ព័ត៌មានថ្មីៗ

វិទ្យាស្ថានស្រាវជ្រាវជាតិណារ៉ាគ្រោងនឹងបញ្ចប់ការជួសជុលប្រាង្គខាងជើង នៃប្រាសាទតុបខាងលិចនៅពាក់កណ្តាលឆ្នាំ២០១៧នេះ

បានផ្សាយនៅ ថ្ងៃទី 09 ខែ មិនា ឆ្នាំ2017 02:44 PM ដោយ ៖ អាជ្ញាធរជាតិអប្សរា
វិទ្យាស្ថានស្រាវជ្រាវជាតិណារ៉ារបស់ប្រទេសជប៉ុន ក្រោមកិច្ចសហការជាមួយអាជ្ញាធរជាតិអប្សរា បានចាប់ផ្តើមជួសជុលប្រាង្គខាងជើងនៃប្រាសាទតុបខាងលិច ក្នុងជំហានទី២របស់ខ្លួន ចាប់ពីខែកញ្ញា ឆ្នាំ២០១៥មក។ តាមគម្រោង ប្រាង្គនេះអាចនឹងបញ្ចប់ការជួសជុលនៅអំឡុងខែមិថុនា ឆ្នាំ២០១៧ ហើយនឹងចាប់ផ្តើមគម្រោងជួសជុលប្រាង្គកណ្តាលតទៅទៀត។

ក្នុងដំណើរចុះពិនិត្យការដ្ឋានអន្តរជាតិរបស់ថ្នាក់ដឹកនាំអាជ្ញាធរជាតិអប្សរា នាព្រឹកថ្ងៃទី៩ មីនា ឆ្នាំ២០១៧នេះ អគ្គនាយករងនៃវិទ្យាស្ថានស្រាវជ្រាវជាតិណារ៉ា លោក Hiroshi SUGIYAMA ដែលទទួលបន្ទុកគ្រប់គ្រងការដ្ឋាននេះពន្យល់ថា ការជួសជុលប្រាង្គខាងជើងនេះ បានដំណើរទៅយ៉ាងរលូន ក្រោមកិច្ចសហការសម្របសម្រួលយ៉ាងល្អពីអាជ្ញាធរជាតិអប្សរា។ លោក SUGIYAMA ក៏បានពន្យល់ថ្នាក់ដឹកនាំនៃអាជ្ញាធរជាតិអប្សរា អំពីបច្ចេកទេសនៃការអភិរក្សជួសជុល ការចងក្រងឯកសារ និងចុះបញ្ជីសារពើភណ្ឌជាដើម។ លោកក៏បានសន្យា បន្តជួសជុលប្រាសាទនេះឲ្យបានរួចរាល់តាមគម្រោង ដោយគោរពតាមបទដ្ឋានបេតិកភណ្ឌពិភពលោក និងទទួលយកការផ្លាស់ប្តូរគំនិតជាមួយអ្នកជំនាញផ្សេងៗ ដើម្បីធ្វើយ៉ាងណាឲ្យការងារជួសជុលនេះបានជោគជ័យ និងរក្សាបាននូវតម្លៃដើមនៃបេតិកភណ្ឌ។

លោក ហន រិត្ថា អ្នកជំនាញការប្រចាំការដ្ឋាននេះបញ្ជាក់ថា ដោយសារប្រាសាទនេះមានភាពទ្រុឌទ្រោមស្ទើរតែ៩០% ដូច្នេះការជួសជុលគឺបានធ្វើឡើងស្ទើរទាំងស្រុង។ ការជួសជុលប្រាង្គខាងជើងនេះ ក្រុមការងារបានរៀបចំគ្រឹះឡើងវិញ និងបន្តរៀបចំរចនាសម្ព័ន្ធផ្សេងៗ ដោយយកថ្មចាស់ដែលមានស្រាប់ និងជំនួសថ្មថ្មីខ្លះត្រង់ចំណុចណាដែលស្វែងរកមិនបាន ហើយមានភាពចាំបាច់ខ្លាំង។

ឯកឧត្តមបណ្ឌិត ស៊ុំ ម៉ាប់ អគ្គនាយកនៃអាជ្ញាធរជាតិអប្សរា បានថ្លែងអំណរគុណចំពោះវិទ្យាស្ថានស្រាវជ្រាវជាតិណារ៉ា ដែលបានបំពេញការងារបានយ៉ាងល្អប្រសើរ។ ឯកឧត្តមក៏បានផ្តាំផ្ញើចំពោះប្រធានគម្រោង ដើម្បីផ្តល់ដំណឹងដល់ថ្នាក់ដឹកនាំអាជ្ញាធរជាតិអប្សរាឲ្យបានទាន់ពេលវេលា ករណីមានសំណូមពរ ឬសំណើណាមួយ ដែលស្ថិតនៅក្នុងដែនសមត្ថកិច្ចរបស់អាជ្ញាធរជាតិអប្សរា។

ប្រាសាទតុបខាងលិច ត្រូវបានកសាងឡើងក្នុងរវាងសតវត្សទី១០ ដែលមានរចនាប័ទ្មបន្ទាយស្រី ឧទ្ទិសចំពោះព្រហ្មញ្ញសាសនា។ ចាប់ពីសតវត្សទី១៣ដល់ទី១៧ ប្រាសាទនេះ ត្រូវបានកែបន្ថែមបន្ថយខ្លះៗ ដែលយើងឃើញដល់សព្វថ្ងៃដូចជា ការកសាងប្រាង្គពីរអមសងខាង ព្រមទាំងរានហាលខាងមុខប្រាសាទបន្ថែមទៀត ជារោងឧបោសថ សម្រាប់ព្រះសង្ឃព្រះពុទ្ធសាសនាថេរវាទជាដើម។ ចាប់ពីឆ្នាំ២០១១មក វិទ្យាស្ថានស្រាវជ្រាវជាតិណារ៉ា សហការជាមួយអាជ្ញាធរជាតិអប្សរា បានធ្វើការអភិរក្សជួសជុល។ ក្នុងជំហានដំបូង ក្រុមការងារបានជួសជុលប្រាង្គខាងត្បូងរួចរាល់នៅចុងឆ្នាំ២០១៥ ហើយបន្តជួសជុលប្រាង្គខាងជើងថែមទៀតក្នុងជំហានទី២។ ក្នុងជំហានទី៣ ក្រុមការងារនឹងជួសជុលប្រាង្គកណ្តាលនៃប្រាសាទ ដែលតាមគម្រោងនឹងបញ្ចប់នៅឆ្នាំ២០២០ខាងមុខ៕






















នៅព្រឹកថ្ងៃទី១២ ខែសីហា ឆ្នាំ២០២០ នៅស្នាក់ការអាជ្ញាធរជាតិអប្សរា បានរៀបចំសិក្ខាសាលាផ្ទៃក្នុងស្ដីពី «ប្រព័ន្ធគ្រប់គ្រងបរិស្ថានអង្គរ»។ សិក្ខាសាលានេះមានគោលបំណងផ្សព្វផ្សាយសៀវភៅប្រើប្រាស់ប្រព័ន្ធគ្រប់គ្រងបរិស្ថាន-អង្គរ ស្វែងយល់ និងចូលរួមការពារបរិស្ថានក្នុងតំបន់អង្គរ។
នាព្រឹកថ្ងៃទី១២ ខែសីហា ឆ្នាំ២០២០ ឯកឧត្តម ហង់ ពៅ អគ្គនាយកអាជ្ញាធរជាតិអប្សរា បានដឹកនាំកិច្ចប្រជុំជាមួយភ្នាក់ងារទេសចរណ៍នៃនាយកដ្ឋានអភិវឌ្ឍន៍ទេសចរណ៍អង្គរ ដើម្បីពិនិត្យមើលការវិវត្តនៃការងារទូទៅ ក៏ដូចជាស្វែងយល់ពីផលលំបាកនិងបញ្ហាប្រឈមនានាដែលក្រុមការងារភ្នាក់ងារទេសចរណ៍តែងជួបប្រទះជាប្រចាំ។
ក្នុងគោលបំណងស្ដារគម្របព្រៃឈើក្នុងតំបន់ការពាររមណីយដ្ឋានបេតិកភណ្ឌពិភពលោកអង្គរឲ្យកាន់តែច្រើនឡើង និងបំផុសស្មារតីឲ្យមានការចូលរួមរបស់ប្រជាពលរដ្ឋអំពីកិច្ចការបរិស្ថាន។ ក្នុងន័យនេះ ចាប់ពីខែមិថុនាមកដល់បច្ចុប្បន្ន គឺមានរយៈពេលជាង២ខែមកហើយដែលអាជ្ញាធរជាតិអប្សរា បានចែកកូនឈើជាង៧ម៉ឺនដើមដល់អង្គភាពរដ្ឋ អង្គការ សហគមន៍ សាលារៀន វត្តអារាម វិស័យឯកជន និងសាធារណជនទូទៅដែលបានដាក់ពាក្យស្នើសុំយកទៅដាំនៅតាមតំបន់ផ្សេងៗទាំងក្នុងខេត្តសៀមរាប និងខេត្តមួយចំនួនក្នុងប្រទេសកម្ពុជា។
អាជ្ញាធរជាតិអប្សរា បានបន្តចែកជូនកូនឈើដល់សាធារណជនជិតឆ្ងាយ ដើម្បីយកទៅដាំក្នុងបំណងបង្កើនគម្របព្រៃឈើឡើងវិញនៅក្នុងប្រទេសកម្ពុជា។ នៅថ្ងៃទី៧ និងទី៨ ខែសីហា ឆ្នាំ២០២០ កូនឈើចំនួន ៤,៦២០ដើមទៀត បានចែកជូនដល់សាធារណជនក្នុងខេត្តសៀមរាប ខេត្តបន្ទាយមានជ័យ និងខេត្តតាកែវ។
សេចក្ដីគោរពជូនសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា
ក្នុងឱកាសដ៏សែនមហានក្ខត្តឫក្សថ្លៃថ្លានៃខួបកំណើតគម្រប់ ៦៨ឆ្នាំ ឈានចូល៦៩ឆ្នាំ នាថ្ងៃទី ០៥ ខែសីហា ឆ្នាំ២០២០នេះ តាងនាមថ្នាក់ដឹកនាំ និងមន្ត្រីរាជការគ្រប់លំដាប់ថ្នាក់នៃអាជ្ញាធរជាតិអប្សរា និងក្នុងនាមខ្ញុំផ្ទាល់ ខ្ញុំបាទសូមសម្ដែងនូវមនោសញ្ចេតនារីករាយឥតឧបមា និងសេចក្ដីគោរពស្រលាញ់ដ៏ជ្រាលជ្រៅបំផុត ព្រមទាំងសូមគោរពជូនពរ បវរមហាប្រសើរជូន សម្ដេចតេជោនាយករដ្ឋមន្ត្រី ជាទីគោរពដ៏ខ្ពង់ខ្ពស់ សូមមានជន្មាយុយឺនយូរមានសុខុមាលភាពល្អបរិបូរណ៍ បញ្ញាញាណភ្លឺថ្លា ដើម្បីដឹកនាំរាជរដ្ឋាភិបាល និងប្រទេសជាតិទទួលជោគជ័យដ៏ត្រចះត្រចង់ថ្មីៗថែមទៀត ជាពិសេសវឌ្ឍនភាព និងកិត្យានុភាពល្បីរន្ទឺលើឆាកអន្តរជាតិ
ដើមដំបូងមុន12345...337338បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
6
ថ្ងៃនេះ
:
1211
ម្សិលមិញ
:
6412
សប្តាហ៍នេះ
:
19352
ខែនេះ
:
0246216
សរុប
:
012071847