NEWS

The English version of this website is still under construction. This section is only available in Khmer language at this stage. We apologise for any inconvenience

Published on 11 August 2016 01:32 PM Post By ៖ Apsara National Authority

យុវជនស្ម័គ្រចិត្តចំនួន២៧រូប មកពី៧ប្រទេសផ្សេងគ្នា ដោយរួមទាំងកម្ពុជាផង គ្រោងនឹងចំណាយពេល១២ថ្ងៃនៅក្នុងតំបន់រមណីយដ្ឋានអង្គរ ដើម្បីសិក្សា និងទទួលបទពិសោធន៍អំពីការងារអភិរក្សបេតិកភណ្ឌពិភពលោកអំពីអាជ្ញាធរជាតិអប្សរា។ កម្មវិធីដែលធ្វើឡើងក្រោមប្រធានបទ “ទាំងអស់គ្នាដើម្បីបេតិកភណ្ឌ” នេះ ចាប់ផ្តើមពីថ្ងៃទី១០ ដល់ទី២២ ខែសីហា ឆ្នាំ២០១៦។

ពិធីបើកបានចាប់ផ្តើមជាផ្លូវការនៅព្រឹកថ្ងៃទី១១ ខែសីហានេះ ក្រោមអធិបតីភាពឯកឧត្តម សុខ សង្វារ អគ្គនាយករងទទួលបន្ទុកនាយកដ្ឋានគ្រប់គ្រងទេសចរណ៍អង្គរ ជាតំណាងដ៏ខ្ពង់ខ្ពស់ឯកឧត្តមបណ្ឌិត ស៊ុំ ម៉ាប់ អគ្គនាយកអាជ្ញាធរជាតិអប្សរា លោក Philippe DELANGHE តំណាងអង្គការយូណេស្កូ ប្រចាំកម្ពុជា លោក ឃឹម ហ្វ៊ីណង់ អនុប្រធានសហភាពសហព័ន្ធយុវជនកម្ពុជាប្រចាំខេត្តសៀមរាប និងកញ្ញា Boram SHIN នាយកវិទ្យាស្ថានកូរ៉េ-អង្គរ ដើម្បីបេតិកភណ្ឌ (KACHI)។

មានប្រសាសន៍បើក ឯកឧត្តម សុខ សង្វារ លើកឡើងថា កម្មវិធីយុវជនស្ម័គ្រចិត្តដើម្បីបេតិកភណ្ឌនេះ រៀបចំឡើងដោយកិច្ចសហការរវាងអង្គការយូណេស្កូ អាជ្ញាធរជាតិអប្សរា សហភាពសហព័ន្ធយុវជនកម្ពុជា និងវិទ្យាស្ថានកូរ៉េ-អង្គរដើម្បីបេតិកភណ្ឌ។ គោលបំណងនៃកម្មវិធីនេះ គឺជំរុញឲ្យយុវជនមានការចូលរួមនឹងការងារពាក់ព័ន្ធនឹងបេតិកភណ្ឌ។

ឯកឧត្តមបន្ថែមថា រយៈពេល១២ថ្ងៃនៃការស្នាក់នៅក្នុងតំបន់រមណីយដ្ឋានអង្គរនេះ យុវជនស្ម័គ្រចិត្តនឹងបានស្វែងយល់អំពីការងាររបស់អាជ្ញាធរជាតិអប្សរា តាមរយៈបទបង្ហាញរបស់អ្នកជំនាញតាមផ្នែកផ្សេងៗ។ លើសពីនេះ យុវជនស្ម័គ្រចិត្តនឹងបានចូលរួមលើការងារជាក់ស្តែង ដូចជា ការចុះទៅជួបសហគមន៍ ការដាំដើមឈើ ការដើរតួនាទីជាភ្នាក់ងារទេសចរណ៍ និងចូលរួមធ្វើកំណាយជាមួយអ្នកជំនាញជាដើម។ នេះគឺជាលើកទី៣ហើយ ដែលអាជ្ញាធរជាតិអប្សរាបានសហការរៀបចំឲ្យមានកម្មវិធីយុវជនស្ម័គ្រចិត្ត ដើម្បីបេតិកភណ្ឌពិភពលោក ដោយលើកទី១នៅឆ្នាំ២០១៣ លើកទី២នៅឆ្នាំ២០១៥។

តាមរយៈការងារស្ម័គ្រចិត្តលើការងារបេតិភណ្ឌនេះ ឯកឧត្តមជឿជាក់ថា យុវជននឹងមានការយល់ដឹងកាន់តែច្បាស់អំពីបេតិកភណ្ឌ ស្រឡាញ់បេតិកភណ្ឌ គោរពបេតិកភណ្ឌ ហើយនិងចូលរួមថែរក្សាបេតិកភណ្ឌដ៏មានតម្លៃគ្រប់គ្នា។ ជាពិសេស សកម្មភាពនេះក៏នឹងបង្ហាញភាពជាគំរូដល់យុវជន និងសាធារណជនដទៃទៀត ឲ្យបណ្តុះស្មារតីគោរពស្រឡាញ់ និងចូលរួមការពារបេតិកភណ្ឌទាំងអស់គ្នា។

កម្មវិធី យុវជនស្ម័គ្រចិត្តដើម្បីបេតិកភណ្ឌ បានបង្កើតឡើងនៅឆ្នាំ២០០៨ ក្នុងក្របខណ្ឌការអប់រំបេតិកភណ្ឌពិភពលោកនៃអង្គការយូណេស្កូ ដោយសហការជាមួយគណៈកម្មការសម្របសម្រួលអន្តរជាតិផ្នែកកិច្ចការស្ម័គ្រចិត្ត ដើម្បីបង្កើនការចូលរួមចំណែករបស់យុវជន និងអង្គការចាត់តាំងយុវជនក្នុងកិច្ចការងារលើកកម្ពស់ការថែរក្សាបេតិកភណ្ឌពិភពលោក។ ក្នុងរយៈពេល៨ឆ្នាំមកនេះ មានយុវជនចំនួន ៣៥០០នាក់បានចូលរួមយ៉ាងសកម្មក្នុងការងារនេះ ហើយបានបោះជំរំចំនួន ២១៩ដង ដែលចូលរួមរៀបចំដោយអង្គការចាត់តាំងយុវជនចំនួន ៥២ស្ថាប័ន នៅប្រទេសចំនួន ៤៦ប្រទេស។

កម្មវិធីយុវជនស្ម័គ្រចិត្តបេតិកភណ្ឌឆ្នាំ២០១៦ ផ្តោតទៅលើប្រធានបទ ទាំងអស់គ្នាដើម្បីបេតិកភណ្ឌ ដើម្បីជំរុញការចូលរួមចំណែករបស់យុវជនក្នុងកិច្ចការបេតិកភណ្ឌ តាមរយៈការបង្កើតកិច្ចទំនាក់ទំនងរវាងគ្នាទៅវិញទៅមក និងរវាងយុវជននិងសហគមន៍មូលដ្ឋាន។ លើសពីនេះទៀត ប្រធានបទនេះក៏នឹងជំរុញឲ្យយុវជនបានយល់ដឹងកាន់តែច្បាស់អំពីសកម្មភាពប្រចាំថ្ងៃនៃការគ្រប់គ្រងបេតិកភណ្ឌ អំពីជំនាញជាមូលដ្ឋាននៃការងារថែរក្សានិងអភិរក្ស និងផ្លាស់ប្តូរបទពិសោធន៍ជាមួយសហគមន៍មូលដ្ឋាន៕












ក្នុងរយៈពេលជាងមួយខែនៃយុទ្ធនាការដាំ និងចែកចាយកូនឈើក្នុងរដូវវស្សាឆ្នាំ២០២០នេះ អាជ្ញាធរជាតិអប្សរា បានចែកចាយកូនឈើគ្រប់ប្រភេទដូចជា គ្រញូង ធ្នង់ បេង ច្រេស ឈើទាល គគីរ កកោះ រំដួល គុយ សិរមាន់ ផ្កាក្ងោក ផ្កាឥន្ទនេលជាដើម ជូនដល់ស្ថាប័នរដ្ឋ អង្គការ សហគមន៍ សាលារៀន វត្តអារាម វិស័យឯកជន និងសាធារណជនទូទៅបានចំនួនជិត៥មុឺនដើម ដើម្បីចូលរួមជាមួយរាជរដ្ឋាភិបាលក្នុងការស្តារ និងបង្កើនគម្របព្រៃឈើឲ្យប្រសើរឡើងវិញ ទាំងក្នុងតំបន់សៀមរាប អង្គរ និងតាមបណ្តាខេត្តនានា។
នៅព្រឹកថ្ងៃទី១១ ខែកក្កដា ឆ្នាំ២០២០នេះ លោក ឡុង កុសល អ្នកនាំពាក្យអាជ្ញាធរជាតិអប្សរា និងជាប្រធាននាយកដ្ឋានផ្សព្វផ្សាយ បានដឹកនាំក្រុមការងារចូលរួមដាំកូនឈើឡើងវិញនៅបញ្ជាការដ្ឋានយោធភូមិភាគទី៤។ ពិធីប្រព្រឹត្តិទៅក្រោមអធិបតីភាព ឯកឧត្តមឧត្តមសេនីយឯក ពៅ ហេង មេបញ្ជាការដ្ឋានយោធភូមិភាគទី៤ ឯកឧត្តម នាក់ ណេរ៉ុន អភិបាលរងនៃគណៈអភិបាលខេត្តសៀមរាប តំណាងកងឯកភាពកំចាត់មីនទី៤ ព្រមទាំងមន្រ្តី បុគ្គលិកអាជ្ញាធរជាតិអប្សរា និងពលទាហានប្រមាណជាង៤០០នាក់។ កូនឈើដែលបានដាំនៅពេលនោះសរុបចំនួន ៥០០០ដើម មាន១៨ប្រភេទ ដែលជាការឧបត្ថម្ភដោយអាជ្ញាធរជាតិអប្សរា៕
១៖ លោកជំទាវ ភឿង សកុណា ចូលរួមកិច្ចប្រជុំអន្តរក្រសួងដើម្បីពិភាក្សាលើពង្រាងផែនការមេវិស័យទេសចរណ៍ខេត្តសៀមរាប ឆ្នាំ២០២០-២០៣៥
នៅថ្ងៃទី៨ ខែកក្កដា ឆ្នាំ២០២០ នៅសណ្ឋាគាររីជិនស៊ីអង្គរ លោកជំទាវ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ ឯកឧត្តម ថោង ខុន រដ្ឋមន្ត្រីក្រសួងទេសចរណ៍ ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន ឯកឧត្តម ទៀ សីហា អភិបាលនៃគណៈអភិបាលខេត្តសៀមរាប
ក្នុងគោលបំណងអភិវឌ្ឍន៍ហេដ្ឋារចនាសម្ពន្ធនិងសម្បទាទេសចរណ៍ ទេសភាព បរិស្ថាន ខាងលិចមុខប្រាសាទអង្គរវត្តឱ្យមានភាពល្អប្រសើរ និងលើកតម្លៃអង្គរឱ្យសមជាបេតិកភណ្ឌពិភពលោក អាជ្ញាធរជាតិអប្សរា ដោយមានការចូលរួមស្ម័គ្រចិត្តពីបងប្អូនអាជីវករ សំណង់ភោជនីយដ្ឋាន អាគាររដ្ឋ និងតូបលក់ដូរមួយចំនួនត្រូវបានរុះរើ។
តាមរបាយការណ៍នាយកដ្ឋានរៀបចំដែនដីនិងគ្រប់គ្រងលំនៅដ្ឋានក្នុងតំបន់អង្គរនៃអាជ្ញាធរជាតិអប្សរាឱ្យដឹងថា សប្តាហ៍ទី១ ខែកក្កដា ឆ្នាំ២០២០ ក្រុមការងារនៃនាយកដ្ឋានរៀបចំដែនដី និងគ្រប់គ្រងលំនៅដ្ឋានក្នុងឧទ្យានអង្គរប្រចាំច្រកទាំង៦របស់អាជ្ញាធរជាតិអប្សរា បានទទួលពាក្យ ស្នើសុំធ្វើលំនៅដ្ឋាននិងជួសជុលតិចតួចចំនួន៦៥ ករណី ក្នុងចំណោមសំណើទាំងនោះ។
FirstPrev12345...329330NextLast

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
3
Today
:
0471
Yesterday
:
3210
This Week
:
07536
This Month
:
0250275
Total
:
011712871