NEWS

The English version of this website is still under construction. This section is only available in Khmer language at this stage. We apologise for any inconvenience

Published on 18 August 2016 02:29 PM Post By ៖ Apsara National Authority

ព្រៃឈើជាសម្បត្តិរួមរបស់សហគមន៍ ព្រៃឈើជាសោភ័ណភាពធម្មជាតិសម្រាប់ទាក់ទាញភ្ញៀវទេសចរ ព្រៃឈើជារនាំងការពារខ្យល់ព្យុះ និងគ្រោះទឹកជំនន់ ព្រៃឈើជាអ្នកការពារដ៏អង់អាចចំពោះប្រាង្គប្រាសាទ។ ដោយយល់ឃើញនូវតម្លៃនេះ អាជ្ញាធរជាតិអប្សរាបានចេញយុទ្ធនាការដាំដើមឈើក្នុងតំបន់អង្គរឲ្យបានយ៉ាងតិច៦ម៉ឺនដើម ក្នុងឆ្នាំ២០១៦នេះ។ ដើម្បីឲ្យយុទ្ធនាការនេះទទួលជោគជ័យ អាជ្ញាធរជាតិអប្សរាបានដាំកូនឈើតាមបណ្តាទីតាំងផ្សេងៗជាច្រើនមកហើយ។ ដោយឡែកនៅថ្ងៃទី១៨ ខែសីហា ឆ្នាំ២០១៦នេះ តាមរយៈក្រុមការងារសហគមន៍ប្រចាំស្រុកប្រាសាទបាគង ឯកឧត្តម សុខ លក្ខិណា ទីប្រឹក្សាអាជ្ញាធរជាតិអប្សរា ដោយមានការចូលរួមពីឯកឧត្តម ពៅ ពិសិដ្ឋ អភិបាលរងនៃគណៈអភិបាលខេត្តសៀមរាប ព្រមទាំងមន្ត្រីបុគ្គលិកអាជ្ញាធរជាតិអប្សរា អាជ្ញាធរមូលដ្ឋាន ព្រះសង្ឃ និងប្រជាពលរដ្ឋ បានប្រារព្ធពិធីដាំកូនឈើចំនួន៤០០០ពាន់ដើម នៅភូមិត្រាច ឃុំបល្ល័ង្ក ស្រុកប្រាសាទបាគង ខេត្តសៀមរាប។

ឯកឧត្តម សុខ លក្ខិណា បានមានប្រសាសន៍ថា ដោយមានការឯកភាពគ្នារវាងអាជ្ញាធរជាតិអប្សរា និង អាជ្ញាធរមូលដ្ឋាន ប្រជាពលរដ្ឋ កូនចំនួន៤០០០ដើមត្រូវបានយកទៅដាំលើផ្ទៃដី៨.៣៧ហិកតា ដែលក្រុមស៊ីម៉ាក់បានបោសសម្អាតមីនរួចរាល់ជាស្ថាពរ។ តាមផែនការ ផ្ទៃដី៨.៣៧ហិកតានេះ នឹងត្រូវដាំកូនឈើឲ្យបានយ៉ាងតិច៨០០០ដើម។ ប៉ុន្តែព្រឹកនេះ ដាំបានតែចំនួន៤០០០ដើមសិន ដែលមានប្រភេទឈើប្រណិតចម្រុះដូចជា បេង គគីរ ឈើទាល កកោះ គ្រញូង ច្រេស និងត្រសេកជាដើម។ ចំណែកកូនឈើ៤០០០ដើមទៀត នឹងត្រូវដាំបន្តដោយភ្នាក់ងារព្រៃឈើរបស់អាជ្ញាធរជាតិអប្សរា។ ពិធីដាំកូនឈើរបស់អាជ្ញាធរជាតិអប្សរានៅពេលនេះ ក៏ទទួលបាននូវការគាំទ្រពីសំណាក់ឯកឧត្តមបណ្ឌិតអភិបាលនៃគណៈអភិបាលខេត្តសៀមរាប ហើយបានសហការគ្នាយ៉ាងល្អជាមួយអាជ្ញាធរពាក់ព័ន្ធ ដើម្បីឲ្យពិធីនេះប្រព្រឹត្តទៅតាមផែនការដែលបានគ្រោងទុក។

ឯកឧត្តមបានបន្តថា ប្រពៃណីដាំកូនឈើជាស្នាព្រះហស្ត ដែលបានបន្សល់ទុកដោយសម្តេចព្រះបរមរតនកោដ្ឋ ព្រះបាទនរោត្តម សីហនុ ដែលឲ្យឈ្មោះថា រុក្ខទិវា ហើយពិធីនេះត្រូវបានក្រសួងកសិកម្មកំណត់យ៉ាងជាក់លាក់ដើម្បីប្រារព្ធពិធីដាំកូនឈើនេះ ជារៀងរាល់ឆ្នាំទូទាំងប្រទេស។ ដោយឡែក ចំពោះអាជ្ញាធរជាតិអប្សរាមានលក្ខណៈពិសេសគឺដាំកូនឈើជាប្រចាំ ព្រោះព្រៃឈើមានសារៈសំខាន់ និងផលប្រយោជន៍ខ្លាំងណាស់ចំពោះមនុស្ស សត្វ បរិស្ថាន និងប្រាង្គប្រាសាទ។

លោក និន ចាន់សាមៀន ប្រធាននាយកដ្ឋានគ្រប់គ្រងព្រៃឈើ ទេសភាពវប្បធម៌និងបរិស្ថានបានលើកឡើងថាព្រៃឈើមិនត្រឹមតែជួយដល់មនុស្ស សត្វនិងបរិស្ថានប៉ុណ្ណោះទេ ប៉ុន្តែព្រៃឈើក៏ជួយដល់ប្រាង្គប្រាសាទឲ្យស្ថិតនៅគង់វង្សយូរអង្វែងផងដែរ។ លោកបញ្ជាក់ថាព្រៃឈើជារបាំងខ្យល់ ទប់ស្កាត់ការសឹករេចរឹល រង្គោះរង្គើដល់ថ្មប្រាង្គប្រាសាទ ព្រៃឈើជាមធ្យោបាយស្រូបទឹកក្រោមដី ផ្តល់សំណើមដល់ថ្មប្រាង្គប្រាសាទដើម្បីរក្សាបាននូវការស្រុតនិងរបេះក្បាច់រចនា ព្រៃឈើការពារនូវការហូរច្រោះ ទប់ស្កាត់និងការដួលរលំនៃប្រាង្គប្រាសាទនិងផ្តល់នូវសោភ័ណភាព ទាក់ទាញនូវភ្ញៀវទេសចរជាតិនិងអន្តរជាតិឲ្យចូលមកទស្សនាកាន់តែច្រើនៗឡើង ដែលជាប្រភពចំណូលដ៏សំខាន់ដល់ប្រជាសហគមន៍និងជាតិទាំងមូល៕


















ស្ពានឈើចាស់នៅរមណីយដ្ឋានក្បាលស្ពាន ដែលរងនូវការទ្រុឌទ្រោម ដោយអាកាសធាតុនិងអាយុកាល ត្រូវបានអាជ្ញាធរជាតិអប្សរារុះរើចាប់ពីថ្ងៃទី០១ ខែធ្នូ ឆ្នាំ២០២០ ដើម្បីជួសជុលពង្រឹងស្ពាននេះឡើងវិញ សម្រាប់ឱ្យភ្ញៀវទេចចរណ៍ឆ្លងកាត់ដោយងាយស្រួល ហើយមានសុវត្តិភាពក្នុងការទៅលេងកម្សាន្តនៅរមណីយដ្ឋាននេះ។
ស្ពានឈើចាស់នៅរមណីយដ្ឋានក្បាលស្ពាន ដែលរងនូវការទ្រុឌទ្រោម ដោយអាកាសធាតុនិងអាយុកាល ត្រូវបានអាជ្ញាធរជាតិអប្សរារុះរើចាប់ពីថ្ងៃទី០១ ខែធ្នូ ឆ្នាំ២០២០ ដើម្បីជួសជុលពង្រឹងស្ពាននេះឡើងវិញ សម្រាប់ឱ្យភ្ញៀវទេចចរណ៍ឆ្លងកាត់ដោយងាយស្រួល ហើយមានសុវត្តិភាពក្នុងការទៅលេងកម្សាន្តនៅរមណីយដ្ឋាននេះ។
លទ្ធផលការងារសហគមន៍របស់អាជ្ញាធរជាតិអប្សរាប្រចាំខែវិច្ឆិកា ឆ្នាំ២០២០ បានចុះផ្សព្វផ្សាយអប់រំនិងចុះពិនិត្យការស្នើសុំ អនុញ្ញាតការជួសជុល និងសាងសង់តូចតាចទាំង៥គោលដៅស្រុក/ក្រុង ក្នុងតំបន់ឧទ្យានអង្គរ និងក្រៅតំបន់ឧទ្យានអង្គរបានចំនួន២៧១ សំណើ ដែលក្នុងនោះបានអនុញ្ញាតជូនប្រជាពលរដ្ឋចំនួន១៨០សំណើ។
នាយកដ្ឋានរៀបចំដែនដីនិងគ្រប់គ្រងលំនៅដ្ឋានក្នុងឧទ្យានអង្គរនៃអាជ្ញាធរជាតិអប្សរាឱ្យដឹងថា ក្នុងខែវិច្ឆិកាឆ្នាំ២០២០ ក្រុមការងារបានចុះពិនិត្យនិងជួយសម្រួលលក្ខណៈបច្ចេកទេស នៃការសាងសង់លំនៅដ្ឋាននិងសំណង់ឧបសម្ពន្ធផ្សេងៗទៀតដល់ប្រជាពលរដ្ឋដែលរស់នៅក្នុងឧទ្យាននិងក្រៅឧទ្យានអង្គរបានចំនួន៣៩១គ្រួសារ។ ចំពោះប្រជាពលរដ្ឋដែលរស់នៅក្នុងឧទ្យានអង្គរមានចំនួន៣៨៣គ្រួសារមាន
ក្រុងសៀមរាបចំនួន១១៧គ្រួសារ
១ អគ្គនាយកអាជ្ញាធរជាតិអប្សរាចូលរួមគោរពវិញ្ញាណក្ខន្ធ ឯកឧត្តម អ៊ឹង ហឿន ប្រធានក្រុមប្រឹក្សាខេត្តសៀមរាប
នាព្រឹកថ្ងៃទី២៦ ខែវិច្ឆិកា ឆ្នាំ២០២០ ឯកឧត្តម ហង់ ពៅ អគ្គនាយកអាជ្ញាធរជាតិអប្សរា បានដឹកនាំសហការី ចូលរួមគោរពវិញ្ញាណក្ខន្ធ ឯកឧត្តម អ៊ឹង ហឿន ប្រធានក្រុមប្រឹក្សាខេត្តសៀមរាប អាណត្តិទី៣ ដែលបានទទួលមរណភាពកាលពីថ្ងៃទី២៣ ខែវិច្ឆិកា ឆ្នាំ២០២០ ដោយរោគាពាធ។
FirstPrev12345...365366NextLast

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
7
Today
:
0047
Yesterday
:
10849
This Week
:
95893
This Month
:
0040649
Total
:
013732103