NEWS

លោកជំទាវ ភឿង សកុណា កោតសរសើរចំពោះលទ្ធផលផ្លូវការនៃកិច្ចប្រជុំអាយស៊ីស៊ី-អង្គរលើកទី៣២

Published on 13 June 2019 08:45 AM Post By ៖ Apsara National Authority

កិច្ចប្រជុំបច្ចេកទេសលើកទី៣២នៃគណៈ កម្មា ធិការអន្ដរជាតិសម្របសម្រួល កិច្ចគាំពារ និង អភិវឌ្ឍន៍ តំបន់ ប្រវត្តិ សាស្ត្រអង្គរ ហៅកាត់ថាអាយស៊ីស៊ី-អង្គរ បានបិទបញ្ចប់នៅរសៀលថ្ងៃទី១២ ខែមិថុ នា ឆ្នាំ២០១៩ ប្រកបដោយលទ្ធផលជាវិជ្ជមាន ក្រោមអធិបតីភាពសហប្រធាន លោក Guillaume NARJOLLET ទីប្រឹក្សាស្ថានទូតបារាំង និង លោក Kenichi BESSHO អនុប្រធានបេសកកម្មនៃស្ថានទូតជប៉ុន និងក្រោមអធិបតីភាពដ៏ខ្ពង់ខ្ពស់លោកជំទាវ ភឿង សកុណា រដ្ឋមន្រ្តីក្រសួងវប្បធម៌ និងវិចិត្រសិល្បៈ និងជាប្រធានអាជ្ញាធរជាតិអប្សរា។

មានប្រសាសន៍នៅក្នុងពិធីបិទកិច្ចប្រជុំនេះ លោកជំទាវ ភឿង សកុណា បានបញ្ជាក់ថា៖ លទ្ធផល ដែលទទួលបានពីកិច្ចប្រជុំបច្ចេកទេសលើកទី៣២នៃអាយស៊ីស៊ី-អង្គរ គឺខាងអ្នកបច្ចេក ទេសជាន់ខ្ពស់ ជាតិ-អន្តរជាតិ បានពិនិត្យមើលឡើង វិញនូវអនុសាសន៍ដែល បានធ្វើកាល ពីកិច្ចប្រជុំពេញ អង្គលើកទី៣០ និងបច្ចេកទេសលើកទី៣១។ ក្នុងនោះដែរ តាមរយៈដំណើរទស្សនកិច្ចនៅតាមប្រាសាទនានា ចំនួន២០ គម្រោង ត្រូវបានអ្នកជំនាញជាន់ខ្ពស់ថ្លែងកោតសរសើរដែលអនុវត្តបានត្រឹមត្រូវតាមបច្ចេកទេសជួសជុល និងផ្តល់អនុសាសន៍ថ្មីៗ បន្ថែម ទៀត ក្នុងការអភិរក្ស ប្រាសាទក្នុងតំបន់អង្គរជាបន្ត។

លោកជំទាវរដ្ឋមន្ត្រី បានចាត់ទុកថា នេះជាជោគជ័យដ៏ធំមួយនៃដំណើរការកិច្ចប្រជុំអាយស៊ីស៊ី-អង្គរ ពិសេសអ្នក ជំនាញអន្តរជាតិ បានវាយតម្លៃដ៏ខ្ពស់ចំពោះសមត្ថភាពអ្នក ជំនាញខ្មែរក្នុងកិច្ចការ ជួស ជុល ប្រាសាទ ដែលមាន សមត្ថភាពអាចកាន់កិច្ចការបានដោយខ្លួនឯង និងធ្វើការជាមួយអន្តរជាតិ។













អត្ថបទ៖ កញ្ញា ហ៊ីង ស្រីរ័ត្ន           រូបភាព៖ លោក សឿន ប៊ុនស៊រ/ លោក ហ៊ុំ រិទ្ធី / លោក ហាប់ គឹមអាន
ជណ្តើរឈើនៅរមណីយដ្ឋានក្បាលស្ពានដែលសាងសង់ឡើងកាលពីឆ្នាំ២០០៧ បានទទួលរងនូវការពុកផុយ ចាស់ទ្រុឌទ្រោមដោយសារអាយុកាល កម្តៅ និងទឹកភ្លៀងនោះ ពេលនេះត្រូវបានសាងសង់ថ្មីឡើងវិញនៅតាមទីតាំងចាស់ ដោយនាយកដ្ឋានអភិរក្សប្រាសាទក្រៅឧទ្យានអង្គរនៃអាជ្ញាធរជាតិអប្សរា ដើម្បីសម្រួលដល់ការធ្វើដំណើរឡើងចុះទៅទស្សនារមណីយដ្ឋានមួយនេះ។
ឯកឧត្តម យូ ហេនរី វ៉ាន់ ធីអូ (U Henry Van Thio) អនុប្រធានាធិបតីនៃសាធារណរដ្ឋសហព័ន្ធមីយ៉ាន់ម៉ាបានមកបំពេញទស្សនកិច្ចផ្លូវការនៅខេត្តសៀមរាបនាថ្ងៃទី២០ ខែវិច្ឆិកា ឆ្នាំ២០១៩។ ឯកឧត្តមបានមកដល់ព្រលានយន្តហោះអន្ដរជាតិខេត្តសៀមរាបនាម៉ោងប្រមាណ៩ព្រឹក ដោយមានការទទួលស្វាគមន៍យ៉ាងកក់ក្ដៅពីថ្នាក់ដឹកនាំខេត្តសៀមរាប ថ្នាក់ដឹកនាំអាជ្ញាធរជាតិអប្សរា ព្រមទាំងថ្នាក់ដឹកនាំនៃស្ថាប័នពាក់ព័ន្ធជាច្រើនរូបទៀត។
នាឱកាសដឹកនាំគណៈប្រតិភូកម្ពុជាចូលរួមកិច្ចប្រជុំមហាសន្និបាតទូទៅនៃអង្គការយូណេស្កូលើកទី៤០នៅទីក្រុងប៉ារីស ប្រទេសបារាំង លោកជំទាវ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ និងជាប្រធានអាជ្ញាធរជាតិអប្សរា ត្រូវបានផ្តល់កិត្តិយសដ៏ឧត្តុង្គឧត្តមអញ្ជើញចែករំលែកទស្សនទានក្នុងវេទិការដ្ឋមន្ត្រីក្រសួងវប្បធម៌អំពីវិស័យវប្បធម៌ក្នុងការអភិវឌ្ឍធនធានមនុស្សនិងគំនិតឆ្នៃប្រឌិត នៅថ្ងៃទី១៩ ខែវិច្ឆិកា ឆ្នាំ២០១៩។
នៅព្រឹកថ្ងៃទី១៩ ខែ វិច្ឆិកា ក្រុមការងារចម្រុះដែលមាននាយកដ្ឋានគ្រប់គ្រងព្រៃឈើ នាយកដ្ឋានគ្រប់គ្រងទឹក នាយកដ្ឋានគ្រប់គ្រងអន្ដរវិស័យ និងក្រុមសណ្ដាប់ធ្នាប់ប្រាសាទនៃនាយកដ្ឋានអភិវឌ្ឍន៍ទេសចរណ៍អង្គរ បានចុះពិនិត្យទីតាំងបរិវេណជុំវិញទ្វារទឹកសំពៅលូន ឬទំនប់ស្ទាក់ខ្សាច់ ដែលស្ថិតនៅខាងជើងកសិន្ធុអង្គរវត្ត ដើម្បីត្រៀមរៀបចំ កែលម្អ សោភ័ណភាព អនាម័យនៅទីតាំងនោះ។ ការងារនេះធ្វើឡើងបន្ទាប់ពីពិនិត្យឃើញថា ទីតាំងនេះ ត្រូវបានប្រជាពលរដ្ឋ អ្នកលក់ដូរ ប្រើប្រាស់សម្រាប់ការលក់ដូរយ៉ាងអាណាធិបតេយ្យ ដូចជាក្រាលកន្ទេល និងចងអង្រឹង សម្រាប់អង្គុយហូបអាហារ និងផឹកគ្រឿងស្រវឹង ដែលធ្វើឱ្យប៉ះពាល់ដល់រមណីយដ្ឋានអង្គរជាខ្លាំង។
សិក្ខាកាមចំនួន២០នាក់ មកពីគ្រប់នាយកដ្ឋានចំណុះនៃអាជ្ញាធរជាតិអប្សរា ទទួលការបណ្តុះ បណ្តាលស្តីអំពី «អ្នកបន្តវេនបច្ចេកទេសជួសជុល អភិរក្ស និងស្រាវជ្រាវ ប្រាសាទបុរាណ » ក្រោមអធិបតីភាពឯកឧត្តម គឹម សុធិន អគ្គនាយករងអាជ្ញាធរជាតិអប្សរា នៅមជ្ឃមណ្ឌលបណ្តុះបណ្តាលអង្គរនៃអាជ្ញាធរជាតិអប្សរា រយៈពេល១០ថ្ងៃ ចាប់ពីថ្ងៃទី១៩ ដល់ថ្ងៃទី២៩ ខែវិចិ្ឆកា ឆ្នាំ២០១៩។

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
7
Today
:
17768
Yesterday
:
15745
This Week
:
80266
This Month
:
0091447
Total
:
009560204