ព័ត៌មានថ្មីៗ

អ្នកណាខ្លះគួរគោរពក្រមប្រតិបត្តិអង្គរ?

បានផ្សាយនៅ ថ្ងៃទី 16 ខែ កញ្ញា ឆ្នាំ2016 03:40 PM ដោយ ៖ អាជ្ញាធរជាតិអប្សរា

ក្រមប្រតិបត្តិអង្គរ ជាគោលការណ៍សីលធម៌ដែលរៀបចំឡើងសម្រាប់អ្នកចូលលទស្សនាអង្គរក្នុងគោលដៅទប់ស្កាត់ផលប៉ះពាល់ ដែលអាចកើតមានឡើងពីសំណាក់ភ្ញៀវទេសចរចំពោះបេតិកភណ្ឌអង្គរ និងដើម្បីលើកតម្លៃបេតិកភណ្ឌអង្គរឲ្យសមជានិមិត្តរូប និងជាទីសក្ការៈនៃប្រជាជាតិខ្មែរ។ ក្រមប្រតិបត្តិអង្គរត្រូវបានរៀបចំ និងផ្សព្វផ្សាយឲ្យប្រើប្រាស់ជាផ្លូវការចាប់តាំងពីចុងឆ្នាំ២០១៥មក។

កាលណានិយាយពីភ្ញៀវទេសចរ គេច្រើនតែនឹកទៅដល់ភ្ញៀវទេសចរបរទេស ដែលបានទិញបណ្ណចូលទស្សនាអង្គរជារៀងរាល់ថ្ងៃ។ ក្នុងន័យនេះ គេបានមើលរំលងថា ភ្ញៀវទេសចរខ្មែរ ដែលជាម្ចាស់បេតិកភណ្ឌខ្លួនឯង ដែលមានចំនួនប្រហាក់ប្រហែលនឹងភ្ញៀវទេសចរបរទេស ឬក៏លើសទៀតផង ក៏បានទៅទស្សនាអង្គរ ហើយក៏អាចបង្កផលប៉ះពាល់ដល់បេតិកភណ្ឌរបស់ដូនតាយើងដូចគ្នា។

ដើម្បីជំរុញការចូលរួមអនុវត្តក្រមប្រតិបត្តិអង្គរឲ្យបានល្អប្រសើរ ពីសំណាក់យុវជនខ្មែរ នៅព្រឹកថ្ងៃទី១៦ ខែកញ្ញា ឆ្នាំ២០១៦នេះ ឯកឧត្តម សុខ សង្វារ អគ្គនាយករងទទួលបន្ទុកនាយកដ្ឋានអភិវឌ្ឍន៍ទេសចរណ៍អង្គរ ក្នុងឱកាសអប់រំបេតិកភណ្ឌអង្គរដល់និស្សិតនៃវិទ្យាស្ថានវ៉ាន់ដា បានលើកឡើងថា ការគោរពក្រមប្រតិបត្តិអង្គរ គឺត្រូវតែផ្តើមចេញពីយុវជនខ្មែរទាំងអស់គ្នា។ “យើងជាខ្មែរ ជាម្ចាស់នៃបេតិកភណ្ឌអង្គរ ត្រូវតែប្តេជ្ញាចិត្តឲ្យបានខ្ពស់ជាងភ្ញៀវបរទេស ហើយនាំគ្នាគោរពដើម្បីជាគំរូដល់អ្នកផ្សេងទៀត”។

ឯកឧត្តមបន្ថែមថា ក្រុមការងារបានផ្សព្វផ្សាយក្រមប្រតិបត្តិអង្គរយ៉ាងទូលំទូលាយ រាប់តាំងពីលើយន្តហោះ ព្រលានយន្តហោះ ផ្ទះសំណាក់ សណ្ឋាគារ រហូតដល់កន្លែងលក់សំបុត្រចូលទស្សនាអង្គរ។ល។ ភ្ញៀវបរទេសដែលចូលទៅទិញបណ្ណចូលទស្សនាអង្គរ សុទ្ធតែទទួលបានការណែនាំបន្ថែមទៀតអំពីអ្វីដែលគួរធ្វើ និងមិនគួរធ្វើក្នុងដំណើរទស្សនារបស់ខ្លួន។ ដោយឡែកប្រជាពលរដ្ឋខ្មែរ ដែលចូលទៅទស្សនាអង្គរ មិនបានទិញបណ្ណនោះទេ ពួកគាត់ចូលទៅទស្សនាដោយសេរី ពុំបានទទួលការណែនាំអំពីក្រមប្រតិបតិ្តអង្គរបន្ថែមនោះទេ។ ដូច្នេះហើយ មានតែយុវជនគ្រប់រូបចូលរួមគោរព និងជួយណែនាំដល់អ្នកដទៃទៀត នៅពេលដែលឃើញពួកគាត់ធ្វើអ្វីមួយដែលអាចប៉ះពាល់ដល់បេតិកភអង្គរ៕










ក្រុមការងារចុះបញ្ជីបេតិកភណ្ឌរូបីនៃអាជ្ញាធរជាតិអប្សរា សម្រេចចុះបញ្ជីវត្ថុសិល្បៈបានចំនួន៧១១បំណែក ដែលប្រមូលបានពីប្រជាជននិងនៅតាមប្រាសាទទាំង៩១ក្នុងរមណីយដ្ឋានអង្គរ ឱ្យមានសុវត្ថិភាពនិងមានអត្តសញ្ញាណត្រឹមត្រូវ សម្រាប់ជាប្រយោជន៍ប្រើប្រាស់ទៅថ្ងៃក្រោយ។
១៖ម្ចាស់ភោជនីយដ្ឋាន «ផ្ទះបាយតានីខ្មែរអង្គរ» ស្ម័គ្រចិត្តរុះរើសំណង់ប្រគល់ទីតាំងជូនអាជ្ញាធរជាតិអប្សរា អភិវឌ្ឍន៍ហេដ្ឋារចនាសម្ពន្ធនិងសម្បទាទេសចរណ៍ជាលើកទី២
នៅថ្ងៃទី២៧ ខែឧសភា ឆ្នាំ២០២០នេះ ម្ចាស់ភោជនីយដ្ឋាន «ផ្ទះបាយតានីខ្មែរអង្គរ» បានស្ម័គ្រចិត្តរុះរើសំណង់ភោជនីយដ្ឋានចំនួនមួយខ្នងបន្ថែមទៀត ដែលជាអតីតភោជនីយដ្ឋាន «ភ្នំស្រី» ដើម្បីសម្រួលដល់ការសាងសង់ទីលានបដិសណ្ឋារកិច្ចមុខប្រាសាទអង្គរវត្ត។
នៅព្រឹកថ្ងៃទី៣០​ ខែឧសភា​ ឆ្នាំ២០២០​នេះ​ អ្នកស្រី​ ទី​ កូឡាប​ ដែលជាអាជីវករនៅមុខប្រាសាទអង្គរ​វត្ត បានស្ម័គ្រចិត្ត​រុះរេីភោជនីយដ្ឋានរបស់ខ្លួននៅមុខប្រាសាទអង្គរវត្ត ប្រគល់ទីតាំងជូនអាជ្ញាធរជាតិអប្សរា​ ដេីម្បីបន្តដាំដេីមឈេីប្រណិត​ រៀបចំសួនច្បារ​ និងសាងសង់កន្លែងបដិសណ្ឋារកិច្ច​និងសេវាកម្មទេសចរណ៍​កម្រិតអន្តរជាតិ​ ដែលមានបរិស្ថាន​ស្អាត និងសណ្តាប់ធ្នាប់របៀបរៀបរយ​ល្អ​។
កាលពីថ្ងៃទី២៦ ខែឧសភា ឆ្នាំ២០២០ មជ្ឈមណ្ឌលបណ្តុះបណ្តាលអង្គរនៃអាជ្ញាធរជាតិអប្សរា បានរៀបចំវគ្គបណ្តុះបណ្តាលស្តីពី “ការរៀបចំដីធ្លី និងគ្រប់គ្រងលំនៅដ្ឋានក្នុងឧទ្យានអង្គរ” ជូនមន្ត្រី-បុគ្គលិកអាជ្ញាធរជាតិអប្សរា ចំនួន១០០នាក់ ។
នៅរសៀលថ្ងៃពុធ៦កើត ខែជេស្ឋ ឆ្នាំជូតទោស័ក ព.ស.២៥៦៤ ត្រូវនឹងថ្ងៃទី២៧ ខែឧសភា ឆ្នាំ ២០២០ ព្រះសុមង្គល សិលាចារ្យ អាភាករោ ជុំ គឹមឡេង ព្រះមេគណ ខេត្ត សៀមរាប និងជាព្រះប្រធានក្រុមប្រឹក្សាកិច្ចការវត្តអារាម រួមនឹងសមាជិក បាននិមន្ដចុះទៅដល់វត្តទេពប្រណម ដែលមានទីតាំងនៅក្នុង បរិវេណ ក្រុងអង្គធំ ដេីម្បី ពិនិត្យ នូវការរៀបចំសាងសង់ ខឿនជុំវិញព្រះវិហារ និងសំណង់ មួយចំនួនទៀត ដែលកំពុងសាងសង់ដោយគ្មានការអនុញ្ញាត។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
7
ថ្ងៃនេះ
:
4531
ម្សិលមិញ
:
5331
សប្តាហ៍នេះ
:
62384
ខែនេះ
:
0062384
សរុប
:
010999368