NEWS

សិស្សានុសិស្សសាលាបឋមសិក្សាស្រះស្រង់ទស្សនកិច្ចសិក្សានៅសិប្បកម្មអង្គរ(Artisans d’Angkor)

Published on 15 August 2019 04:02 PM Post By ៖ Apsara National Authority

តាមរយៈកម្មវិធីអប់រំបេតិកភណ្ឌកុមារតំបន់អង្គរ កុមារសាលាបឋមសិក្សាស្រះស្រង់ប្រមាណ៧០នាក់ចុះទស្សនសិក្សាស្វែងយល់បន្ថែមអំពីចង្វាក់ផលិតកម្មចម្លាក់ឈើ ចម្លាក់ថ្មកែវ ថ្មភក់ ចម្លាក់ស្ពាន់ ចម្លាក់បិទមាស គំនូរលើសូត្រ លើក្តារ កុលាលភាជន៍ និងតម្បាញសូត្រដែលធ្វើដោយដៃនៅសិប្បកម្មអង្គរ ហៅកាត់ថា (Artisans d’Angkor) ដើម្បីឱ្យកុមារយល់ដឹងដំណើរការផលិតវត្ថុសិល្បៈ ដែលជាផ្នែកមួយបញ្រ្ជាបចំណេះដឹងឱ្យកុមារចូលរួមថែរក្សា និងលើកតម្លៃសម្បត្តិបេតិកភណ្ឌ។

កម្មវិធីនេះជាផ្នែកមួយក្នុងកម្មវិធីអប់រំបេតិកភណ្ឌសម្រាប់អប់រំដល់កុមារដែលបានផ្តល់ចំណេះដឹងជាមូលដ្ឋានអំពីបេតិកភណ្ឌ សិក្សាទ្រឹស្តីក្នុងថ្នាក់ និងចុះសិក្សាតាមរមណីយដ្ឋាននានា ដឹកនាំដោយក្រុមការងារអប់រំបេតិកភណ្ឌ សហការជាមួយអាជ្ញាធរជាតិអប្សរា និងអង្គការគាំពារកេរមរតក កាលពីថ្ងៃទី១៥ ខែសីហា ឆ្នាំ២០១៩។

លោកស្រី ដួង សុភាព នាយកគ្រប់គ្រងធនធានមនុស្សនៃក្រុមហ៊ុនចម្រុះសិប្បកម្មអង្គរ ឱ្យដឹងថា នេះជាលើកទីមួយហើយដែលកុមារបានមកធ្វើទស្សនកិច្ចសិក្សា កត្តានេះពិតជាសំខាន់ណាស់អាចបញ្រ្ជាបចំណេះដឹងពាក់ព័ន្ធនឹងសម្បត្តិបេតិភណ្ឌដល់កុមារ ដោយហេតុថាសិប្បកម្មអង្គរជាកន្លែងផលិតវត្ថុអនុស្សាវរីយ៍ហើយវត្ថុសិល្បៈទាំងនោះដកស្រង់ប្រវត្តិសាស្រ្ត ប្រាង្គប្រាសាទនានា និងបរិស្ថាន។ អ្នកស្រីបញ្ចាក់ថា ក្រៅពីទស្សនាតាមប្រាសាទនានាអង្គរ នៅទីនេះក៏ជាកន្លែងសំខាន់សម្រាប់ភ្ញៀវដែលចង់មកឃើញសកម្មភាពពិតៗរបស់សិប្បករបានបញ្ចេញនូវស្នាដៃ ធ្វើដោយដៃ បង្ហាញថាខ្មែរយើងមានសមត្ថភាពដូចដូនតាសាងអង្គរវត្តដែរ។ លោកស្រីស្វាគមន៍ជានិច្ចគ្រប់ជាតិសាសន៍ដែលចង់មកទស្សនា ជាពិសេសកូនខ្មែរដែលចង់ស្វែងយល់ពីសិប្បកម្មផលិតដោយដៃ និងដោយស្នាដៃកូនខ្មែរជំនាន់ថ្មី។

លោក ខៀវ ច័ន្ទ ជាគ្រូបណ្តុះបណ្តាលក្នុងកម្មវិធីអប់រំបេតិកភណ្ឌ លើកឡើងថា ឆ្នាំនេះមានអាទិភាពពិសេសដែលភាគីសិប្បកម្មអង្គរ និងជាសប្បុរសជនមួយក្នុងខេត្តសៀមរាបបានអនុញ្ញាតសិស្សមកទស្សនកិច្ចសិក្សា ប្រការនេះដូចបានតម្រង់ទិសដល់កុមារទៅថ្ងៃអនាគត ក្នុងករណីសិស្សណាម្នាក់គ្នានលទ្ធភាពបន្តការសិក្សាពួកគាត់អាចចាប់យកជំនាញណាមួយដែលខ្លួនពេញចិត្ត។

លោកបន្តថា អ្វីដែលសំខាន់នោះធ្វើឱ្យកុមារមកឃើញទិដ្ឋភាពនៃរោងជាង ការដាប់ឆ្លាក់តាំងពីជំហានដំបូងរហូតដល់ចប់ទទួលបានផលិតផលសម្រេច។ លោកជឿជាក់ថា កុមារពិតជាយល់តម្លៃរូបនីមួយៗ ថាមុននឹងបានរូបមួយៗគេត្រូវចំណាយអ្វីខ្លះ កត្តានេះអាចធ្វើឱ្យកុមារចេះគិត កាត់បន្ថយការបំផ្លាញដោយចេតនា ឬអចេតនាពេលទៅទស្សនាប្រាសាទ និងចូលរួមថែរក្សាសម្បត្តិបេតិកភណ្ឌទាំងលើដី និងក្រោមដី៕
















អត្ថបទ៖ លោក យី សុថា រូបភាព៖ លោក យី សុថា
ក្នុងបំណងស្ដារគម្របព្រៃឈើឡើងវិញក្នុងប្រទេសកម្ពុជា អាជ្ញាធរជាតិអប្សរាបានបន្តចែកចាយកូនឈើចំនួន ៣,២៤០បន្ថែមទៀត ដល់សាធារណជនយកទៅដាំដុះតាមតំបន់នានាក្នុងប្រទេសកម្ពុជា។ កូនឈើដែលបានផ្តល់ជូន និងចែកចាយចាប់ពីថ្ងៃទី២៧ ដល់ថ្ងៃទី២៩ ខែសីហា រួមមាន៖
នៅក្នុងសប្តាហ៍ទី៤ នៃខែសីហា ឆ្នាំ២០២០នេះ ក្រុមការងារជំនាញនៃនាយកដ្ឋានរៀបចំដែនដី និងគ្រប់គ្រងលំនៅដ្ឋានក្នុងឧទ្យានអង្គរដែលទទួលបន្ទុក ចុះពិនិត្យដល់ទីតាំងស្នើសុំជាក់ស្តែង ដើម្បីពិនិត្យមើលលក្ខខណ្ឌនៃការរស់នៅ និងប្រើប្រាស់ទីតាំងស្នើសុំរបស់ប្រជាពលរដ្ឋបាន២២ករណីរួមមាន៖
ក្រោយដំណើរការជួសជុលអស់រយៈពេល៤ឆ្នាំកន្លងមក ក្រោមកិច្ចសហការរវាងសាកលវិទ្យាល័យសូហ្វីយ៉ាប្រទេសជប៉ុននិងអាជ្ញាធរជាតិអប្សរា បានសម្រេចកិច្ចការជាច្រើនក្នុងការអភិរក្សស្ពាននេះ។ ជាការបង្ហាញពីសមិទ្ធផលដែលសម្រេចបាននៅក្នុងដំណាក់កាលទី១នេះ អ្នកជំនាញអាជ្ញាធរជាតិអប្សរាចំនួន៤រូប គឺលោក អន សុភាព លោក ម៉ៅ សុខនី លោក ឈុន សំបូរ និងលោកសាស្ត្រាចារ្យ អ៊ឹម សុខរិទ្ធី នឹងរួមគ្នាធ្វើបទបង្ហាញអំពី «ការស្រាវជ្រាវថ្មីៗនៅក្នុងតំបន់អង្គរ» ក្រោមប្រធានបទ «វឌ្ឍនភាពនៃការជួសជុលស្ពានហាលអង្គរ» នៅថ្ងៃទី០៣ ខែកញ្ញា ឆ្នាំ២០២០ នាវេលាម៉ោង៩:០០នាទីព្រឹក ដល់ម៉ោង១២:០០នាទីថ្ងៃត្រង់ នៅសាលសន្និសីទអង្គរនៃមជ្ឈមណ្ឌលអាជ្ញាធរជាតិអប្សរា។
១៖ គម្រោងផលិតឯកសារវីដេអូ «អង្គរ និងលើសពីនេះ» បានចាប់ផ្តើម
ក្រោមកិច្ចសហប្រតិបត្តិការរវាងអាជ្ញាធរជាតិអប្សរា និងសារព័ត៌មានថ្មីៗ ការផលិតឯកសារវីដេអូ ស្ដីពីតំបន់រមណីយដ្ឋានអង្គរ ក្នុងគម្រោង «អង្គរ និងលើសពីនេះ» បានចាប់ផ្តើមដំណើរការហើយ។ កម្មវិធីនេះ នឹងបន្តចុះមកផលិតឯកសារវីដេអូជាបន្តបន្ទាប់ ជុំវិញរឿងរ៉ាងទាក់ទងនឹងតំបន់រមណីយដ្ឋានអង្គរ។
លោក ឡុង កុសល អ្នកនាំពាក្យអាជ្ញាធរជាតិអប្សរា មានប្រសាសន៍នៅថ្ងៃទី២៨ ខែសីហា ឆ្នាំ២០២០អំពីការអភិវឌ្ឍនៅបរិវេណខាងលិចប្រាសាទអង្គរវត្តថា៖ ចាប់ពីថ្ងៃនេះទៅ បរិវេណខាងលិចប្រាសាទអង្គរវត្តទាំងស្រុង នឹងប្រែក្លាយរូបរាងទៅជាទិដ្ឋភាពមួយកាន់តែមានសម្រស់ស្រស់ស្អាតជាមួយនឹងភាពបៃតងនៃដើមឈើ វាលស្មៅ និងផ្កាចម្រុះពណ៌។ សូមកុំភ្លេចមកលេងអង្គរវត្ត! មកម្តងនេះ ភ្ញៀវទេសចរពិតជាប្លែកភ្នែកនឹងភាពស្រស់ស្អាតត្រជាក់ចិត្តមិនខាន!»

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
5
Today
:
1621
Yesterday
:
5965
This Week
:
07586
This Month
:
0250261
Total
:
012757850