ព័ត៌មានថ្មីៗ

អាជ្ញាធរជាតិអប្សរាចុះរុះរើសំណង់ខុសច្បាប់លើដីបុរីវប្បធម៌ និងទេសចរណ៍អង្គរ

បានផ្សាយនៅ ថ្ងៃទី 09 ខែ សីហា ឆ្នាំ2016 03:59 PM ដោយ ៖ អាជ្ញាធរជាតិអប្សរា
នៅថ្ងៃទី៩ ខែសីហា ឆ្នាំ២០១៦ លោក គង់ មរកត ឧបការី និងប្រធានស្តីទីនាយកដ្ឋានសណ្តាប់ធ្នាប់ និងសហប្រតិបត្តិការនៃអាជ្ញាធរជាតិអប្សរា សហការជាមួយអាជ្ញាធរមូលដ្ឋាន បានដឹកនាំក្រុមការងារចម្រុះ ចុះទៅរុះរើ សំណង់ខុសច្បាប់ពីរកន្លែង ដែលសាងសង់លើដីបុរីវប្បធម៌ និងទេសចរណ៍អង្គរ ដែលស្ថិតនៅក្រោមការគ្រប់គ្រងរបស់អាជ្ញាធរជាតិអប្សរា នៅភូមិចុងកៅស៊ូ សង្កាត់ស្លកា្រម ក្រុងសៀមរាប ខេត្តសៀមរាប។

លោក គង់ មរកត បានមានប្រសាសន៍ឲ្យដឹងថា សំណង់ខុសច្បាប់ទាំងពីរនេះទី១គឺ ផ្ទះឈើប្រក់ស័ង្កសី មានទំហំ៣មx៣ម ដែលមានម្ចាស់ឈ្មោះ ព្រំ សុភណ្ឌ ភេទស្រី អាយុ៣៨ឆ្នាំ។ សំណង់ទី២គឺ រោងបាំងតង់មានទំហំ៥មx៦ម មានម្ចាស់ឈ្មោះ ដុស ខឿប ភេទប្រុស អាយុ៥៧ឆ្នាំ មុខរបរធ្វើសែ្រ។ លោកបញ្ជាក់ថា សំណង់ទាំងពីរនេះបានសាងសង់លើដីរដ្ឋ ដែលគ្រប់គ្រងដោយអាជ្ញាធរជាតិអប្សរា ហើយដែលបានដោះសា្រយតាមគោលនយោបាយរបស់រាជរដ្ឋាភិបាលរួចហើយ។

សូមបញ្ជាក់ថា ដីបុរីសណ្ឋាគារ និងទេសចរណ៍អង្គរ ត្រូវបានបង្កើតឡើងដោយរាជរដ្ឋាភិបាលកម្ពុជា តាំងពីឆ្នាំ១៩៩៥មក ដែលមានទំហំផ្ទៃដីសរុប១០០៧ហិកតា។ នៅឆ្នាំ២០១៥ តាមរយៈអនុក្រឹត្យលេខ៥១ អនក្រ.បក និងអនុក្រឹត្យលេខ៥២ អនក្រ.បក រាជរដ្ឋាភិបាលកម្ពុជាសម្រេចកាត់ដីទំហំ២២៦,៩ហិកតា ដើម្បីធ្វើប្រទានកម្មជាកម្មសិទ្ធិជូនប្រជាពលរដ្ឋ ដែលបានកាន់កាប់ ប្រើប្រាស់ និងដាំដុះជាក់ស្តែង។ ថ្មីៗនេះ តាមរយៈអនុក្រឹត្យលេខ១៥៨ អនក្របក ចុះថ្ងៃទី២៥ ខែកក្កដា ឆ្នាំ២០១៦ រាជរដ្ឋាភិបាលកម្ពុជា បានសម្រេចកាត់ដីទាំងឡាយណាដែលមិនទាន់បានដោះស្រាយគោលនយោបាយរួចជូនទៅប្រជាពលរដ្ឋកាន់កាប់ជាក់ស្តែង។ ដោយឡែក ដីដែលបានដោះស្រាយគោលនយោបាយរួចរាល់ហើយ ត្រូវស្ថិតនៅក្រោមសមត្ថកិច្ចរបស់អាជ្ញាធរជាតិអប្សរាដដែល៕


ក្រុមមគ្គុទ្ទេសក៍ទេសចរណ៍ចំនួន២០រូបដែលត្រូវ ចេញដំណើរទៅចូលរួមវគ្គបណ្តុះបណ្តាលមគ្គុទ្ទេសក៍ទេសចរណ៍នៅទីក្រុងម៉ាកាវ សាធារណរដ្ឋប្រជាមានិតចិនបានចូលជួបសម្តែងការគួរសមជាមួយឯកឧត្តមបណ្ឌិត ស៊ុំ ម៉ាប់ អគ្គនាយកអាជ្ញាធរជាតិអប្សរានៅព្រឹកថ្ងៃទី៩ ខែមិថុនា ឆ្នាំ២០១៦នៅសាលប្រជុំបេងមាលានៃមជ្ឈមណ្ឌលអាជា្ញធរជាតិអប្សរា ។
ទំនៀមហៅព្រលឹងនាគរបស់អ្នកស្រុកសៀមរាប
( ថ្ងៃទី 08 ខែ មិថុនា ឆ្នាំ2016 )
ហៅព្រលឹងនាគ (ព្រលឹងអ្នកបួស) គឺជាកិច្ចសំខាន់មួយនៅក្នុងពិធីបំបួសនាគ ដែលខ្មែរបានយកទំនៀមរបស់ខ្លួនមកផ្សារភ្ជាប់នឹងព្រះពុទ្ធសាសនា។ ពិធីនេះនៅតែបន្តធ្វើនិងស្ថិតក្នុងផ្នត់គំនិតខ្មែររហូតដល់បច្ចុប្បន្ន សម្រាប់វត្តមួយចំនួនក្នុងខេត្តសៀមរាបដែលនៅកាន់ទំនៀមបុរាណ។ ទាក់ទងនឹងពិធីហៅព្រលឹងនាគនេះ ថ្វីត្បិតត្រូវបានវត្តបុរាណជាអ្នកនៅតែប្រកាន់យក តែចំពោះការរៀបចំគ្រឿងរណ្តាប់និងកិច្ចធ្វើពិធី គឺមានលក្ខណៈខុសគ្នាទៅតាមទម្លាប់នៃតំបន់នីមួយៗ។
ក្រុមការងារសហគមន៍នៃអាជ្ញាធរជាតិអប្សរា បាននាំយកអំណោយជាសម្ភារៈប្រើប្រាស់សម្រាប់ទារក និងថវិកាជាចំណងដៃត្រូវបានផ្តល់ជូនជាបន្តបន្ទាប់ដល់ស្ត្រីឆ្លងទន្លេ៨គ្រួសារ ដែលស្ថិតនៅក្នុងភូមិអង្គរក្រៅ សង្កាត់គោកចក ក្រុងសៀមរាប ខេត្តសៀមរាប កាលពីថ្ងៃទី០៨ខែមិនថុនា ឆ្នាំ២០១៦ កន្លងទៅនេះ។
ទឹកក្រោមដីជាទឹកដែលសល់ពីការប្រើប្រាស់ និងហួតឬជាទឹកដែលស្ថិតនៅក្នុងស្រទាប់ដី ស្រទាប់ថ្មអាចបម្លាស់ទី ធ្វើចលនាបាន។ ទឹកនៅលើដីជាប្រភពនៃទឹកក្រោមដីតាមរយៈការជ្រាបចូលក្នុងដី។ កាលណាទឹកនៅលើដីរីងស្ងួតអស់វាធ្វើឲ្យប៉ះពាល់ដល់ទឹកក្រោមដី ដូចគ្នាដែរ បើគេប្រើប្រាស់ទឹកក្រោមដីច្រើន ក៏នឹងធ្វើឲ្យទឹកលើដីឆាប់រីងស្ងួតដែរ។ ដូច្នេះ ក្រៅពីគ្រប់គ្រងទឹកលើដី ទឹកក្រោមដីក៏គេត្រូវគិតគូរឲ្យបានហ្មត់ចត់ផងដែរ ជាពិសេសក្នុងតំបន់អង្គរ ដែលគ្រឹះប្រាសាទទាំងអស់សុទ្ធតែត្រូវការសំណើមជាប្រចាំ ធ្វើឲ្យកំហាប់ខ្សាច់រឹងមាំអាចទ្រទម្ងន់រាប់លានតោននៃថ្មប្រាសាទបាន។
បន្ទាប់ពីមានភ្លៀងធ្លាក់ជោកជាំជាច្រើនមេ គ្របដណ្តប់ស្ទើរពេញផ្ទៃប្រទេសមក ការខ្វះខាតទឹកប្រើប្រាស់ជាប្រចាំថ្ងៃលែងជាបញ្ហាប្រឈមសម្រាប់ប្រជាពលរដ្ឋដែលរស់នៅក្នុងតំបន់រមណីយដ្ឋានទៀតហើយ។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
7
ថ្ងៃនេះ
:
1090
ម្សិលមិញ
:
9096
សប្តាហ៍នេះ
:
50841
ខែនេះ
:
0145520
សរុប
:
012914952