ព័ត៌មានថ្មីៗ

អ្នកជំនាញខ្មែរកំពុងជួសជុល ប្រាសាទឥដ្ឋនៅប្រាសាទបាគង

បានផ្សាយនៅ ថ្ងៃទី 26 ខែ កក្កដា ឆ្នាំ2016 09:47 AM ដោយ ៖ អាជ្ញាធរជាតិអប្សរា

ស្ថិតក្នុងសម្លៀកបំពាក់ពណ៌ស ពាក់មួកសុវត្ថិភាព បុរសវ័យចំណាស់និងវ័យកណ្តាល ជាច្រើន កំពុងមមាញឹកយ៉ាងខ្លាំងក្នុងការដ្ឋានជួសជុលប្រាសាទឥដ្ឋ ដែលមានរន្ទារហ៊ុំពីខាងក្រៅយ៉ាងស្អេកស្កះ។ សកម្មភាពនេះ សំដៅធ្វើយ៉ាងណាឱ្យសំណង់ប្រាសាទ ដែលមានការខូចខាត ទទួលបានល្អប្រសើរឡើងវិញផ្នែកបេតិកភណ្ឌជាតិ វិស័យទេសចរណ៍ រួមទាំងទុកជាមរតកវប្បធម៌របស់កូនខ្មែរគ្រប់ជំនាន់។

ផ្តែរនៅខ្លោងទ្វារខាងកើតនៃប៉មឥដ្ឋលេខ៨បានរលំបាក់នៅក្នុងខែ តុលា ឆ្នាំ ២០០៩កន្លងទៅកំឡុងពេលមានភ្លៀងខ្លាំង ហើយត្រូវបានទទួលការសង្រ្គោះបឋមដោយនាយក ដ្ឋានទ្រទ្រង់បច្ចេកទេសនិងគម្រោងអន្តរវិស័យនៃអាជ្ញាធរជាតិអប្សរា។ ចំណែកអ្នកបច្ចេកទេស នៃនាយកដ្ឋានអភិរក្សប្រាសាទក្នុងឧទ្យានអង្គរនិងបុរាណវិទ្យាបង្ការ បានបន្តកិច្ចការ អភិរក្សនិងជួសជុលប៉មនេះក្នុងទ្រង់ទ្រាយធំនិងមានរយ:ពេលវែងជាដំណាក់កាលៗ ក្នុងនោះបានចាប់ផ្តើមឡើងនៅខែធ្នូ ឆ្នាំ២០១៥ ដោយអ្នកជំនាញខ្មែរ សរុប១៧នាក់។

លោក តាន់ សុផល អនុប្រធាននាយកដ្ឋាន បានបញ្ជាក់ថា៖ ប្រាសាទឥដ្ឋទាំងអស់មានចំនួន៨ ស្ថិតក្នុងបរិវេណនៃកំពែងទី១ ប្រាសាទបាគងដែលបានសាងឡើងកំឡុង សតវត្សទី១០ បច្ចុប្បន្នប៉មប្រាសាទឥដ្ឋទាំងនោះមានស្ថានភាពទ្រុឌទ្រោមដោយផ្នែកៗ ត្រង់រួតនីមួយៗនៃប៉ម។ គោលបំណងនៃការជួសជុលប៉មលេខ៨គឺគ្រោងនឹងរៀបចំជួសជុលបំណែកផ្តែរដើម្បីបញ្ចូលនៅទីតាំងដើមវិញ ពិសេសគោរពតាមអនុសាសន៍របស់អ្នក ជំនាញAd Hoc អាយ ស៊ី ស៊ី- អង្គរ។ លទ្ធផលនៃការជួសជុលពង្រឹងខ្លោងទ្វារខាងកើតនៃប៉មលេខ៨នេះ បានសម្រេចជាង៥០ភាគរយនៃការងារត្រង់រចនាសម្ព័ន្ធជណ្តើរខាងកើតដោយបានរៀបថ្មជណ្តើរបញ្ចូលត្រង់ទីតាំងដើមវិញត្រឹមកាំទី៨ និងការជួសជុលពង្រឹងខឿន ឥដ្ឋទាំងសងខាង។ កិច្ចការនឹងគ្រោងបន្តជួសជុលបំពេញសសរពេជ្រនិងសសរផ្អោបទាំងពីរក្នុងរយ:៦ខែខាងមុខ។

លោក ស៊ឹម អឿម ប្រធានផ្នែកគ្រប់គ្រងពលករក្នុងកិច្ចការអនុវត្តជួសជុលឥដ្ឋ ហើយជាពលករជំនាញដែលទទួលបានការលើកទឹកចិត្តពីឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានអាជ្ញាធរជាតិ អប្សរាបានប្រាប់ថា៖ នេះជាកិច្ចការជួសជុលប្រកបដោយការលំបាក និងទាមទារការពិភាក្សាដោយប្រុងប្រយ័ត្នខ្ពស់ ព្រោះជាលើកដំបូងក្នុងការជួសជុលផ្តែរដែលមានទម្ងន់ធ្ងន់ ប្រមាណ៤.៧តោនដើម្បីដំឡើងដាក់នៅទីតាំងដើមវិញដែលមានកម្ពស់៦ម៉ែត្រ។

ការជួសជុលប៉មលេខ៨នៃប្រាសាទបាគងបានប្រើប្រាស់អ្នកបច្ចេកទេសនិងពលករ ជំនាញក្នុងស្រុងទាំងអស់ចំនួន១៧នាក់ ដែលពួកគាត់រស់នៅក្បែរបរិវេណប្រាសាទនៃភូមិ ឪឡោក ស្រុកបា្រសាទបាគង ពលករជំនាញទាំងអស់ធ្លាប់បានទទួលការបណ្តុះបណ្តាល ច្រើនផ្នែកកិច្ចការជូសជុលឥដ្ឋតាំងពីឆ្នាំ ១៩៩៤ដោយអនុវត្តគម្រោងជួសជុលប៉មប្រាសាទ ព្រះគោដែលជាគម្រោងរបស់អន្តរជាតិឈ្មោះ The Royal Angkor Foundation ដូច្នេះ ពួកគាត់កំពុងបន្តចំណេះដឹងនិងបទពិសោធន៍ទាំងនោះតាមរយ:ការបណ្តុះបណ្តាល និងមាន ឈាមជ័រនៃញាតិសន្តានរបស់គាត់ដែលបានជួសជុលប្រាសាទកំឡុងប្រាសាទទទួលការអភិរក្សដោយសាលាបារាំងចុងបូព៌ា(EFEO)។ រាល់បច្ចេកទេសក្នុងការជួសជុលឥដ្ឋគឺបានប្រើប្រាស់បច្ចេកទេសបុរាណនិងផលិតផលក្នុងស្រុកសុទ្ធសាធរួមមានកំបោរលៀស កម្ទេចឥដ្ឋ ដីខ្សាច់ កាវស្បែកគោនិងស្ករត្នោតដែលជាធាតុបន្សំនៃល្បាយបាយអសម្រាប់ភ្ជាប់ឥដ្ឋ និងឥដ្ឋ៕



















នៅមជ្ឈមណ្ឌលបណ្តុះបណ្តាលអង្គរ ថ្ងៃទី២៨ ខែកក្កដា ឆ្នាំ២០២០ បានរៀបចំបើកវគ្គបណ្តុះបណ្តាលរបបសារព័ត៌មាន ការផ្តល់ព័ត៌មាន ទទួលព័ត៌មានក្នុងរង្វង់មន្រ្តី-បុគ្គលិក ដល់មន្រ្តី-បុគ្គលិកមកពីនាយកដ្ឋានចំណុះនៃអាជ្ញាធរជាតិអប្សរាចំនួន៤០រូប។
ក្នុងបំណងបំពេញគម្របព្រៃឈើឡើងវិញ ក្រោយមានការកាប់ទន្រ្ទានខុសច្បាប់កន្លងមក នៅថ្ងៃទី២៨ ខែកក្កដា ឆ្នាំ២០២០ ក្រុមភ្នាក់ងារព្រៃឈើនៃនាយកដ្ឋានសណ្ដាប់ធ្នាប់ និងសហប្រតិបត្តិការ សហការជាមួយនាយកដ្ឋានគ្រប់គ្រងព្រៃឈើ ទេសភាពវប្បធម៌ និងបរិស្ថាន នៃអាជ្ញាធរជាតិអប្សរា អាជ្ញាធរមូលដ្ឋាន និងអង្គភាពពាក់ព័ន្ធមាននគរបាលប៉ុស្ដិ៍រដ្ឋបាល នគរបាលបេតិកភណ្ឌ មន្រ្តីឧទ្យាននុរក្ស បានចុះដាំកូនឈើឡើងវិញនៅចំណុចខាងកើតប៉ុស្ដិ៍ត្រួតពិនិត្យសំបុត្រផ្លូវ៦០ម
នៅថ្ងៃទី២៧ ខែកក្កដា ឆ្នាំ២០២០ អាជ្ញាធរជាតិអប្សរាបានផ្តល់កូនឈើចំនួន៣០០ដើម ដល់ព្រះសង្ឃដែលជាតំណាងសមាគមជីវិត និងក្ដីសង្ឃឹម ដើម្បីយកទៅដាំក្នុងបរិវេណសាលាបឋមសិក្សាថ្លាត ស្ថិតនៅភូមិថ្លាត ឃុំខ្ចាស់ ស្រុកសូទ្រនិគម ខេត្តសៀមរាប។ កូនឈើដែលផ្តល់ជូននៅពេលនោះរួមមាន ឈើគ្រញូងចំនួន ១៥០ដើម និងឈើធ្នង់ចំនួន ១៥០ដើម៕
នៅព្រឹកថ្ងៃទី២៧ កក្កដា ឆ្នាំ២០២០ នៅសាលសន្និសីទអង្គរនៃអាជ្ញាធរជាតិអប្សរា បានរៀបចំបាឋកថាស្ដីពី «ព្រះពុទ្ធបដិមានៅអង្គរវត្ត» ដើម្បីចែករំលែកជុំវិញការងារដែលក្រុមអ្នកជំនាញអាជ្ញាធរជាតិអប្សរា បានប្រទះឃើញព្រះពុទ្ធបដិមាច្រើនអង្គ ក្នុងរណ្ដៅដីនៅជ្រុងនិរតីនៃប្រាសាទអង្គរវត្ត។ តាមបទបង្ហាញរបស់ក្រុមអ្នកជំនាញ បានបង្ហាញឱ្យឃើញច្បាស់ថា ការកប់នេះមិនមែនជាការកប់ចោលលេងៗនោះទេ តែជាការរៀបចំត្រឹមត្រូវ និងដោយការគោរពចំពោះបដិមាទាំងនោះ។
ក្នុងឱកាសអញ្ជើញបំពញភារកិច្ចនៅតាមបណ្តាខេត្ត នៅថ្ងៃទី២៦ ខែកក្កដា ឆ្នាំ២០២០ លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ និងជាប្រធានក្រុមប្រឹក្សាភិបាលអាជ្ញាធរជាតិអប្សរា អមដំណើរដោយថ្នាក់ដឹកនាំអាជ្ញាធរជាតិអប្សរានិងអ្នកជំនាញឧបករណ៍ភ្លេងបុរាណលើចម្លាក់ប្រាសាទ បានអញ្ជើញពិនិត្យរូបចម្លាក់ដែលបង្ហាញពីឧបករណ៍ភ្លេងបុរាណនានានៅតាមប្រាសាទមួយចំនួន៕

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
5
ថ្ងៃនេះ
:
0964
ម្សិលមិញ
:
5945
សប្តាហ៍នេះ
:
25050
ខែនេះ
:
0251914
សរុប
:
012077545