ព័ត៌មានថ្មីៗ

យុវជនស្ម័គ្រចិត្តបេតិកភណ្ឌពិភពលោក-យូណេស្កូ ២០១៩ ចំនួន៨ប្រទេសចុះកម្មសិក្សាស្វែងយល់អំពីកិច្ចការអភិរក្សនិងគ្រប់គ្រងតំបន់អង្គរ

បានផ្សាយនៅ ថ្ងៃទី 09 ខែ សីហា ឆ្នាំ2019 09:15 AM ដោយ ៖ អាជ្ញាធរជាតិអប្សរា

សម្រាប់ឆ្នាំ២០១៩ គឺជាលើកទី៣ហើយនៃកម្មវិធីយុវជនស្ម័គ្រចិត្តបេតិកភណ្ឌពិភពលោក-យូណេស្កូ នៅរមណីយដ្ឋានអង្គរ ដែលមានយុវជនចូលរួម១៨នាក់ មកពី៨ប្រទេស គឺកម្ពុជា កូរ៉េ បារាំង អូស្ត្រាលី កូឡុំប៊ី ប៊ុលហ្ការី ឥណ្ឌា និងចិន។ កម្មវិធីនេះមានរយៈពេល១៣ថ្ងៃ គឺចាប់ពីថ្ងៃទី៧ ដល់ថ្ងៃទី ១៩ ខែសីហា ឆ្នាំ២០១៩ ដើម្បីសិក្សានិងទទួលបទពិសោធន៍អំពីការងារអភិរក្សនិងគ្រប់គ្រងតំបន់បេតិកភណ្ឌពិភពលោកអង្គរពីអ្នកជំនាញអាជ្ញាធរជាតិអប្សរា។

ពិធីនេះបានបើកជាផ្លូវការនៅព្រឹកថ្ងៃទី៨ ខែសីហា ក្រោមវត្តមានឯកឧត្តម សុខ សង្វារ អគ្គនាយករងទទួលបន្ទុកនាយកដ្ឋានគ្រប់គ្រងទេសចរណ៍អង្គរ តំណាងឯកឧត្តម ហង់ ពៅ អគ្គនាយកអាជ្ញាធរជាតិអប្សរា លោក ម៉ី កុសល តំណាងអង្គការយូណេស្កូប្រចាំកម្ពុជា ឯកឧត្តម សំកុល សុចិត្រា អនុប្រធានសហភាពសហព័ន្ធយុវជនកម្ពុជាប្រចាំខេត្តសៀមរាប និងអ្នកស្រី Boram SHIN នាយកវិទ្យាស្ថានកូរ៉េ-អង្គរ ដើម្បីបេតិកភណ្ឌ (KACHI)។

មានមតិទៅកាន់កម្មវិធី អ្នកស្រី Boram SHIN បានឱ្យដឹងថា កម្មវិធីយុវជនស្ម័គ្រចិត្តដើម្បីបេតិកភណ្ឌយូណេស្កូឆ្នាំ២០១៩ បានរៀបចំឡើងដោយកិច្ចសហការរវាងអង្គការយូណេស្កូ អាជ្ញាធរជាតិអប្សរា សហភាពសហព័ន្ធយុវជនកម្ពុជា និងវិទ្យាស្ថានកូរ៉េ-អង្គរដើម្បីបេតិកភណ្ឌ។ កម្មវិធីនេះធ្វើឡើងក្នុងបំណងបង្កើនការយល់ដឹងនិងពង្រឹងការចូលរួមរបស់យុវជននៅថ្នាក់មូលដ្ឋាននិងពិភពលោកទាក់ទងនឹងការការពារបេតិកភណ្ឌវប្បធម៌និងបេតិកភណ្ឌធម្មជាតិ។

អ្នកស្រីបន្តទៀតថា សម្រាប់យុទ្ធនាការអ្នកស្ម័គ្រចិត្តបេតិកភណ្ឌពិភពលោកឆ្នាំ២០១៩ មានគម្រោងចំនួន៦៨ទាក់ទងនឹងបេតិកភណ្ឌចំនួន៦២ ក្នុងប្រទេសចំនួន៣៦ ហើយមានអង្គភាពយុវជនស្ម័គ្រចិត្តចំនួន៥៥ អាយុចន្លោះពី១៨ទៅ៣០ឆ្នាំ ដែលបានប្តេជ្ញាអនុវត្តសកម្មភាពឆ្ពោះទៅកាន់គោលដៅរួមនៃការអភិរក្សនិងផ្សព្វផ្សាយ។ អ្នកស្រីក៏បានសម្តែងការអរគុណដល់អាជ្ញាធរជាតិអប្សរា ស.ស.យ.ក.ខេត្តសៀមរាប និងអង្គការយូណេស្កូដែលគាំទ្រគម្រោងយុវជនស្ម័គ្រចិត្តបេតិកភណ្ឌពិភពលោកលើកទី៣ឱ្យដំណើរការបានយ៉ាងរលូន ហើយសង្ឃឹមថារយៈពេល២សប្តាហ៍នេះ នឹងធ្វើឱ្យសិក្ខាកាមទាំង១៧នាក់ទទួលបានបទពិសោធន៍និងការចងចាំដ៏ល្អពីអង្គរ។

ជួសមុខឱ្យថ្នាក់ដឹកនាំអាជ្ញាធរជាតិអប្សរា ឯកឧត្តម សុខ សង្វារ ក៏បានលើកឡើងពីគុណតម្លៃដ៏អស្ចារ្យនៃអង្គរ ដែលជាបុរាណដ្ឋានដ៏ធំមួយនៅក្នុងចំណោមបុរាណដ្ឋានល្បីៗលើពិភពលោក។ អង្គរ មានគម្រោងស្រាវជ្រាវជាច្រើនទាក់ទងនឹងសំណង់ស្ថាបត្យកម្ម ប្រវត្តិសាស្ត្រ និងរបកគំហើញផ្សេងៗដែលបានបកសា្រយតាមបែបវិទ្យាសាស្ត្រគួរឱ្យកត់សម្គាល់។ ក្រៅពីនេះ អង្គរគឺជាដួងព្រលឹងនៃជនជាតិខ្មែរ ដែលសម្បូរទៅដោយមរតកវប្បធម៌រូបីនិងអរូបីជាច្រើន ហើយនៅតែមានការគោរពប្រតិបត្តិរហូតដល់សព្វថ្ងៃនិងបណ្តុះគំនិតនៃការគោរព ថែរក្សាអង្គររបស់ប្រជាជនក្នុងនោះជាស្រេច។

តាមរយៈការងារស្ម័គ្រចិត្តលើការងារបេតិភណ្ឌផ្ទាល់ ការចុះជួបសហគមន៍ និងស្តាប់បទបង្ហាញពីអ្នកជំនាញអាជ្ញាធរជាតិអប្សរាលើផ្នែកផ្សេងៗ ឯកឧត្តមជឿជាក់ថា យុវជននឹងមានការយល់ដឹងកាន់តែច្បាស់អំពីបេតិកភណ្ឌ ស្រឡាញ់បេតិកភណ្ឌ គោរពបេតិកភណ្ឌ ហើយនឹងចូលរួមថែរក្សាបេតិកភណ្ឌគ្រប់ៗគ្នា។ ជាពិសេស សកម្មភាពនេះក៏នឹងបង្ហាញភាពជាគំរូដល់យុវជន និងសាធារណជនដទៃទៀត ឱ្យបណ្តុះស្មារតីគោរពស្រឡាញ់ និងចូលរួមការពារបេតិកភណ្ឌទាំងអស់គ្នា៕




















អត្ថបទ៖ កញ្ញា ហ៊ីង ស្រីរ័ត្ន          រូបភាព៖ លោក ហាប់ គឹមអាន
ស្រីណុច ជាក្មេងស្រីម្នាក់ដែលរស់នៅក្នុងភូមិភ្លង់ ឃុំលាងដៃ ស្រុកអង្គរធំ ខេត្តសៀមរាប និងទើបមានអាយុ៧ឆ្នាំប៉ុណ្ណោះ តែមានទេពកោសល្យខាងគំនូរតាំងពីតូចមក។ កុមារីស្រីណុចចូលចិត្តគូររូបអប្សរានៅលើដីនៃផ្លូវចូលប្រាសាទព្រះខ័ន ធ្វើភ្ញៀវទេសចរជាច្រើនមានការចាប់អារម្មណ៍ចំពោះទេពកោសល្យនេះ។
នាពេលបច្ចុប្បន្ន ពិសេសក្នុងខែមេសាខាងមុខនេះ អាកាសធាតុនឹងបន្តកើនកម្ដៅ ជាពិសេសតំបន់មួយចំនួនអាចទទួលរងសំពាធខ្យល់ក្ដៅខ្លាំង ដែលនេះជាបញ្ហាប្រឈមក្នុងដំណើរទស្សនារបស់ភ្ញៀវទេសចរជាតិ-អន្តរជាតិក្នុងតំបន់ឧទ្យានអង្គរ និងសាធារណជនទូទៅទាំងអស់។ អាជ្ញាធរជាតិអប្សរាពិតជាមានការព្រួយបារម្ភពីផលប៉ះពាល់ និងគ្រោះថ្នាក់ជាយថាហេតុណាមួយ ដែលអាចកើតឡើងចំពោះភ្ញៀវទេសចរជាតិ-អន្តរជាតិ និងសាធារណជនទូទៅទាំងអស់។ ក្នុងន័យនេះ អាជ្ញាធរជាតិអប្សរា សូមជូនដំណឹងចំពោះសមាគមទីភ្នាក់ងារទេសចរណ៍ សមាគមមគ្គុទ្ទេសក៍ទេសចរណ៍ មគ្គុទ្ទេសក៍ទេសចរណ៍ ក្រុមហ៊ុនទេសចរណ៍ សមាគមអ្នកបើកបររថយន្តដឹកជញ្ជូនភ្ញៀវទេសចរ អ្នកបើកបរដឹកជញ្ជូនភ្ញៀវទេសចរ ភ្ញៀវទេសចរជាតិ-អន្តរជាតិ និងសាធារណជនទាំងអស់ស្ដីពីស្ថានភាពអាកាសធាតុ និងវិធានការការពារដែលមានខ្លឹមសារដូចខាងក្រោមរួមជាមួយនឹងរូបភាព៖

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
5
ថ្ងៃនេះ
:
1870
ម្សិលមិញ
:
2464
សប្តាហ៍នេះ
:
04334
ខែនេះ
:
0071943
សរុប
:
008916086