NEWS

Relationship between Angkor and Mt. Huangshan reaching a sign of memorandum of understanding

Published on 12 October 2016 03:07 PM Post By ៖ Apsara National Authority

ក្រោយពីដំណើរទស្សនកិច្ចផ្លូវការ និងកិច្ចពិភាក្សាជាបន្តបន្ទាប់ រវាងស្ថាប័នគ្រប់គ្រងរមណីយដ្ឋានបេតិកភណ្ឌពិភពលោកទាំងពីរគឺ រមណីយដ្ឋានអង្គរ និងរមណីយដ្ឋានហ័ងសាននៃសាធារណរដ្ឋប្រជាមានិតចិន អស់រយៈកាលជាងមួយឆ្នាំកន្លងមក សម្ព័ន្ធភាពនៃរមណីយដ្ឋានទាំងពីរបានឈានដល់ការចុះអនុស្សរណៈយោគយល់គ្នាហើយ នៅព្រឹកថ្ងៃទី១២ ខែតុលា ឆ្នាំ២០១៦ នៅទីស្នាក់ការនៃអាជ្ញាធរជាតិអប្សរា។

អនុស្សរណៈយោគយល់គ្នានេះ ត្រូវបានចុះហត្ថលេខាដោយឯកឧត្តម សុខ សង្វារ អគ្គនាយករងនៃអាជ្ញាធរជាតិអប្សរា និងឯកឧត្តម Ye Zheng Jun អនុប្រធានលេខាធិការនៃគណៈកម្មាធិការគ្រប់គ្រងរមណីយដ្ឋានទេសភាពហ័ងសាន ក្រោមអធិបតីភាពឯកឧត្តមបណ្ឌិត ស៊ុំ ម៉ាប់ អគ្គនាយកអាជ្ញាធរជាតិអប្សរា និងឯកឧត្តម Kong Xiaohong អភិបាលក្រុងហ័ងសាន និងមានការចូលរួមពីថ្នាក់ដឹកនាំជាច្រើនទៀតនៃអាជ្ញាធរជាតិអប្សរា និងរមណីយដ្ឋានហ័ងសាន។

ឯកឧត្តម Kong Xiaohong បានបង្ហាញនូវអារម្មណ៍រីករាយយ៉ាងខ្លាំង ដែលទំនាក់ទំនងនៃរមណីយដ្ឋានពិភពលោកទាំងពីរបានឈានដល់ការចុះអនុស្សរណៈយោគយល់គ្នា។ ឯកឧត្តមបញ្ជាក់ថា “យើងដឹងថា អង្គរគឺជា និមិត្តរូបនៃប្រទេសកម្ពុជា អង្គរគឺជាតំបន់ប្រវត្តិសាស្ត្រ និងវប្បធម៌ដ៏អស្ចារ្យ។ ប្រជាជនចិនជាច្រើនក៏បានសិក្សា និងកោតសរសើរចំពោះស្នាដៃដ៏អច្ឆរិយៈនេះដែរ។ ប្រទេសកម្ពុជា និងចិនធ្លាប់មានទំនាក់ទំនងគ្នាយ៉ាងល្អតាំងពីបុរាណកាលមក យើងសង្ឃឹមថា តាមរយៈការចុះអនុស្សរណៈយោគយល់គ្នាថ្ងៃនេះ នឹងធ្វើឲ្យរមណីយដ្ឋានពិភពលោកទាំងពីរកាន់តែខិតជិតរកគ្នា ជាពិសេសនឹងធ្វើឲ្យសម្ព័ន្ធភាពកម្ពុជា និងចិនកាន់តែរឹងមាំថែមទៀត”។

មានប្រសាសន៍ក្នុងពិធីនេះ ឯកឧត្តមបណ្ឌិត ស៊ុំ ម៉ាប់ បញ្ជាក់ថា គោលបំណងចម្បងនៃការចុះអនុស្សរណៈនៅថ្ងៃនេះគឺ “ដើម្បីបង្កើតកិច្ចសហប្រតិបត្តិការរវាងរមណីយដ្ឋានពិភពលោកទាំងពីរ ក្នុងក្របខណ្ឌអភិរក្ស គ្រប់គ្រង ស្រាវជ្រាវ បណ្តុះបណ្តាល ការអភិវឌ្ឍទេសចរណ៍ដោយចីរភាព និងការគ្រប់គ្រងបរិស្ថាន។ ជំរុញការផ្សព្វផ្សាយពីរូបភាពនៃរមណីយដ្ឋាន ដើម្បីទាក់ទាញភ្ញៀវទេសចរ បណ្តុះបណ្តាលធនធានមនុស្សតាមរយៈការផ្លាស់ប្តូរបទពិសោធន៍ពីគ្នាទៅវិញទៅមក ផ្តល់ជំនួយបច្ចេកទេសពាក់ព័ន្ធនឹងការអភិវឌ្ឍ ការអភិរក្ស បេតិកភណ្ឌវប្បធម៌ និងធម្មជាតិ ក៏ដូចជាជំរុញការផ្សព្វផ្សាយទេសចរណ៍រវាងរមណីយដ្ឋានទាំងពីរ”។

គួររំឭកថា កាលពីថ្ងៃទី១៤ ដល់ ១៨ ខែសីហា ឆ្នាំ២០១៥ ក្រុមប្រតិភូអាជ្ញាធរជាតិអប្សរា ដឹកនាំដោយឯកឧត្តម សុខ សង្វារ អគ្គនាយករង ក្នុងដំណើរទស្សនកិច្ចផ្លូវការទៅកាន់រមណីដ្ឋានហ័ង សាន បានធ្វើកំណត់ហេតុ នៃកិច្ចពិភាក្សាស្តីពីការចងសម្ព័ន្ធភាព និងកិច្ចសហប្រតិបត្តិការក្នុងវិស័យអភិរក្ស អភិវឌ្ឍន៍ និងគ្រប់គ្រងរមណីយដ្ឋាន ដែលជាសម្បត្តិបេតិកភណ្ឌពិភពលោកទាំងពីរ។ ក្រោយមកទៀត នៅថ្ងៃទី១៤ និង១៥ ខែធ្នូ ឆ្នាំ២០១៥ គណៈប្រតិភូរមណីយដ្ឋានហ័ងសាន នៃសាធារណរដ្ឋប្រជាមានិតចិន ដឹកនាំដោយ លោក Chen Lei អនុប្រធាននាយកដ្ឋានទេសចរណ៍នៃខេត្តអានហួយ ក៏បានមកបំពេញទស្សនកិច្ចផ្លូវការ ក្នុងតំបន់រមណីយដ្ឋានអង្គរវិញដែរ។ តាមរយៈទំនាក់ទំនងនេះហើយ ដែលជំរុញឲ្យមានកិច្ចសហប្រតិបត្តិការរហូតឈានដល់ការចុះអនុស្សរណៈយោគយល់គ្នានៅពេលនេះ៕








ដោយគិតគូរពីបញ្ហាសុខភាពរបស់ប្រជាពលរដ្ឋក្នុងតំបន់រមណីយដ្ឋានអង្គរជាសំខាន់ អាជ្ញាធរជាតិអប្សរាតាមរយៈគម្រោង PAAGERA បានផ្តល់ថវិកាបដិភាគដល់ប្រជាពលរដ្ឋ ក្នុងការសង់បង្គន់អនាម័យតាមផ្ទះ។ គម្រោងនេះ បានផ្តល់ភាពងាយស្រួលដល់ប្រជាពលរដ្ឋរស់នៅក្នុងតំបន់រមណីយដ្ឋានអង្គរ ឱ្យមានបង្គន់អនាម័យប្រើប្រាស់បានត្រឹមត្រូវ និងកាត់បន្ថយចំណាយលើថ្លៃព្យាបាលជំងឺដែលបង្កឡើងដោយការបន្ទោបង់ពាសវាលពាសកាល។ គម្រោងទទួលបានជំនួយពីប្រទេសបារាំង បាននិងកំពុងបន្តអនុវត្តន៍តាមភូមិរបស់ប្រជាពលរដ្ឋដែលរស់នៅក្នុងតំបន់រមណីយដ្ឋានអង្គរ ហើយក្នុងរយៈពេល៣ខែដើមឆ្នាំ ២០២០ គម្រោងនេះបានសង់បង្គន់អនាម័យជូនប្រជាពលរដ្ឋសរុបមានចំនួន៧០បង្គន់។
ក្នុងងឱកាសថ្ងៃខួបកំណើតដ៏ឧត្តុងឧត្តមគម្រប់៦៩ឆ្នាំឈានចូល៧០ឆ្នាំ របស់សម្ដេចអគ្គមហាសេនាបតីតេជោ នាយករដ្ឋមន្រ្តី ដែលនឹងប្រព្រឹត្តទៅនៅថ្ងៃសៅរ៍ ១២កើត ខែចេត្រ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី០៤ ខែមេសា ឆ្នាំ២០២០ ថ្នាក់ដឹកនាំ មន្ត្រីរាជការ បុគ្គលិក ភ្នាក់ងារ និងពលករទាំងអស់នៃអាជ្ញាធរជាតិអប្សរា សូមអនុញ្ញាតចូលរួមសម្តែងនូវសេចក្តីសោមនស្សរំភើបរីករាយយ៉ាងក្រៃលែង និងសូមគោរពជូនពរសិរីសួស្ដី ជ័យមង្គល វិបុលសុខ បវរមហាប្រសើរចំពោះ សម្តេចអគ្គមហាសេនាបតីតេជោ ជាទីគោរពដ៏ខ្ពង់ខ្ពស់បំផុត សូមមានអាយុយឺនយូរ សុខភាពល្អបរិបូរណ៍ ប្រាសចាកពីរោគាព្យាធិទាំងឡាយទាំងពួង ដើម្បីដឹកនាំរាជរដ្ឋាភិបាលនៃព្រះរាជាណាចក្រកម្ពុជា សម្រេចបានជោគជ័យថ្មីៗថែមទៀត។

យើងខ្ញុំសូមសម្ដែងនូវមោទកភាពនិងការគោរពកោតសរសើរបំផុតចំពោះ សម្ដេចអគ្គមហាសេនា-បតីតេជោ ក្រោមការដឹកនាំប្រកបដោយគតិបណ្ឌិតរបស់សម្ដេច ប្រទេសជាតិទទួលបាននូវឯកភាពទឹកដី បង្រួបបង្រួមជាតិ មានសន្តិភាព ស្ថិរភាព និងការអភិវឌ្ឍរាល់សមិទ្ធផលជាច្រើនលើគ្រប់វិស័យជូនសង្គមជាតិគ្រប់កាលៈទេសៈ ទាំងនៅក្នុងប្រទេសនិងលើឆាកអន្តរជាតិ បម្រើឱ្យឧត្តមប្រយោជន៍ជាតិមាតុភូមិ និងប្រជាជនរួមរស់ជាមហាគ្រួសារប្រកបដោយសុភមង្គលនិងវិបុលភាព។ ឧត្តមភាពនិងកិត្យានុភាពជាតិនៃរាជរដ្ឋាភិបាលកម្ពុជា ត្រូវបានលើកកម្ពស់នៅក្នុងក្របខណ្ឌតំបន់ និងពិភពលោកតាមរយៈសកម្មភាពការទូតដ៏ប៉ិនប្រសប់ និងការដឹកនាំប្រកបដោយភាពឈ្លាសវៃរបស់សម្ដេច។ ជាក់ស្ដែងក្នុងនាមជាប្រធានគណៈកម្មការជាតិប្រយុទ្ធប្រឆាំងនឹងជំងឺកូវីដ១៩ សម្ដេច បានលះបង់ទាំងកម្លាំងកាយចិត្ត ព្រមទាំងធនធានផ្ទាល់របស់សម្ដេច ដើម្បីបុព្វហេតុប្រយុទ្ធប្រឆាំងនឹងការរាតត្បាតនៃជំងឺកូវីដ១៩ នៅក្នុងប្រទេសកម្ពុជា។

ជាថ្មីម្ដងទៀត ឆ្លៀតក្នុងឱកាសដ៏ប្រពៃវិសេសវិសាលនេះផងដែរ យើងខ្ញុំសូមលើកហត្ថបួងសួងដល់គុណ បុណ្យព្រះរតនត្រ័យ កែវទាំងបី វត្ថុស័ក្តិសិទ្ធិទាំងឡាយលើលោក ឫទិ្ធបារមីខ្លាំងក្លា ទេវតាថែរក្សាទឹកដីនៃព្រះរាជាណាចក្រកម្ពុជា សូមព្រះអង្គតាមជួយបីបាច់ថែរក្សាការពារ ប្រោះព្រំនូវសព្ទសាធុការពរជ័យគ្រប់ប្រការជូន សម្ដេចអគ្គមហាសេនាបតីតេជោ និងសម្ដេចកិត្តិព្រឹទ្ធបណ្ឌិត ព្រមទាំងបុត្រា បុត្រី ចៅប្រុស ចៅស្រី សូមមានជន្មាយុយឺនយូរ សុខុមាលភាពបរិបូរណ៍ និងសូមសម្រេចបានជោគជ័យយ៉ាងត្រចះត្រចង់ក្នុងដំណើរការដឹកនាំប្រទេសកម្ពុជាឆ្ពោះទៅកាន់សុខសន្តិភាព ស្ថិរភាព សម្បូរសប្បាយរុងរឿង និងអភិវឌ្ឍន៍លើគ្រប់ វិស័យជានិច្ចនិរន្តរ៍តរៀងរហូតទៅ។









ដំណើរការជួសជុលប្រាសាទអកយំមកដល់ឆ្នាំ២០២០មានរយៈពេលជិតមួយឆ្នាំហើយ ដែលក្រុមអ្នកជំនាញអាជ្ញាធរជាតិអប្សរាបានប្រឹងប្រែងសង្គ្រោះឱ្យរួចផុតពីហានីភ័យ ដើម្បីឱ្យបុរាណដ្ឋានមួយនេះមានភាពរឹងមាំ ស្រស់ស្អាត និងចៀសផុតពីគ្រោះថ្នាក់ផ្សេងៗ សម្រាប់ទទួលស្វាគមន៍ទេសចរគ្រប់ទិសទីមកទស្សនាឱ្យបានច្រើនកុះករ។
ព្រះបដិមាសីសៈចំនួន២ មានទេវតាចំនួន១ អសុរា(យក្ស)ចំនួន១ ដែលជាចម្លាក់ទាញព្រ័ត្រនៅខ្លោងទ្វារខ្មោច ត្រូវបានក្រុមការងារចុះបញ្ជីសារពើភណ្ឌវត្ថុសិល្បៈ និងនគរបាលបេតិកភណ្ឌ ព្រមទាំងភ្នាក់ងារទេសចរណ៍នៃអាជ្ញាធរជាតិអប្សរា នាំគ្នាស្រង់យកចេញពីប្រឡាយទឹកនៅខាងកើតខ្លោងទ្វារខ្មោច នាព្រឹកថ្ងៃទី០១ ខែមេសា ឆ្នាំ២០២០។
នៅរសៀលថ្ងៃទី៣១ ខែមិនា ឆ្នាំ២០២០ ប្រតិភូអាជ្ញាធរជាតិអប្សរា ដឹកនាំដោយឯកឧត្តម គឹម សុធិន អគ្គនាយករង តំណាងឯកឧត្តម ហង់ ពៅ អគ្គនាយកអាជ្ញាធរជាតិអប្សរា ព្រមទាំងថ្នាក់ដឹកនាំ និងមន្រ្តីមួយចំនួន បានអញ្ជើញចូលគោរពវិញ្ញាណក្ខន្ធសពឯកឧត្តម ចាន់ សារឿន នៅគេហដ្ឋានឯកឧត្តម ស្ថិតនៅភូមិវិហារចិន សង្កាត់ស្វាយដង្គុំ ក្រុងសៀមរាប ខេត្តសៀមរាប។
FirstPrev12345...303304NextLast

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
3
Today
:
1016
Yesterday
:
2454
This Week
:
03470
This Month
:
0013450
Total
:
010601548