NEWS

Restored wall of Angkor Thom by APSARA receives enthusiastic support from ICC - Angkor experts

Published on 25 January 2017 01:37 PM Post By ៖ Apsara National Authority

កំពែងអង្គរធំ ត្រូវបានជួសជុលដោយអ្នកជំនាញរបស់អាជ្ញាធរជាតិអប្សរា។ គម្រោងនេះ បានដំណើរការជួសជុលរួចជាស្ថាពរបានប្រវែង៨៣ម៉ែត្ររួចហើយ។ គម្រោងមួយនេះសោត ត្រូវបានសាទរ និងកោតសរសើរពីសំណាក់អ្នកជំនាញនៃគណៈកម្មាធិការអន្តរជាតិដើម្បីសម្របសម្រួលកិច្ចគាំពារ និងអភិវឌ្ឍន៍រមណីយដ្ឋានប្រវត្តិសាស្រ្តអង្គរ ហៅកាត់ថា អាយស៊ីស៊ី-អង្គរ (ICC-Angkor)។

លោក លី វណ្ណា ប្រធាននាយកដ្ឋានអភិរក្សប្រាសាទក្នុងឧទ្យានអង្គរ និងបុរាណវិទ្យាបង្ការ នៃអាជ្ញាធរជាតិអប្សរា បានបញ្ជាក់ប្រាប់ក្នុងឱកាសនៃកិច្ចប្រជុំICC.Angkor ថា របាយការណ៍បច្ចេកទេសអំពីលទ្ធផលនៃការងារជួសជុលកំពែងអង្គរធំ ត្រូវបានដាក់ជូនអ្នកជំនាញក្នុងកិច្ចប្រជុំអាយស៊ីស៊ី-អង្គរ ដែលកំពុងដំណើរការនៅស្នាក់ការអាជ្ញាធរជាតិអប្សរា។ តាមការបញ្ជាក់របស់លោក វណ្ណា អ្នកជំនាញការអាយស៊ីស៊ី-អង្គរ បានសាទរ និងគាំទ្រពីសមិទ្ធផល ដែលក្រុមការងាររបស់លោកបានសម្រេចបានពីការជួសជុលកំពែងអង្គរធំនេះ។

កំពែងអង្គរធំ ត្រូវបានជួសជុលរួលរាល់ជាស្ថាពរបានចំនួន ៨៣ម៉ែត្រ ដោយប្រើពេល២ឆ្នាំកន្លះ។ ការជួសជុលនេះ គឺប្រើប្រាស់កម្លាំងពលកម្មមនុស្សផ្ទាល់ បូករួមទាំងសម្ភារជួសជុលបែបបុរាណផងដែរ។ លោក វណ្ណា ពន្យល់ថា ការជួសជុលនេះ គឺក្រុមការងារបានប្រើប្រាស់សម្ភារបុរាណដែលមានស្រាប់តាមរយៈការបង្ហាប់ដី ទប់ដីកុំឲ្យច្រោះឬហូរ ក៏ដូចជាបង្កើតទីជម្រាលកុំឲ្យហូរច្រោះដីនៅលើជញ្ជាំងជាដើម។

ក្នុងដំណើរការជួសជុលនេះដែរ នាយកដ្ឋានអភិរក្សប្រាសាទក្នុងឧទ្យានអង្គរ និងបុរាណវិទ្យាបង្ការ បានគោរពទៅតាមអនុសាសន៍របស់អាយស៊ីស៊ី-អង្គរ ដែលលោក វណ្ណា បញ្ជាក់ថា មាន១៥ចំណុច។ ហើយដំណើរការនេះទៀតសោត ក៏ស្ថិតក្រោមការតាមដានពីអ្នកជំនាញការអាយស៊ីស៊ី-អង្គរដោយយកចិត្តទុកដាក់ផងដែរ។

កំពែងអង្គរធំមានប្រវែងសរុប១២គីឡូម៉ែត្រ ក្នុងមួយជ្រុងមានប្រវែង៣គីឡូម៉ែត្រ។ កំពែងនេះមានកម្ពស់ចន្លោះ៦ម៉ែត្រ ទៅជាង៦ម៉ែត្រ ទៅតាមទីតាំងផ្សេងៗគ្នា គឺកន្លែងខ្លះមានជញ្ជាំងថ្មបាយក្រៀមពី១៩ ទៅ២០ស្រទាប់។

គម្រោងជួសជុលកំពែងអង្គរធំមិនទាន់រួចរាល់នោះទេ។ នាយកដ្ឋានអភិរក្សប្រាសាទក្នុងឧទ្យានអង្គរ និងបុរាណវិទ្យាបង្ការ បានដាក់សំណើមួយចំនួនទៅកាន់អ្នកពាក់ព័ន្ធ ដើម្បីស្នើសុំបន្តគម្រោងជួសជុលនេះជាបន្តបន្ទាប់ទៀត៕








វត្តបូណ៌ ឬ វត្តរាជបូណ៌ ជាបូជនីយដ្ឋាននិងបុរាណដ្ឋានដ៏ល្បីមួយនៅក្នុងខេត្តសៀមរាប កសាងឡើងក្នុងរវាងឆ្នាំ១៦៥០។ បើរាប់ពីដំបូល តួព្រះវិហារ គ្រឹះ ហោជាង សន្លឹកទ្វារ សន្លឹកបង្អួច ព្រះពុទ្ធបដិមា បល្ល័ង្ក សសរ រូបគំនូរ ពណ៌ គឺសុទ្ធតែជាទីចាប់អារម្មណ៍បំផុតសម្រាប់អ្នកទេសចរ អ្នកស្រាវជ្រាវជាតិ-អន្តរជាតិ។
ជឿន គឹមហេង ប្រហែលជាស្ត្រីពិការទី១ ដែលបានឡើងទៅទស្សនានៅលើរួតបាកាណ ដែលជាជាន់ខ្ពស់ជាងគេបង្អស់នៃប្រាសាទអង្គរវត្តបានដោយជោគជ័យ កាលពីរសៀលថ្ងៃទី២០ ខែកក្កដា ឆ្នាំ២០១៦នេះ។ នេះក៏ដោយសារតែឆន្ទៈដ៏មុតមាំរបស់នាង ដែលបានទទូចស្នើសុំមកអាជ្ញាធរជាតិអប្សរាកន្លងមក។
ឯកឧត្តម ស៊ុំ ម៉ាប់ អគ្គនាយកអាជ្ញាធរជាតិអប្សរា អមដំណើរដោយលោកសាស្ត្រាចារ្យ Azedine BESCHAOUCH លេខាធិការ វិទ្យាសាស្ត្រអចិន្ត្រៃយ៍នៃ ICC-Angkor ឯកឧត្តម ហង់ ពៅ អគ្គនាយករង និងថ្នាក់ដឹកនាំពាក់ព័ន្ធផ្សេងទៀតនៃអាជ្ញាធរជាតិអប្សរា បានចុះពិនិត្យការងារជួសជុលនិងអភិរក្សនៅវត្តរាជបូណ៌ និង ប្រគេនទៀនវស្សាព្រមទាំងទេយ្យទានផ្សេងៗដល់ព្រះសង្ឃគង់ចាំព្រះវស្សានៅវត្តរាជបូណ៌ នាព្រឹកថ្ងៃទី២០ ខែកក្កដា ឆ្នាំ២០១៦ ដើម្បីចាប់យកមគ្គផលនិងរួមចំណែកក្នុងការលើកតម្កើងព្រះពុទ្ធសាសនាផងដែរ។ ក្នុងឱកាសចុះទៅពិនិត្យការងារជួសជុលនិងអភិរក្សនៅព្រះវិហារវត្តរាជបូណ៌ ឯកឧត្តមអគ្គនាយក និងថ្នាក់ដឹកនាំបានពិនិត្យពីលទ្ធផលនៃការជួសជុលរូបគំនូរដែលមានក្នុងព្រះវិហារ និងលទ្ធភាពជួសជុលដំបូលព្រះវិហារ។
នៅថ្ងៃទី២០ ខែកក្កដា ឆ្នាំ២០១៦ ឯកឧត្តម ម៉ី ម៉ារ៉ាឌី ទីប្រឹក្សាអាជ្ញាធរជាតិអប្សរានិងជាប្រធានក្រុមការងារអភិវឌ្ឍន៍ភូមិធម្មជាតិរុនតាឯក និងមន្ត្រី/បុគ្គលិកអាជ្ញាធរជាតិអប្សរាមួយចំនួនទៀតបានសហការគ្នាជាមួយក្រុមពេទ្យស្ម័គ្រចិត្តនៃសមាគមបេសកកម្មមនុស្សធម៌នៅកម្ពុជា(AMH)ចំនួន២៥រូប បារាំង១៦រូបនិងខ្មែរ៩រូបចុះទៅពិនិត្យសុខភាពនិងចែកថ្នាំជូនប្រជាពលរដ្ឋដោយឥតគិតថ្លៃនៅភូមិធម្មជាតិរុនតាឯក ឃុំរុនតាឯក ស្រុកបន្ទាយស្រី ខេត្តសៀមរាប។
ក្រុមអ្នកជំនាញអភិរក្សថ្មរបស់នាយកដ្ឋានអភិរក្សប្រាសាទក្នុងឧទ្យានអង្គរនិងបុរាណ វិទ្យាបង្ការនៃអាជ្ញាធរជាតិអប្សរាកំពុងអនុវត្តគម្រោងជួសជុលចម្រឹងបង្អួចនៅរោងទងទី២ផ្នែក ខាងជើងនៃប្រាសាទអង្គរវត្ត។ ជាទូទៅស្ថានភាពចម្រឹងបង្អួចទាំងអស់នៅប្រាសាទអង្គរវត្ត ពុំមានភាពរឹងមាំល្អឡើយ ចម្រឹងខ្លះពុកផុយនិងសឹករិចរិលដោយអន្លើៗ ឯខ្លះទៀតបានបាក់ និងបាត់បង់ទាំងស្រុង។ ក្នុងដំណាក់កាលដំបូងនៃការសិក្សាលើស្ថានភាពចម្រឹងបង្អួចនៅរោង ទងទី២ផ្នែកខាងក្នុងគឺមានសរុបចំនួន១៤៩ស៊ុមស្មើនឹង១០៣៩ចម្រឹង ក្នុងនោះបានបង្ហាញពី ការខូចខាតខ្លាំងប្រមាណ២១% ខូចខាតមធ្យម ១៦% និងខូចតិចតួចចំនួន៣៩%។

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
16
Today
:
39610
Yesterday
:
98152
This Week
:
39610
This Month
:
0039610
Total
:
015109413