NEWS

The English version of this website is still under construction. This section is only available in Khmer language at this stage. We apologise for any inconvenience

Published on 11 August 2016 03:24 PM Post By ៖ Apsara National Authority

ក្រុមការងារសហគមន៍នៃអាជ្ញាធរជាតិអប្សរាប្រចាំស្រុកពួក ដឹកនាំដោយ ឯកឧត្តម ឈរ ថាណាត អគ្គនាយករងនៃអាជ្ញាធរជាតិអប្សរា បានចុះផ្សព្វផ្សាយដល់ប្រជាពលរដ្ឋដែលរស់នៅក្នុងតំបន់អង្គរ អំពីសិទ្ធិនៃការគ្រប់គ្រងដីធ្លី នៅឃុំខ្នាត ស្រុកពួក ខេត្តសៀមរាប កាលពីព្រឹកថ្ងៃពុធទី១១ ខែសីហា ឆ្នាំ២០១៦ នេះ។

ឯកឧត្តម ឈរ ថាណាត
បានមានប្រសាសន៍នាឱកាសនោះថា អ្នកអង្គរត្រូវតែយល់ដឹងពីតួនាទីរបស់ខ្លួនក្នុងការថែរក្សាសម្បត្តិបេតិកភណ្ឌនៅក្នុងតំបន់អង្គរ ដោយសារតែអ្នកស្រុកអង្គរជាអ្នករស់នៅអចិន្ត្រៃយ៍ជាមួយប្រាង្គប្រាសាទនានាក្នុងតំបន់អង្គរ។ ដូច្នេះពួកគាត់មានតួនាទីចូលរួមចំណែកយ៉ាងធំក្នុងការរក្សាបេតិកភណ្ឌវប្បធម៌ទាំងរូបី និងអរូបី។ អង្គរជាបេតិកភណ្ឌរស់ ហើយប្រជាពលរដ្ឋដែលរស់នៅទីនេះ ជាអ្នកបន្តមរតកវប្បធម៌ដូចជា ទំនៀមទម្លាប់ប្រពៃណី តន្ត្រី សិល្បៈ ជំនឿសាសនាជាដើម។ រាល់សកម្មភាពទាំងនេះហើយដែលបានជម្រុញឱ្យប្រជាពលរដ្ឋបានក្លាយជាអ្នកចូលរួមយ៉ាងសំខាន់ក្នុងការថែរក្សាបេតិកភណ្ឌក្នុងតំបន់រមណីយដ្ឋានអង្គរ។

ឯកឧត្តមបន្តថា ដើម្បីថែរក្សាសម្បត្តិបេតិកភណ្ឌក្នុងតំបន់អង្គរ អាជ្ញាធរជាតិអប្សរាបានឈរលើគោលការណ៍ អភិរក្ស ដើម្បីអភិវឌ្ឍន៍ និង អភិវឌ្ឍន៍ដើម្បីអភិរក្ស ព្រោះធម្មជាតិ មនុស្ស និងវប្បធម៌ មិនអាចកាត់ផ្តាច់ពីគ្នាបានទេ។ នៅក្នុងធម្មជាតិ រយៈពេលរាប់ពាន់ឆ្នាំ មនុស្សក៏ចាប់កំណើតឡើង ហើយមនុស្សគឺជាប្រភពនៃវប្បធម៌។ អាស្រ័យហេតុនេះ យើងត្រូវចូលរួមគ្នាដើម្បីថែរក្សាការពារ និងអភិរក្សប្រកបដោយចីរភាពនូវធម្មជាតិ និងវប្បធម៌។ ជាពិសេសទៅទៀតនោះ ឯកឧត្តមបានលើកឡើង អំពីខ្លឹមសារនៃសេចក្តីសម្រេចលេខ៧០ សសរ ចុះថ្ងៃទី១៦ ខែវិច្ឆិកា ឆ្នាំ២០០៤ ដែលបានចែងត្រង់ប្រការ២ ត្រូវបានកំណត់អំពីការប្រើប្រាស់ដីធ្លីនៅក្នុងតំបន់១ និងតំបន់២ ក្នុងតំបន់រមណីយដ្ឋានសៀមរាប-អង្គរដូចតទៅៈ
-ប្រជាពលរដ្ឋដែលមានលំនៅដ្ឋាន និងរស់នៅយូរលង់មកហើយ អាចបន្តរស់នៅតទៅទៀតបាន ដោយមិនមានការដេញឱ្យចាកចេញពីភូមិដ្ឋានឡើយ
-ប្រជាពលរដ្ឋអាចរុះរើជួសជុលផ្ទះចាស់ទ្រុឌទ្រោម ឬសាងសង់ថ្មី ជំនួសផ្ទះចាស់បាន ដោយមានការសុំអនុញ្ញាតពីសមត្ថកិច្ចនៃអាជ្ញាធរអប្សរា
-ប្រជាពលរដ្ឋមានសិទ្ធិគ្រប់គ្រង និងចាត់ចែងដីធ្លីតាមរូបភាពដូចជា ផ្ទេរមរតកទៅឱ្យញាតិសន្តានពីឪពុកម្តាយទៅកូនក្មួយ ឬលក់ដូរឱ្យអ្នកភូមិផងជាមួយគ្នា ដើម្បីដោះស្រាយជីវភាព ប៉ុន្តែហាមលើសកម្មភាពទិញលក់ដីរបស់ឈ្មួញ ក្នុងគោលដៅ ធ្វើអាជីវកម្មយកចំណេញសម្រាប់ក្រុមហ៊ុន ឬបុគ្គល ឬការទិញ-លក់ដី សម្រាប់យកទៅសាងសង់សណ្ឋាគារ ភោជនីយដ្ឋាន ខារ៉ាអូខេជាដើម។ល។

ក្នុងដំណើរនៃការចុះផ្សព្វផ្សាយនោះដែរ ក្រុមការងារបានអនុញ្ញាតឱ្យមានការរុះរើ ជួសជុល សាងសង់ ចំនួន ៣ ករណី គឺ រុះរើផ្ទះចាស់ សង់ផ្ទះថ្មីចំនួន ២ ករណី និង សាងសង់រោងដាក់សត្វគោចំនួន១ ករណីផងដែរ។

លោកស្រី ស៊ុន ចាន់នី និងគ្រួសាររស់នៅភូមិជ្រលងបានលើកឡើងថា លោកស្រីសប្បាយចិត្តណាស់ ចំពោះអាជ្ញាធរជាតិអប្សរាដែលបានអនុញ្ញាតឱ្យក្រុមគ្រួសាររបស់លោកស្រីរុះសើផ្ទះចាស់ សាងសង់ផ្ទះថ្មី។ អ្នកស្រីក៏បានផ្តាំទៅដល់ប្រជាពលរដ្ឋទាំងអស់ ដែលរស់នៅក្នុងតំបន់រមណីយដ្ឋានអង្គរថា មុននឹងរុះរើ ឬសាងសង់សំណង់អ្វីមួយគួរតែដាក់ពាក្យសុំការអនុញ្ញាតជាមុនពីអាជ្ញាធរជាតិអប្សរា ដើម្បីជៀសវាងការសាងសង់ខុសច្បាប់ដែលនាំឱ្យមានផលប៉ះពាល់តំបន់អង្គរ។

លោក ហេង ហាច ជាប្រជាពលរដ្ឋរស់នៅភូមិអំពិលពាមបានលើកឡើងថា គាត់សប្បាយចិត្តណាស់ ដែលទទួលបានសិទ្ធិក្នុងការសាងសង់រោងគោពីអាជ្ញាធរជាតិអប្សរា ហើយលោក ហាច ក៏បានថ្លែងអំណរគុណផងដែរ ចំពោះក្រុមការងារអាជ្ញាធរជាតិអប្សរា និងស្ថាប័នអាជ្ញាធរជាតិអប្សរាទាំងមូល។








ក្នុងរយៈពេលជាងមួយខែនៃយុទ្ធនាការដាំ និងចែកចាយកូនឈើក្នុងរដូវវស្សាឆ្នាំ២០២០នេះ អាជ្ញាធរជាតិអប្សរា បានចែកចាយកូនឈើគ្រប់ប្រភេទដូចជា គ្រញូង ធ្នង់ បេង ច្រេស ឈើទាល គគីរ កកោះ រំដួល គុយ សិរមាន់ ផ្កាក្ងោក ផ្កាឥន្ទនេលជាដើម ជូនដល់ស្ថាប័នរដ្ឋ អង្គការ សហគមន៍ សាលារៀន វត្តអារាម វិស័យឯកជន និងសាធារណជនទូទៅបានចំនួនជិត៥មុឺនដើម ដើម្បីចូលរួមជាមួយរាជរដ្ឋាភិបាលក្នុងការស្តារ និងបង្កើនគម្របព្រៃឈើឲ្យប្រសើរឡើងវិញ ទាំងក្នុងតំបន់សៀមរាប អង្គរ និងតាមបណ្តាខេត្តនានា។
នៅព្រឹកថ្ងៃទី១១ ខែកក្កដា ឆ្នាំ២០២០នេះ លោក ឡុង កុសល អ្នកនាំពាក្យអាជ្ញាធរជាតិអប្សរា និងជាប្រធាននាយកដ្ឋានផ្សព្វផ្សាយ បានដឹកនាំក្រុមការងារចូលរួមដាំកូនឈើឡើងវិញនៅបញ្ជាការដ្ឋានយោធភូមិភាគទី៤។ ពិធីប្រព្រឹត្តិទៅក្រោមអធិបតីភាព ឯកឧត្តមឧត្តមសេនីយឯក ពៅ ហេង មេបញ្ជាការដ្ឋានយោធភូមិភាគទី៤ ឯកឧត្តម នាក់ ណេរ៉ុន អភិបាលរងនៃគណៈអភិបាលខេត្តសៀមរាប តំណាងកងឯកភាពកំចាត់មីនទី៤ ព្រមទាំងមន្រ្តី បុគ្គលិកអាជ្ញាធរជាតិអប្សរា និងពលទាហានប្រមាណជាង៤០០នាក់។ កូនឈើដែលបានដាំនៅពេលនោះសរុបចំនួន ៥០០០ដើម មាន១៨ប្រភេទ ដែលជាការឧបត្ថម្ភដោយអាជ្ញាធរជាតិអប្សរា៕
១៖ លោកជំទាវ ភឿង សកុណា ចូលរួមកិច្ចប្រជុំអន្តរក្រសួងដើម្បីពិភាក្សាលើពង្រាងផែនការមេវិស័យទេសចរណ៍ខេត្តសៀមរាប ឆ្នាំ២០២០-២០៣៥
នៅថ្ងៃទី៨ ខែកក្កដា ឆ្នាំ២០២០ នៅសណ្ឋាគាររីជិនស៊ីអង្គរ លោកជំទាវ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ ឯកឧត្តម ថោង ខុន រដ្ឋមន្ត្រីក្រសួងទេសចរណ៍ ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន ឯកឧត្តម ទៀ សីហា អភិបាលនៃគណៈអភិបាលខេត្តសៀមរាប
ក្នុងគោលបំណងអភិវឌ្ឍន៍ហេដ្ឋារចនាសម្ពន្ធនិងសម្បទាទេសចរណ៍ ទេសភាព បរិស្ថាន ខាងលិចមុខប្រាសាទអង្គរវត្តឱ្យមានភាពល្អប្រសើរ និងលើកតម្លៃអង្គរឱ្យសមជាបេតិកភណ្ឌពិភពលោក អាជ្ញាធរជាតិអប្សរា ដោយមានការចូលរួមស្ម័គ្រចិត្តពីបងប្អូនអាជីវករ សំណង់ភោជនីយដ្ឋាន អាគាររដ្ឋ និងតូបលក់ដូរមួយចំនួនត្រូវបានរុះរើ។
តាមរបាយការណ៍នាយកដ្ឋានរៀបចំដែនដីនិងគ្រប់គ្រងលំនៅដ្ឋានក្នុងតំបន់អង្គរនៃអាជ្ញាធរជាតិអប្សរាឱ្យដឹងថា សប្តាហ៍ទី១ ខែកក្កដា ឆ្នាំ២០២០ ក្រុមការងារនៃនាយកដ្ឋានរៀបចំដែនដី និងគ្រប់គ្រងលំនៅដ្ឋានក្នុងឧទ្យានអង្គរប្រចាំច្រកទាំង៦របស់អាជ្ញាធរជាតិអប្សរា បានទទួលពាក្យ ស្នើសុំធ្វើលំនៅដ្ឋាននិងជួសជុលតិចតួចចំនួន៦៥ ករណី ក្នុងចំណោមសំណើទាំងនោះ។
FirstPrev12345...329330NextLast

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
4
Today
:
1188
Yesterday
:
3210
This Week
:
08253
This Month
:
0250992
Total
:
011713588