NEWS

The English version of this website is still under construction. This section is only available in Khmer language at this stage. We apologise for any inconvenience

Published on 13 August 2016 07:01 PM Post By ៖ Apsara National Authority

យុវជនស្ម័គ្រចិត្តដែលមកពី៧ប្រទេសផ្សេងគ្នា បានមកបំពេញបេសកកម្មក្នុងតំបន់រមណីយដ្ឋានអង្គររយៈពេល១២ថ្ងៃ ដើម្បីស្វែងយល់ពីការងារបេតិកភណ្ឌអង្គរ និងសហគមន៍ពលរដ្ឋតំបន់អង្គរ។ តាំងពីថ្ងៃទី១០មក ក្រុមយុវជនស្ម័គ្រចិត្តបានស្តាប់បទបង្ហាញជាច្រើនអំពីកិច្ចការអភិរក្សរមណីយដ្ឋានអង្គររបស់មន្ត្រីជំនាញនៃអាជ្ញាធរជាតិអប្សរា។

ដោយឡែក នៅថ្ងៃទី១២-១៣ ខែសីហា ឆ្នាំ២០៦នេះ ក្រុមយុវជនស្ម័គ្រចិត្តបានចំណាយពេល១យប់២ថ្ងៃ ស្នាក់នៅភូមិធម្មជាតិរុនតាឯក ដើម្បីក្នុងការងារសហគមន៍ជាមួយប្រជាពលរដ្ឋនៅទីនោះផ្ទាល់។ ពួកគេបានចូលរួមដាំដំណាំកសិកម្ម ទស្សនាការប្រគុំតន្ត្រីបុរាណដោយអ្នកភូមិ ជិះរទេះគោកម្សាន្តដើម្បីលើកស្ទួយវិស័យទេសចរណ៍សហគមន៍ និងបានចូលរួមដាំដើមឈើចំនួន៥០០ដើម ជាមួយព្រះសង្ឃ ប្រជាពលរដ្ឋ និងសិស្សានុសិស្សនៅក្នុងភូមិធម្មជាតិរុនតាឯក។

កញ្ញា Boram SHIN ដែលជាអ្នកដឹកនាំក្រុមយុវជនស្ម័គ្រចិត្តនេះបានលើកឡើថា កញ្ញាពិតជារីករាយក្រៃលែង ដែលបានដឹកនាំក្រុមយុវជនស្ម័គ្រចិត្តមកទស្សនាភូមិធម្មជាតិរុនតាឯក។ ជាពិសេស គឺការសម្តែងសិល្បៈបុរាណខ្មែរ ដោយកុមារីតូចៗដែលរស់នៅភូមិធម្មជាតិរុនតាឯកផ្ទាល់។ កញ្ញាបន្តថា តាមរយៈការស្នាក់នៅទីនេះ យុវជនបានរៀនសូត្រច្រើនអំពីជីវភាពរស់នៅរបស់សហគមន៍ និងស្គាល់កាន់តែច្រើនអំពីវប្បធម៌ប្រពៃណីរបស់ប្រជាពលរដ្ឋខ្មែរ។

យុវជន Hui Tong ជនជាតិចិន និងជានិស្សិតផ្នែកប្រវត្តិសាស្ត្រនៅសាកលវិទ្យាល័យមួយនៃសហរដ្ឋអាមេរិកបានលើកឡើងថា លោកពិតជារំភើបដែលបានទស្សនាការសម្តែងសិល្បៈរបស់កុមារីតូចៗនៅទីនេះ។ “ខ្ញុំរីករាយដែលបានមកទស្សនាភូមិដ៏ស្រស់ស្អាត បានចូលរួមដាំដំណាំជាមួយសហគមន៍ទីនេះ បានដាំដើមឈើ និងបានជិះរទេះគោ។ ខ្ញុំពិតជាសរសើរដោយស្មោះចំពោះការរៀបចំដ៏ល្អនេះ។ ខ្ញុំសង្ឃឹមថានឹងបានមកទីនេះម្តងទៀត ហើយនឹងប្រើប្រាស់ចំណេះដែលខ្ញុំមានដើម្បីរួមចំណែកជួយប្រជាពលរដ្ឋ និងបេតិកភណ្ឌនៅប្រទេសកម្ពុជា”

ឯកឧត្តម ម៉ី ម៉ារ៉ាឌី ទីប្រឹក្សានៃអាជ្ញាធរជាតិអប្សរា និងជាប្រធានគម្រោងអភិវឌ្ឍន៍ធម្មជាតិរុនតាឯកបានរៀបរាប់ថា ការអភិវឌ្ឍភូមិធម្មជាតិរុនតាឯកបានឈរលើគោលការណ៍២សំខាន់គឺ វិស័យកសិកម្ម និងវិស័យទេសចរណ៍។ ក្នុងន័យនេះអាជ្ញាធរជាតិអប្សរាបានបញ្ជូនអ្នកជំនាញកសិកម្មជាច្រើន ដើម្បីមកជួយប្រជាពលរដ្ឋនៅទីនេះ ព្រមទាំងធ្វើកសិកម្មគំរូឲ្យពួកគាត់បានមើលឃើញ និងយកទៅអនុវត្តផ្ទាល់នៅលើដីរបស់ពួកគាត់ផ្ទាល់។ អាជ្ញាធរជាតិអប្សរាក៏បានអភិវឌ្ឍវិស័យទេសចរណ៍នៅទីនេះដែរ ដោយឈរលើទេសចរណ៍ធម្មជាតិដ៏ស្រស់បំព្រងនៃភូមិនេះ ដែលមានបឹងធម្មជាតិ ព្រៃព្រឹក្សា និងដំណាំកសិកម្មជាតិ ដែលមិនប្រើប្រាស់ជីគីមី។

សូមរំឭកថា ក្រៅពីស្តាប់បទបង្ហាញពីសំណាក់អ្នកជំនាញនៃអាជ្ញាធរជាតិអប្សរា និងចូលរួមសកម្មភាពមួយចំនួននៅភូមិធម្មជាតិរុនតាឯក យុវជនស្ម័គ្រចិត្តទាំង៧ប្រទេសដោយរួមទាំងកម្ពុជាផងនេះ នឹងបន្តបេសកកម្មទៅសិក្សាលើការដ្ឋានជួសជុលនៅតំបន់អង្គរ ចូលរួមធ្វើកំណាយជាមួយអ្នកបុរាណវិទ្យា និងចូលរួមផ្សព្វផ្សាយអំពីក្រមប្រតិបត្តិអង្គរតាមរយៈការបំពេញតួនាទីជាភ្នាក់ងារទេសចរណ៍ផងដែរ៕












ក្នុងរយៈពេលជាងមួយខែនៃយុទ្ធនាការដាំ និងចែកចាយកូនឈើក្នុងរដូវវស្សាឆ្នាំ២០២០នេះ អាជ្ញាធរជាតិអប្សរា បានចែកចាយកូនឈើគ្រប់ប្រភេទដូចជា គ្រញូង ធ្នង់ បេង ច្រេស ឈើទាល គគីរ កកោះ រំដួល គុយ សិរមាន់ ផ្កាក្ងោក ផ្កាឥន្ទនេលជាដើម ជូនដល់ស្ថាប័នរដ្ឋ អង្គការ សហគមន៍ សាលារៀន វត្តអារាម វិស័យឯកជន និងសាធារណជនទូទៅបានចំនួនជិត៥មុឺនដើម ដើម្បីចូលរួមជាមួយរាជរដ្ឋាភិបាលក្នុងការស្តារ និងបង្កើនគម្របព្រៃឈើឲ្យប្រសើរឡើងវិញ ទាំងក្នុងតំបន់សៀមរាប អង្គរ និងតាមបណ្តាខេត្តនានា។
នៅព្រឹកថ្ងៃទី១១ ខែកក្កដា ឆ្នាំ២០២០នេះ លោក ឡុង កុសល អ្នកនាំពាក្យអាជ្ញាធរជាតិអប្សរា និងជាប្រធាននាយកដ្ឋានផ្សព្វផ្សាយ បានដឹកនាំក្រុមការងារចូលរួមដាំកូនឈើឡើងវិញនៅបញ្ជាការដ្ឋានយោធភូមិភាគទី៤។ ពិធីប្រព្រឹត្តិទៅក្រោមអធិបតីភាព ឯកឧត្តមឧត្តមសេនីយឯក ពៅ ហេង មេបញ្ជាការដ្ឋានយោធភូមិភាគទី៤ ឯកឧត្តម នាក់ ណេរ៉ុន អភិបាលរងនៃគណៈអភិបាលខេត្តសៀមរាប តំណាងកងឯកភាពកំចាត់មីនទី៤ ព្រមទាំងមន្រ្តី បុគ្គលិកអាជ្ញាធរជាតិអប្សរា និងពលទាហានប្រមាណជាង៤០០នាក់។ កូនឈើដែលបានដាំនៅពេលនោះសរុបចំនួន ៥០០០ដើម មាន១៨ប្រភេទ ដែលជាការឧបត្ថម្ភដោយអាជ្ញាធរជាតិអប្សរា៕
១៖ លោកជំទាវ ភឿង សកុណា ចូលរួមកិច្ចប្រជុំអន្តរក្រសួងដើម្បីពិភាក្សាលើពង្រាងផែនការមេវិស័យទេសចរណ៍ខេត្តសៀមរាប ឆ្នាំ២០២០-២០៣៥
នៅថ្ងៃទី៨ ខែកក្កដា ឆ្នាំ២០២០ នៅសណ្ឋាគាររីជិនស៊ីអង្គរ លោកជំទាវ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ ឯកឧត្តម ថោង ខុន រដ្ឋមន្ត្រីក្រសួងទេសចរណ៍ ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន ឯកឧត្តម ទៀ សីហា អភិបាលនៃគណៈអភិបាលខេត្តសៀមរាប
ក្នុងគោលបំណងអភិវឌ្ឍន៍ហេដ្ឋារចនាសម្ពន្ធនិងសម្បទាទេសចរណ៍ ទេសភាព បរិស្ថាន ខាងលិចមុខប្រាសាទអង្គរវត្តឱ្យមានភាពល្អប្រសើរ និងលើកតម្លៃអង្គរឱ្យសមជាបេតិកភណ្ឌពិភពលោក អាជ្ញាធរជាតិអប្សរា ដោយមានការចូលរួមស្ម័គ្រចិត្តពីបងប្អូនអាជីវករ សំណង់ភោជនីយដ្ឋាន អាគាររដ្ឋ និងតូបលក់ដូរមួយចំនួនត្រូវបានរុះរើ។
តាមរបាយការណ៍នាយកដ្ឋានរៀបចំដែនដីនិងគ្រប់គ្រងលំនៅដ្ឋានក្នុងតំបន់អង្គរនៃអាជ្ញាធរជាតិអប្សរាឱ្យដឹងថា សប្តាហ៍ទី១ ខែកក្កដា ឆ្នាំ២០២០ ក្រុមការងារនៃនាយកដ្ឋានរៀបចំដែនដី និងគ្រប់គ្រងលំនៅដ្ឋានក្នុងឧទ្យានអង្គរប្រចាំច្រកទាំង៦របស់អាជ្ញាធរជាតិអប្សរា បានទទួលពាក្យ ស្នើសុំធ្វើលំនៅដ្ឋាននិងជួសជុលតិចតួចចំនួន៦៥ ករណី ក្នុងចំណោមសំណើទាំងនោះ។
FirstPrev12345...329330NextLast

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
6
Today
:
3552
Yesterday
:
3210
This Week
:
10617
This Month
:
0253356
Total
:
011715952