ព័ត៌មានថ្មីៗ

ប្រណាំងម៉ារ៉ាតុងអន្តរជាតិចក្រភពអង្គរបានបញ្ចប់ហើយជាមួយនឹងអ្នកចូលរួម២៣៧០នាក់

បានផ្សាយនៅ ថ្ងៃទី 08 ខែ សីហា ឆ្នាំ2016 08:25 AM ដោយ ៖ អាជ្ញាធរជាតិអប្សរា

ទិវារត់ប្រណាំងម៉ារ៉ាតុងអន្តរជាតិចក្រភពអង្គរលើកទី៣ ត្រូវបានចាប់ផ្តើម និងបញ្ចប់នៅមុខប្រាសាទអង្គរវត្ត នាថ្ងៃទី៧ ខែសីហា ឆ្នាំ២០១៦ ចំពេលដែលជុំវិញតំបន់អង្គរទាំងមូលពេញដោយទេសភាពបៃតងយ៉ាងស្រស់បំព្រង។ ពិធីនេះធ្វើឡើងក្រោមអធិបតីភាពឯកឧត្តម ថោង ខុន រដ្ឋមន្ត្រីក្រសួងទេសចរណ៍ និងជាប្រធានគណៈកម្មាធិការជាតិអូឡាំពិកកម្ពុជា។

តាមប្រសាសន៍បើកកម្មវិធីរបស់ឯកឧត្តម ថោង ខុន ពិធីរត់ប្រណាំងម៉ារ៉ាតុងអន្តរជាតិចក្រភពអង្គរឆ្នាំនេះ ទទួលបានការចូលរួមពីសំណាក់អ្នករត់ប្រណាំងចំនួន២៣៧០នាក់ ដែលមកពី៤៥ប្រទេសផ្សេងគ្នា ក្នុងនោះភ្ញៀវជាតិចំនួន៩៧០នាក់។ ពិធីរត់ប្រណាំងម៉ារ៉ាតុងអន្តរជាតិចក្រភពអង្គរចែកចេញជា៤ប្រភេទគឺ ចម្ងាយ៤២គម ២១គម ១០គម និងចម្ងាយ៣គម។

ឯកឧត្តម សុខ សង្វារ អគ្គនាយករងទទួលបន្ទុកនាយកដ្ឋានគ្រប់គ្រងទេសចរណ៍អង្គរ នៃអាជ្ញាធរជាតិអប្សរា ដែលបានចូលរួមរត់ប្រណាំងម៉ារ៉ាតុងក្នុងចម្ងាយ១០គមដែរ បានបញ្ជាក់ថា ក្នុងនាមជាម្ចាស់ផ្ទះ អាជ្ញាធរជាតិអប្សរាបានចូលរួមក្នុងពិធីរត់ប្រណាំងម៉ារ៉ាតុងនេះតាមរយៈការរៀបចំសម្អាតអនាម័យបរិស្ថាន និងបើកភ្លើងក្នុងតំបន់អង្គរទាំងមូល ដើម្បីទទួលកម្មវិធីដ៏មានសារៈសំខាន់នេះ។ ជាមួយគ្នានេះ អាជ្ញាធរជាតិអប្សរាក៏បានបង្វែរភ្ញៀវដែលចូលមើលព្រះអាទិត្យរះឲ្យចូលតាមច្រកខាងក្រោយអង្គរ ដើម្បីបញ្ចៀសការកកស្ទះចរាចរផងដែរ។

ឯកឧត្តមបន្ថែមថា ពិធីរត់ប្រណាំងម៉ារ៉ាតុងអន្តរជាតិចក្រភពអង្គរ ដែលបានរៀបចំឡើងនៅក្នុងតំបន់អង្គរនេះ ពិតជាធ្វើឲ្យកិតិ្តសព្ទអង្គរកាន់តែល្បីខ្ចរខ្ចាយទៅកាន់ពិភពលោកកាន់តែខ្លាំង ជាពិសេស ចំពេលដែលជុំវិញតំបន់អង្គរកំពុងស្រស់បំព្រងដោយធម្មជាតិនារដូវវស្សា នឹងនាំឲ្យភ្ញៀវអន្តរជាតិស្គាល់អង្គរ និងបរិស្ថានអង្គរកាន់តែច្បាស់ទៀតផង។

ជាមួយគ្នានេះ ក្នុងនាមជាម្ចាស់ផ្ទះ ឯកឧត្តមសុខ សង្វារ ក៏បានថ្លែងអំណរគុណព្រះរាជវត្តមានព្រះរាជបុត្រីBajrakitiyabha Mahidol នៃព្រះរាណាចក្រថៃដែលបានចូលរួមក្នុងទិវារត់ប្រណាំងនេះ និងថ្លែងអំណរគុណចំពោះកម្លាំងសមត្ថកិច្ច និងក្រុមហ៊ុនឯកជននានាដែលបានចូលរួមសហការយ៉ាងល្អ ធ្វើឲ្យពិធីរត់ប្រណាំងនេះបានប្រព្រឹត្តទៅយ៉ាងរលូនតាំងពីដើមដល់ចប់៕














នៅព្រឹកថ្ងៃទី១២ ខែសីហា ឆ្នាំ២០២០ នៅស្នាក់ការអាជ្ញាធរជាតិអប្សរា បានរៀបចំសិក្ខាសាលាផ្ទៃក្នុងស្ដីពី «ប្រព័ន្ធគ្រប់គ្រងបរិស្ថានអង្គរ»។ សិក្ខាសាលានេះមានគោលបំណងផ្សព្វផ្សាយសៀវភៅប្រើប្រាស់ប្រព័ន្ធគ្រប់គ្រងបរិស្ថាន-អង្គរ ស្វែងយល់ និងចូលរួមការពារបរិស្ថានក្នុងតំបន់អង្គរ។
នាព្រឹកថ្ងៃទី១២ ខែសីហា ឆ្នាំ២០២០ ឯកឧត្តម ហង់ ពៅ អគ្គនាយកអាជ្ញាធរជាតិអប្សរា បានដឹកនាំកិច្ចប្រជុំជាមួយភ្នាក់ងារទេសចរណ៍នៃនាយកដ្ឋានអភិវឌ្ឍន៍ទេសចរណ៍អង្គរ ដើម្បីពិនិត្យមើលការវិវត្តនៃការងារទូទៅ ក៏ដូចជាស្វែងយល់ពីផលលំបាកនិងបញ្ហាប្រឈមនានាដែលក្រុមការងារភ្នាក់ងារទេសចរណ៍តែងជួបប្រទះជាប្រចាំ។
ក្នុងគោលបំណងស្ដារគម្របព្រៃឈើក្នុងតំបន់ការពាររមណីយដ្ឋានបេតិកភណ្ឌពិភពលោកអង្គរឲ្យកាន់តែច្រើនឡើង និងបំផុសស្មារតីឲ្យមានការចូលរួមរបស់ប្រជាពលរដ្ឋអំពីកិច្ចការបរិស្ថាន។ ក្នុងន័យនេះ ចាប់ពីខែមិថុនាមកដល់បច្ចុប្បន្ន គឺមានរយៈពេលជាង២ខែមកហើយដែលអាជ្ញាធរជាតិអប្សរា បានចែកកូនឈើជាង៧ម៉ឺនដើមដល់អង្គភាពរដ្ឋ អង្គការ សហគមន៍ សាលារៀន វត្តអារាម វិស័យឯកជន និងសាធារណជនទូទៅដែលបានដាក់ពាក្យស្នើសុំយកទៅដាំនៅតាមតំបន់ផ្សេងៗទាំងក្នុងខេត្តសៀមរាប និងខេត្តមួយចំនួនក្នុងប្រទេសកម្ពុជា។
អាជ្ញាធរជាតិអប្សរា បានបន្តចែកជូនកូនឈើដល់សាធារណជនជិតឆ្ងាយ ដើម្បីយកទៅដាំក្នុងបំណងបង្កើនគម្របព្រៃឈើឡើងវិញនៅក្នុងប្រទេសកម្ពុជា។ នៅថ្ងៃទី៧ និងទី៨ ខែសីហា ឆ្នាំ២០២០ កូនឈើចំនួន ៤,៦២០ដើមទៀត បានចែកជូនដល់សាធារណជនក្នុងខេត្តសៀមរាប ខេត្តបន្ទាយមានជ័យ និងខេត្តតាកែវ។
សេចក្ដីគោរពជូនសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា
ក្នុងឱកាសដ៏សែនមហានក្ខត្តឫក្សថ្លៃថ្លានៃខួបកំណើតគម្រប់ ៦៨ឆ្នាំ ឈានចូល៦៩ឆ្នាំ នាថ្ងៃទី ០៥ ខែសីហា ឆ្នាំ២០២០នេះ តាងនាមថ្នាក់ដឹកនាំ និងមន្ត្រីរាជការគ្រប់លំដាប់ថ្នាក់នៃអាជ្ញាធរជាតិអប្សរា និងក្នុងនាមខ្ញុំផ្ទាល់ ខ្ញុំបាទសូមសម្ដែងនូវមនោសញ្ចេតនារីករាយឥតឧបមា និងសេចក្ដីគោរពស្រលាញ់ដ៏ជ្រាលជ្រៅបំផុត ព្រមទាំងសូមគោរពជូនពរ បវរមហាប្រសើរជូន សម្ដេចតេជោនាយករដ្ឋមន្ត្រី ជាទីគោរពដ៏ខ្ពង់ខ្ពស់ សូមមានជន្មាយុយឺនយូរមានសុខុមាលភាពល្អបរិបូរណ៍ បញ្ញាញាណភ្លឺថ្លា ដើម្បីដឹកនាំរាជរដ្ឋាភិបាល និងប្រទេសជាតិទទួលជោគជ័យដ៏ត្រចះត្រចង់ថ្មីៗថែមទៀត ជាពិសេសវឌ្ឍនភាព និងកិត្យានុភាពល្បីរន្ទឺលើឆាកអន្តរជាតិ
ដើមដំបូងមុន12345...337338បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
7
ថ្ងៃនេះ
:
0847
ម្សិលមិញ
:
6412
សប្តាហ៍នេះ
:
18988
ខែនេះ
:
0245852
សរុប
:
012071483