ព័ត៌មានថ្មីៗ

ប្រធានាធិបតីស្រីលង្កានិងលោកជំទាវទស្សនាប្រាសាទបាយ័ននិងអង្គរវត្ត

បានផ្សាយនៅ ថ្ងៃទី 09 ខែ សីហា ឆ្នាំ2019 10:25 PM ដោយ ៖ អាជ្ញាធរជាតិអប្សរា

នាឱកាសមកបំពេញទស្សនកិច្ចផ្លូវការក្នុងព្រះរាជាណាចក្រកម្ពុជារយៈពេល៤ថ្ងៃ នៅព្រឹកថ្ងៃទី៩ ខែសីហា ឆ្នាំ២០១៩នេះ ប្រធានាធិបតីស្រីលង្កា ឯកឧត្តម ម៉ៃទ្រីប៉ាឡា ស្រ៊ីសេនា (Maithripala Sirisena) និងលោកជំទាវ បានអញ្ជើញមកដល់ខេត្តសៀមរាបដើម្បីទស្សនាប្រាង្គប្រាសាទបុរាណខ្មែរ ដែលក្នុងនោះ ឯកឧត្តមប្រធានាធិបតីនិងលោកជំទាវ បានអញ្ជើញទៅទស្សនាប្រាសាទបាយ័ន និងប្រាសាទអង្គរវត្ត។

អមដំណើរអញ្ជើញទៅទស្សនាប្រាសាទបុរាណខ្មែរនៅពេលនោះរួមមាន សម្ដេចចៅហ្វាយវាំង គង់ សំអុល ឧបនាយករដ្ឋមន្រ្តី និងជារដ្ឋមន្រ្តីក្រសួងព្រះបរមរាជវាំង ឯកឧត្តម ខៀវ កាញារីទ្ធ រដ្ឋមន្រ្តីក្រសួងព័ត៌មាន ឯកឧត្តម ហង់ ពៅ អគ្គនាយកអាជ្ញាធរជាតិអប្សរា ថ្នាក់ដឹកនាំនៃគណៈអភិបាលខេត្តសៀមរាប ព្រមទាំងមន្រ្តីរាជការមួយចំនួនទៀត។

សូមទស្សនាទិដ្ឋភាពនៃការទស្សនារបស់ប្រធានាធិបតីស្រីលង្កានិងលោកជំទាវនៅប្រាសាទបាយ័ននិងប្រាសាទអង្គរវត្តដូចខាងក្រោមនេះ៖

























រូបភាព៖ អ៊ីសា រ៉ហ៊ីណី, ហ៊ុំ រិទ្ធី
ជណ្តើរឈើនៅរមណីយដ្ឋានក្បាលស្ពានដែលសាងសង់ឡើងកាលពីឆ្នាំ២០០៧ បានទទួលរងនូវការពុកផុយ ចាស់ទ្រុឌទ្រោមដោយសារអាយុកាល កម្តៅ និងទឹកភ្លៀងនោះ ពេលនេះត្រូវបានសាងសង់ថ្មីឡើងវិញនៅតាមទីតាំងចាស់ ដោយនាយកដ្ឋានអភិរក្សប្រាសាទក្រៅឧទ្យានអង្គរនៃអាជ្ញាធរជាតិអប្សរា ដើម្បីសម្រួលដល់ការធ្វើដំណើរឡើងចុះទៅទស្សនារមណីយដ្ឋានមួយនេះ។
ឯកឧត្តម យូ ហេនរី វ៉ាន់ ធីអូ (U Henry Van Thio) អនុប្រធានាធិបតីនៃសាធារណរដ្ឋសហព័ន្ធមីយ៉ាន់ម៉ាបានមកបំពេញទស្សនកិច្ចផ្លូវការនៅខេត្តសៀមរាបនាថ្ងៃទី២០ ខែវិច្ឆិកា ឆ្នាំ២០១៩។ ឯកឧត្តមបានមកដល់ព្រលានយន្តហោះអន្ដរជាតិខេត្តសៀមរាបនាម៉ោងប្រមាណ៩ព្រឹក ដោយមានការទទួលស្វាគមន៍យ៉ាងកក់ក្ដៅពីថ្នាក់ដឹកនាំខេត្តសៀមរាប ថ្នាក់ដឹកនាំអាជ្ញាធរជាតិអប្សរា ព្រមទាំងថ្នាក់ដឹកនាំនៃស្ថាប័នពាក់ព័ន្ធជាច្រើនរូបទៀត។
នាឱកាសដឹកនាំគណៈប្រតិភូកម្ពុជាចូលរួមកិច្ចប្រជុំមហាសន្និបាតទូទៅនៃអង្គការយូណេស្កូលើកទី៤០នៅទីក្រុងប៉ារីស ប្រទេសបារាំង លោកជំទាវ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ និងជាប្រធានអាជ្ញាធរជាតិអប្សរា ត្រូវបានផ្តល់កិត្តិយសដ៏ឧត្តុង្គឧត្តមអញ្ជើញចែករំលែកទស្សនទានក្នុងវេទិការដ្ឋមន្ត្រីក្រសួងវប្បធម៌អំពីវិស័យវប្បធម៌ក្នុងការអភិវឌ្ឍធនធានមនុស្សនិងគំនិតឆ្នៃប្រឌិត នៅថ្ងៃទី១៩ ខែវិច្ឆិកា ឆ្នាំ២០១៩។
នៅព្រឹកថ្ងៃទី១៩ ខែ វិច្ឆិកា ក្រុមការងារចម្រុះដែលមាននាយកដ្ឋានគ្រប់គ្រងព្រៃឈើ នាយកដ្ឋានគ្រប់គ្រងទឹក នាយកដ្ឋានគ្រប់គ្រងអន្ដរវិស័យ និងក្រុមសណ្ដាប់ធ្នាប់ប្រាសាទនៃនាយកដ្ឋានអភិវឌ្ឍន៍ទេសចរណ៍អង្គរ បានចុះពិនិត្យទីតាំងបរិវេណជុំវិញទ្វារទឹកសំពៅលូន ឬទំនប់ស្ទាក់ខ្សាច់ ដែលស្ថិតនៅខាងជើងកសិន្ធុអង្គរវត្ត ដើម្បីត្រៀមរៀបចំ កែលម្អ សោភ័ណភាព អនាម័យនៅទីតាំងនោះ។ ការងារនេះធ្វើឡើងបន្ទាប់ពីពិនិត្យឃើញថា ទីតាំងនេះ ត្រូវបានប្រជាពលរដ្ឋ អ្នកលក់ដូរ ប្រើប្រាស់សម្រាប់ការលក់ដូរយ៉ាងអាណាធិបតេយ្យ ដូចជាក្រាលកន្ទេល និងចងអង្រឹង សម្រាប់អង្គុយហូបអាហារ និងផឹកគ្រឿងស្រវឹង ដែលធ្វើឱ្យប៉ះពាល់ដល់រមណីយដ្ឋានអង្គរជាខ្លាំង។
សិក្ខាកាមចំនួន២០នាក់ មកពីគ្រប់នាយកដ្ឋានចំណុះនៃអាជ្ញាធរជាតិអប្សរា ទទួលការបណ្តុះ បណ្តាលស្តីអំពី «អ្នកបន្តវេនបច្ចេកទេសជួសជុល អភិរក្ស និងស្រាវជ្រាវ ប្រាសាទបុរាណ » ក្រោមអធិបតីភាពឯកឧត្តម គឹម សុធិន អគ្គនាយករងអាជ្ញាធរជាតិអប្សរា នៅមជ្ឃមណ្ឌលបណ្តុះបណ្តាលអង្គរនៃអាជ្ញាធរជាតិអប្សរា រយៈពេល១០ថ្ងៃ ចាប់ពីថ្ងៃទី១៩ ដល់ថ្ងៃទី២៩ ខែវិចិ្ឆកា ឆ្នាំ២០១៩។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
5
ថ្ងៃនេះ
:
6533
ម្សិលមិញ
:
15745
សប្តាហ៍នេះ
:
69031
ខែនេះ
:
0080212
សរុប
:
009548969