ព័ត៌មានថ្មីៗ

ក្រុមអភិរក្សធ្វើកំណាយសង្គ្រោះនៅប្រាសាទតាព្រហ្មបន្តជួសជុលសាលរបាំ

បានផ្សាយនៅ ថ្ងៃទី 04 ខែ មេសា ឆ្នាំ2017 12:50 PM ដោយ ៖ អាជ្ញាធរជាតិអប្សរា

ដើម្បីបន្តការងារជួសជុលសាលរបាំនៃប្រាសាទបាយ័ន គម្រោងសហប្រតិបត្តិការឥណ្ឌា-កម្ពុជា ដើម្បីអភិរក្ស និងជួសជុលប្រាសាទតាព្រហ្ម ដែលមានអាជ្ញាធរជាតិអប្សរា និងស្ថាប័នស្រាវជ្រាវបុរាណវិទ្យាឥណ្ឌា (Archeological Survey of India-ASI) បានធ្វើកំណាយសង្គ្រោះមួយ នៅជ្រុងខាងត្បូងនៃសាលរបាំនេះ ដោយចាប់ពីផ្តើមពីថ្ងៃទី១៣ ខែមីនា រហូតដល់ថ្ងៃទី១៣ ខែឧសភា ឆ្នាំ២០១៧។

លោក D.S. Sood ទីប្រឹក្សាបច្ចេកទេសប្រចាំការដ្ឋានជួសជុលប្រាសាទតាព្រហ្មនៃស្ថាប័នស្រាវជ្រាវបុរាណវិទ្យាឥណ្ឌា ASI បញ្ជាក់ថា ការធ្វើកំណាយនេះមានគោលបំណងពីរសំខាន់គឺ ដើម្បីស្វែងរកថ្មដែលបានធ្លាក់កប់ក្នុងដីយកមកប្រើប្រាស់ក្នុងការងារជួសជុលឡើងវិញ និងដើម្បីសិក្សាអំពីរចនាសម្ព័ន្ធប្រាសាទចងក្រងឯកសារ សម្រាប់ការងារជួសជុល។

លោក Sood បន្ថែមថា “ការជួសជុលប្រាសាទ យើងចាំបាច់ត្រូវរក្សានូវអត្តសញ្ញាណដើម ពោលគឺយើងនឹងប្រើប្រាស់ថ្មចាស់ដែលមានឲ្យអស់លទ្ធភាព មុននឹងជំនួសថ្មថ្មីដែលចាំបាច់។ យើងឃើញមានគំនរថ្មដែលបាក់ធ្លាក់ពីលើមក កប់ក្នុងដី ដែលយើងចាំបាច់ធ្វើកំណាយ ដើម្បីចងក្រងឯកសារ និងយកថ្មទាំងនោះទៅប្រើប្រាស់តាមទីតាំងដើមវិញ។ រណ្តៅកំណាយនេះនឹងមានជម្រៅជ្រៅបំផុតប្រហែលកន្លះម៉ែត្រ។ ការធ្វើកំណាយ គឺជាការងារសាមញ្ញសម្រាប់ក្រុមការងារជួសជុល ព្រោះថា យើងមិនអាចជួសជុលតួប្រាសាទ ដោយមិនដឹងអំពីភាពរឹងមាំ ឬភាពទ្រុឌទ្រោមនៃគ្រឹះប្រាសាទនោះទេ”។

លោកស្រី នេត ស៊ីមន មន្ត្រីផ្នែកបុរាណវិទ្យានៃនាយកដ្ឋានអភិរក្សប្រាសាទក្នុងឧទ្យានអង្គរ និងបុរាណវិទ្យាបង្ការនៃអាជ្ញាធរជាតិអប្សរា ដែលបានចូលរួមក្នុងកំណាយនេះបញ្ជាក់ថា រាល់កំណាយស្រាវជ្រាវក្នុងតំបន់អង្គរ ដែលធ្វើឡើងដោយស្ថាប័នអន្តរជាតិ គឺតែងមានមន្ត្រីតំណាងអាជ្ញាធរជាតិអប្សរាចូលរួមជាប្រចាំ។ ជាក់ស្តែង លោកស្រីផ្ទាល់ត្រូវបានថ្នាក់ដឹកនាំចាត់តាំងជាមន្ត្រីតំណាង ដើម្បីធ្វើកិច្ចសហប្រតិបត្តិការជាមួយស្ថាប័ន ASI របស់ឥណ្ឌា ដោយពិនិត្យមើលផ្នែកបច្ចេកទេសនៃការធ្វើកំណាយ និងធ្វើយ៉ាងណាកុំឲ្យមានផលប៉ះពាល់ផ្នែកបុរាណវិទ្យា ព្រមទាំងចងក្រងឯកសារ ដែលទទួលបានពីការធ្វើកំណាយនេះ៕










ថ្ងៃទី៣ ខែមីនា ឆ្នាំ២០២១ គឺជាទិវាវប្បធម៌ជាតិលើកទី២៣ ក្រោមប្រធានបទ « យុវជនដើម្បីវប្បធម៌ ជាតិ »
ក្នុងន័យបង្កើនគុណភាពសេវាទេសចរណ៍ក្នុងរមណីយដ្ឋានអង្គរ ព្រមទាំងផ្តល់ជូនភ្ញៀវទេសចរនូវបទពិសោធន៍ល្អៗពីការទស្សនាប្រាសាទបន្ទាយស្រី នាយកដ្ឋានអភិវឌ្ឍន៍ វប្បធម៌ សារមន្ទីរ និងបទដ្ឋានបេតិកភណ្ឌនៃអាជ្ញាធរជាតិអប្សរា បានផ្លាស់ប្តូរផ្ទាំងព័ត៌មាន និងស្លាកសញ្ញាប្រាប់ទិសដែលចាស់ទ្រុឌទ្រោម រលុបអក្សរចេញ ដោយជំនួសមកវិញនូវផ្ទាំងព័ត៌មាននិងស្លាកសញ្ញាថ្មី ដែលមានបន្ថែមនូវព័ត៌មានអំពីរយៈចម្ងាយពីទីតាំងមួយទៅទីតាំងមួយទៀត។
ប្រជាកសិករនៃសហគមន៍កសិករប្រើប្រាស់ទឹកប្រព័ន្ធធារាសាស្រ្ដបារាយណ៍ខាងលិច កំពុងរីករាយជាមួយនឹង ទិន្នផលស្រូវនៅក្នុងរដូវនេះ ដែលតាមការអះអាង ឆ្នាំនេះមានការកើនឡើងជាងឆ្នាំទៅ។ ប្រជាកសិករទាំងនោះអះអាងថា កំណើនទិន្នផលស្រូវឆ្នាំនេះ ក៏ដោយសារការទទួលទឹកពីបារាយណ៍ខាងលិចដែលគ្រប់គ្រងដោយអាជ្ញាធរជាតិអប្សរាបានទាន់ពេលវេលា និងក្នុងបរិវេណគ្រប់គ្រាន់សម្រាប់បំពេញស្រែរាប់សិបហិកតារបស់ពួកគេ។
នាយកដ្ឋានរៀបចំដែនដីនិងគ្រប់គ្រងលំនៅដ្ឋានក្នុងឧទ្យានអង្គរនៃអាជ្ញាធរជាតិអប្សរាឱ្យដឹងថា ក្នុងអំឡុង ខែកុម្ភៈ ឆ្នាំ២០២១ ក្រុមការងារបានចុះពិនិត្យនិងជួយ សម្រួលលក្ខណៈបច្ចេកទេសនៃការសាងសង់លំនៅ ដ្ឋាននិងសំណង់ឧបសម្ពន្ធផ្សេងៗទៀតដល់ប្រជាពល រដ្ឋដែលរស់នៅក្នុងឧទ្យាន និងក្រៅឧទ្យានអង្គរបានចំនួន ៤៧០គ្រួសារ។
ក្រុមអ្នកជំនាញជួសជុលស្រះខាងជើងនៃប្រាសាទអង្គរវត្ត មកដល់ពេលនេះបានបញ្ចប់កិច្ចការស្រាវជ្រាវបុរាណវិទ្យារួចរាល់ហើយ ព្រមទាំងបានជួសជុលច្រាំងស្រះបានចំនួន៥៦ម៉ែត្រ និងបញ្ចូលទឹកក្នុងស្រះចំនួន៦០០០០ម៉ែត្រគូប។ ទោះជាយ៉ាងនេះក្តី ទីនេះនៅតែបន្តបិទស្បៃខ្មៅមិនទាន់អនុញ្ញាតឱ្យភ្ញៀវទេសចរចូលទៅផ្តិតរូបភាពប្រាសាទអង្គរវត្តពីស្រះនេះនៅឡើយ ព្រោះគម្រោងជួសជុលនិងលើកតម្លៃរចនាសម្ពន្ធស្រះនៅតែបន្ត អាចនឹងរួចរាល់ទាំងស្រុងនៅ២ឆ្នាំក្រោយ។
ដើមដំបូងមុន12345...395396បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
15
ថ្ងៃនេះ
:
17746
ម្សិលមិញ
:
73217
សប្តាហ៍នេះ
:
161852
ខែនេះ
:
0161852
សរុប
:
015231655