ព័ត៌មានថ្មីៗ

ក្រុមគ្រូពេទ្យស្ម័គ្រចិត្តបារាំងប្រារព្ធពិធីដាំកូនឈើនៅភូមិធម្មជាតិរុនតាឯក

បានផ្សាយនៅ ថ្ងៃទី 22 ខែ កក្កដា ឆ្នាំ2016 10:34 AM ដោយ ៖ អាជ្ញាធរជាតិអប្សរា

បន្ទាប់ពីបញ្ចប់កិច្ចការងារមនុស្សធម៌ ក្រុមគ្រូពេទ្យស្ម័គ្រចិត្តបាំរាំងនៃសមាគមបេសកកម្មមនុស្សធម៌នៅកម្ពុជា(AMH) ចំនួន២៥រូប បារាំង១៦រូបនិងខ្មែរ៩រូបបានប្រារព្ធពិធីដាំកូនឈើក្នុងភូមិធម្មជាតិរុនតាឯក ឃុំរុនតាឯក ស្រុកបន្ទាយស្រី ខេត្តសៀមរាប កាលពីថ្ងៃទី២១ ខែកក្កដា ឆ្នាំ២០១៦ កន្លងទៅនេះ ។

ឯកឧត្តម ម៉ី ម៉ារ៉ាឌី ទីប្រឹក្សាអាជ្ញាជាតិអប្សរា និងជាប្រធានក្រុមការងារអភិវឌ្ឍន៍ភូមិធម្មជាតិរុនតាឯកបានលើកឡើងថាក្រុមគ្រូពេទ្យស័្មគ្រចិត្តទាំងអស់នេះ ពួកគាត់បានលះពេលវេលា និងថវិកា ដើម្បីពិនិត្យសុខភាព និងចែកជូនថ្នាំជូនប្រជាពលរដ្ឋក្នុងភូមិធម្មជាតិរុនតាឯករយៈពេលពីរថ្ងៃ គឺចាប់ពីថ្ងៃ២០ ដល់ថ្ងៃទី២១ ខែកក្កដា ឆ្នាំ២០១៦ ដែលមានប្រជាពលរដ្ឋសរុបចំនួន២៧២ នាក់ មានស្ត្រីចំនួន ៩៣ នាក់ បុរសចំនួន៦៨ នាក់ និងកុមារចំនួន១១១នាក់។

ឯកឧត្តមបានបន្តថា ដើម្បីជាកិច្ចដឹងគុណចំពោះក្រុមគ្រូពេទ្យស្ម័គ្រចិត្តបារាំងទាំងនោះ ក្រុមការងារអាជ្ញាធរជាតិអប្សរាសហការជាមួយប្រជាពលរដ្ឋក្នុងភូមិ បានរៀបចំម្ហូបអាហារខ្មែរតាមបែបធម្មជាតិ រាំរបាំប្រចាំភូមិ ដុតក្រឡាន រៀបចំការបង្ហោះគម និងពិសេសជាងនេះទៀតនោះ គឺមានការរៀបចំដាំដើមឈើនៅក្នុងភូមិធម្មជាតិរុនតាឯកផងដែរ។

លោក Eric Fournier ប្រធានក្រុមគ្រូពេទ្យស្ម័គ្រចិត្តបារាំងបានលើកឡើងថារូបលោក និងក្រុមការងារពិតជាមានការសប្បាយរីករាយខ្លាំងណាស់ សម្រាប់បេសកកម្មមនុស្សធម៌នៅកន្លែងនេះ។ លោក Eric ថា ភូមិធម្មជាតិរុនតាឯកនេះ ស្អាតណាស់ អាជ្ញាធរជាតិអប្សរារៀបចំបានស្អាត ជាពិសេសគឺជីវភាពរស់នៅរបស់ប្រជាពលរដ្ឋមានលក្ខណៈល្អប្រសើរ រស់នៅតាមបែបធម្មជាតិ ទាំងដែលបរិស្ថានជុំវិញផ្ទះ ជុំវិញភូមិសម្បូរដោយដំនាំដាំដុះ ព្រៃឈើ និងបឹងដ៏ស្អាតផង។ លោក Eric បានអរគុណអាជ្ញាធរជាតិអប្សរា និងប្រជាពលរដ្ឋក្នុងភូមិដែលបានសហការយ៉ាងល្អជាមួយក្រុមការងាររបស់លោក។

គួររំឭកថា ភូមិធម្មជាតិរុនតាឯកត្រូវបានអាជ្ញាធរជាតិអប្សរារៀបចំឡើង នៅក្នុងឃុំរុនតាឯក ស្រុកបន្ទាយស្រី ខេត្តសៀមរាប ដែលមានចម្ងាយមិនឆ្ងាយពីឧទ្យានអង្គរ។ ការបង្កើតភូមិនេះឡើងដើម្បីចែកជូនប្រជាជនដែលរស់នៅក្នុងតំបន់អង្គរ ដែលមានបំណងបំបែកគ្រួសារ ក្នុងគោលដៅកាត់បន្ថយកំណើនខ្នងផ្ទះក្នុងតំបន់រមណីយដ្ឋានអង្គរ ដែលជាហេតុធ្វើឲ្យប៉ះពាល់ដល់រមណីយដ្ឋានប្រវត្តិសាស្ត្រពិភពលោក។ ប្រជាពលរដ្ឋដែលស្ម័គ្រចិត្តមករស់នៅទីនេះ នឹងទទួលបានផ្ទះ ដីឡូតិ៍សម្រាប់សាងសង់ផ្ទះទំហំ ១៥x២៥ម៉ែត្រ ហើយនិងដីសម្រាប់ធ្វើស្រែចម្ការមានទំហំជិត ១ហិកតា។ មកទល់នឹងពេលនេះ មានប្រជាពលរដ្ឋចំនួនជាង១០៣គ្រួសារហើយ ដែលកំពុងរស់នៅ និងមានប្រជាពលរដ្ឋមួយចំនួនទៀតទើបតែដាក់ពាក្យស្នើសុំតែមិនទាន់បានទៅរស់នៅនៅឡើយ៕








នៅថ្ងៃទី២០ ខែតុលា ឆ្នាំ២០២០ ក្រុមការងារសហគមន៍នៃអាជ្ញាធរជាតិអប្សរាចំនួន២គោលដៅ ដោយមានការចូលរួមពីអាជ្ញាធរមូលដ្ឋានចុះពិនិត្យ និងដោះស្រាយសំណើសុំជួសជុលផ្ទះរបស់ប្រជាពលរដ្ឋក្នុងឧទ្យានអង្គរ។
ក្នុងរយៈពេលប៉ុន្មានថ្ងៃកន្លងមកនេះ ភ្លៀងយ៉ាងច្រើនបានធ្លាក់ចុះជាបន្តបន្ទាប់បណ្តាលឱ្យស្ថានភាពទឹកមានការកើនឡើងនៅភាគខាងជើងនៃរមណីយដ្ឋានអង្គរចាប់ពីម៉ោង៤ព្រឹក ថ្ងៃទី១៩ ខែតុលា ឆ្នាំ២០២០ និងបន្តធ្លាក់ចុះមកផ្នែកកណ្តាលនៃរមណីយដ្ឋានអង្គរ។
រយៈពេលពីរសប្តាហ៍នៃខែតុលា ឆ្នាំ២០២០នេះ ក្រុមការងារជំនាញនៃនាយកដ្ឋានរៀបចំដែនដីនិងគ្រប់គ្រងលំនៅដ្ឋានក្នុងឧទ្យានអង្គរ បានចុះពិនិត្យលក្ខខណ្ឌនៃការរស់នៅ និងប្រើប្រាស់ទីតាំងស្នើសុំរបស់ប្រជាពលរដ្ឋ បានចំនួន៨៥ករណី រួមមាន៖ ក្រុងសៀមរាប ២៥ករណី ស្រុកបន្ទាយស្រី ១២ករណី ស្រុកអង្គរធំ ៦ករណី ស្រុកប្រាសាទបាគង ២៤ករណី ស្រុកពួក៧ករណី ស្រុកសូទ្រនិគម ៣ករណី និងស្រុកស្វាយលើ ៨ករណី។
របៀបផ្តិតសិលាចារឹក
( ថ្ងៃទី 18 ខែ តុលា ឆ្នាំ2020 )
ការងារផ្តិតសិលាចារឹកមិនតម្រូវទាល់តែជាអ្នកបច្ចេកទេសបុរាណវិទ្យា អ្នកប្រវត្តិសាស្រ្ត ឬអក្សរសាស្រ្ត ទើបអាចផ្តិតបាននោះឡើយ។ វាអាស្រ័យលើអ្នកដែលមានចិត្តអំណត់ និងប្រុងប្រយ័ត្ន ត្បិតអីត្រូវចំណាយពេលយូរ និងដំណើរការក៏ច្រើនដំណាក់កាល មួយទៀតសោតក្រដាសផ្តិតស្តើងពេលត្រូវទឹកផុយងាយរហែកណាស់។
ដើមត្នោតគឺជាប្រភេទរុក្ខជាតិនិមិត្តរូបជាតិនៃព្រះរាជាណាចក្រកម្ពុជា និងជាប្រភេទរុក្ខជាតិដែលមានសារសំខាន់ជាទីបំផុតសម្រាប់ជីវិតរស់នៅប្រចាំថ្ងៃរបស់ប្រជាជនខ្មែរ។ គ្រប់ផ្នែកទាំងអស់នៃរុក្ខជាតិនេះអាចប្រើប្រាស់បានទៅតាមតម្រូវការជាក់ស្តែងក្នុងជីវភាពប្រចាំថ្ងៃ ព្រមទាំងអាចប្រើប្រាស់ជាសម្ភារផ្គុំសំណង់ផ្ទះ និងធ្វើជាទូកសម្រាប់ជាមធ្យោបាយធ្វើដំណើរតាមផ្លូវទឹកទៀតផង។
ដើមដំបូងមុន12345...355356បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
7
ថ្ងៃនេះ
:
1354
ម្សិលមិញ
:
7620
សប្តាហ៍នេះ
:
42009
ខែនេះ
:
0136688
សរុប
:
012906120