ព័ត៌មានថ្មីៗ

ការងារអភិរក្សកុលាលភាជន៍ខ្មែរ

បានផ្សាយនៅ ថ្ងៃទី 26 ខែ កក្កដា ឆ្នាំ2016 01:14 PM ដោយ ៖ អាជ្ញាធរជាតិអប្សរា

ការសិក្សាស្រាវជ្រាវ លើកុលាលភាជន៍ ពិតជាមានសារៈសំខាន់ខ្លាំងណាស់សម្រាប់ធ្វើឱ្យខ្មែរជំនាន់ក្រោយ បានស្គាល់ពីរបៀបរបបនៃការរស់នៅ និងជីវភាពរបស់មនុស្សជំនាន់មុនៗ។ គេអាចទទួលបានបំណែកកុលាលភាជន៍ទាំងនោះ តាមរយៈកំណាយស្រាវជ្រាវ ពីក្នុងតំបន់ផ្សេងៗ។ តាំងពីឆ្នាំ២០១៥មក អាជ្ញាធរជាតិអប្សរាបានបង្កើតអង្គភាពមួយ ដោយឲ្យឈ្មោះថា អង្គភាពកុលាលភាជន៍អង្គរ ទទួលបន្ទុកស្រាវជ្រាវ និងសិក្សាលម្អិតលើបំណែកកុលាលភាជន៍ទាំងនោះ។

លោកបណ្ឌិត អ៊ា ដារិទ្ធ អនុប្រធានមជ្ឈមណ្ឌលអន្តរជាតិស្រាវជ្រាវ និងតម្កល់ឯកសារអង្គរ ដែលទទួលបន្ទុកជាប្រធានអង្គភាពនេះបានលើកឡើងកាលពីថ្ងៃ២៥ ខែ កក្កដា ឆ្នាំ២០១៦ថា មកដល់ពេលនេះអង្គភាពរបស់លោកកំពុងដំណើរការលើការងារ សំខាន់ៗចំនួនពីរគឺ ទី១ការធ្វើបញ្ជីសារពើភ័ណ្ឌទៅលើកុលាលភាជន៍ ដែលក្រុមស្រាវជ្រាវបានរកឃើញកន្លងមក និងទី២ការជួសជុលកុលាលភាជន៍ណា ដែលអាចជួសជុលបាន។ នៅពេលខាងមុខនេះ ក្រុមរបស់លោកនឹងបន្តការងារ៣ផ្សេងទៀតគឺ សិក្សាលម្អិតអំពីកុលាលភាជន៍ រៀបចំធ្វើពិព័រណ៍កុលាលភាជន៍ និងរៀបចំវគ្គបណ្តុះបណ្តាលអំពីកុលាលភាជន៍។

លោកដារិទ្ធ បន្ថែមថា ក្រុមការងារបានសម្រេចក្នុងការចុះបញ្ជីសារពើភ័ណ្ឌឡទ័ពជ័យរួចរាល់ហើយបានជាង ៤០០០ បំណែក និងឡចុងសំរោងបានជាង ២០០០ បំណែក។ ក្រុមការងារកំពុងចុះបញ្ជីវត្ថុបុរាណដែលធ្វើកំណាយបានពីតំបន់កោះកេរ ដែលអាជ្ញាធរអប្សរាសហការជាមួយវិទ្យាស្ថានសិក្សាអាស៊ីអាគ្នេយ៍ប្រទេសសិង្ហបូរី ជាង២០០០០ បំណែក ហើយនិងមានការសិក្សាបន្ថែមទៀតទៅលើវត្ថុបុរាណទាំងនោះ ដើម្បីធ្វើការចុះបញ្ជីតាមលក្ខណៈបច្ចេកទេសទៅលើបំណែកតូចៗ។

លោកដារិទ្ធ
បញ្ជាក់បន្ថែមទៀតថា អង្គភាពកុលាលភាជន៍អង្គរបានផ្ទុកបំណែកកុលាលភាជន៍ផ្សេងៗមកពីតំបន់អង្គរ ដូចជា ឡខ្នាពោ ឡបង្កោង ឡទ័ពជ័យ ឡចុងសំរោង និងភាជន៍មកពីតំបន់កោះកែរ សរុបជាង៩០០០០បំណែក។ ក្រៅពីការងារចុះបញ្ជីសារពើភ័ណ្ឌ ក្រុមការងារក៏បានជួសជុលកុលាលភាជន៍រួចរាល់បានចំនួន១០ និងបិទតកុលាលភាជន៍ ដែល មានបំណែកមិនគ្រប់គ្រាន់ បានជាង១០០០ បន្ថែមទៀត។

នាពេលអនាគតអង្គភាពនេះគ្រោងនឹងស្នើទៅបណ្តាសារមន្ទីរ ដែលមានតម្កល់កុលាលភាជន៍មួយចំនួន ដូចជា សារមន្ទីរព្រះនរោត្តមសីហនុ-អង្គរជាដើម ព្រមទាំងស្ថាប័នស្រាវជ្រាវអន្តរជាតិមួយចំនួនទៀត ដើម្បីយកកុលាលភាជន៍ទាំងនោះមកសិក្សាលម្អិតតាមបែបវិភាគវិទ្យាសាស្ត្រទំនើប និងតម្កល់ទុកស្ថិតក្រោមការគ្រប់គ្រងអាជ្ញាធរជាតិអប្សរា ដើម្បីប្រយោជន៍ដល់ជនានុជនខ្មែរជំនាន់ក្រោយសិក្សាស្វែងយល់។ មិនត្រឹមប៉ុណ្ណោះ អង្គភាពនេះ ក៏គ្រោងនឹងបោះពុម្ពផ្សាយនូវស្នាដៃសិក្សាស្រាវជ្រាវរបស់ខ្លួនជាសាធារណៈផងដែរ។

នៅក្នុងកិច្ចប្រជុំបច្ចេកទេសនៃគណៈកម្មាធិការអាយស៊ីស៊ី-អង្គរ កាលពីខែមិថុនា ឆ្នាំ២០១៥ អង្គប្រជុំបានសម្រេចឲ្យបង្កើតអង្គភាពកុលាលភាជន៍អង្គរឡើង ដែលស្ថិតនៅក្រោមមជ្ឈមណ្ឌលអន្តរជាតិស្រាវជ្រាវ និងតម្កល់ឯកសារអង្គរ នៃអាជ្ញាធរជាតិអប្សរា។ កម្មវត្ថុសំខាន់នៃការបង្កើតអង្គភាពនេះ គឺ ដើម្បីថែរក្សា និងសិក្សាលម្អិតអំពីកុលាលភាជន៍ខ្មែរដែលក្រុមស្រាវជ្រាវធ្លាប់បានរកឃើញកន្លងមក៕














ក្នុងស្មារតីចូលរួមចំណែកអភិវឌ្ឍន៍ហេដ្ឋារចនាសម្ពន្ធនិងសម្បទានទេសចរណ៍នៅបរិវេណមុខប្រាសាទអង្គរវត្តជាមួយអាជ្ញាធរជាតិអប្សរា ម្ចាស់ភោជនីយដ្ឋានចំនួន៤ខ្នងបានរុះរើដោយស្ម័គ្រចិត្ត នាព្រឹកថ្ងៃទី៦ ខែកក្កដា ឆ្នាំ២០២០។
លោក ឡុង កុសល អ្នកនាំពាក្យអាជ្ញាធរជាតិអប្សរា នាព្រឹកថ្ងៃទី០៦ ខែកក្កដា ឆ្នាំ២០២០ បានអះអាងថា អាជ្ញាធរជាតិអប្សរាមិនដែលបដិសេធចំពោះសំណង់ឬអគារណា ដែលមានភាពស្របច្បាប់ ហើយស្ថិតក្រោមសមត្ថកិច្ចរបស់ខ្លួនទេ។ នេះគឺជាការឆ្លើយបំភ្លឺទាក់ទិនទៅនឹងការផ្សព្វផ្សាយនៅលើបណ្តាញព័ត៌មានសង្គមហ្វេសប៊ុកនៅថ្ងៃទី៤ ខែកក្កដា ដែលមិនមានមូលដ្ឋានច្បាស់លាស់ ឈ្មោះ វិទ្យុ នគររាជ្យ ថា “អាស្រមពើងតាអេវ ស្ថិតនៅលើភ្នំគូលេន ខេត្តសៀមរាប ត្រូវភ្លើងឆេះអស់ ព្រះសង្ឃឆាន់នៅក្រោមដើមឈើ ពុទ្ធបរិស័ទ សុំច្បាប់សាងសង់ឡើងវិញតែអជ្ញាធរជាតិអប្សរា មិនអនុញ្ញាត ចង់សួរថាមូលហេតុអ្វី?”
១៖ អគ្គនាយកអាជ្ញាធរជាតិអប្សរាដឹកនាំក្រុមការងារចុះពិនិត្យរៀបចំការងារមួយចំនួនក្នុងតំបន់រមណីយដ្ឋានអង្គរ
នៅព្រឹកថ្ងៃទី១ ខែកក្កដា ឆ្នាំ២០២០ ឯកឧត្តម ហង់ ពៅ អគ្គនាយកអាជ្ញាធរជាតិអប្សរា បានដឹកនាំក្រុមការងារចុះពិនិត្យ និងត្រៀមរៀបចំការងារមួយចំនួន នៅតាមប្រាសាទក្នុងតំបន់រមណីយដ្ឋានអង្គរ រួមមាន ការងារនៅបរិវេណខាងមុខប្រាសាទអង្គរវត្ត ទីទួលបុរាណដ្ឋានប្រាសាទបាយក្អែក ការដ្ឋានជួសជុលស្ពានហាល ការងាររៀបចំសួនបៃតង ការពង្រីកការដាំកូនឈើ និងគម្រោងសិក្សាលើកបង្គន់អនាម័យខាងត្បូងប្រាសាទអង្គរវត្ត និងការងារនៅប្រាសាទព្រះខ័នជាដើម។ សកម្មភាពនេះ ជាយន្តការក្នុងការជំរុញឱ្យការងារទាំងឡាយប្រព្រឹត្តដោយរលូន
ព្រឹកថ្ងៃទី៣ ខែកក្កដា ឆ្នាំ២០២០ នៅទីស្នាក់ការនៃអាជ្ញាធរជាតិអប្សរា មានជំនួបពិភាក្សាការងាររវាងឯកឧត្តម ហង់ ពៅ អគ្គនាយកនៃអាជ្ញាធរជាតិអប្សរា និងលោក ជា ពិសិដ្ឋ នាយករងផលិតកម្មនៃអគ្គិសនីកម្ពុជា អំពីការចូលរួមរបស់អាជ្ញាធរជាតិអប្សរាក្នុងការបង្កើតវត្ថុដាក់តាំងបង្ហាញនៅក្នុងសារមន្ទីរថាមពលកកើតឡើងវិញ និងឧទ្យានជាតិសម្តេច ហ៊ុន សែន កំពត។
យោងតាមរបាយការណ៍៦ខែដំបូងនៃឆ្នាំ២០២០ ក្រុមការងារលេខាធិការដ្ឋានសហគមន៍ទាំង៥ក្រុមនៃអាជ្ញាធរជាតិអប្សរាបានបន្តការងារចុះពិនិត្យ ការជួសជុលកែលម្អលំនៅដ្ឋាននិងសាងសង់សំណង់ស្រាលតូចតាចក្នុងតំបន់រមណីយដ្ឋានបេតិកភណ្ឌពិភពលោកអង្គរចំនួន២៦៣៩គ្រួសារ ក្នុងនោះបានអនុញ្ញាតមានចំនួន១៩៥៩គ្រួសារ ។
ដើមដំបូងមុន12345...327328បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
6
ថ្ងៃនេះ
:
21778
ម្សិលមិញ
:
24645
សប្តាហ៍នេះ
:
21778
ខែនេះ
:
0139077
សរុប
:
011601673