NEWS

The English version of this website is still under construction. This section is only available in Khmer language at this stage. We apologise for any inconvenience

Published on 14 August 2016 06:51 AM Post By ៖ Apsara National Authority

ពិធីស្រោចស្រពសុគន្ធវារីនេះ ជាទំនៀមទម្លាប់ប្រពៃណីបរមបុរាណខ្មែរតាមបែបព្រះពុទ្ធសាសនាមួយក្នុងចំណោមទំនៀមទម្លាប់ប្រពៃណីបរមបុរាណខ្មែរជាច្រើនទៀត ដែលបុព្វបុរសខ្មែរបានបន្សល់ទុកមកឲ្យកូនចៅជំនាន់ក្រោយដើម្បីបន្តវេនពីពួកគាត់តទៅទៀត។ ទំនៀមទម្លាប់នេះមានដើមកំណើតតាំងពីយូរលង់ណាស់មកហើយ ប៉ុន្តែនៅតែមានការប្រតិបត្តិរហូតមកដល់សព្វថ្ងៃនេះ។ជាក់ស្តែង នៅថ្ងៃទី១២ ខែសីហាឆ្នាំ២០១៦នេះពុទ្ធបរិស័ទចំណុះជើងវត្តព្រះឥន្ទកោសីយ៍ស្ថិតនៅភូមិបឹងដូនប៉ា សង្កាត់ស្លក្រាម ក្រុងសៀមរាប ខេត្តសៀមរាបបានរៀបចំពិធីបុណ្យស្រោចស្រពសុគន្ធវារីតែងតាំងលោកគ្រូ ចន្ទ សុវណ្ណ ជាចៅអធិការវត្ត។

ក្នុងពិធីនេះមានការយាងនិមន្តអញ្ជើញចូលរួមពីសំណាក់សម្តេចព្រះសង្ឃរាជ ទេព វង្ស មន្រ្តីសង្ឃ សិស្សគណ អាជ្ញាធរ មន្រ្តីរាជការ សិស្សនិស្សិត សាស្ត្រាចារ្យ លោកគ្រូអ្នកគ្រូ កាយរិទ្ធ កាកបាទក្រហម គណៈកម្មការនិងពុទ្ធបរិស័ទចំណុះជើងវត្តជិតឆ្ងាយយ៉ាងច្រើនកុះករ។ក្នុងពិធីនេះក៏មានការរៀបចំធ្វើប្រុងពាលី នមស្ការព្រះរតនត្រ័យ សមាទានសីល ចម្រើនព្រះបរិត្ត សម្តែងធម៌ទេសនានិងរាប់បាត្រប្រគេនព្រះសង្ឃផងដែរ។

លោកតា មាស សារឿន អាយុ ៧៦ ឆ្នាំ អាចារ្យវត្តព្រះឥន្ទកោសីយ៍បានមានប្រសាសន៍ថាខ្ញុំឃើញចាស់ៗ រៀបចំពិធីស្រោចស្រពសុគន្ធវារីតែងតាំងព្រះសង្ឃធ្វើជាគ្រូចៅអធិការនេះតាំងពីខ្ញុំដឹងក្តីមកម៉្លេះ។ លោកតាបញ្ជាក់ថា មុននឹងមានការស្រោចស្រពសុគន្ធវារីតែងតាំងលោកជាចៅអធិការវត្តនោះ គឺមានការឯកភាពគ្នាពីព្រះសង្ឃក្នុងវត្តនិងពុទ្ធបរិស័ទចំណុះជើងវត្ត និងធ្វើលិខិតស្នើសុំទៅ សម្តេចព្រះសង្ឃរាជរួចហើយ ទើបសម្តេចព្រះសង្ឃរាជយាងមកតែងតាំង។

ព្រះតេជគុណ មាន សុមេធ គ្រូសូត្រស្តាំវត្តព្រះឥន្ទកោសាបានមានសង្ឃដីកាថាពិធីស្រោចស្រពសុគន្ធវារីដើម្បីតែងតាំងព្រះសង្ឃធ្វើជា លោកគ្រូចៅអធិការនេះមានតាំងពីសម័យពុទ្ធកាលមកម៉្លេះ។ បុព្វបុរសខ្មែរយើងយកលំនាំតាមព្រះពុទ្ធក្នុងកាល ដែលព្រះអង្គទ្រង់ប្រកាសធម្មនុញ្ញពុទ្ធសាសនាគឺច្បាប់សាសនាដល់សាវ័កទាំងឡាយរបស់ព្រះអង្គ។ នៅពេលនោះដែរ ព្រះអង្គទ្រង់បានឆ្លៀតយកឱកាសនោះតែងតាំងព្រះមោគ្គល្លាន និងសារីបុត្រធ្វើជាសាវ័កឆ្វេងស្តាំរបស់ព្រះអង្គ។ព្រះតេជគុណបន្តថា ពិធីនេះគេរៀបចំបា្ររព្ធធ្វើឡើងដើម្បីតែងតាំងព្រះសង្ឃដែលមានតួនាទីជាគ្រូសូត្រស្តាំ ឬគ្រូសូត្រឆ្វេង ឬក៏ព្រះសង្ឃធម្មតាដែលមានសមត្ថភាព គុណសម្បត្តិល្អ និងធ្លាប់មានគុណដល់វត្តអារាមនិងពុទ្ធបរិស័ទធ្វើជាចៅអធិការវត្ត។

គួរបញ្ជាក់ថានេះ គឺជាការចូលរួមចំណែកយ៉ាងសំខាន់របស់អ្នកស្រុកសៀមរាបក្នុងការថែរក្សាទំនៀមទម្លាប់វប្បធម៌ជាតិឲ្យមានអាយុរស់នៅគង់វង្សដល់កូនចៅជំនាន់ក្រោយបន្តទៀត ។ ក្នុងនាមអាជ្ញាធរជាតិអប្សរាដែលមានតូនាទីភារកិច្ចថែរក្សា ការពារ និងអភិរក្សបេតិកភណ្ឌវប្បធម៌ក្នុងតំបន់អង្គរសូមកោតសរសើរ ហើយលើកទឹកចិត្តនិងគាំទ្រយ៉ាងពេញទំហឹងចំពោះសកម្មភាពរៀបចំពិធីស្រោចស្រពសុគន្ធវារីតែងតាំងគ្រូចៅអធិការវត្តព្រះឥន្ទកោសីយ៍នេះ៕
















ក្នុងរយៈពេលជាងមួយខែនៃយុទ្ធនាការដាំ និងចែកចាយកូនឈើក្នុងរដូវវស្សាឆ្នាំ២០២០នេះ អាជ្ញាធរជាតិអប្សរា បានចែកចាយកូនឈើគ្រប់ប្រភេទដូចជា គ្រញូង ធ្នង់ បេង ច្រេស ឈើទាល គគីរ កកោះ រំដួល គុយ សិរមាន់ ផ្កាក្ងោក ផ្កាឥន្ទនេលជាដើម ជូនដល់ស្ថាប័នរដ្ឋ អង្គការ សហគមន៍ សាលារៀន វត្តអារាម វិស័យឯកជន និងសាធារណជនទូទៅបានចំនួនជិត៥មុឺនដើម ដើម្បីចូលរួមជាមួយរាជរដ្ឋាភិបាលក្នុងការស្តារ និងបង្កើនគម្របព្រៃឈើឲ្យប្រសើរឡើងវិញ ទាំងក្នុងតំបន់សៀមរាប អង្គរ និងតាមបណ្តាខេត្តនានា។
នៅព្រឹកថ្ងៃទី១១ ខែកក្កដា ឆ្នាំ២០២០នេះ លោក ឡុង កុសល អ្នកនាំពាក្យអាជ្ញាធរជាតិអប្សរា និងជាប្រធាននាយកដ្ឋានផ្សព្វផ្សាយ បានដឹកនាំក្រុមការងារចូលរួមដាំកូនឈើឡើងវិញនៅបញ្ជាការដ្ឋានយោធភូមិភាគទី៤។ ពិធីប្រព្រឹត្តិទៅក្រោមអធិបតីភាព ឯកឧត្តមឧត្តមសេនីយឯក ពៅ ហេង មេបញ្ជាការដ្ឋានយោធភូមិភាគទី៤ ឯកឧត្តម នាក់ ណេរ៉ុន អភិបាលរងនៃគណៈអភិបាលខេត្តសៀមរាប តំណាងកងឯកភាពកំចាត់មីនទី៤ ព្រមទាំងមន្រ្តី បុគ្គលិកអាជ្ញាធរជាតិអប្សរា និងពលទាហានប្រមាណជាង៤០០នាក់។ កូនឈើដែលបានដាំនៅពេលនោះសរុបចំនួន ៥០០០ដើម មាន១៨ប្រភេទ ដែលជាការឧបត្ថម្ភដោយអាជ្ញាធរជាតិអប្សរា៕
១៖ លោកជំទាវ ភឿង សកុណា ចូលរួមកិច្ចប្រជុំអន្តរក្រសួងដើម្បីពិភាក្សាលើពង្រាងផែនការមេវិស័យទេសចរណ៍ខេត្តសៀមរាប ឆ្នាំ២០២០-២០៣៥
នៅថ្ងៃទី៨ ខែកក្កដា ឆ្នាំ២០២០ នៅសណ្ឋាគាររីជិនស៊ីអង្គរ លោកជំទាវ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ ឯកឧត្តម ថោង ខុន រដ្ឋមន្ត្រីក្រសួងទេសចរណ៍ ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន ឯកឧត្តម ទៀ សីហា អភិបាលនៃគណៈអភិបាលខេត្តសៀមរាប
ក្នុងគោលបំណងអភិវឌ្ឍន៍ហេដ្ឋារចនាសម្ពន្ធនិងសម្បទាទេសចរណ៍ ទេសភាព បរិស្ថាន ខាងលិចមុខប្រាសាទអង្គរវត្តឱ្យមានភាពល្អប្រសើរ និងលើកតម្លៃអង្គរឱ្យសមជាបេតិកភណ្ឌពិភពលោក អាជ្ញាធរជាតិអប្សរា ដោយមានការចូលរួមស្ម័គ្រចិត្តពីបងប្អូនអាជីវករ សំណង់ភោជនីយដ្ឋាន អាគាររដ្ឋ និងតូបលក់ដូរមួយចំនួនត្រូវបានរុះរើ។
តាមរបាយការណ៍នាយកដ្ឋានរៀបចំដែនដីនិងគ្រប់គ្រងលំនៅដ្ឋានក្នុងតំបន់អង្គរនៃអាជ្ញាធរជាតិអប្សរាឱ្យដឹងថា សប្តាហ៍ទី១ ខែកក្កដា ឆ្នាំ២០២០ ក្រុមការងារនៃនាយកដ្ឋានរៀបចំដែនដី និងគ្រប់គ្រងលំនៅដ្ឋានក្នុងឧទ្យានអង្គរប្រចាំច្រកទាំង៦របស់អាជ្ញាធរជាតិអប្សរា បានទទួលពាក្យ ស្នើសុំធ្វើលំនៅដ្ឋាននិងជួសជុលតិចតួចចំនួន៦៥ ករណី ក្នុងចំណោមសំណើទាំងនោះ។
FirstPrev12345...329330NextLast

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
5
Today
:
3421
Yesterday
:
3210
This Week
:
10486
This Month
:
0253225
Total
:
011715821