NEWS

Community team 5 of Apsara Authority educates and promotes the heritage in Banteay Srei district

Published on 26 September 2016 03:44 PM Post By ៖ Apsara National Authority
នៅព្រឹកថ្ងៃទី២៦ ខែកញ្ញា ឆ្នាំ២០១៦នេះ ក្រុមការងារសហគមន៍ទី៥ ប្រចាំស្រុកបន្ទាយស្រីដឹកនាំដោយឯកឧត្ដម ម៉ី ម៉ារ៉ាឌី ទីប្រឹក្សាអាជ្ញាធរជាតិអប្សរានិងជាប្រធានក្រុម រួមនឹងមន្ត្រីបុគ្គលិកជាច្រើនរូបទៀតបានសហការគ្នាជាមួយអាជ្ញាធរមូលដ្ឋានចុះសាកសួរសុខទុក្ខ សំណេះសំណាល និងអប់រំផ្សព្វផ្សាយពីសម្បត្តិបេតិកភណ្ឌដល់ប្រជាពលរដ្ឋនៅភូមិសាលាក្រវ៉ាន់ ឃុំរំចេក ស្រុកបន្ទាយស្រី ខេត្តសៀមរាប។

ឯកឧត្តម ម៉ី ម៉ារ៉ាឌី បានមានប្រសាសន៍ឲ្យដឹងថា ការចុះទៅតាមមូលដ្ឋានរបស់ប្រជាពលរដ្ឋពីសំណាក់ក្រុមការងារសហគមន៍អាជ្ញាធរជាតិអប្សរាជាប្រចាំនេះគឺ ដើម្បីបង្កើតភាពជិតដិតស្និទ្ធស្នាលជាមួយនឹងប្រជាពលរដ្ឋ ពិនិត្យមើលសំណើសុំសាងសង់សំណង់ផ្សេងៗពីប្រជាពលរដ្ឋ អប់រំផ្សព្វផ្សាយពីតម្លៃសម្បត្តិបេតិកភណ្ឌនិងនាំយកកញ្ចប់ទ្រទ្រង់សុខុមាលភាពទារកនិងម្តាយ ដែលជាអំណោយដ៏ថ្លៃថ្លារបស់ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានអាជ្ញាធរជាតិអប្សរានិងលោកជំទាវចែកជូនស្រ្តីទើបឆ្លងទន្លេរួច ។

ឯកឧត្តមបញ្ជាក់ថា ម្យ៉ាងវិញទៀត គោលដៅសំខាន់របស់ក្រុមសហគមន៍គឺការអប់រំផ្សព្វផ្សាយធ្វើយ៉ាងណាឲ្យប្រជាពលរដ្ឋយល់ច្បាស់ពីតួនាទីភារកិច្ចរបស់អាជ្ញាធរជាតិអប្សរា ចំពោះបេតិកភណ្ឌនិងឲ្យពួកគាត់ដឹងថាសព្វថ្ងៃនេះពួកគាត់កំពុងរស់នៅក្នុងតំបន់បេតិកភណ្ឌ។ ដូច្នេះ តើពួកគាត់មានតួនាទីភារកិច្ចអ្វីខ្លះក្នុងការចូលរួមចំណែកថែរក្សាបេតិកភណ្ឌ និងពួកគាត់ទទួលបានផលប្រយោជន៍អ្វីខ្លះពីបេតិកភណ្ឌ គឺយើងធ្វើយ៉ាងម៉េចឲ្យពួកគាត់បានយល់និងដឹងច្បាស់ថា ការងារដែលអាជ្ញាធរជាតិអប្សរាខំខិតប្រឹងប្រែងថែរក្សា ការពារ និងអភិរក្សប្រាង្គប្រាសាទ ទំនៀមទម្លាប់ប្រពៃណីវប្បធម៌ បរិស្ថាននិងធនធានធម្មជាតិទាំងអស់នេះគឺដើម្បីទាំងអស់គ្នា ពោលគឺដើម្បីពួកគាត់ កូនចៅ ចៅទួតគ្រប់ជំនាន់ក្រោយរបស់ពួកគាត់និងសង្គមជាតិយើងទាំងមូល។

គួររំឭកថាក្រុមការងារសហគមន៍ទី៥នៃអាជ្ញាធរជាតិអប្សរាចុះជួយប្រជាពលរដ្ឋជាប្រចាំក្នុងឃុំចំនួន៤នៃស្រុកបន្ទាយស្រីមានឃុំប្រដាក ឃុំរំចេក ឃុំខ្នារសណ្តាយ និងឃុំរុនតាឯក ដោយក្នុងមួយសប្តាហ៍ចុះចំនួន០៣ថ្ងៃ៕










នៅព្រឹកថ្ងៃទី១២ ខែសីហា ឆ្នាំ២០២០ នៅស្នាក់ការអាជ្ញាធរជាតិអប្សរា បានរៀបចំសិក្ខាសាលាផ្ទៃក្នុងស្ដីពី «ប្រព័ន្ធគ្រប់គ្រងបរិស្ថានអង្គរ»។ សិក្ខាសាលានេះមានគោលបំណងផ្សព្វផ្សាយសៀវភៅប្រើប្រាស់ប្រព័ន្ធគ្រប់គ្រងបរិស្ថាន-អង្គរ ស្វែងយល់ និងចូលរួមការពារបរិស្ថានក្នុងតំបន់អង្គរ។
នាព្រឹកថ្ងៃទី១២ ខែសីហា ឆ្នាំ២០២០ ឯកឧត្តម ហង់ ពៅ អគ្គនាយកអាជ្ញាធរជាតិអប្សរា បានដឹកនាំកិច្ចប្រជុំជាមួយភ្នាក់ងារទេសចរណ៍នៃនាយកដ្ឋានអភិវឌ្ឍន៍ទេសចរណ៍អង្គរ ដើម្បីពិនិត្យមើលការវិវត្តនៃការងារទូទៅ ក៏ដូចជាស្វែងយល់ពីផលលំបាកនិងបញ្ហាប្រឈមនានាដែលក្រុមការងារភ្នាក់ងារទេសចរណ៍តែងជួបប្រទះជាប្រចាំ។
ក្នុងគោលបំណងស្ដារគម្របព្រៃឈើក្នុងតំបន់ការពាររមណីយដ្ឋានបេតិកភណ្ឌពិភពលោកអង្គរឲ្យកាន់តែច្រើនឡើង និងបំផុសស្មារតីឲ្យមានការចូលរួមរបស់ប្រជាពលរដ្ឋអំពីកិច្ចការបរិស្ថាន។ ក្នុងន័យនេះ ចាប់ពីខែមិថុនាមកដល់បច្ចុប្បន្ន គឺមានរយៈពេលជាង២ខែមកហើយដែលអាជ្ញាធរជាតិអប្សរា បានចែកកូនឈើជាង៧ម៉ឺនដើមដល់អង្គភាពរដ្ឋ អង្គការ សហគមន៍ សាលារៀន វត្តអារាម វិស័យឯកជន និងសាធារណជនទូទៅដែលបានដាក់ពាក្យស្នើសុំយកទៅដាំនៅតាមតំបន់ផ្សេងៗទាំងក្នុងខេត្តសៀមរាប និងខេត្តមួយចំនួនក្នុងប្រទេសកម្ពុជា។
អាជ្ញាធរជាតិអប្សរា បានបន្តចែកជូនកូនឈើដល់សាធារណជនជិតឆ្ងាយ ដើម្បីយកទៅដាំក្នុងបំណងបង្កើនគម្របព្រៃឈើឡើងវិញនៅក្នុងប្រទេសកម្ពុជា។ នៅថ្ងៃទី៧ និងទី៨ ខែសីហា ឆ្នាំ២០២០ កូនឈើចំនួន ៤,៦២០ដើមទៀត បានចែកជូនដល់សាធារណជនក្នុងខេត្តសៀមរាប ខេត្តបន្ទាយមានជ័យ និងខេត្តតាកែវ។
សេចក្ដីគោរពជូនសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា
ក្នុងឱកាសដ៏សែនមហានក្ខត្តឫក្សថ្លៃថ្លានៃខួបកំណើតគម្រប់ ៦៨ឆ្នាំ ឈានចូល៦៩ឆ្នាំ នាថ្ងៃទី ០៥ ខែសីហា ឆ្នាំ២០២០នេះ តាងនាមថ្នាក់ដឹកនាំ និងមន្ត្រីរាជការគ្រប់លំដាប់ថ្នាក់នៃអាជ្ញាធរជាតិអប្សរា និងក្នុងនាមខ្ញុំផ្ទាល់ ខ្ញុំបាទសូមសម្ដែងនូវមនោសញ្ចេតនារីករាយឥតឧបមា និងសេចក្ដីគោរពស្រលាញ់ដ៏ជ្រាលជ្រៅបំផុត ព្រមទាំងសូមគោរពជូនពរ បវរមហាប្រសើរជូន សម្ដេចតេជោនាយករដ្ឋមន្ត្រី ជាទីគោរពដ៏ខ្ពង់ខ្ពស់ សូមមានជន្មាយុយឺនយូរមានសុខុមាលភាពល្អបរិបូរណ៍ បញ្ញាញាណភ្លឺថ្លា ដើម្បីដឹកនាំរាជរដ្ឋាភិបាល និងប្រទេសជាតិទទួលជោគជ័យដ៏ត្រចះត្រចង់ថ្មីៗថែមទៀត ជាពិសេសវឌ្ឍនភាព និងកិត្យានុភាពល្បីរន្ទឺលើឆាកអន្តរជាតិ
FirstPrev12345...337338NextLast

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
7
Today
:
1056
Yesterday
:
6412
This Week
:
19197
This Month
:
0246061
Total
:
012071692