ព័ត៌មានថ្មីៗ

លោកជំទាវ ភឿង សកុណា កោតសរសើរចំពោះលទ្ធផលផ្លូវការនៃកិច្ចប្រជុំអាយស៊ីស៊ី-អង្គរលើកទី៣២

បានផ្សាយនៅ ថ្ងៃទី 13 ខែ មិថុនា ឆ្នាំ2019 08:45 AM ដោយ ៖ អាជ្ញាធរជាតិអប្សរា

កិច្ចប្រជុំបច្ចេកទេសលើកទី៣២នៃគណៈ កម្មា ធិការអន្ដរជាតិសម្របសម្រួល កិច្ចគាំពារ និង អភិវឌ្ឍន៍ តំបន់ ប្រវត្តិ សាស្ត្រអង្គរ ហៅកាត់ថាអាយស៊ីស៊ី-អង្គរ បានបិទបញ្ចប់នៅរសៀលថ្ងៃទី១២ ខែមិថុ នា ឆ្នាំ២០១៩ ប្រកបដោយលទ្ធផលជាវិជ្ជមាន ក្រោមអធិបតីភាពសហប្រធាន លោក Guillaume NARJOLLET ទីប្រឹក្សាស្ថានទូតបារាំង និង លោក Kenichi BESSHO អនុប្រធានបេសកកម្មនៃស្ថានទូតជប៉ុន និងក្រោមអធិបតីភាពដ៏ខ្ពង់ខ្ពស់លោកជំទាវ ភឿង សកុណា រដ្ឋមន្រ្តីក្រសួងវប្បធម៌ និងវិចិត្រសិល្បៈ និងជាប្រធានអាជ្ញាធរជាតិអប្សរា។

មានប្រសាសន៍នៅក្នុងពិធីបិទកិច្ចប្រជុំនេះ លោកជំទាវ ភឿង សកុណា បានបញ្ជាក់ថា៖ លទ្ធផល ដែលទទួលបានពីកិច្ចប្រជុំបច្ចេកទេសលើកទី៣២នៃអាយស៊ីស៊ី-អង្គរ គឺខាងអ្នកបច្ចេក ទេសជាន់ខ្ពស់ ជាតិ-អន្តរជាតិ បានពិនិត្យមើលឡើង វិញនូវអនុសាសន៍ដែល បានធ្វើកាល ពីកិច្ចប្រជុំពេញ អង្គលើកទី៣០ និងបច្ចេកទេសលើកទី៣១។ ក្នុងនោះដែរ តាមរយៈដំណើរទស្សនកិច្ចនៅតាមប្រាសាទនានា ចំនួន២០ គម្រោង ត្រូវបានអ្នកជំនាញជាន់ខ្ពស់ថ្លែងកោតសរសើរដែលអនុវត្តបានត្រឹមត្រូវតាមបច្ចេកទេសជួសជុល និងផ្តល់អនុសាសន៍ថ្មីៗ បន្ថែម ទៀត ក្នុងការអភិរក្ស ប្រាសាទក្នុងតំបន់អង្គរជាបន្ត។

លោកជំទាវរដ្ឋមន្ត្រី បានចាត់ទុកថា នេះជាជោគជ័យដ៏ធំមួយនៃដំណើរការកិច្ចប្រជុំអាយស៊ីស៊ី-អង្គរ ពិសេសអ្នក ជំនាញអន្តរជាតិ បានវាយតម្លៃដ៏ខ្ពស់ចំពោះសមត្ថភាពអ្នក ជំនាញខ្មែរក្នុងកិច្ចការ ជួស ជុល ប្រាសាទ ដែលមាន សមត្ថភាពអាចកាន់កិច្ចការបានដោយខ្លួនឯង និងធ្វើការជាមួយអន្តរជាតិ។













អត្ថបទ៖ កញ្ញា ហ៊ីង ស្រីរ័ត្ន           រូបភាព៖ លោក សឿន ប៊ុនស៊រ/ លោក ហ៊ុំ រិទ្ធី / លោក ហាប់ គឹមអាន
និស្សិតមហាវិទ្យាល័យស្ថាបត្យកម្មនិងនគរោបនីយកម្មនៃសាកលវិទ្យាល័យភូមិន្ទវិចិត្រសិល្បៈ ចំនួន៣៦០នាក់ បានមកបំពេញទស្សនកិច្ចសិក្សានិងស្វែងយល់ពីប្រវត្តិសាស្ត្រអង្គរពីអ្នកជំនាញអាជ្ញាធរជាតិអប្សរា និងនៅតំបន់រមណីយដ្ឋានអង្គរចាប់ពីថ្ងៃទីថ្ងៃទី២២ដល់ថ្ងៃទី២៦ ខែកុម្ភៈ ឆ្នាំ២០២០។
នៅព្រឹកថ្ងៃទី២៤ ខែកុម្ភៈ ឆ្នាំ២០២០នេះ ជាលើកទី៥ហើយ នៃការរៀបចំវគ្គបណ្តុះបណ្តាលសង្គ្រោះបឋមដល់ភ្នាក់ងារទេសចរណ៍ប្រចាំប្រាសាទគោលដៅ ពីសំណាក់ក្រុមគ្រូពេទ្យស្ម័គ្រចិត្តមកពីប្រទេសជប៉ុន (អង្គការ Srolanh project NPO) សហការជាមួយនាយកដ្ឋានអភិវឌ្ឍន៍ទេសចរណ៍អង្គរនៃអាជ្ញាធរជាតិអប្សរា។
នៅព្រឹកថ្ងៃទី២៤ ខែកុម្ភៈ ឆ្នាំ២០២០ ឯកឧត្តម យិត ចាន់ដារដ្ឋ អគ្គនាយករងជាតំណាងឯកឧត្តម ហង់ ពៅ អគ្គនាយកអាជ្ញាធរជាតិអប្សរា បានឱ្យដឹងថា ក្រុមការងារជួសជុលផ្លូវថ្នល់នៃអាជ្ញាធរជាតិអប្សរា បានចាប់ផ្តើមបើកការដ្ឋានជួសជុលកែលម្អកំណាត់ផ្លូវ៦០ម (ផ្លូវសម្តេចវិបុលបញ្ញាសុខអាន) ចាប់ពីរង្វង់មូលអាជ្ញាធរជាតិអប្សរាមកផ្លូវជាតិលេខ៦ ដែលមានប្រវែង១៧៩៥ម៉ែត្រ ទទឹង១០ម៉ែត្រ ដេីម្បីសម្រួលដល់ការធ្វេីដំណេីររបស់ប្រជាពលរដ្ឋ ដែលផ្លូវនេះមានការខូចខាតខ្លាំងដោយសារអាយុកាល។ ផ្លូវនេះគ្រោងនឹងបញ្ចប់ការជួលជុលកែលម្អក្នុងរយៈពេល៣ខែ៕
អាជ្ញាធរជាតិអប្សរា កំពុងចាប់ផ្តើមអនុវត្តគម្រោងកែលម្អហេដ្ឋារចនាសម្ពន្ធ សម្បទាទេសចរណ៍ ទេសភាព និងបរិស្ថាននៅបរិវេណមុខប្រាសាទអង្គរវត្តឱ្យមានភាពល្អប្រសើរ ក្នុងទិសដៅលើកគុណតម្លៃអង្គរដែលជានិមិត្តរូប ដួងព្រលឹងជាតិខ្មែរ និងជារមណីយដ្ឋានបេតិកភណ្ឌពិភពលោក។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
4
ថ្ងៃនេះ
:
4116
ម្សិលមិញ
:
14427
សប្តាហ៍នេះ
:
41261
ខែនេះ
:
0322090
សរុប
:
010278237