NEWS

The English version of this website is still under construction. This section is only available in Khmer language at this stage. We apologise for any inconvenience

Published on 14 August 2016 08:26 PM Post By ៖ Apsara National Authority

“តាមការសង្កេតជាក់ស្តែង មនុស្សមួយចំនួនច្រើនតែបន្ទោសពេលឃើញគេធ្វើខុស តែមិនសូវចូលចិត្តសរសើរឬលើកទឹកចិត្តនៅពេលដែលឃើញគេធ្វើល្អត្រឹមត្រូវនោះទេ។ យើងចង់ឲ្យវប្បធម៌នៃការចេះសរសើរលើកទឹកចិត្តដល់អ្នកធ្វើល្អនេះ ជ្រួតជ្រាបផ្សព្វផ្សាយទៅកាន់មនុស្សគ្រប់គ្នា ទើបយើងបង្កើតសមាគមពលរដ្ឋល្អសមាគមល្អនេះឡើង”។ នេះជាប្រសាសន៍លើកឡើងរបស់ឯកឧត្តម សុខ ភា ប្រធានសមាគមពលរដ្ឋល្អសមាគមល្អ ក្នុងឱកាសជូនអំណោយលើកទឹកចិត្តដល់អាជ្ញាធរជាតិអប្សរា នគរបាលការបេតិកភណ្ឌ នគរបាលទេសចរណ៍ និងសិស្សានុសិស្សក្នុងតំបន់អង្គរ នាព្រឹកថ្ងៃទី១៤ ខែសីហា ឆ្នាំ២០១៦នេះ។

ឯកឧត្តមប្រធានសមាគមរូបនេះ បានបញ្ជាក់បន្ថែមក្នុងចំណាប់អារម្មណ៍របស់លោកថា ដោយមើលឃើញពីកិច្ចខិតខំប្រឹងប្រែងបំពេញការងារយ៉ាងល្អក្នុងការងារអភិរក្ស និងអភិវឌ្ឍន៍របស់អាជ្ញាធរជាតិអប្សរា ជាពិសេស គឺភាពស្មោះត្រង់ក្នុងតួនាទីរបស់ភ្នាក់ងារទេសចរណ៍ ដូចជា ការរើសបានកាបូបលុយ ឬសម្ភារៈរបស់ភ្ញៀវហើយប្រគល់ជូនពួកគាត់វិញ ការជួយស្វែងរកសម្ភារៈដែលភ្ញៀវជ្រុះបាត់ ការជួយសង្គ្រោះពេលភ្ញៀវមានឧបទ្ទវហេតុផ្សេងៗជាដើម សុទ្ធតែជាសកម្មភាពដែលសង្គមគួរលើកតម្កើង គួរសរសើរ និងគួរឲ្យគោរពទៀតផង។ “យើងបានឃើញសកម្មភាពទាំងនេះត្រូវបានផ្សព្វផ្សាយលើបណ្តាញសង្គម និងសារព័ត៌មានជាញឹកញាប់។ នេះហើយជាអ្វីដែលធ្វើឲ្យសមាគមយើងសម្រេចនាំយកសម្ភារៈមួយចំនួនមកប្រគល់ជូន តាមលទ្ធភាពដែលយើងធ្វើបាន ដើម្បីបង្ហាញអំពីការដែលយើងពេញចិត្តចំពោះទង្វើប្រកបដោយការទទួលខុសត្រូវទាំងនេះ”

ឯកឧត្តម សុខ សង្វារ អគ្គនាយករងទទួលបន្ទុកនាយកដ្ឋានគ្រប់គ្រងទេសចរណ៍អង្គរ ដែលបានអញ្ជើញជាអធិបតី ក្នុងពិធីទទួលអំណោយលើកទឹកចិត្តនេះបញ្ជាក់ថា អាជ្ញាធរជាតិអប្សរាបានបំពេញកាតព្វកិច្ចរបស់ខ្លួន ដោយការទទួលខុសត្រូវខ្ពស់ តាំងពីបានបង្កើតឡើងក្នុងឆ្នាំ១៩៩៥មក ក្នុងបុព្វហេតុការពារឲ្យបាននូវតម្លៃលេចធ្លោជាសកលនៃរមណីយដ្ឋានអង្គរ។ តាមរយៈកិច្ចប្រឹងប្រែងនេះ អង្គរដែលត្រូវបានចុះបញ្ជីក្នុងសម្បត្តិបេតិកភណ្ឌពិភពលោកក្នុងឆ្នាំ១៩៩២ ក្នុងបញ្ជីបេតិកភណ្ឌដែលប្រឈមនឹងគ្រោះថ្នាក់ បានក្លាយជាសម្បត្តិបេតិកភណ្ឌពិភពលោកពេញលេញក្នុងឆ្នាំ២០០៤កន្លងមក។ ការប្រឹងប្រែងរបស់យើងត្រូវបានទទួលស្គាល់ពីស្ថាប័នជាតិ និងអន្តរជាតិជាបន្តបន្ទាប់ ជាពិសេស ប៉ុន្មានឆ្នាំចុងក្រោយនេះ អង្គរក៏ទទួលបានការបោះឆ្នោតជាប់ចំណាត់ថ្នាក់លេខ១លើពិភពលោកក្នុងឋានៈជាតំបន់ទេសចរណ៍ដ៏ទាក់ទាញបំផុតផងដែរ ពីសំណាក់ស្ថាប័នស្ទង់មតិអន្តរជាតិធំៗ ដូចជា Trip Adviser ជាដើម។ ការទទួលបាននូវការលើកទឹកចិត្តពីសមាគមពលរដ្ឋល្អសមាគមល្អនៅពេលនេះ ក៏ជាកម្លាំងចិត្តមួយបន្ថែមទៀត ដែលធ្វើឲ្យយើងខិតខំប្រឹងប្រែងបំពេញតួនាទីរបស់ខ្លួនឲ្យបានកាន់តែប្រសើរឡើងថែមទៀត។ អាជ្ញាធរជាតិអប្សរាពិតជារីករាយនឹងទទួលនូវអំណោយលើកទឹកចិត្តនេះ និងសូមថ្លែងអំណរគុណចំពោះសមាគមពលរដ្ឋល្អសមាគមល្អ ដែលបានផ្តល់តម្លៃដល់ការងារគ្រប់គ្រងបេតិកភណ្ឌរបស់យើងនៅពេលនេះ។

សូមបញ្ជាក់ថា អំណោយដែលសមាគមពលរដ្ឋល្អសមាគមល្អប្រគល់ជូននៅពេលនេះគឺ អាជ្ញាធរជាតិអប្សរាទទួលបានបណ្ណសរសើរមួយ អង្ករ៥បាវ និងថវិកា១លានរៀល។ អង្គរភាពនគរបាលទេសចរណ៍ និងនគរបាលការពារបេតិកភណ្ឌ អង្គភាពនីមួយៗទទួលបានបណ្ណសរសើរមួយ អង្ករ១បាវ និងថវិកា៤០ម៉ឺនរៀល។ ចំណែកសិស្សានុសិស្សដែលជាសិស្សពូកែក្នុង៥ស្រុកនៃរមណីយដ្ឋានអង្គរចំនួន១០០នាក់ទទួលបានកាបូបស្ពាយ និងសម្ភារៈសិក្សាមួយចំនួន។ លោកគ្រូអ្នកគ្រូតំណាងសាលាទាំង៥ស្រុក ក្នុងមួយស្រុកទទួលបានសម្ភារៈមួយចំនួន រួមនឹងថវិកា៥ម៉ឺនរៀលពីសមាគម និង៤ម៉ឺនរៀលពីអាជ្ញាធរជាតិអប្សរា។ ក្រៅពីនេះ អាជ្ញាធរជាតិអប្សរាក៏បានចាត់អ្នកជំនាញជូនដំណើរសិស្សានុសិស្ស និងលោកគ្រូអ្នកគ្រូដើម្បីកម្សាន្តក្នុងរមណីយដ្ឋានអង្គរផងដែរ៕




















នៅថ្ងៃទី៨ ខែកក្កដា ឆ្នាំ២០២០ លោកជំទាវ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈនិងជាប្រធានក្រុមប្រឹក្សាភិបាលអាជ្ញាធរជាតិអប្សរា រួមនឹងថ្នាក់ដឹកនាំអាជ្ញាធរជាតិអប្សរាបានចូលរួមប្រជុំអន្តរក្រសួងដើម្បីពិភាក្សាលើពង្រាងផែនការមេវិស័យទេសចរណ៍ខេត្តសៀមរាបឆ្នាំ២០២០-២០៣៥ នាសណ្ឋាគាររីជិនស៊ីអង្គរ។
នាល្ងាចថ្ងៃទី៧ ខែកក្តដា ឆ្នាំ២០២០ លោកជំទាវ ភឿង សកុណា រដ្ឋមន្រ្តីក្រសួងវប្បធម៌ និងជាប្រធានក្រុមប្រឹក្សាភិបាលអាជ្ញាធរជាតិអប្សរា បានអញ្ជើញចូលក្រាបបង្គំសួរសុខទុក្ខ និងប្រគេនទៀនព្រះវស្សា ព្រមទាំងទេយ្យទានមួយចំនួនដល់ព្រះមហាវិមលធម្ម ពិន សែម រាជាគណៈថ្នាក់ទោ និងជាឧត្តមទីប្រឹក្សាគណៈសង្ឃនាយកនៃព្រះរាជាណាចក្រកម្ពុជា និងជាព្រះចៅអធិការវត្ត រាជបូណ៌ និងជាព្រះប្រធានកិត្តិយសនៃក្រុមប្រឹក្សាវត្តអារាម។
នារសៀលថ្ងៃទី០៧ ខែកក្តដា ឆ្នាំ២០២០ នៅស្នាក់ការអាជ្ញាធរជាតិអប្សរា ក្រោមអធិបតីភាពលោកជំទាវ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ និងជាប្រធានក្រុមប្រឹក្សាភិបាលអាជ្ញាធរជាតិអប្សរា និងថ្នាក់ដឹកនាំអាជ្ញាធរជាតិអប្សរា បានបើកកិច្ចប្រជុំពិភាក្សានិងពិនិត្យពង្រាងផែនការមេវិស័យទេសចរណ៍។
ព្រៃឈើ គឺផ្នែកមួយដ៏សំខាន់ក្នុងរមណីយដ្ឋានអង្គរ និងបានបំពេញតួនាទីស្នូលក្នុងការបង្កើនគម្របព្រៃឈើ បរិស្ថាន និងអភិរក្សក្នុងរមណីយដ្ឋានអង្គរ។ ក្នុងន័យនេះ ស្ថានីយបណ្ដុះកូនឈើ៨ហិកតា ជាស្ថានីយមួយក្នុងចំណោមស្ថានីយទាំង៤ របស់អាជ្ញាធរជាតិអប្សរាក្នុងការងារបណ្ដុះកូនឈើសម្រាប់ដាំដុះទាំងក្នុងតំបន់រមណីយដ្ឋានអង្គរ និងចែកចាយជូនទៅដាំនៅខាងក្រៅរមណីយដ្ឋានអង្គរ។
អាជ្ញាធរជាតិអប្សរាមានកិត្តិយសសូមជម្រាបជូនសាធារណជនមេត្តាជ្រាបថា ឈ្មោះ ឡាយ ពិសិដ្ឋ ត្រូវបានលុបឈ្មោះចេញពីបុគ្គលិករបស់នាយកដ្ឋានសណ្តាប់ធ្នាប់និងសហប្រតិបត្តិការនៃអាជ្ញាធរជាតិអប្សរា ចាប់ពីថ្ងៃទី០១ ខែកក្កដា ឆ្នាំ២០២០តទៅ ដោយមូលហេតុប្រព្រឹត្តកំហុសធ្ងន់ធ្ងរ៕
FirstPrev12345...328329NextLast

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
7
Today
:
2542
Yesterday
:
17878
This Week
:
105382
This Month
:
0222681
Total
:
011685277