដូចជាសម្រាប់ទុកឱ្យអ្នកជំនាន់ក្រោយៗបានស្គាល់ផង។

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
8
Today
:
0959
Yesterday
:
9096
This Week
:
50710
This Month
:
0145389
Total
:
012914821