NEWS

The villagers of Angkor received techniques of raising chicken from Apsara Authority

Published on 10 October 2016 02:20 PM Post By ៖ Apsara National Authority
ការលើកកម្ពស់សេដ្ឋកិច្ចក្រុមគ្រួសាររបស់អ្នកស្រុកអង្គរ គឺជាការងារមួយក្នុងចំណោមការងារជាច្រើនទៀត ដែលអាជ្ញាធរជាតិអប្សរាតែងតែគិតគូរ និងយកចិត្តទុកដាក់ខ្ពស់ ធ្វើយ៉ាងណាឲ្យប្រជាពលរដ្ឋដែលកំពុងរស់នៅក្នុងតំបន់នេះ មានជីវភាពកាន់តែល្អប្រសើរឡើងថែមទៀត តាមរយៈការអភិវឌ្ឍវិស័យកសិកម្ម។

ក្នុងន័យនេះហើយ ទើបនាយកដ្ឋានអភិវឌ្ឍន៍កសិកម្ម និងសហគមន៍ នៃអាជា្ញធរជាតិអប្សរាបានផ្តល់បច្ចេកទេសចិញ្ចឹមមាន់ដល់ពួកគាត់ឲ្យចេះពីរបៀបចិញ្ចឹមមាន់រហ័សធំហើយឆាប់បានលក់ ដើម្បីបង្កើនប្រាក់ចំណូលក្នុងការផ្គត់ផ្គង់ក្រុមគ្រួសារ សម្រាប់ចាយវាយប្រចាំថ្ងៃមួយបន្ថែមទៀតលើការងារស្រែចំការរបស់ពួកគាត់ ។

លោក ស៊ឹម ថន អនុប្រធាននាយកដ្ឋានអភិវឌ្ឍន៍កសិកម្ម និងសហគមន៍ បានមានប្រសាសន៍ឲ្យដឹងថា អ្នកជំនាញកសិកម្មនៃអាជ្ញាធរជាតិអប្សរាបានផ្តល់ប្រឹក្សាយោបល់ និងបច្ចេកទេសចិញ្ចឹមមាន់នេះ ដល់ប្រជាពលរដ្ឋដែលរស់នៅក្នុងក្រុងស្រុកចំនួន៥ ស្ថិតនៅក្នុងតំបន់រមណីយដ្ឋានអង្គរនៃខេត្តសៀមរាប រួមមាន ក្រុងសៀមរាប ស្រុកប្រាសាទបាគង ស្រុកបន្ទាយស្រី ស្រុកពួក និងស្រុកអង្គរធំ។

លោកបន្តថា ការផ្តល់បច្ចេកទេសចិញ្ចឹមមាន់នេះ អ្នកជំនាញបានប្រឹក្សាយោបល់ និងបណ្តុះបណ្តាលពីរបៀបសាងសង់ទ្រុងមាន់ របៀបជ្រើសរើសពូជមាន់ របៀបផលិតចំណីមាន់ពីធម្មជាតិ របៀបផលិតទឹកថ្នាំធម្មជាតិសម្រាប់ឲ្យមាន់ផឹកដើម្បីការពារជំងឺ របៀបផលិតទឹកថ្នាំធម្មជាតិសម្រាប់ព្យាបាលពេលមាន់ឈឺ របៀបបោសសម្អាតលាងទ្រុងមាន់ និងរបៀបមើលថែទាំមាន់ដើម្បីឲ្យមាន់ឆាប់ធំ និងការពារកុំឲ្យមាន់ឈឺ។

លោកបន្តទៀតថាបច្ចេកទេសនេះ ពិតជាមានផលប្រយោជន៍ខ្លាំងណាស់សម្រាប់ប្រជាពលរដ្ឋដែលរស់នៅក្នុងតំបន់អង្គរនេះ ដោយសារតំបន់អង្គរសម្បូរទៅដោយរុក្ខជាតិច្រើនបែបយ៉ាងសម្រាប់យកមកផ្សែផ្សំផលិតធ្វើជាចំណី និងថ្នាំព្យាបាលដល់មាន់។ នេះហើយ ជាកត្តាអំណោយផលដ៏ល្អប្រពៃសម្រាប់ប្រជាពលរដ្ឋក្នុងតំបន់នេះ មិនចាំបាច់ចំណាយលុយច្រើនទៅលើការទិញថ្នាំ និងចំណីសត្វទៀតផង។

គួររំឭកថា ទន្ទឹមគ្នានឹងការថែរក្សា ការពារ និងអភិរក្សប្រាង្គប្រាសាទ ទំនៀមទម្លាប់ប្រពៃណីវប្បធម៌ និងបរិស្ថាននៅក្នុងតំបន់អង្គរ អាជ្ញាធរជាតិអប្សរាក៏មិនដែលភ្លេចទេនូវការអភិវឌ្ឍជីវភាពរបស់ប្រជាពលរដ្ឋ ដែលជាអ្នកថែរក្សាទំនៀមទម្លាប់បុរាណនៅក្នុងតំបន់អង្គរនេះ ដើម្បីឲ្យពួកគាត់មានភាពកក់ក្តៅ រស់នៅសមរម្យ និងគ្មានការព្រួយបារម្ភពីការប្រកបមុខរបរចិញ្ចឹមជីវិតប្រចាំថ្ងៃ៕










ដំណើរការជួសជុលប្រាសាទអកយំមកដល់ឆ្នាំ២០២០មានរយៈពេលជិតមួយឆ្នាំហើយ ដែលក្រុមអ្នកជំនាញអាជ្ញាធរជាតិអប្សរាបានប្រឹងប្រែងសង្គ្រោះឱ្យរួចផុតពីហានីភ័យ ដើម្បីឱ្យបុរាណដ្ឋានមួយនេះមានភាពរឹងមាំ ស្រស់ស្អាត និងចៀសផុតពីគ្រោះថ្នាក់ផ្សេងៗ សម្រាប់ទទួលស្វាគមន៍ទេសចរគ្រប់ទិសទីមកទស្សនាឱ្យបានច្រើនកុះករ។
ព្រះបដិមាសីសៈចំនួន២ មានទេវតាចំនួន១ អសុរា(យក្ស)ចំនួន១ ដែលជាចម្លាក់ទាញព្រ័ត្រនៅខ្លោងទ្វារខ្មោច ត្រូវបានក្រុមការងារចុះបញ្ជីសារពើភណ្ឌវត្ថុសិល្បៈ និងនគរបាលបេតិកភណ្ឌ ព្រមទាំងភ្នាក់ងារទេសចរណ៍នៃអាជ្ញាធរជាតិអប្សរា នាំគ្នាស្រង់យកចេញពីប្រឡាយទឹកនៅខាងកើតខ្លោងទ្វារខ្មោច នាព្រឹកថ្ងៃទី០១ ខែមេសា ឆ្នាំ២០២០។
នៅរសៀលថ្ងៃទី៣១ ខែមិនា ឆ្នាំ២០២០ ប្រតិភូអាជ្ញាធរជាតិអប្សរា ដឹកនាំដោយឯកឧត្តម គឹម សុធិន អគ្គនាយករង តំណាងឯកឧត្តម ហង់ ពៅ អគ្គនាយកអាជ្ញាធរជាតិអប្សរា ព្រមទាំងថ្នាក់ដឹកនាំ និងមន្រ្តីមួយចំនួន បានអញ្ជើញចូលគោរពវិញ្ញាណក្ខន្ធសពឯកឧត្តម ចាន់ សារឿន នៅគេហដ្ឋានឯកឧត្តម ស្ថិតនៅភូមិវិហារចិន សង្កាត់ស្វាយដង្គុំ ក្រុងសៀមរាប ខេត្តសៀមរាប។
ក្រុមការងារនៃនាយកដ្ឋានគ្រប់គ្រងទឹកនៃអាជ្ញាធរជាតិអប្សរាកំពុងមមាញឹកបង្កប់ទុយោដើម្បីរៀបចំប្រព័ន្ធទឹកសម្រាប់ស្រោចស្រពស្មៅក្នុងបរិវេណប្រាសាទអង្គរវត្ត ដែលមានទំហំជិត១២ហិកតា។
រចនាសម្ពន្ធសំណង់ឈើដ៏ល្អឆ្នើមមួយ រួមនឹងបដិមានៃព្រហ្មមញ្ញសាសនា១អង្គ ត្រូវបានប្រទះឃើញក្នុងកំណាយស្រាវជ្រាវបុរាណវិទ្យានៅបាតស្រះខាងជើងនៃប្រាសាទអង្គរវត្ត។ ការរកឃើញនេះ ត្រូវបានបុរាណវិទូនៃអាជ្ញាធរជាតិអប្សរាអះអាងថា ជាប្រវត្តិសាស្ត្រដំបូងនៅអង្គរដែលបានរកឃើញសំណង់ឈើនិងបដិមាដូច្នេះ ហើយនេះជាអាថ៌កំបាំងដ៏អស្ចារ្យទាក់ទងនឹងការកសាងស្រះទឹក រួមទាំងស្ថាបត្យកម្មនៃសំណង់អង្គរវត្ត ជំនឿ និងការរស់នៅឥតដាច់របស់ប្រជាជនតាំងពីសតវត្សរ៍ទី១២មកដល់សព្វថ្ងៃ។
FirstPrev12345...303304NextLast

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
3
Today
:
1817
Yesterday
:
1770
This Week
:
08383
This Month
:
0003587
Total
:
010591685