NEWS

The English version of this website is still under construction. This section is only available in Khmer language at this stage. We apologise for any inconvenience

Published on 16 August 2016 02:30 PM Post By ៖ Apsara National Authority

សិក្ខាសាលាដើម្បីឈ្វេងយល់ពីបេតិកភណ្ឌវប្បធម៌តំបន់មេគង្គ ត្រូវបានរៀបចំឡើងដោយសាកលវិទ្យាល័យសូហ្វីយ៉ានៃប្រទេសជប៉ុន នៅតំបន់រមណីយដ្ឋានសៀមរាប-អង្គរ។ អ្នកជំនាញបេតិកភណ្ឌវប្បធម៌ចំនួន១០រូប ដែលមាន២រូបមកពីប្រទេសនីមួយៗនៃប្រទេសទាំង៥នៅអាស៊ីអាគ្នេយ៍ ពោលគឺកម្ពុជា ថៃ មីយ៉ាន់ម៉ា ឡាវ វៀតណាម ព្រមទាំងប្រទេសឥណ្ឌូនេស៊ី បានមកជួបជុំគ្នាជាមួយអ្នកជំនាញជប៉ុននៃសាកលវិទ្យាល័យសូហ្វីយ៉ា និងអ្នកជំនាញនៃអាជ្ញាធរជាតិអប្សរា ដើម្បីពិភាក្សាផ្លាស់ប្តូរបទពិសោធន៍លើកិច្ចការអភិរក្ស មរតកបេតិកភណ្ឌតាមរយៈការរៀនសូត្រលើទ្រឹស្តី និងការចុះអនុវត្តនៅលើទីតាំងផ្ទាល់។

ក្នុងរយៈកាលនៃសិក្ខាសាលានេះ សិក្ខាកាមទាំងអស់ក៏មានឱកាសចុះសិក្សានៅ តាមបណ្តាទីតាំងប្រាសាទ និងការដ្ឋានជួសជុលមួយចំនួនទៀតក្នុងរមណីយដ្ឋានអង្គរ។ ជាក់ស្តែងនៅថ្ងៃទី១៣ ខែសីហា កន្លងមកនេះសិក្ខាកាមទាំងនោះ បានចុះធ្វើកម្មសិក្សានៅប្រាសាទបាគងជាមួយអ្នកជំនាញរបស់អាជ្ញាធរជាតិអប្សរាដោយផ្ទាល់ ដើម្បីយល់ដឹងឱ្យកាន់តែច្បាស់អំពីបច្ចេកទេសនៃការអភិរក្សជួសជុលប្រាសាទឥដ្ឋតាមបច្ចេកទេសបុរាណ។

លោក តាន់ សុផល អនុប្រធាននាយកដ្ឋានអភិរក្សប្រាសាទក្នុងឧទ្យានអង្គរ និងបុរាណវិទ្យាបង្ការ ដែលជាអ្នកជំនាញធ្លាប់មានបទពិសោធន៍លើកិច្ចការនេះបានលើកឡើងពីបច្ចេកទេសនៃការជួសជុលប្រាសាទឥដ្ឋ ដែលអាជ្ញាធរជាតិអប្សរាកំពុងអនុវត្តដើម្បីពន្យល់ដល់សិក្ខាកាមទាំងអស់ ព្រមទាំងការអនុវត្តជាក់ស្តែងទាក់ទងនឹងបច្ចេកទេសនៃការកឥដ្ឋ របៀបនៃការលាយកំបោរបាយអ និងវិធីសាស្ត្រនៃការដាប់ឥដ្ឋ បច្ចេកទេសជញ្ជូនឥដ្ឋឡើងលើកំពូលប៉មនៃបា្រសាទ និងបង្ហាញពីឧបករណ៍មួយចំនួនទៀតដែលយកមកប្រើប្រាស់កំឡុងពេលជួសជុលជាដើម។ ក្នុងខណៈនោះដែរ សិក្ខាកាមទាំង១០រូបក៏បានចូលរួមអនុវត្តជាក់ស្តែងចំពោះការជួសជុល ដូចជាការកឥដ្ឋ ការលាយកំបោរបាយអ និងការដាប់ឥដ្ឋជាដើម។

បទពិសោធន៍ដែលសិក្ខាកាមទាំងអស់ទទួលបានក្នុងពេលនេះ ជាចំណេះដឹងថ្មី បន្ថែមទៀតសម្រាប់ពួកគេដែលបានរៀនសូត្រពីអ្នកជំនាញប្រទេសកម្ពុជាទាក់ទងនឹងបច្ចេកទេសនៃការជួសជុលប្រាសាទឥដ្ឋ ក៏ដូចជាការអភិរក្សមរតកបេតិកភណ្ឌ ដែលជាសម្បត្តិបេតិកភណ្ឌពិភពលោក។ សិក្ខាកាមម្នាក់មកពីប្រទេសភូមា បានលើកឡើងដោយកោតសរសើរពីរបៀបនៃការជួសជុលរបស់កម្ពុជាថាជាបច្ចេកទេសដ៏ល្អ បើប្រៀបធៀបទៅនឹងប្រទេសភូមាដែលមានសំណង់ប្រាសាទធ្វើពីឥដ្ឋដែរនោះ។ ការជួសជុលនៅកម្ពុជាជាបច្ចេកទេសដ៏គួរឲ្យចាប់អារម្មណ៍ ពោលគឺនៅរក្សាបានបច្ចេកទេសដ៏ល្អតាំងពីបុរាណកាលមក។ លោកបន្ថែមថា បច្ចេកទេសនៃការជួសជុលប្រាសាទឥដ្ឋរបស់អ្នកជំនាញកម្ពុជាមានលក្ខណៈងាយស្រួល និងរហ័ស មើលទៅសំណង់ដែលជួសជុលរួចក៏មានភាពរឹងមាំយូរ អង្វែងផងដែរ។

សូមបញ្ជាក់ផងដែរថា សិក្ខាសាលានេះនឹងត្រូវបញ្ចប់នៅថ្ងៃទី១៨ ខែសីហា ឆ្នាំ២០១៦ ដោយសិក្ខាកាមទាំងអស់នឹងចុះធ្វើកម្មសិក្សានៅតាមបណ្តាប្រាង្គប្រាសាទនានាក្នុងតំបន់អង្គរ ក៏ដូចជាតំបន់ផ្សេងទៀតដើម្បីសិក្សាឈ្វេងយល់ពីកិច្ចការជួសជុលនិងអភិរក្សតំបន់រមណីយដ្ឋានអង្គរដែលជាបេតិកភណ្ឌពិភពលោកដ៏ល្បី។ តាមរយៈកម្មសិក្សានេះដែរ សង្ឃឹមថាសិក្ខាកាមទាំងអស់នឹងទទួលបាននូវចំណេះដឹង បទបទពិសោធន៍ល្អៗបន្ថែមទៀតពីកម្ពុជា ដើម្បីយកទៅអនុវត្តឲ្យបានជោគជ័យនៅតាមបណ្តាប្រទេសរៀងៗខ្លួនប្រកបដោយជំនាញ៕








ក្នុងរយៈពេលជាងមួយខែនៃយុទ្ធនាការដាំ និងចែកចាយកូនឈើក្នុងរដូវវស្សាឆ្នាំ២០២០នេះ អាជ្ញាធរជាតិអប្សរា បានចែកចាយកូនឈើគ្រប់ប្រភេទដូចជា គ្រញូង ធ្នង់ បេង ច្រេស ឈើទាល គគីរ កកោះ រំដួល គុយ សិរមាន់ ផ្កាក្ងោក ផ្កាឥន្ទនេលជាដើម ជូនដល់ស្ថាប័នរដ្ឋ អង្គការ សហគមន៍ សាលារៀន វត្តអារាម វិស័យឯកជន និងសាធារណជនទូទៅបានចំនួនជិត៥មុឺនដើម ដើម្បីចូលរួមជាមួយរាជរដ្ឋាភិបាលក្នុងការស្តារ និងបង្កើនគម្របព្រៃឈើឲ្យប្រសើរឡើងវិញ ទាំងក្នុងតំបន់សៀមរាប អង្គរ និងតាមបណ្តាខេត្តនានា។
នៅព្រឹកថ្ងៃទី១១ ខែកក្កដា ឆ្នាំ២០២០នេះ លោក ឡុង កុសល អ្នកនាំពាក្យអាជ្ញាធរជាតិអប្សរា និងជាប្រធាននាយកដ្ឋានផ្សព្វផ្សាយ បានដឹកនាំក្រុមការងារចូលរួមដាំកូនឈើឡើងវិញនៅបញ្ជាការដ្ឋានយោធភូមិភាគទី៤។ ពិធីប្រព្រឹត្តិទៅក្រោមអធិបតីភាព ឯកឧត្តមឧត្តមសេនីយឯក ពៅ ហេង មេបញ្ជាការដ្ឋានយោធភូមិភាគទី៤ ឯកឧត្តម នាក់ ណេរ៉ុន អភិបាលរងនៃគណៈអភិបាលខេត្តសៀមរាប តំណាងកងឯកភាពកំចាត់មីនទី៤ ព្រមទាំងមន្រ្តី បុគ្គលិកអាជ្ញាធរជាតិអប្សរា និងពលទាហានប្រមាណជាង៤០០នាក់។ កូនឈើដែលបានដាំនៅពេលនោះសរុបចំនួន ៥០០០ដើម មាន១៨ប្រភេទ ដែលជាការឧបត្ថម្ភដោយអាជ្ញាធរជាតិអប្សរា៕
១៖ លោកជំទាវ ភឿង សកុណា ចូលរួមកិច្ចប្រជុំអន្តរក្រសួងដើម្បីពិភាក្សាលើពង្រាងផែនការមេវិស័យទេសចរណ៍ខេត្តសៀមរាប ឆ្នាំ២០២០-២០៣៥
នៅថ្ងៃទី៨ ខែកក្កដា ឆ្នាំ២០២០ នៅសណ្ឋាគាររីជិនស៊ីអង្គរ លោកជំទាវ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ ឯកឧត្តម ថោង ខុន រដ្ឋមន្ត្រីក្រសួងទេសចរណ៍ ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន ឯកឧត្តម ទៀ សីហា អភិបាលនៃគណៈអភិបាលខេត្តសៀមរាប
ក្នុងគោលបំណងអភិវឌ្ឍន៍ហេដ្ឋារចនាសម្ពន្ធនិងសម្បទាទេសចរណ៍ ទេសភាព បរិស្ថាន ខាងលិចមុខប្រាសាទអង្គរវត្តឱ្យមានភាពល្អប្រសើរ និងលើកតម្លៃអង្គរឱ្យសមជាបេតិកភណ្ឌពិភពលោក អាជ្ញាធរជាតិអប្សរា ដោយមានការចូលរួមស្ម័គ្រចិត្តពីបងប្អូនអាជីវករ សំណង់ភោជនីយដ្ឋាន អាគាររដ្ឋ និងតូបលក់ដូរមួយចំនួនត្រូវបានរុះរើ។
តាមរបាយការណ៍នាយកដ្ឋានរៀបចំដែនដីនិងគ្រប់គ្រងលំនៅដ្ឋានក្នុងតំបន់អង្គរនៃអាជ្ញាធរជាតិអប្សរាឱ្យដឹងថា សប្តាហ៍ទី១ ខែកក្កដា ឆ្នាំ២០២០ ក្រុមការងារនៃនាយកដ្ឋានរៀបចំដែនដី និងគ្រប់គ្រងលំនៅដ្ឋានក្នុងឧទ្យានអង្គរប្រចាំច្រកទាំង៦របស់អាជ្ញាធរជាតិអប្សរា បានទទួលពាក្យ ស្នើសុំធ្វើលំនៅដ្ឋាននិងជួសជុលតិចតួចចំនួន៦៥ ករណី ក្នុងចំណោមសំណើទាំងនោះ។
FirstPrev12345...329330NextLast

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
5
Today
:
0523
Yesterday
:
3210
This Week
:
07588
This Month
:
0250327
Total
:
011712923