NEWS

The English version of this website is still under construction. This section is only available in Khmer language at this stage. We apologise for any inconvenience

Published on 16 August 2016 03:00 PM Post By ៖ Apsara National Authority

អ្នកស្រុកក្នុងឧទ្យានអង្គរចំនួន៧៤គ្រួសារមកពី៦ភូមិក្នុងសង្កាត់អំពិល ក្រុងសៀមរាប បានជួបជុំគ្នានៅសាលាឆទានភូមិត្រពាំងរុននាព្រឹកថ្ងៃទី១៦ ខែសីហា ឆ្នាំ២០១៦ ដើម្បីទទួលយកពូជឫស្សីទំពាំងផ្អែមដែលផ្តល់ជូនតាមរយៈគម្រោងអភិវឌ្ឍន៍សហគមន៍ និងបេតិកភណ្ឌអង្គររបស់អាជ្ញាធរជាតិអប្សរាសហការជាមួយប្រទេសញ៉ូវហ្សឺឡែនហៅកាត់ថា ACHA ។

ពូជឫស្សីទំពាំងផ្អែមចំនួន១៦០ដើមត្រូវបានផ្តល់ជូនប្រជាពលរដ្ឋក្នុងឱកាសនោះដើម្បីយកទៅដាំដុះសាកល្បងក្នុងន័យស្វែងរកប្រភេទពូជដំណាំដែលផ្តល់ទិន្នផលខ្ពស់និងមានតម្លៃក្នុងទីផ្សារដើម្បីបង្កើនប្រាក់ចំណូលប្រចាំថ្ងៃជូនដល់សហគមន៍ក្នុងឧទ្យានអង្គរ។

លោកស្រី ឈួន សុផល បុគ្គលិកបច្ចេកទេសនៃក្រុមអប់រំបេតិកភណ្ឌនិងកសិកម្មរបស់នាយកដ្ឋានរៀបចំដែនដីនិងគ្រប់គ្រងលំនៅដ្ឋានក្នុងឧទ្យានអង្គរនៃអាជា្ញធរជាតិអប្សរាបានបញ្ជាក់ថា ដើមឫស្សីទំពាំងផ្អែមជាប្រភេទដើមឫស្សីធំៗប៉ុនដើមឫស្សីខ្មែរ កម្ពស់ពី៥ទៅ៦ម៉ែត្រ មានស្លឹកធំវែង ដើមវាមិនមានបន្លាទេ ហើយវាអាចឲ្យផលក្នុងរយៈពេលពី៦ខែទៅ១ឆ្នាំក្រោយពីការដាំ។លក្ខណៈពិសេសរបស់ទំពាំងឫស្សីផ្អែមនេះ គឺទំពាំងមួយមានទម្ងន់ចាប់ពី១គីឡូទៅ៣គីឡូក្រាម មានរសជាតិផ្អែមឆ្ងាញ់ មានភាពងាយស្រួលពេលដាំស្លដោយមិនចាំបាច់រំងាស់ដូចទំពាំងខ្មែរយើងទេ។ ទំពាំងផ្អែមកំពុងពេញនិយមនៅប្រទេសកម្ពុជា ថែមទាំងលក់បានថ្លៃទៀតផង ដោយ១គីឡូក្រាម ថ្លៃពី៦០០០៛ទៅ១០០០០៛។

លោក កឺ កី ជាប្រជាពលរដ្ឋរស់នៅភូមិត្នោតដែលបានមកទទួលពូជឫស្សីទំពាំងផ្អែមក្នុងឱកាសនោះដែរ បានលើកឡើងថា លោកធ្លាប់តែដាំដើមឫស្សីខ្មែរតាមទម្លាប់តៗគ្នាមក ដោយមិនធ្លាប់ដាំដើមឫស្សីទំពាំងផ្អែមទេ ហើយក៏មិនដែលស្គាល់ដើមឫស្សីទំពាំងផ្អែមមានរូបរាង ទ្រង់ទ្រាយយ៉ាងណានោះដែរ។ ប៉ុន្តែពេលថ្មីៗនេះ ដោយសារក្រុមការងារសហគមន៍របស់អាជ្ញាធរជាតិអប្សរាចុះមកផ្សព្វផ្សាយ និងចែកដើមឫស្សីទំពាំងផ្អែមដល់ប្រជាពលរដ្ឋក្នុងសហគមន៍របស់លោក ទើបលោកចាប់អារម្មណ៍ ហើយបានសម្រេចចិត្តដាំឫស្សីទំពាំងផ្អែមនេះសាកល្បងមើល៍សិន ប្រសិនបើទទួលជោគជ័យ លោកនឹងពង្រីកការដាំដុះឲ្យបានច្រើនថែមទៀត ដោយសារទំពាំងឫស្សីផ្អែមនេះងាយស្រួលដាំ មានរសជាតិឆ្ងាញ់ និងលក់បានថ្លៃទៀតផង។

ពូជឫស្សីទំពាំងផ្អែមនេះ អាជ្ញាធរជាតិអប្សរាធ្លាប់បានចែកជូនប្រជាសហគមន៍ដែលរស់នៅឧទ្យានអង្គរជាច្រើនលើកមកហើយ។ ជាក់ស្តែងចាប់តាំងពីខែ មិថុនា ឆ្នាំ២០១៦មក ពូជដើមឫស្សីទំពាំងផ្អែមចំនួន១៥០០ដើមហើយត្រូវបានចែកជូនដល់ប្រជាពលរដ្ឋចំនួន២០ភូមិ មាន៤២៩គ្រួសារ ដើម្បីយកទៅដាំដុះក្នុងន័យជួយលើកកម្ពស់ជីវភាពរស់នៅ និងបង្កើនប្រាក់ចំណូលជូនប្រជាពលរដ្ឋក្នុងតំបន់រមណីយដ្ឋានអង្គរឲ្យបានប្រសើរឡើងថែមទៀត។








ក្នុងគោលបំណងអភិវឌ្ឍន៍ហេដ្ឋារចនាសម្ពន្ធនិងសម្បទាទេសចរណ៍ ទេសភាព បរិស្ថាន ខាងលិចមុខប្រាសាទអង្គរវត្តឱ្យមានភាពល្អប្រសើរ និងលើកតម្លៃអង្គរឱ្យសមជាបេតិកភណ្ឌពិភពលោក អាជ្ញាធរជាតិអប្សរា ដោយមានការចូលរួមស្ម័គ្រចិត្តពីបងប្អូនអាជីវករ សំណង់ភោជនីយដ្ឋាន អាគាររដ្ឋ និងតូបលក់ដូរមួយចំនួនត្រូវបានរុះរើ។
តាមរបាយការណ៍នាយកដ្ឋានរៀបចំដែនដីនិងគ្រប់គ្រងលំនៅដ្ឋានក្នុងតំបន់អង្គរនៃអាជ្ញាធរជាតិអប្សរាឱ្យដឹងថា សប្តាហ៍ទី១ ខែកក្កដា ឆ្នាំ២០២០ ក្រុមការងារនៃនាយកដ្ឋានរៀបចំដែនដី និងគ្រប់គ្រងលំនៅដ្ឋានក្នុងឧទ្យានអង្គរប្រចាំច្រកទាំង៦របស់អាជ្ញាធរជាតិអប្សរា បានទទួលពាក្យ ស្នើសុំធ្វើលំនៅដ្ឋាននិងជួសជុលតិចតួចចំនួន៦៥ ករណី ក្នុងចំណោមសំណើទាំងនោះ។
ដើម្បីធានាដល់សុវត្ថិភាពប្រាសាទ ភ្ញៀវទេសចរ សាធារណជន ក៏ដូចជាដើម្បីលើកកម្ពស់សោភ័ណភាព នៅតាមបរិវេណប្រាសាទក្នុងតំបន់រមណីយដ្ឋានអង្គរ នាយកដ្ឋានគ្រប់គ្រងព្រៃឈើ ទេសភាពវប្បធម៌ និងបរិស្ថាននៃអាជ្ញាធរជាតិអប្សរា នឹងកាត់ដកហូតដើមឈើ និងកាត់ក្រីមែកឈើ ដែលមានហានិភ័យខ្ពស់។ ព័ត៌មានលំអិតសូមអានសេចក្ដីជូនដូចដែលមានភ្ជាប់ខាងក្រោម៖
នៅថ្ងៃទី៨ ខែកក្កដា ឆ្នាំ២០២០ លោកជំទាវ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈនិងជាប្រធានក្រុមប្រឹក្សាភិបាលអាជ្ញាធរជាតិអប្សរា រួមនឹងថ្នាក់ដឹកនាំអាជ្ញាធរជាតិអប្សរាបានចូលរួមប្រជុំអន្តរក្រសួងដើម្បីពិភាក្សាលើពង្រាងផែនការមេវិស័យទេសចរណ៍ខេត្តសៀមរាបឆ្នាំ២០២០-២០៣៥ នាសណ្ឋាគាររីជិនស៊ីអង្គរ។
នាល្ងាចថ្ងៃទី៧ ខែកក្តដា ឆ្នាំ២០២០ លោកជំទាវ ភឿង សកុណា រដ្ឋមន្រ្តីក្រសួងវប្បធម៌ និងជាប្រធានក្រុមប្រឹក្សាភិបាលអាជ្ញាធរជាតិអប្សរា បានអញ្ជើញចូលក្រាបបង្គំសួរសុខទុក្ខ និងប្រគេនទៀនព្រះវស្សា ព្រមទាំងទេយ្យទានមួយចំនួនដល់ព្រះមហាវិមលធម្ម ពិន សែម រាជាគណៈថ្នាក់ទោ និងជាឧត្តមទីប្រឹក្សាគណៈសង្ឃនាយកនៃព្រះរាជាណាចក្រកម្ពុជា និងជាព្រះចៅអធិការវត្ត រាជបូណ៌ និងជាព្រះប្រធានកិត្តិយសនៃក្រុមប្រឹក្សាវត្តអារាម។
FirstPrev12345...329330NextLast

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
30
Today
:
0095
Yesterday
:
3859
This Week
:
00095
This Month
:
0242834
Total
:
011705430