ព័ត៌មានថ្មីៗ

អាជ្ញាធរជាតិអប្សរាបញ្ឈប់ការធ្វើសំណង់ខុសគោលការណ៍អនុញ្ញាត

បានផ្សាយនៅ ថ្ងៃទី 15 ខែ សីហា ឆ្នាំ2019 02:53 PM ដោយ ៖ អាជ្ញាធរជាតិអប្សរា
ម្ចាស់សំណង់ឈ្មោះ ក្រួច ចាន់ ភេទប្រុស អាយុ ៣៧ឆ្នាំ នៅភូមិខ្នាត ឃុំខ្នាត ស្រុកពួក ខេត្តសៀមរាប ត្រូវបានក្រុមការងារនាយកដ្ឋានសណ្តាប់ធ្នាប់ និងសហប្រតិបត្តិការនៃអាជ្ញាធរជាតិអប្សរា បានចុះបញ្ឈប់សកម្មភាពការសាងសង់សំណង់ ដែលមានច្បាប់អនុញ្ញាតលេខ. ៦៦៤/១៩ សសរអញ ចុះថ្ងៃព្រហស្បតិ៍ ២រោច ខែអាសាឍ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១៨ ខែកក្កដាឆ្នាំ២០១៩។ មូលហេតុនៃការបញ្ឈប់នេះ គឺម្ចាស់សំណង់បានធ្វើខុសគោលការណ៍ច្បាប់អនុញ្ញាតដែលចេញដោយអាជ្ញាធរជាតិអប្សរា។

តាមលិខិតអនុញ្ញាត ប្រភេទប្លង់ផ្ទះដែលអាជ្ញាធរជាតិអប្សរាចេញច្បាប់អនុញ្ញាតជូន គឺជាប្រភេទសំណង់ដែលមានរចនាបថស្ថាបត្យកម្មខ្មែរបុរាណ ធ្វើអំពីឈើ ដំបូលប្រកក្បឿង ពណ៌ក្រហម សសរផ្ទះពីដីដល់រនូត ផ្ទះមានកម្ពស់ ២.៥០ម៉ែត្រ ប៉ុន្តែបែជាម្ចាស់សំណង់ បានសាងសង់ជាប្រភេទសំណង់ថ្មទៀម ដែលមានកម្ពស់ ៣.៥០ម៉ែត្រ ទៅវិញ។ ក្រុមការងារក៏បានធ្វើកំណត់ហេតុ និងកិច្ចសន្យាបញ្ឈប់សកម្មភាព ហើយក្នុងនោះ ម្ចាស់សំណង់ក៏ព្រមធ្វើការកែតម្រូវតាមគោលការណ៍អនុញ្ញាត ដែលក្រុមការងារបានណែនាំផងដែរ។

ការអនុញ្ញាតរបស់អាជ្ញាធរជាតិអប្សរា គឺផ្តោតទៅលើព្រះរាជក្រឹត្យលេខ០០១ នស សេចក្តីសម្រេចរបស់រាជរដ្ឋាភិបាលលេខ ៧០ សសរ ចុះថ្ងៃទី១៦ ខែវិច្ឆិកាឆ្នាំ២០០៤ ពាក្យស្នើសុំរបស់ឈ្មោះ ក្រូច ចាន់ ដើម្បីរុះរើផ្ទះចាស់ សង់ផ្ទះថ្មី ចាក់ដី ប្តូរទីតាំង ព្រមទាំងផ្អែកលើរបាយការណ៍របស់នាយកដ្ឋានរៀបចំដែនដី និងគ្រប់គ្រងតំបន់ឧទ្យានអង្គរថា ពិតជាមានផ្ទះចាស់ និងជាអ្នកស្រុកអង្គរពិតប្រាកដមែន។


















អត្ថបទ៖ ចិន សុីយ៉ាំង   រូបភាព៖នាយកដ្ឋានសណ្តាប់ធ្នាប់ និងសហប្រតិបត្តិការ
ច្រាំងកសិន្ធុអង្គរវត្ត ជ្រុងខាងជើងស្ពានហាលសរុបប្រវែង៩០ម៉ែត្រ ត្រូវបានអ្នកជំនាញអាជ្ញាធរជាតិអប្សរាឮ ជួសជុលសម្រេចបានក្នុងរយៈ៨ឆ្នាំកន្លងមកនេះ។
ក្នុងសន្និសីទអន្តរជាតិស្ដីពីទឹកនិងវប្បធម៌ក្រោមប្រធានបទ“ការសិក្សាអំពីបេតិកភណ្ឌទឹកដើម្បីការអភិវឌ្ឍប្រចាំតំបន់ប្រកបដោយភាពច្នៃប្រឌិត” លោកជំទាវ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ និងជាប្រធានអាជ្ញាធរជាតិអប្សរា បានធ្វើបទអន្តរាគមន៍ស្ដីពីវប្បធម៌ និងការគ្រប់គ្រងទឹកក្នុងរមណីយដ្ឋានអង្គរទទួលបានការ ចាប់អារម្មណ៍យ៉ាងខ្លាំងពីអង្គសន្និសីទទាំងមូល។
គម្រោងស្ថាបនាផ្លូវកៅស៊ូថ្មីនៅលើគន្លងផ្លូវដីក្រហមចាស់ដែលមានអាយុកាលតាំងពីឆ្នាំ១៩១២ ដែលមានទីតាំងនៅមុខបរិវេណប្រាសាទសួរព្រ័ត្រ ជំនួសការប្រើប្រាស់ផ្លូវកៅស៊ូបច្ចុប្បន្នមុខព្រះលានជល់ដំរី នឹងចាប់ផ្តើមដំណើរការសាងសង់នៅដើមខែកុម្ភៈ ឆ្នាំ២០២០ នេះ ដោយប្រើរយៈពេល០៥ខែ។
នៅខែមករា ឆ្នាំ២០២០នេះ អាជ្ញាធរជាតិអប្សរា បានផ្តល់ថវិកាបដិភាគក្នុងការសាងសង់បង្គន់អនាម័យជូនប្រជាពលរដ្ឋរស់នៅរមណីយដ្ឋានអង្គរបានចំនួន២៩ គ្រួសារ នៅភូមិត្មាតពង ឃុំរុនតាឯក ស្រុកបន្ទាយស្រី ខេត្តសៀមរាប។
ក្នុងឱកាសដឹកនាំគណៈប្រតិភូបំពេញការងារនៅទីក្រុងតូក្យូប្រទេសជប៉ុន នៅថ្ងៃទី៤ ខែកុម្ភៈ ឆ្នាំ២០២០ លោកជំទាវ ភឿង សកុណា រដ្ឋមន្រ្តីក្រសួងវប្បធម៌និងវិចិត្រសិល្បៈ និងជាប្រធានអាជ្ញាធរជាតិអប្សរាបានជួបសម្តែងការគួរសមនិងពិភាក្សាការងារជាមួយលោក Hiroyasu Ando ប្រធានស្ថាប័នមូលនិធិជប៉ុន (JAPAN FOUNDATION)។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
7
ថ្ងៃនេះ
:
12230
ម្សិលមិញ
:
19822
សប្តាហ៍នេះ
:
12230
ខែនេះ
:
0156672
សរុប
:
010112819