NEWS

World Heritage Youth Volunteers in Angkor 2016 completed its internship

Published on 22 August 2016 09:05 PM Post By ៖ Apsara National Authority

កម្មវិធីអប់រំយុវជនស្ម័គ្រចិត្តបេតិកភណ្ឌពិភពលោកឆ្នាំ២០១៦ ដែលមានរយៈពេល១២ថ្ងៃនៅតំបន់អង្គរ ចាប់ផ្តើមពីថ្ងៃទី១០ ខែសីហា ឆ្នាំ២០១៦ បានបិទបញ្ចប់ជាស្ថាពរហើយនៅព្រឹកថ្ងៃទី២២ ខែសីហា ឆ្នាំ២០១៦ នៅសាលសន្និសីទអង្គរ ក្រោមអធិបតីភាពឯកឧត្តម ហុក ប៉េងសែ និងឯកឧត្តម ត័ន ប៊ុនស៊ុយ អគ្គនាយករងតំណាងឯកឧត្តមបណ្ឌិត ស៊ុំ ម៉ាប់ អគ្គនាយកអាជ្ញាធរជាតិអប្សរា។

កម្មវិធីយុវជនស្ម័គ្រចិត្តដើម្បីបេតិកភណ្ឌនេះ រៀបចំឡើងដោយកិច្ចសហការរវាងអង្គការយូណេស្កូ អាជ្ញាធរជាតិអប្សរា សហភាពសហព័ន្ធយុវជនកម្ពុជា និងវិទ្យាស្ថានកូរ៉េ-អង្គរដើម្បីបេតិកភណ្ឌ ក្នុងគោលបំណងជំរុញឱ្យយុវជនមានការចូលរួមការងារពាក់ព័ន្ធនឹងបេតិកភណ្ឌតាមរយៈការបង្កើតកិច្ចទំនាក់ទំនងរវាងគ្នាទៅវិញទៅមក និងរវាងយុវជននិងសហគមន៍មូលដ្ឋាន។ លើសពីនេះទៀត ក៏ជំរុញឲ្យយុវជនបានយល់ដឹងកាន់តែច្បាស់អំពីសកម្មភាពប្រចាំថ្ងៃនៃការគ្រប់គ្រងបេតិកភណ្ឌ អំពីជំនាញជាមូលដ្ឋាននៃការងារថែរក្សា និងអភិរក្ស និងផ្លាស់ប្តូរបទពិសោធន៍ជាមួយសហគមន៍មូលដ្ឋាន។

ឯកឧត្តម ហុក ប៉េងសែ បានសម្តែងនូវសេចក្តីរីករាយជាខ្លាំងចំពោះវត្តមានរបស់ក្រុមយុវជនស្ម័គ្រចិត្តបេតិកភណ្ឌពិភពលោកទាំង៧ប្រទេសដែលបានមកសិក្សាឈ្វេងយល់ពីកិច្ចការអភិរក្សបេតិកភណ្ឌនៅតំបន់អង្គរអស់រយៈពេល១២ថ្ងៃ ពិសេសបានយកអាជ្ញាធរជាតិអប្សរាធ្វើជាអ្នកចែករំលែកបទពិសោធន៍អំពីកិច្ចការទាំងនោះ ទុកជាចំណេះដឹងយកទៅអនុវត្តនៅប្រទេសរបស់ខ្លួនវិញប្រកបដោយផ្លែផ្កា។ អាជ្ញាធរជាតិអប្សរា សូមកោតសរសើរចំពោះទឹកចិត្ត ស្មារតី និងឆន្ទៈរបស់យុវជនបេតិកភណ្ឌទាំងអស់ដែលបានលះបង់ពេលវេលា ថវិកាផ្ទាល់ខ្លួនក្នុងការមកសិក្សានៅសៀមរាបអង្គរ និងសូមឱ្យដំណើរត្រឡប់ទៅវិញរបស់យុវជនទាំងអស់ប្រកបដោយសុខសុវត្ថិភាព។

លោក រ៉េត ណារិទ្ធ យុវជនស្ម័គ្រចិត្តបេតិកភណ្ឌមកពីសហភាពសហព័ន្ធយុវជនកម្ពុជា មានមតិថា៖ កម្មវិធីយុវជនស្ម័គ្រចិត្តបេតិកភណ្ឌ ជាកម្មវិធីដ៏ល្អមួយ អាចជួយឱ្យយុវជនចែករំលែកបទពិសោធន៍ ចំណេះដឹងគ្នាទៅវិញទៅមកអំពីបេតិកភណ្ឌនៅក្នុងប្រទេសរៀងៗខ្លួន ពិសេសគឺការជួសជុលអភិរក្ស និងក្រមប្រតិបត្តិនៃប្រទេសនីមួយៗដែលជួយគាំពារ ថែរក្សាបេតិកភណ្ឌឱ្យកាន់តែល្អប្រសើរ។ ខ្ញុំបានរៀនសូត្រច្រើនអំពីការអភិរក្ស និងក្រមប្រតិបត្តិអង្គរនៅទីនេះ និងចំណេះដឹងផ្សេងៗពីបណ្តាសិក្ខាកាមក្នុងវគ្គសិក្សានេះផងដែរ។

មិនខុសគ្នាពីនោះ កញ្ញា ស្រ៊ន ចន្ទវឌ្ឍនា បុគ្គលិកអាជ្ញាធរជាតិអប្សរាក៏បានបង្ហាញ ពីអត្ថប្រយោជន៍នៃរៀបចំកម្មវិធីយុវជនស្ម័គ្រចិត្តបេតិកភណ្ឌពិភពលោកថា ជាឱកាសមួយដ៏ល្អសម្រាប់ឱ្យយុវជនកម្ពុជា ក៏ដូចជាយុវជននៃបណ្តាប្រទេសផ្សេងៗធ្វើការទំនាក់ទំនងផ្លាស់ប្តូរបទពិសោធន៍ចំណេះដឹងគ្នាអំពីការងារបេតិកភណ្ឌ ព្រោះប្រទេសនីមួយៗតែងមានការគ្រប់គ្រងបេតិកភណ្ឌខុសប្លែកពីគ្នា។ វគ្គសិក្សានេះបានផ្តោតសំខាន់លើ ការជួសជុល អភិរក្សប្រាសាទនានានៅក្នុងតំបន់អង្គរ ការទៅរស់នៅក្នុងសហគមន៍រុនតាឯក ដើម្បីឈ្វេងយល់ពីវប្បធម៌រស់នៅរបស់ប្រជាជនក្នុងតំបន់អង្គរ ការចូលរួមដាំដើមឈើថែរក្សាបរិស្ថាន រួមទាំងកិច្ចការងារនិងតួនាទីរបស់អាជ្ញាធរជាតិអប្សរាក្នុងតំបន់ឧទ្យានអង្គរ។ កញ្ញាបន្តទៀតថា តាមរយៈវគ្គសិក្សានេះ យុវជនមានការចាប់អារម្មណ៍ និងភ្ញាក់ផ្អើលជាខ្លាំងចំពោះវប្បធម៌រស់នៅរបស់ខ្មែរ ក៏ដូចជាការងារគ្រប់គ្រង ជួសជុល អភិរក្សប្រាសាទក្នុងតំបន់អង្គរដោយអ្នកជំនាញអាជ្ញាធរជាតិអប្សរា។

ហៃតុង សិក្ខាកាមមកពីប្រទេសចិន បានបង្ហាញពីចំណាប់អារម្មណ៍ទាក់ទងនឹងវគ្គសិក្សានេះថា ក្នុងរយៈពេល១២ថ្ងៃនេះ សម្រាប់សិក្ខាកាមខ្លះគាត់មានជំនាញផ្នែកបុរាណវិទ្យាស្រាប់វាពិតជាងាយស្រួលណាស់ តែសម្រាប់ខ្ញុំមិនមានជំនាញខាងនោះទេ តែខ្ញុំចាប់អារម្មណ៍ខ្លាំងពីបទពិសោធន៍សិក្សាអំពីបេតិកភណ្ឌ ទាំងការជួសជុល ការអភិរក្សប្រាសាទ និងការគ្រប់គ្រងនៅក្នុងតំបន់អង្គរ។ ខ្ញុំបានដឹងច្រើនពីការងារទាំងនោះតាមរយៈបទបង្ហាញរបស់អ្នកជំនាញអាជ្ញាធរជាតិអប្សរា ការចែករំលែករបស់សិក្ខាកាមតាមប្រទេសនីមួយៗ ពិសេសបានរៀនសូត្រច្រើនពីការរស់នៅរបស់ប្រជាជនក្នុងសហគមន៍រុនតាឯក ការឈ្វេងយល់អំពីការងាររបស់អាជ្ញាធរជាតិអប្សរាជាដើម។ លើសពីនោះទៅទៀត គឺបានចូលរួមអនុវត្តការងារជាក់ស្តែងនៅក្នុងការដ្ឋានជួសជុលប្រាសាទ ចូលរួមធ្វើកំណាយជាមួយអ្នកជំនាញ ការចុះទៅជួបសហគមន៍ ការដាំដើមឈើ និងការដើរតួនាទីជាភ្នាក់ងារទេសចរណ៍ជាដើម។ ក្នុងនាមជាយុវជនម្នាក់ ខ្ញុំសូមឱ្យយុវជនទាំងអស់ចូលរួមថែរក្សា ការពារ និងឈ្វេងយល់ឱ្យបានច្រើនពីបេតិកភណ្ឌរបស់ខ្លួនក៏ដូចជាបេតិកភណ្ឌផ្សេងៗទៀតរបស់ពិភពលោក ព្រោះយុវជនជាសសរទ្រូងដ៏សំខាន់ក្នុងការទទួលភារកិច្ចថែរក្សាអភិរក្សមរតកទាំងនេះបន្តពីមួយជំនាន់ទៅមួយជំនាន់ទៀតដែលជាអត្តសញ្ញាណរបស់ជាតិមួយៗ៕












នៅព្រឹកថ្ងៃទី០៣ ខែសីហា ឆ្នាំ២០២០ ឯកឧត្តម ហង់ ពៅ អគ្គនាយកអាជ្ញាធរជាតិអប្សរា បានដឹកនាំមន្រ្តី បុគ្គលិកជំនាញពាក់ព័ន្ធចុះពិនិត្យ ការអនុវត្តការងារនៅតាមការដ្ឋានដូចជា គម្រោងកំណាយបុរាណវិទ្យាប្រាសាទបាយក្អែក ការចុះពិនិត្យមើលបរិស្ថានជុំវិញត្រពាំងសេស និងអតីត រោងចិញ្ចឹមដំរីខាងកើតភ្នំបាខែង។
១៖ លោកជំទាវបណ្ឌិតសភាចារ្យ ភឿង សកុណា អញ្ជើញចុះពិនិត្យរូបចម្លាក់ឧបករណ៍ភ្លេងបុរាណនៅតាមប្រាសាទក្នុងរមណីយដ្ឋានអង្គរ
ក្នុងឱកាសអញ្ជើញបំពញភារកិច្ចនៅតាមបណ្តាខេត្ត នៅថ្ងៃទី២៦ ខែកក្កដា ឆ្នាំ២០២០ លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ និងជាប្រធានក្រុមប្រឹក្សាភិបាលអាជ្ញាធរជាតិអប្សរា អមដំណើរដោយថ្នាក់ដឹកនាំអាជ្ញាធរជាតិអប្សរានិងអ្នកជំនាញឧបករណ៍ភ្លេងបុរាណលើចម្លាក់ប្រាសាទ បានអញ្ជើញពិនិត្យរូបចម្លាក់ដែលបង្ហាញពីឧបករណ៍ភ្លេងបុរាណនានានៅតាមប្រាសាទមួយចំនួន
នាយកដ្ឋានរៀបចំដែនដីនិងគ្រប់គ្រងលំនៅដ្ឋានក្នុងឧទ្យានអង្គរនៃអាជ្ញាធរជាតិអប្សរាប្រចាំច្រកទាំង៦ ក្នុងសប្តាហ៍ទី៤នៃខែកក្កដា ឆ្នាំ២០២០ បានទទួលពាក្យស្នើសុំសាងសង់ពីប្រជាពលរដ្ឋធ្វើលំនៅដ្ឋាន សុំជួសជុលសំណង់ស្រាល និងសំណើសុំផ្សេងៗបម្រើឱ្យប្រយោជន៍សាធារណៈ រួមមាន សាលារៀន និងស្តារហេដ្ឋារចនាសម្ពន្ធបុរាណ សរុបចំនួន១៩ករណី។
របាយការណ៍សកម្មភាពនិងលទ្ធផលការងាររបស់ក្រុមការងារសហគមន៍អាជ្ញាធរជាតិអប្សរាប្រចាំខែកក្កដា ឆ្នាំ២០២០ បានចុះផ្សព្វផ្សាយអប់រំ និងចុះពិនិត្យការស្នើសុំ អនុញ្ញាតការជួសជុល និងសង់តូចតាចទាំង៥គោលដៅស្រុក/ក្រុង ក្នុងតំបន់ឧទ្យានអង្គរ បានចំនួន២៩៧ សំណើ ដែលក្នុងនោះបានអនុញ្ញាតជូនប្រជាពលរដ្ឋចំនួន២១២ សំណើ។
នៅថ្ងៃទី៣០ ខែកក្កដា ឆ្នាំ២០២០ អាជ្ញាធរជាតិអប្សរាបានផ្តល់ជូនកូនឈើចំនួន ១,២០០ដើម ដល់តំណាងភូមិត្រពាំងវែង សង្កាត់ក្របីរៀល ក្រុង/ខេត្តសៀមរាប និងតំណាងឃុំព្រៃជ្រូក ស្រុកពួក ខេត្តសៀមរាប។ ក្នុងនោះ ផ្តល់ឲ្យតំណាងភូមិត្រពាំងវែង ចំនួន៣២០ដើម ដើម្បីយកទៅដាំលំអតាមលំនៅដ្ឋាន និងតាមដងផ្លូវក្នុងភូមិ។ កូនឈើទាំងនោះរួមមាន គ្រញូងចំនួន៥០ដើម បេងចំនួន១០ដើម គគីរចំនួន២០ដើម ឈើទាលចំនួន១០ដើម លឿងរាជចំនួន១០០ដើម អង្គារដីចំនួន៥០ដើម ឥន្ទនេលចំនួន២០ដើម ស្តៅចំនួន២០ដើម សេដាចំនួន១០ដើម រំដួលចំនួន១០ដើម និងគុយចំនួន២០ដើម។
FirstPrev12345...335336NextLast

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
14
Today
:
35303
Yesterday
:
40656
This Week
:
75959
This Month
:
0160815
Total
:
011986446