ព័ត៌មានថ្មីៗ

អាជ្ញាធរជាតិអប្សរាបង្កើនការលើកម្ពស់សុខុមាលភាពម្តាយ និង ទារក នៅក្នុងតំបន់រមណីយដ្ឋានអង្គរ

បានផ្សាយនៅ ថ្ងៃទី 30 ខែ សីហា ឆ្នាំ2016 03:58 PM ដោយ ៖ អាជ្ញាធរជាតិអប្សរា
ការអភិរក្សប្រាង្គប្រាសាទប្រកបដោយចីរភាព ប្រពៃណីទំនៀមទម្លាប់ ជំនឿសាសនា និងការអភិវឌ្ឍសេដ្ឋកិច្ច សង្គមកិច្ចក្នុងតំបន់រមណីយដ្ឋានអង្គរជាតួនាទី និងភារកិច្ចរបស់អាជ្ញាធរជាតិអប្សរា។ ដូច្នេះហើយ អាជ្ញាធរជាតិអប្សរាបានបង្កើនការយកចិត្តទុកដាក់ លើកិច្ចការងារទាំងនោះ យ៉ាងខ្លាំងជាមួយនឹងប្រាង្គប្រាសាទនានា និងប្រជាពលរដ្ឋដែលរស់នៅក្នុងតំបន់រមណីយដ្ឋានអង្គរឱ្យកាន់តែមានជីវភាពប្រសើរឡើងពីមួយថ្ងៃទៅមួយថ្ងៃ។

នៅព្រឹកថ្ងៃអង្គារ ទី៣០ ខែសីហា ឆ្នាំ២០១៦នេះ ក្រុមការងារសហគមន៍ប្រចាំស្រុកបន្ទាយស្រី ដឹកនាំដោយឯកឧត្តម ម៉ី ម៉ារ៉ាឌី ក្នុងនោះ ក៏មានការចូលរួមពីលោក សូរ សុន អភិបាលស្រុកបន្ទាយស្រី និងក្រុមការងារអាជ្ញាធរមូលដ្ឋាន បាននាំយកកញ្ចប់ទ្រទ្រង់សុខុមាលភាពទារក និងម្តាយចំនួន ១០ កញ្ចប់ជាអំណោយដ៏ថ្លៃថ្លារបស់ឯកឧត្តមបណ្ឌិតសុភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្រ្តី និងជាប្រធានអាជ្ញាធរជាតិអប្សរា និងលោកជំទាវ ជូនចំពោះស្ត្រីដែលទើបតែឆ្លងទន្លេហើយថ្មីៗ ចំនួន ១០ គ្រូសារ ដែលស្ថិតនៅក្នុងភូមិចំនួនពីរ គឺភូមិរំចេក និងភូមិក្រវ៉ាន់ ក្នុងឃុំរំចេក ស្រុកបន្ទាយស្រី ខេត្តសៀមរាប។

លោក សូរ សុន អភិបាលស្រុកបន្ទាយស្រី បានលើកឡើងថា កញ្ចប់ទ្រទ្រង់សុខុមាលភាពម្តាយ និងទារកដែលជាអំណោយដ៏ថ្លៃថ្លារបស់ឯកឧត្តមបណ្ឌិតសុភាចារ្យ សុខ អាន និងលោកជំទាវ ដែលផ្តល់ជូនតាមរយៈអាជ្ញាធរជាតិអប្សរា ជាការរួមចំណែកគិតគូរយកចិត្តទុកដាក់យ៉ាងខ្លាំង លើសុខភាពបងប្អូនប្រជាពលរដ្ឋដែលរស់នៅក្នុងតំបន់រមណីយដ្ឋានអង្គរ ។

លោកអភិបាលស្រុកបានបន្តថា អាជ្ញាធរជាតិអប្សរាបានសហការជាមួយនឹងអាជ្ញាធរមូលដ្ឋានរួមគ្នា ដើម្បីលើកស្ទួយជីវភាពរបស់បងប្អូនប្រជាពលរដ្ឋដែលរស់នៅក្នុងតំបន់អង្គរ ជាក់ស្តែងដូចការកសាងហេដ្ឋារចនាសម្ព័ន្ធ ស្ពាន ថ្នល់ ការរៀបចំ បណ្តាញអគ្គីសនី ប្រព័ន្ធធារាសាស្ត្រសម្រាប់ស្រោចស្រពដំណាំកសិកម្ម ស្តាអាងស្ទុកទឹក បង្រៀនជំនាញវិជ្ជាជីវៈ ផ្តល់ជូនពូជត្រី ពូជដំណាំកសិកម្ម បង្កើតការងារ និងបង្កើនការយកចិត្តទុកដាក់អំពីសុខុមាលភាពរបស់ពួកគាត់។

កញ្ចប់ទ្រទ្រង់សុខុមាលភាពម្តាយ និងទារកទាំងនោះរួមមាន កន្ត្រក កូនមុងសម្រាប់ទារក បំពង់ទឹកក្តៅ កន្សែងពោះគោ ខោអាវបីកំប្លេ និងថវិកាពីរម៉ឺនរៀល។ ការផ្តល់ជូនសម្ភារៈ និងថវិកាទាំងនេះត្រូវបានក្រុមការងារសហគមន៍នៃអាជ្ញាធរជាតិអប្សរា ចុះចែកជូនដល់ខ្នងផ្ទះ ដើម្បីជាការចូលរួមសួរសុខទុក្ខ ក៏ដូចជាការស្តាប់នូវរាល់សំណូមពរទាំងឡាយរបស់ប្រជាសហគមន៍ ដែលរស់នៅក្នុងឧទ្យានអង្គរផងដែរ។

រមណីយដ្ឋានអង្គរ មានទំហំ៤០១គីឡូម៉ែត្រក្រឡា ស្ថិតនៅក្នុង៥ក្រុង និងស្រុក ២១ឃុំសង្កាត់ និង១១២ភូមិ មានប្រជាពលរដ្ឋរស់នៅប្រហែល១២ម៉ឺននាក់។ រមណីយដ្ឋាននេះ ត្រូវបានចុះ ក្នុងបញ្ជីបេតិកភណ្ឌពិភពលោក តាំងពី ឆ្នាំ១៩៩២មកម្ល៉េះ។ ការចុះបញ្ជីនេះ មិនមែន មានត្រឹមតែប្រាង្គប្រាសាទនោះទេ ទេសភាពវប្បធម៌ បរិស្ថាន ទំនៀម ទម្លាប់ប្រពៃណី ដែលជាបេតិកភណ្ឌ អរូបីដ៏សំខាន់របស់អ្នកស្រុកក្នុងឧទ្យានអង្គរ ក៏ជាចំណែកមួយដ៏សំខាន់របស់ បេតិកភណ្ឌពិភពលោកផងដែរ៕






កម្មវិធី "អង្គរ និងលើសពីនេះ..." គឺជាកិច្ចសហការថ្មីមួយរវាងអាជ្ញាធរជាតិអប្សរានិងសារព័ត៌មានអេឡិចត្រូនិចថ្មីៗក្នុងការរៀបចំឯកសារទាំងភាសាជាតិនិងបរទេសដើម្បីផ្សព្វផ្សាយមិនត្រឹមតែអំពីកិច្ចអភិរក្ស អភិវឌ្ឍន៍ប្រកបដោយចីរភាពប៉ុណ្ណោះទេ ប៉ុន្តែរួមមានអាថ៌កំបាំងជាច្រើនដែលមានតម្លៃជាបេតិកភណ្ឌអរូបីនៅក្នុងរមណីយដ្ឋានអង្គរដែរ។ ឯកសារទាំងនេះមានចរិតជាប្រវត្តិសាស្ត្រផង និងមានចរិតបច្ចុប្បន្នភាពផងដែលធ្វើឲ្យអ្នកទស្សនាអាចស្វែងយល់មួយផ្នែកអំពីខ្លឹមសារនៃប្រវត្តិសាស្ត្រពាក់ព័ន្ធ និងប្រៀបធៀបទៅនឹងទិដ្ឋភាពជាក់ស្តែងនាពេលបច្ចុប្បន្ន។
នៅថ្ងៃទី២០ ខែតុលា ឆ្នាំ២០២០ ក្រុមការងារសហគមន៍នៃអាជ្ញាធរជាតិអប្សរាចំនួន២គោលដៅ ដោយមានការចូលរួមពីអាជ្ញាធរមូលដ្ឋានចុះពិនិត្យ និងដោះស្រាយសំណើសុំជួសជុលផ្ទះរបស់ប្រជាពលរដ្ឋក្នុងឧទ្យានអង្គរ។
ក្នុងរយៈពេលប៉ុន្មានថ្ងៃកន្លងមកនេះ ភ្លៀងយ៉ាងច្រើនបានធ្លាក់ចុះជាបន្តបន្ទាប់បណ្តាលឱ្យស្ថានភាពទឹកមានការកើនឡើងនៅភាគខាងជើងនៃរមណីយដ្ឋានអង្គរចាប់ពីម៉ោង៤ព្រឹក ថ្ងៃទី១៩ ខែតុលា ឆ្នាំ២០២០ និងបន្តធ្លាក់ចុះមកផ្នែកកណ្តាលនៃរមណីយដ្ឋានអង្គរ។
រយៈពេលពីរសប្តាហ៍នៃខែតុលា ឆ្នាំ២០២០នេះ ក្រុមការងារជំនាញនៃនាយកដ្ឋានរៀបចំដែនដីនិងគ្រប់គ្រងលំនៅដ្ឋានក្នុងឧទ្យានអង្គរ បានចុះពិនិត្យលក្ខខណ្ឌនៃការរស់នៅ និងប្រើប្រាស់ទីតាំងស្នើសុំរបស់ប្រជាពលរដ្ឋ បានចំនួន៨៥ករណី រួមមាន៖ ក្រុងសៀមរាប ២៥ករណី ស្រុកបន្ទាយស្រី ១២ករណី ស្រុកអង្គរធំ ៦ករណី ស្រុកប្រាសាទបាគង ២៤ករណី ស្រុកពួក៧ករណី ស្រុកសូទ្រនិគម ៣ករណី និងស្រុកស្វាយលើ ៨ករណី។
របៀបផ្តិតសិលាចារឹក
( ថ្ងៃទី 18 ខែ តុលា ឆ្នាំ2020 )
ការងារផ្តិតសិលាចារឹកមិនតម្រូវទាល់តែជាអ្នកបច្ចេកទេសបុរាណវិទ្យា អ្នកប្រវត្តិសាស្រ្ត ឬអក្សរសាស្រ្ត ទើបអាចផ្តិតបាននោះឡើយ។ វាអាស្រ័យលើអ្នកដែលមានចិត្តអំណត់ និងប្រុងប្រយ័ត្ន ត្បិតអីត្រូវចំណាយពេលយូរ និងដំណើរការក៏ច្រើនដំណាក់កាល មួយទៀតសោតក្រដាសផ្តិតស្តើងពេលត្រូវទឹកផុយងាយរហែកណាស់។
ដើមដំបូងមុន12345...355356បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
6
ថ្ងៃនេះ
:
7922
ម្សិលមិញ
:
9079
សប្តាហ៍នេះ
:
07922
ខែនេះ
:
0161431
សរុប
:
012930863