ព័ត៌មានថ្មីៗ

មន្ត្រីជំនាញអាជ្ញាធរជាតិអប្សរាចែករំលែកបទពិសោធន៍ការគ្រប់គ្រងទេសចរណ៍អង្គរ ដល់លោកគ្រូអ្នកគ្រូមកពីវិទ្យាស្ថានបច្ចេកវិទ្យាកំពង់ឈើទាល

បានផ្សាយនៅ ថ្ងៃទី 11 ខែ មិនា ឆ្នាំ2017 04:34 PM ដោយ ៖ អាជ្ញាធរជាតិអប្សរា

លោកគ្រូ អ្នកគ្រូ និងនិស្សិតដែលមកពីវិទ្យាស្ថានបច្ចេកវិទ្យាកំពង់ឈើទាល នៃខេត្តកំពង់ធំសរុបចំនួន៧រូប បានមកទទួលយកបទពិសោធន៍នៃការងារគ្រប់គ្រងវិស័យទេសចរណ៍ ក្នុងរមណីយដ្ឋានបេតិកភណ្ឌពិភពលោកអង្គរ នារសៀលថ្ងៃទី១០ ខែមីនា ឆ្នាំ២០១៧ នៅទីស្នាក់ការនៃអាជ្ញាធរជាតិអប្សរា។

លោក ភួង សុភក្ត្រ មន្ត្រីជំនាញនៃនាយកដ្ឋានអភិវឌ្ឍន៍ទេសចរណ៍អង្គរ បានធ្វើបទបង្ហាញជូនលោកគ្រូ អ្នកគ្រូ និងនិស្សិតអំពីការរៀបចំផែនការគ្រប់គ្រងទេសចរណ៍អង្គរ និងការអនុវត្តជាក់ស្តែង។ តាមមន្ត្រីជំនាញរូបនេះ ការគ្រប់គ្រងទេសចរណ៍អង្គរ គឺផ្តោតសំខាន់លើការគ្រប់គ្រងផលប៉ះពាល់នានា ដែលអាចនឹងបង្កឡើងដោយភ្ញៀវទេសចរ ដើម្បីរក្សាគុណតម្លៃដើមនៃបេតិកភណ្ឌអង្គរ។ ជាពិសេស គឺធ្វើយ៉ាងណាឲ្យភ្ញៀវទេសចរដែលមកទស្សនាបេតិកភណ្ឌអង្គរហើយ ទទួលបានបទពិសោធន៍ត្រឡប់ទៅវិញ។

អ្នកគ្រូ ស៊ុន ធារី ជាគ្រូបង្រៀនផ្នែកទេសចរណ៍ និងបដិសណ្ឋារកិច្ចនៃវិទ្យាស្ថានបច្ចេកវិទ្យាកំពង់ឈើទាល បានបញ្ជាក់ថា ដោយយល់ឃើញថា ស្ថាប័នអាជ្ញាធរជាតិអប្សរាជាស្ថាប័នដែលធ្វើការផ្ទាល់ជាមួយនឹងបេតិកភណ្ឌ ជាពិសេស គឺការគ្រប់គ្រងវិស័យទេសចរណ៍ក្នុងតំបន់បេតិកភណ្ឌ ដូច្នេះហើយ ទើបថ្នាក់ដឹកនាំនៃវិទ្យាស្ថានសម្រេចបញ្ជូនក្រុមការងារមកទទួលយកបទពិសោធន៍លើការងារនេះ។ លោកគ្រូបន្តថា អ្វីដែលអ្នកគ្រូបានទទួលពីបទបង្ហាញនៅពេលនេះ មានដូចជា វិធានការទប់ស្កាត់ផលប៉ះពាល់ដែលបង្កឡើងពីទេសចរយ៉ាងណា ការធ្វើយ៉ាងណា ឲ្យភ្ញៀវទេសចរអាចទទួលបានបទពិសោធន៍ល្អត្រឡប់ទៅកាន់ប្រទេសរបស់គេវិញ ជាដើម។ ជាមួយគ្នានេះ លោកគ្រូបញ្ជាក់ថា ក្រុមការងាររបស់អ្នកគ្រូនឹងនាំយកចំណេះទាំងនេះទៅបញ្ចូលក្នុងមេរៀន ចែករំលែកដល់និស្សិតដែលកំពុងសិក្សានៅក្នុងវិទ្យាស្ថាន។

នេះជាមិនមែនជាលើកទី១ទេ កន្លងមកមន្ត្រីជំនាញនៃអាជ្ញាធរជាតិអប្សរាក៏ធ្លាប់បានធ្វើបទបង្ហាញជូននិស្សិត អ្នកជំនាញ និងអ្នកស្រាវជ្រាវជាតិ-អន្តរជាតិជាច្រើន ដែលមានបំណងចង់ស្វែងយល់ពីការងារគ្រប់គ្រងបេតិកភណ្ឌពិភពលោកអង្គរ។ នេះក៏ជាការបង្ហាញឲ្យឃើញពីធនធានមនុស្សអាជ្ញាធរជាតិអប្សរា ដែលមានសមត្ថភាពគ្រប់គ្រាន់ទាំងការងារអនុវត្តជាក់ស្តែង ក៏ដូចជាការចែករំលែកនូវបទពិសោធន៍របស់ខ្លួនទៅកាន់ឆាកអន្តរជាតិដែរ៕








នៅព្រឹកថ្ងៃទី១២ ខែសីហា ឆ្នាំ២០២០ នៅស្នាក់ការអាជ្ញាធរជាតិអប្សរា បានរៀបចំសិក្ខាសាលាផ្ទៃក្នុងស្ដីពី «ប្រព័ន្ធគ្រប់គ្រងបរិស្ថានអង្គរ»។ សិក្ខាសាលានេះមានគោលបំណងផ្សព្វផ្សាយសៀវភៅប្រើប្រាស់ប្រព័ន្ធគ្រប់គ្រងបរិស្ថាន-អង្គរ ស្វែងយល់ និងចូលរួមការពារបរិស្ថានក្នុងតំបន់អង្គរ។
នាព្រឹកថ្ងៃទី១២ ខែសីហា ឆ្នាំ២០២០ ឯកឧត្តម ហង់ ពៅ អគ្គនាយកអាជ្ញាធរជាតិអប្សរា បានដឹកនាំកិច្ចប្រជុំជាមួយភ្នាក់ងារទេសចរណ៍នៃនាយកដ្ឋានអភិវឌ្ឍន៍ទេសចរណ៍អង្គរ ដើម្បីពិនិត្យមើលការវិវត្តនៃការងារទូទៅ ក៏ដូចជាស្វែងយល់ពីផលលំបាកនិងបញ្ហាប្រឈមនានាដែលក្រុមការងារភ្នាក់ងារទេសចរណ៍តែងជួបប្រទះជាប្រចាំ។
ក្នុងគោលបំណងស្ដារគម្របព្រៃឈើក្នុងតំបន់ការពាររមណីយដ្ឋានបេតិកភណ្ឌពិភពលោកអង្គរឲ្យកាន់តែច្រើនឡើង និងបំផុសស្មារតីឲ្យមានការចូលរួមរបស់ប្រជាពលរដ្ឋអំពីកិច្ចការបរិស្ថាន។ ក្នុងន័យនេះ ចាប់ពីខែមិថុនាមកដល់បច្ចុប្បន្ន គឺមានរយៈពេលជាង២ខែមកហើយដែលអាជ្ញាធរជាតិអប្សរា បានចែកកូនឈើជាង៧ម៉ឺនដើមដល់អង្គភាពរដ្ឋ អង្គការ សហគមន៍ សាលារៀន វត្តអារាម វិស័យឯកជន និងសាធារណជនទូទៅដែលបានដាក់ពាក្យស្នើសុំយកទៅដាំនៅតាមតំបន់ផ្សេងៗទាំងក្នុងខេត្តសៀមរាប និងខេត្តមួយចំនួនក្នុងប្រទេសកម្ពុជា។
អាជ្ញាធរជាតិអប្សរា បានបន្តចែកជូនកូនឈើដល់សាធារណជនជិតឆ្ងាយ ដើម្បីយកទៅដាំក្នុងបំណងបង្កើនគម្របព្រៃឈើឡើងវិញនៅក្នុងប្រទេសកម្ពុជា។ នៅថ្ងៃទី៧ និងទី៨ ខែសីហា ឆ្នាំ២០២០ កូនឈើចំនួន ៤,៦២០ដើមទៀត បានចែកជូនដល់សាធារណជនក្នុងខេត្តសៀមរាប ខេត្តបន្ទាយមានជ័យ និងខេត្តតាកែវ។
សេចក្ដីគោរពជូនសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា
ក្នុងឱកាសដ៏សែនមហានក្ខត្តឫក្សថ្លៃថ្លានៃខួបកំណើតគម្រប់ ៦៨ឆ្នាំ ឈានចូល៦៩ឆ្នាំ នាថ្ងៃទី ០៥ ខែសីហា ឆ្នាំ២០២០នេះ តាងនាមថ្នាក់ដឹកនាំ និងមន្ត្រីរាជការគ្រប់លំដាប់ថ្នាក់នៃអាជ្ញាធរជាតិអប្សរា និងក្នុងនាមខ្ញុំផ្ទាល់ ខ្ញុំបាទសូមសម្ដែងនូវមនោសញ្ចេតនារីករាយឥតឧបមា និងសេចក្ដីគោរពស្រលាញ់ដ៏ជ្រាលជ្រៅបំផុត ព្រមទាំងសូមគោរពជូនពរ បវរមហាប្រសើរជូន សម្ដេចតេជោនាយករដ្ឋមន្ត្រី ជាទីគោរពដ៏ខ្ពង់ខ្ពស់ សូមមានជន្មាយុយឺនយូរមានសុខុមាលភាពល្អបរិបូរណ៍ បញ្ញាញាណភ្លឺថ្លា ដើម្បីដឹកនាំរាជរដ្ឋាភិបាល និងប្រទេសជាតិទទួលជោគជ័យដ៏ត្រចះត្រចង់ថ្មីៗថែមទៀត ជាពិសេសវឌ្ឍនភាព និងកិត្យានុភាពល្បីរន្ទឺលើឆាកអន្តរជាតិ
ដើមដំបូងមុន12345...337338បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
9
ថ្ងៃនេះ
:
0840
ម្សិលមិញ
:
6412
សប្តាហ៍នេះ
:
18981
ខែនេះ
:
0245845
សរុប
:
012071476