ព័ត៌មានថ្មីៗ

ប្រជាជននៅភូមិធម្មជាតិរុនតាឯកទទួលបានការផ្សព្វផ្សាយបញ្ហាបរិស្ថានពីអ្នកជំនាញអាជ្ញាធរជាតិអប្សរា

បានផ្សាយនៅ ថ្ងៃទី 07 ខែ ធ្នូ ឆ្នាំ2016 11:24 AM ដោយ ៖ អាជ្ញាធរជាតិអប្សរា

បញ្ហាបរិស្ថាន ជាបញ្ហាចោទសំខាន់មួយនាពេលបច្ចុប្បន្ន ដែលបង្កគ្រោះថ្នាក់យ៉ាងធ្ងន់ធ្ងន់ដល់ការរស់នៅប្រចាំថ្ងៃរបស់ប្រជាជន។ នេះក៏ព្រោះតែការកើនឡើងនៃចំនួនមនុស្ស កំណើនតម្រូវការប្រើប្រាស់ ការអភិវឌ្ឍសង្គម ទម្លាប់មិនល្អក្នុងការរស់នៅ ខ្វះការយល់ដឹងបញ្ហាបរិស្ថាន និងកត្តារួមផ្សំជាច្រើនផ្សេងទៀត។

ដូច្នេះហើយ ដើម្បីរួមចំណែកកាត់បន្ថយផលប៉ះពាល់ដល់បរិស្ថាន និងលើកកម្ពស់សុខភាពប្រជានជាមួយរាជរដ្ឋាភិបាលនិងអង្គការក្រៅរដ្ឋាភិបាលនានា អាជ្ញាធរជាតិអប្សរាបានធ្វើការអប់រំពីបញ្ហាបរិស្ថានដល់ប្រជាជននៅភូមិធម្មជាតិរុនតាឯក នារសៀលថ្ងៃទី៦ ខែធ្នូ ឆ្នាំ២០១៦ ដោយអ្នកជំនាញរបស់អាជ្ញាធរជាតិអប្សរាផ្ទាល់។

ឯកឧត្តម ម៉ី ម៉ារ៉ាឌី ទីប្រឹក្សាអាជ្ញាធរជាតិអប្សរានិងជាប្រធានគម្រោងអភិវឌ្ឍន៍ភូមិធម្មជាតិរុនតាឯក បានលើកឡើងថា ការបញ្ជ្រាបចំណេះដឹងផ្នែកបរិស្ថានដល់ប្រជាជន គឺរឿងសំខាន់បំផុតសម្រាប់ការរស់នៅរបស់ពួកគាត់ ដើម្បីឱ្យគាត់ចេះសម្អាតបរិស្ថានជុំវិញផ្ទះ យល់ដឹងពីការទុកដាក់សំរាមបានត្រឹមត្រូវ មានទម្លាប់រស់នៅល្អ ស្រឡាញ់បរិស្ថាន និងចៀសផុតពីជំងឺតម្កាត់ផ្សេងៗដល់មនុស្សក្នុងគ្រួសារផងដែរ ជាហេតុធ្វើឱ្យគាត់មិនចំណាយថវិកាឥតប្រយោជន៍ទៅលើការព្យាបាលជំងឺ។ ក្រៅពីនោះ ភូមិធម្មជាតិរុនតាឯក ក៏ជាកន្លែងទេសចរណ៍ធម្មជាតិមួយក្នុងតំបន់អង្គរ ដែលអាជ្ញាធរជាតិអប្សរាបានយកចិត្តទុកដាក់ខ្លាំងលើផ្នែកបរិស្ថាន ទាំងការអប់រំប្រជាជន និងធ្វើជាគំរូដល់ប្រជាជន ដើម្បីទាក់ទាញទេសចរឱ្យចូលមកទស្សនា ហើយអាចបង្កើនចំណួលដល់ប្រជាជននៅទីនេះថែមទៀត។

លោក ស្រេង ឡេង បុគ្គលិកប្រព័ន្ធគ្រប់គ្រងបរិស្ថានអង្គរនៃអាជ្ញាធរជាតិអប្សរា បានកោតសរសើរចំពោះការរស់នៅ របស់ប្រជាជននៅភូមិធម្មជាតិរុនតាឯកដែលមានការយល់ដឹងល្អពីបញ្ហាបរិស្ថាន ប៉ុន្តែការជំរុញ លើកទឹកចិត្ត និងអប់រំបន្ថែមនៅថ្ងៃនេះ គឺជារឿងចាំបាច់។ ចាំបាច់ដោយហេតុថា សំរាមជាបញ្ហាប្រឈមខ្លាំងសម្រាប់មុខមាត់ប្រទេសជាតិសុខភាពប្រជាជន និងបរិស្ថានទូទៅ។ ការទុកដាក់សំរាមមិនបានល្អត្រឹមត្រូវ ចោលពាលវាលពាសកាល នាំឱ្យមានក្លិនមិនល្អ បង្កឱ្យមានជំងឺអាសន្នរោគ រលាកផ្លូវដង្ហើមជាដើម ដែលមិនត្រឹមតែប៉ះពាល់ដល់សុខភាពមនុស្សទេ សូម្បីតែសត្វក៏ស្លាប់ដែរ។ លើសពីនេះ សំរាមខ្លះមានប្រយោជន៍សម្រាប់កសិកម្ម ឯខ្លះទៀតយើងអាចកែច្នៃប្រើប្រាស់ឡើងវិញបាន ដូច្នេះត្រូវរៀនប្រើឱ្យអស់លទ្ធភាព សឹមបោះចោល ដូចពាក្យថា «សំរាម» គឺទាល់តែរបស់នោះកែច្នែលែងកើត។

បន្ថែមពីនោះលោកក៏បានបង្ហាញវិធីគ្រប់គ្រងសំរាមឱ្យបានត្រឹមត្រូវដល់ប្រជាជន ដោយចាប់ផ្តើមពីខ្លួនឯងផ្ទាល់ ដូចជាកាត់បន្ថយការប្រើប្រាស់ផ្លាស្ទិក ដាក់របស់ជាច្រើនក្នុងថង់តែមួយ មានទម្លាប់ល្អពេលហូបចុករួច ប្រើប្រាស់និងកែច្នៃសាឡើងវិញនូវរបស់ខ្លះដែលអាចប្រើបាន ទុកដាក់សំរាមតាមប្រភេទ ដាច់ខាតមិនត្រូវដុតថង់ផ្លាស្ទិក និងចូលរួមថែរក្សាបរិស្ថានឱ្យបានគ្រប់គ្នា។ បរិស្ថានស្អាត សុខភាពល្អ គ្រួសាររីកចម្រើន!












កាលពីព្រឹកថ្ងៃទី១០ ខែ ឧសភា ឆ្នាំ ២០១៦ ឯកឧត្តមបណ្ឌិត ស៊ុំ ម៉ាប់ អគ្គនាយកនៃអាជ្ញាធរជាតិអប្សរា និងតំណាងស្ថានទូតបារាំង ក្នុងនាមសហប្រធានគណៈកម្មការដឹកនាំនិងតាមដានគម្រោងជួសជុលប្រាសាទមេបុណ្យខាងលិចបានដឹកនាំក្រុមការងារចំរុះនៃអាជ្ញាធរជាតិអប្សរានិងអ្នកជំនាញសាលាបារាំងចុងបូព៌ាចុះទៅពិនិត្យការងារជួសជុលប្រាសាទមេបុណ្យខាងលិច។
ស្ពានហាលមុខប្រាសាទអង្គរវត្ត ដែលនៅសល់មិនទាន់បានជួសជុលក្នុងពេលមុនៗ នឹងត្រូវចាប់ផ្តើមការដ្ឋានជួសជុលពីថ្ងៃទី៩ ខែឧសភា ឆ្នាំ២០១៦នេះហើយ។ ការជួសជុលស្ពានហាលប្រវែង៩០ម៉ែត្រនេះ គឺជាគម្រោងសហការរវាងអាជ្ញាធរជាតិអប្សរាជាមួយសាកលវិទ្យាល័យ សូហ្វីយ៉ានៃប្រទេសជប៉ុន ហើយគ្រោងនឹងចំណាយពេល៤ឆ្នាំ។
“ប្រទេសជប៉ុនបានរីកចម្រើនដល់ដំណាក់កាលមួយ ដែលគេលែងចង់ប្រើបច្ចេកទេសបុរាណក្នុងការជួសជុលសំណង់បុរាណ តែកម្ពុជានៅរក្សាបាន ដោយអាជ្ញាធរជាតិអប្សរានៅតែបន្តអនុវត្តការជួសជុលសំណង់ប្រាសាទ និងរចនាសម្ព័ន្ធផ្សេងៗតាមរយៈបច្ចេទេសបុរាណ”។ នេះជាប្រសាសន៍លើកឡើងរបស់លោក OKAZAKI SEIJI អ្នកជំនាញដាប់ថ្មរបស់ជប៉ុននាព្រឹកថ្ងៃទី៥ ខែឧសភា ឆ្នាំ២០១៦ នៅមុខប្រាសាទអង្គរវត្ត ជាទីដែលលោកកំពុងតែងបណ្តុះបណ្តាលកម្មករខ្មែរអំពីវិធីដាប់ថ្មជួសជុលប្រាសាទ។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
5
ថ្ងៃនេះ
:
7391
ម្សិលមិញ
:
23678
សប្តាហ៍នេះ
:
119126
ខែនេះ
:
0076332
សរុប
:
011538928