NEWS

Director General of Apsara Authority meets Komatsu delegation of Japan for discussion

Published on 26 October 2016 03:10 PM Post By ៖ Apsara National Authority

ឯកឧត្តមបណ្ឌិត ស៊ុំ ម៉ាប់ អគ្គនាយកអាជ្ញាធរជាតិអប្សរា ទទួលជួបការចូលជួបសម្តែងការគួរសមពីសំណាក់គណៈប្រតិភូជប៉ុនដឹកនាំដោយលោក Shinji Wada អភិបាលក្រុងKomatsu នាព្រឹកថ្ងៃទី២៦ ខែតុលា ឆ្នាំ២០១៦ នៅទីស្នាក់ការអាជ្ញាធរជាតិអប្សរា។

ការចូលជួបសម្តែងការគួរសមនេះ ដើម្បីបង្ហាញនូវការដឹងគុណដល់អាជ្ញាធរជាតិអប្សរា ដែលបានធ្វើឲ្យទំនាក់ទំនងរវាងទីក្រុងKomatsu និងទីក្រុងសៀមរាប អាចក្លាយជាទីក្រុងសម្ព័ន្ធមេត្រីភាពនាថ្ងៃអនាគត។ លើសពីនោះទៀត ការពិភាក្សាក៏បានផ្តោតទៅលើការពង្រឹងកិច្ចសហប្រតិបត្តិការ រវាងអាជ្ញាធរជាតិអប្សរា និងទីក្រុងKomatsuនៃប្រទេសជប៉ុន ឲ្យកាន់តែទូលំទូលាយ ជាពិសេសលើកកម្ពស់ការយល់ដឹងអំពីវប្បធម៌រវាងគ្នានឹងគ្នា និងការបណ្តុះបណ្តាលធនធានមនុស្ស។

មានប្រសាសន៍សំណេះសំណាលស្វាគមន៍ទៅកាន់គណៈប្រតិភូ ឯកឧត្តមអគ្គនាយកបានរៀបរាប់ថា ចាប់តាំងពីអង្គរត្រូវបានបញ្ចូលជាសម្បត្តិបេតិកភណ្ឌពិភពលោកក្នុងឆ្នាំ១៩៩២មក ប្រាសាទនានាក្នុងតំបន់អង្គរត្រូវបានអភិរក្សជួសជុលជាបន្តបន្ទាប់។ ក្នុងនោះប្រទេសជប៉ុនក៏បានចូលរួមចំណែកយ៉ាងខ្លាំងក្លា ជាមួយនឹងដៃគូអន្តរជាតិនានា ដែលការចូលរួមចំណែកទាំងនោះ បានធ្វើឲ្យអង្គរមានសុវត្ថិភាព និងទទួលបានការចាប់អារម្មណ៍កាន់តែខ្លាំងឡើងពីសំណាក់ភ្ញៀវទេសចរ។ ជាពិសេស រយៈពេល៣ឆ្នាំចុងក្រោយនេះ អង្គរត្រូវបានគេហទំព័រល្បីៗលើពិភពលោក ធ្វើការបោះឆ្នោតស្ទង់មតិហើយទទួលបានចំណាត់លេខ១ក្នុងឋានៈជាតំបន់ទេសចរណ៍ល្អបំផុតទៀតផង។ អាជ្ញាធរជាតិអប្សរាស្វាគមន៍ជានិច្ច រាល់ដៃគូអន្តរជាតិនានា ដើម្បីពង្រឹងកិច្ចសហប្រតិបត្តិការលើការងារអភិរក្សជួសជុលក្នុងតំបន់អង្គរ ក៏ដូចជាពង្រឹងសមត្ថភាពមន្ត្រីនៃអាជ្ញាធរជាតិអប្សរាដែរ។

លោក Shinji Wada បានលើកឡើងថា ថ្នាក់ដឹកនាំទីក្រុងKomatsu ពិតជារីករាយនឹងបំពេញកិច្ចសហប្រតិបត្តិការជាមួយអាជ្ញាធរជាតិអប្សរា ជាពិសេស កិច្ចសហប្រតិបត្តិការកន្លងមក តាមរយៈសាកលវិទ្យាល័យKanazawa និងមហាវិទ្យាល័យKomatsu។ លោកបញ្ជាក់ថា “កិច្ចសហការរបស់យើងនឹងផ្តោតសំខាន់ទៅលើការបណ្តុះបណ្តាលយុវជនជំនាន់ក្រោយ ព្រោះពួកគេគឺជាអ្នកដែលត្រូវស្នងការងារ និងបន្តការងារអភិរក្សមត៌កវប្បធម៌របស់យើង”។

មកទល់នឹងពេលនេះ គ្រឹះស្ថានអប់រំចំនួន២នៃទីក្រុងKomatus គឺ សាកលវិទ្យាល័យKanazawa និងមហាវិទ្យាល័យKomatsuស្ថិតនៅទីក្រុងKomatsu បានចុះអនុស្សរណៈយោគយល់គ្នារួចហើយ ជាមួយអាជ្ញាធរជាតិអប្សរា។ តាមរយៈអនុស្សរណៈនៃការយោគយល់គ្នានេះ អាជ្ញាធរជាតិអប្សរាសង្ឃឹមថា នឹងទទួលបានបទពិសោធន៍ថ្មីបន្ថែមទៀតពីប្រទេសជប៉ុន លើការអភិវឌ្ឍសមត្ថភាពមន្ត្រីបុគ្គលិក ដើម្បីថែរក្សាឱ្យគង់វង្សនូវតម្លៃជាសាកលនៃបេតិកភណ្ឌតំបន់អង្គរដ៏ឆ្នើមជាមួយនឹងការអភរិក្សបរិស្ថានធម្មជាតិ និងសហគមន៍ប្រកបដោយចីរភាព។ លើសពីនេះទៅទៀត អាជ្ញាធរជាតិអប្សរាក៏នឹងចែករំលែកបទពិសោធន៍របស់ខ្លួនដែលធ្លាប់ទទួលជោគជ័យជាបន្តបន្ទាប់ទៅកាន់ភាគីជប៉ុនវិញដែរ៕








នៅថ្ងៃទី២០ ខែតុលា ឆ្នាំ២០២០ ក្រុមការងារសហគមន៍នៃអាជ្ញាធរជាតិអប្សរាចំនួន២គោលដៅ ដោយមានការចូលរួមពីអាជ្ញាធរមូលដ្ឋានចុះពិនិត្យ និងដោះស្រាយសំណើសុំជួសជុលផ្ទះរបស់ប្រជាពលរដ្ឋក្នុងឧទ្យានអង្គរ។
ក្នុងរយៈពេលប៉ុន្មានថ្ងៃកន្លងមកនេះ ភ្លៀងយ៉ាងច្រើនបានធ្លាក់ចុះជាបន្តបន្ទាប់បណ្តាលឱ្យស្ថានភាពទឹកមានការកើនឡើងនៅភាគខាងជើងនៃរមណីយដ្ឋានអង្គរចាប់ពីម៉ោង៤ព្រឹក ថ្ងៃទី១៩ ខែតុលា ឆ្នាំ២០២០ និងបន្តធ្លាក់ចុះមកផ្នែកកណ្តាលនៃរមណីយដ្ឋានអង្គរ។
រយៈពេលពីរសប្តាហ៍នៃខែតុលា ឆ្នាំ២០២០នេះ ក្រុមការងារជំនាញនៃនាយកដ្ឋានរៀបចំដែនដីនិងគ្រប់គ្រងលំនៅដ្ឋានក្នុងឧទ្យានអង្គរ បានចុះពិនិត្យលក្ខខណ្ឌនៃការរស់នៅ និងប្រើប្រាស់ទីតាំងស្នើសុំរបស់ប្រជាពលរដ្ឋ បានចំនួន៨៥ករណី រួមមាន៖ ក្រុងសៀមរាប ២៥ករណី ស្រុកបន្ទាយស្រី ១២ករណី ស្រុកអង្គរធំ ៦ករណី ស្រុកប្រាសាទបាគង ២៤ករណី ស្រុកពួក៧ករណី ស្រុកសូទ្រនិគម ៣ករណី និងស្រុកស្វាយលើ ៨ករណី។
ការងារផ្តិតសិលាចារឹកមិនតម្រូវទាល់តែជាអ្នកបច្ចេកទេសបុរាណវិទ្យា អ្នកប្រវត្តិសាស្រ្ត ឬអក្សរសាស្រ្ត ទើបអាចផ្តិតបាននោះឡើយ។ វាអាស្រ័យលើអ្នកដែលមានចិត្តអំណត់ និងប្រុងប្រយ័ត្ន ត្បិតអីត្រូវចំណាយពេលយូរ និងដំណើរការក៏ច្រើនដំណាក់កាល មួយទៀតសោតក្រដាសផ្តិតស្តើងពេលត្រូវទឹកផុយងាយរហែកណាស់។
ដើមត្នោតគឺជាប្រភេទរុក្ខជាតិនិមិត្តរូបជាតិនៃព្រះរាជាណាចក្រកម្ពុជា និងជាប្រភេទរុក្ខជាតិដែលមានសារសំខាន់ជាទីបំផុតសម្រាប់ជីវិតរស់នៅប្រចាំថ្ងៃរបស់ប្រជាជនខ្មែរ។ គ្រប់ផ្នែកទាំងអស់នៃរុក្ខជាតិនេះអាចប្រើប្រាស់បានទៅតាមតម្រូវការជាក់ស្តែងក្នុងជីវភាពប្រចាំថ្ងៃ ព្រមទាំងអាចប្រើប្រាស់ជាសម្ភារផ្គុំសំណង់ផ្ទះ និងធ្វើជាទូកសម្រាប់ជាមធ្យោបាយធ្វើដំណើរតាមផ្លូវទឹកទៀតផង។
FirstPrev12345...355356NextLast

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
9
Today
:
1506
Yesterday
:
9096
This Week
:
51257
This Month
:
0145936
Total
:
012915368