ព័ត៌មានថ្មីៗ

អាជ្ញាធរជាតិអប្សរាបានចែកពូជត្រីអណ្តែងដល់ប្រជាពលរដ្ឋ១២គ្រួសារក្នុងឃុំរលួស

បានផ្សាយនៅ ថ្ងៃទី 19 ខែ សីហា ឆ្នាំ2016 10:54 AM ដោយ ៖ អាជ្ញាធរជាតិអប្សរា

ប្រជាពលរដ្ឋដែលស្ថិតនៅក្នុងតំបន់រមណីយដ្ឋានអង្គរ តែងតែទទួលបានការយកចិត្តទុកដាក់ជាពិសេស ពីអាជ្ញាធរជាតិ។ ជាក់ស្តែងអាជ្ញាធរជាតិអប្សរាសហការជាមួយគម្រោង ACHA បានធ្វើការងារជាច្រើន ដោយផ្តោតលើការអប់រំ និង ផ្តល់បច្ចេកទេសវិជ្ជាជីវៈផ្នែកកសិកម្ម បច្ចេកទេសក្នុងការចិញ្ចឹមសត្វ ថាមពលសូឡាប្រើដោយកម្តៅព្រះអាទិត្យ និងរៀបចំទេសចរណ៍រទេះគោជាដើម ដើម្បីលើកស្ទួយជីវភាពរបស់ប្រជាពលរដ្ឋក្នុងតំបន់រមណីយដ្ឋានអង្គរ ឱ្យមានភាពកាន់តែប្រសើរឡើងពីមួយថ្ងៃទៅមួយថ្ងៃ ។

នៅព្រឹកថ្ងៃព្រហស្បតិ៍ទី១៨ ខែសីហា ឆ្នាំ២០១៦នេះ ក្រុមការងារអាជ្ញាធរជាតិអប្សរា បាននាំយកពូជត្រី អណ្តែង៣៦ គីឡូក្រាម មកចែកជូនប្រជាពលរដ្ឋ១២ គ្រួសារដែលនៅក្នុងភូមិកញ្ជរ ឃុំរលួស ស្រុកបា្រសាទបាគង ខេត្តសៀមរាប។

លោក ឈិន ណាវីន មន្ត្រីនាយកដ្ឋានរៀបចំដែនដី និងគ្រប់គ្រងលំនៅដ្ឋានក្នុងឧទ្យានអង្គរ និងជាមន្ត្រីបច្ចេកទេសផ្នែកកសិកម្មក្នុងគម្រោង ACHA បានលើកឡើងថា អាជ្ញាធរជាតិអប្សរាសហការជាមួយគម្រោង ACHA បានយកពូជត្រីអណ្តែងចំនួន៣៦ គីឡូក្រាមចែកជូនប្រជាពលរដ្ឋចំនួន ១២ គ្រួសារ ដែលក្នុងមួយគ្រួសាទទទួលបានពូជត្រីអណ្តែងចំនួន ៣ គីឡូក្រាម និងសម្ពត់ភ្លៀង ៤ ម៉ែត្រ គុណ ៦ ម៉ែត្រ សម្រាប់ធ្វើត្រើងចិញ្ចឹម។

លោក ណាវីន បានបន្តថា អាជ្ញាធរជាតិអប្សរាមិនត្រឹមតែចែកពូជត្រី និងសម្ពត់ភ្លៀងសម្រាប់ធ្វើត្រើងប៉ុណ្ណោះទេ ក្នុងនោះក្រុមការងារក៏បានណែនាំពីបច្ចេកទេសនៃការចិញ្ចឹម ដូចជា របៀបនៃការដាក់ត្រីចូលត្រើង របៀបនៃការដាក់ចំណី របៀបនៃការដូរផ្លាស់ទឹក និងរបៀបនៃការមើលថែផ្សេងៗ ទៀតជាដើមដល់ប្រជាពលរដ្ឋទាំងនោះ។

លោក ណាវីន បន្ថែមថា កន្លងមកក្រុមការងារបានចែកជូនពូជត្រីបានចំនួន៣លើកដល់ប្រជាពលរដ្ឋ៤៩ គ្រួសារ ក្នុងឃុំចំនួន ៤ គឺឃុំ នគរធំ ឃុំលាងដៃ ឃុំដូនកែវ និងឃុំរលួស ស្ថិតនៅក្នុងតំបន់រម្មណីយដ្ឋានអង្គរ ។ គម្រោងបន្តក្រុមការងារនឹងចែកជូនពូជមាន់ និងផ្តល់បច្ចេកទេសក្នុងការចិញ្ចឹមដល់ប្រជាពលរដ្ឋដែលនៅក្នុងឃុំរលួសបន្ថែមទៀត។

អ្នកស្រី ម៉ុច ថោងវីន រស់នៅភូមិកញ្ជរបានលើកឡើងថា អ្នកស្រីសប្បាយចិត្តណាស់ដែលបានទទួលពូជត្រីអណ្តែង និងបច្ចេកទេសក្នុងការចិញ្ចឹមពីអាជ្ញាធរជាតិអប្សរា។ អ្នកស្រីបន្តថា នេះជាលើកទី១ ហើយនៃការចិញ្ចឹមត្រី តែអ្នកស្រីមិនសូវព្រួយបារម្មណ៍ទេ ដោយសារតែការចិញ្ចឹមនេះ មានការយកចិត្តទុកដាក់ និងលើកទឹកចិត្តពីអាជ្ញាធរជាតិអប្សរា។








ក្នុងស្មារតីចូលរួមចំណែកអភិវឌ្ឍន៍ហេដ្ឋារចនាសម្ពន្ធនិងសម្បទានទេសចរណ៍នៅបរិវេណមុខប្រាសាទអង្គរវត្តជាមួយអាជ្ញាធរជាតិអប្សរា ម្ចាស់ភោជនីយដ្ឋានចំនួន៤ខ្នងបានរុះរើដោយស្ម័គ្រចិត្ត នាព្រឹកថ្ងៃទី៦ ខែកក្កដា ឆ្នាំ២០២០។
លោក ឡុង កុសល អ្នកនាំពាក្យអាជ្ញាធរជាតិអប្សរា នាព្រឹកថ្ងៃទី០៦ ខែកក្កដា ឆ្នាំ២០២០ បានអះអាងថា អាជ្ញាធរជាតិអប្សរាមិនដែលបដិសេធចំពោះសំណង់ឬអគារណា ដែលមានភាពស្របច្បាប់ ហើយស្ថិតក្រោមសមត្ថកិច្ចរបស់ខ្លួនទេ។ នេះគឺជាការឆ្លើយបំភ្លឺទាក់ទិនទៅនឹងការផ្សព្វផ្សាយនៅលើបណ្តាញព័ត៌មានសង្គមហ្វេសប៊ុកនៅថ្ងៃទី៤ ខែកក្កដា ដែលមិនមានមូលដ្ឋានច្បាស់លាស់ ឈ្មោះ វិទ្យុ នគររាជ្យ ថា “អាស្រមពើងតាអេវ ស្ថិតនៅលើភ្នំគូលេន ខេត្តសៀមរាប ត្រូវភ្លើងឆេះអស់ ព្រះសង្ឃឆាន់នៅក្រោមដើមឈើ ពុទ្ធបរិស័ទ សុំច្បាប់សាងសង់ឡើងវិញតែអជ្ញាធរជាតិអប្សរា មិនអនុញ្ញាត ចង់សួរថាមូលហេតុអ្វី?”
១៖ អគ្គនាយកអាជ្ញាធរជាតិអប្សរាដឹកនាំក្រុមការងារចុះពិនិត្យរៀបចំការងារមួយចំនួនក្នុងតំបន់រមណីយដ្ឋានអង្គរ
នៅព្រឹកថ្ងៃទី១ ខែកក្កដា ឆ្នាំ២០២០ ឯកឧត្តម ហង់ ពៅ អគ្គនាយកអាជ្ញាធរជាតិអប្សរា បានដឹកនាំក្រុមការងារចុះពិនិត្យ និងត្រៀមរៀបចំការងារមួយចំនួន នៅតាមប្រាសាទក្នុងតំបន់រមណីយដ្ឋានអង្គរ រួមមាន ការងារនៅបរិវេណខាងមុខប្រាសាទអង្គរវត្ត ទីទួលបុរាណដ្ឋានប្រាសាទបាយក្អែក ការដ្ឋានជួសជុលស្ពានហាល ការងាររៀបចំសួនបៃតង ការពង្រីកការដាំកូនឈើ និងគម្រោងសិក្សាលើកបង្គន់អនាម័យខាងត្បូងប្រាសាទអង្គរវត្ត និងការងារនៅប្រាសាទព្រះខ័នជាដើម។ សកម្មភាពនេះ ជាយន្តការក្នុងការជំរុញឱ្យការងារទាំងឡាយប្រព្រឹត្តដោយរលូន
ព្រឹកថ្ងៃទី៣ ខែកក្កដា ឆ្នាំ២០២០ នៅទីស្នាក់ការនៃអាជ្ញាធរជាតិអប្សរា មានជំនួបពិភាក្សាការងាររវាងឯកឧត្តម ហង់ ពៅ អគ្គនាយកនៃអាជ្ញាធរជាតិអប្សរា និងលោក ជា ពិសិដ្ឋ នាយករងផលិតកម្មនៃអគ្គិសនីកម្ពុជា អំពីការចូលរួមរបស់អាជ្ញាធរជាតិអប្សរាក្នុងការបង្កើតវត្ថុដាក់តាំងបង្ហាញនៅក្នុងសារមន្ទីរថាមពលកកើតឡើងវិញ និងឧទ្យានជាតិសម្តេច ហ៊ុន សែន កំពត។
យោងតាមរបាយការណ៍៦ខែដំបូងនៃឆ្នាំ២០២០ ក្រុមការងារលេខាធិការដ្ឋានសហគមន៍ទាំង៥ក្រុមនៃអាជ្ញាធរជាតិអប្សរាបានបន្តការងារចុះពិនិត្យ ការជួសជុលកែលម្អលំនៅដ្ឋាននិងសាងសង់សំណង់ស្រាលតូចតាចក្នុងតំបន់រមណីយដ្ឋានបេតិកភណ្ឌពិភពលោកអង្គរចំនួន២៦៣៩គ្រួសារ ក្នុងនោះបានអនុញ្ញាតមានចំនួន១៩៥៩គ្រួសារ ។
ដើមដំបូងមុន12345...327328បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
5
ថ្ងៃនេះ
:
22109
ម្សិលមិញ
:
24645
សប្តាហ៍នេះ
:
22109
ខែនេះ
:
0139408
សរុប
:
011602005