ព័ត៌មានថ្មីៗ

គណៈប្រតិភូខេត្តអានហួយប្រទេសចិន ជួបពិភាក្សាផ្លាស់ប្តូរបទពិសោធន៍លើកិច្ចការគ្រប់គ្រងរមណីយដ្ឋានបេតិកភណ្ឌនិងទេសចរណ៍ជាមួយអាជ្ញាធរជាតិអប្សរា

បានផ្សាយនៅ ថ្ងៃទី 19 ខែ សីហា ឆ្នាំ2016 10:46 AM ដោយ ៖ អាជ្ញាធរជាតិអប្សរា
នៅសាលប្រជុំបេងមាលា នាល្ងាចថ្ងៃទី១៧ ខែសីហា ឆ្នាំ២០១៦ លោក Hu Laingsong អនុប្រធានគណៈកម្មការអចិន្ត្រៃយ៍នៃខេត្តអានហួយ បានដឹកនាំក្រុមការងារចូលជួបសម្តែងការគួរសមនិងពិភាក្សាការងារជាមួយថ្នាក់ដឹកនាំអាជ្ញាធរជាតិអប្សរា ដែលមានឯកឧត្តម ហុក ប៉េងសែ អគ្គនាយករងតំណាងឯកឧត្តមបណ្ឌិត ស៊ុំ ម៉ាប់ អគ្គនាយកអាជ្ញាធរជាតិអប្សរា។

ក្នុងជំនួបនេះគណៈប្រតិភូនៃខេត្តអានហួយ បានផ្តោតសំខាន់លើវិស័យទេសចរណ៍នៅក្នុងខេត្តសៀមរាប និងសុំផ្លាស់ប្តូរបទពិសោធន៍គ្រប់គ្រងតំបន់អង្គរពីអាជ្ញាធរជាតិអប្សរាដើម្បីយកទៅគ្រប់គ្រងតំបន់ទេសចរណ៍ក្នុងខេត្តរបស់ខ្លួន ពិសេសគឺជំរុញដំណើរការចូលរួមពិធីតាំងពិព័រណ៍រូបថតពីវិស័យទេសចរណ៍រវាងខេត្តអានហួយនិងសៀមរាប ឬ ហ័ងសាននិងអង្គរឱ្យកាន់តែរលូន។

លោក Hu Laingsong បានលើកឡើងថា លោកចាប់អារម្មណ៍យ៉ាងខ្លាំងចំពោះវិស័យទេសចរណ៍និងការគ្រប់គ្រងរមណីយដ្ឋានអង្គរនៅក្នុងខេត្តសៀមរាប ហើយបើការចុះកិច្ចព្រមព្រៀងរវាងខេត្តសៀមរាបនិងខេត្តអានហ៊ួយលើវិស័យទេសចរណ៍ដំណើរការទៅដោយរលូននិងមានការរីកចម្រើន លោកនឹងស្នើទៅរដ្ឋាភិបាលចិនដើម្បីបើកជើងហោះហើរត្រង់ទៅត្រង់មក (សៀមរាប-ហ័ងសាន) ថែមជំរុញឱ្យប្រជាជននៅខេត្តអានហួយមកទស្សនាអង្គរឱ្យបានកាន់តែច្រើន ព្រោះខេត្តនេះមានប្រជាជនសរុបដល់ទៅ៦០លាននាក់។

លោក Hu Laingsong ក៏បានបង្ហាញពីសក្កានុពលនៃខេត្តអានហួយដែរថា នៅខេត្តអានហួយមានព្រលានយន្តហោះអន្តរជាតិ៥ មានតំបន់ទេសចរណ៍ចំនួន៣ដែលមានការទទួលស្គាល់ពីពិភពលោកថាមានធម្មជាតិស្រស់ស្អាត អាចទាក់ទាញទេសចរបានចំនួន១០លាននាក់ក្នុងមួយឆ្នាំ ពិសេសនៅតំបន់ហ័ងសានគឺប្រមូលផ្តុំទៅដោយទំនៀមទម្លាប់នៃការរស់នៅរបស់ប្រជាជននិងភាពស្រស់ស្អាតនៃធម្មជាតិ។ តែទោះជាយ៉ាងណា ក៏ខេត្តអានហួយនៅតែត្រូវ ការបទពិសោធន៍ដ៏ជោគជ័យពីការគ្រប់គ្រងអង្គរប្រកបដោយចីរភាពរបស់អាជ្ញាធរជាតិអប្សរា ដើម្បីយកទៅគ្រប់គ្រងតំបន់ទេសចរណ៍នៅអាហួយដដែល។ អ្វីដែលមិនអាចបំភ្លេចបាន គឺការផ្លាស់ប្តូរបទពិសោធន៍ ចំណេះដឹងទាក់ទងនឹងវិស័យទេសចរណ៍នៅតំបន់អង្គរនិងហ័ងសានតាមរយៈពិព័រណ៍រូបថតដែលនឹងរៀបចំឡើងនៅខេត្តសៀមរាបនិងខេត្តអានហួយនាពេលខាងមុខ។ ភាគីចិនគាំទ្រជានិច្ចនិងចូលរួមជួយសហការគ្រប់យ៉ាងបើខាងអាជ្ញាធរជាតិអប្សរាមានអ្វីត្រូវការឱ្យជួយក្នុងការពន្លឿនការងារនេះ។

ឯកឧត្តម ហុក ប៉េងសែ ក៏បានសម្តែងនូវការអរគុណចំពោះភាគីចិននៃខេត្តអានហួយដែលចង់ចងសម្ពន្ធភាពរវាងហ័ងសាននិងអង្គរ និងយកអាជ្ញាធរជាតិអប្សរាជាគំរូក្នុងការដកផ្លាស់ប្តូរបទពិសោធន៍គ្រប់គ្រងបេតិកភណ្ឌ ពិសេសអរគុណចំពោះការទទួលរាក់ទាក់យ៉ាងកក់ក្តៅជាមួយក្រុមការងារអាជ្ញាធរជាតិអប្សរាដែលបានទៅទស្សនកិច្ចសិក្សានៅហ័ងសានកន្លងមក។ ក្នុងនោះដែរ ចំពោះកិច្ចព្រមព្រៀងតាំងពិព័រណ៍រូបថតហ័ងសាននិងអង្គរ ខាងអាជ្ញាធរជាតិអប្សរាក៏បានត្រៀមបញ្ជូនមន្ត្រីជំនាញពីររូបដើម្បីទៅសិក្សា មើលការរៀបចំ និងដកស្រង់បទពិសោធន៍នៅអានហួយនិងហ័ងសាននាពេលដ៏ខ្លីខាងមុខនេះ ហើយអាជ្ញាធរជាតិអប្សរាក៏ស្វាគមន៍ជានិច្ចចំពោះវត្តមានរបស់មន្ត្រីខេត្តអានហួយ ក្នុងការមកផ្លាស់ប្តូរបទពិសោធន៍នៃការរៀបចំនិងសិក្សាពីតំបន់ទេសចរណ៍នៅខេត្តសៀមរាបដូចគ្នា៕








សេចក្ដីប្រកាសព័ត៌មាន
( ថ្ងៃទី 22 ខែ មករា ឆ្នាំ2021 )
សេចក្ដីប្រកាសព័ត៌មានស្ដីពីការរៀបចំកិច្ចប្រជុំបច្ចេកទេសលើកទី៣៤ និងកិច្ចប្រជុំពេញអង្គលើកទី២៧ របស់គណៈកម្មាធិការអន្តរជាតិ ហៅកាត់ អាយស៊ីស៊ី-អង្គរ (ICC-Angkor)។
ក្រុមការងារបច្ចេកទេសរបស់នាយកដ្ឋានអភិរក្សប្រាសាទនៃអាជ្ញាធរជាតិអប្សរា កាលពីថ្ងៃទី១៩ ខែមករា ឆ្នាំ២០២១ បានសហការជាមួយអាជ្ញាធរមូលដ្ឋាន នគរបាលបេតិកភណ្ឌ និងភ្នាក់ងារប្រចាំការនៅប្រាសាទបន្ទាយអំពិល បានអនុវត្តការងារបោះបង្គោលកំណត់ព្រំការពារក្នុងតំបន់ការពារប្រាសាទបន្ទាយអំពិល ស្ថិតនៅក្នុងភូមិសំរោង ឃុំខ្នារពោធិ៍ ស្រុកសូទ្រនិគម ខេត្តសៀមរាប នៅខាងកើតប្រាសាទចៅស្រីវិបុល១០គីឡូម៉ែត្រ។
ក្រុមការងារនាយកដ្ឋានសណ្តាប់ធ្នាប់និងកិច្ចសហប្រតិបត្តិការនៃអាជ្ញាធរជាតិអប្សរា បានរៀបចំដាំបង្គោលឈើនៅតាមដងផ្លូវនៃប្រាសាទក្នុងតំបន់រមណីយដ្ឋានអង្គរ។--

គោលបំណងនៃការរៀបចំនេះ គឺដើម្បីបញ្ជៀសការកកស្ទះចរាចរណ៍ ធានាជូននូវសុវត្ថិភាពដល់ភ្ញៀវទេសចរក្នុងការធ្វើដំណើរ រក្សាសណ្តាប់ធ្នាប់នៃការចតយានជំនិះឱ្យមានរបៀបរៀបរយ ថែរក្សាសោភ័ណភាព ទេសភាពវប្បធម៌អង្គរឱ្យមានភាពស្រស់ស្អាតដើម្បីទាក់ទាញទេសចរ។

អាជ្ញាធរជាតិអប្សរា ក៏សូមអំពាវនាវដល់ម្ចាស់យានយន្តមួយចំនួន សូមចូលចតនិងដាក់ភ្ញៀវចុះតាមទីតាំងកំណត់ ដែលអាជ្ញាធរជាតិអប្សរាធ្វើទីចំណតឱ្យចត ជៀសវាងឱ្យមានភាពកកស្ទះ និងគ្មានសណ្ដាប់ធ្នាប់៕






















អត្ថបទ៖ កញ្ញា ឆាយ ផាន់នី
រូបភាព៖ នាយកដ្ឋានសណ្តាប់ធ្នាប់និងកិច្ចសហប្រតិបត្តិការ
ក្រុមការងារនៃនាយកដ្ឋានអភិរក្សប្រាសាទក្នុងឧទ្យានអង្គរនិងបុរាណវិទ្យាបង្ការ ភ្នាក់ងារទេសចរណ៍ ភ្នាក់ងារសណ្តាប់ធ្នាប់ និងភ្នាក់ងារព្រៃឈើ ក្រោមការដឹកនាំរបស់ឯកឧត្តម គឹម សុធិន អគ្គនាយករងអាជ្ញាធរជាតិអប្សរា រួមទាំងមានការចូលរួមពីប្រធានសាលាបារាំងចុងបូព៌ា កាលពីថ្ងៃទី២០ ខែមករា ឆ្នាំ២០២១ បានចុះរៀបចំ បោសសម្អាត រៀបចំថ្មឱ្យមានរបៀបរៀបរយ ដើម្បីត្រៀមជួសជុលអតីតទីស្នាក់ការសាលាបារាំងចុងបូព៌ា ដែលមានទីតាំងស្ថិតនៅខាងលិចប្រាសាទបាយ័ន្ត។
ថ្ងៃទី២១ ខែមករា ឆ្នាំ២០២១ ក្រុមការងារសហគមន៍នៃអាជ្ញាធរជាតិអប្សរាចំនួន២គោលដៅដែលមានការចូលរួមសហការជាមួយអាជ្ញាធរមូលដ្ឋាន បានចុះពិនិត្យ និងដោះស្រាយសំណើសុំជួសជុលផ្ទះរបស់ប្រជាពលរដ្ឋក្នុងឧទ្យានអង្គរ។
ដើមដំបូងមុន12345...380381បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
11
ថ្ងៃនេះ
:
11737
ម្សិលមិញ
:
13174
សប្តាហ៍នេះ
:
54366
ខែនេះ
:
0212255
សរុប
:
014272110