ព័ត៌មានថ្មីៗ

អគ្គនាយកអាជ្ញាធរជាតិអប្សរាចុះពិនិត្យការងារជួសជុលនិងអភិរក្សនៅវត្តរាជបូណ៌

បានផ្សាយនៅ ថ្ងៃទី 20 ខែ កក្កដា ឆ្នាំ2016 08:51 PM ដោយ ៖ អាជ្ញាធរជាតិអប្សរា

ឯកឧត្តម ស៊ុំ ម៉ាប់ អគ្គនាយកអាជ្ញាធរជាតិអប្សរា អមដំណើរដោយលោកសាស្ត្រាចារ្យ Azedine BESCHAOUCH លេខាធិការ វិទ្យាសាស្ត្រអចិន្ត្រៃយ៍នៃ ICC-Angkor ឯកឧត្តម ហង់ ពៅ អគ្គនាយករង និងថ្នាក់ដឹកនាំពាក់ព័ន្ធផ្សេងទៀតនៃអាជ្ញាធរជាតិអប្សរា បានចុះពិនិត្យការងារជួសជុលនិងអភិរក្សនៅវត្តរាជបូណ៌ និង ប្រគេនទៀនវស្សាព្រមទាំងទេយ្យទានផ្សេងៗដល់ព្រះសង្ឃគង់ចាំព្រះវស្សានៅវត្តរាជបូណ៌ នាព្រឹកថ្ងៃទី២០ ខែកក្កដា ឆ្នាំ២០១៦ ដើម្បីចាប់យកមគ្គផលនិងរួមចំណែកក្នុងការលើកតម្កើងព្រះពុទ្ធសាសនាផងដែរ។ ក្នុងឱកាសចុះទៅពិនិត្យការងារជួសជុលនិងអភិរក្សនៅព្រះវិហារវត្តរាជបូណ៌ ឯកឧត្តមអគ្គនាយក និងថ្នាក់ដឹកនាំបានពិនិត្យពីលទ្ធផលនៃការជួសជុលរូបគំនូរដែលមានក្នុងព្រះវិហារ និងលទ្ធភាពជួសជុលដំបូលព្រះវិហារ។

ព្រះតេជគុណ ជុំ គឹមឡេង ព្រះមេគណខេត្តសៀមរាបមានសង្ឃដីកាថា វត្តរាជបូណ៌នេះមានអាយុកាលជាង៥០០ឆ្នាំមកហើយ មានចៅអធិការគ្រប់គ្រងវត្តក៏ច្រើនអង្គដែរ។ វត្តបូណ៌ជាវត្តបុរាណមួយនៅកណ្តាលក្រុងសៀមរាប ដែលមានការចាប់អារម្មណ៍យ៉ាងច្រើនពីសំណាក់ភ្ញៀវទេសចរនិងអ្នកស្រាវជ្រាវជាតិអន្តរជាតិលើផ្នែករចនាបទនៃព្រះវិហារ គំនូរ ព្រះពុទ្ធបដិមា រចនាសម្ព័ន្ធសំណង់។ល។ បច្ចុប្បន្នព្រះវិហារវត្តបូណ៌ស្ថិតក្រោមការជួសជុសនិងអភិរក្សដោយក្រុមអ្នកជំនាញអាជ្ញាធរជាតិអប្សរានិងអ៊ីតាលី។ ក្នុងនោះដើម្បីរួមចំណែកក្នុងការជួសជុលមរតកដូនតាដ៏មានតម្លៃនេះ វត្តបូណ៌ក៏បានប្រមូលបច្ច័យដែលបានពីបុណ្យផ្កាប្រាក់និងកឋិនទានរបស់ញាតិញោមជិតឆ្ងាយយកមកជួយជួសជុលដំបូលព្រះវិហារជាមួយអាជ្ញាធរជាតិអប្សរាផងដែរ ដើម្បីទុកជាកេរតំណែលដល់កូនចៅជំនាន់ក្រោយ។

ឯកឧត្តមអគ្គនាយកក៏បានសម្តែងនូវការអរគុណចំពោះព្រះតេជគុណទាំងអស់នៃវត្តរាជបូណ៌ដែលបានយកចិត្តទុកដាក់ខ្ពស់និងរួមចំណែកទាំងកម្លាំងកាយ កម្លាំងចិត្ត និងថវិកាជាមួយអាជ្ញាធរជាតិអប្សរាដើម្បីអភិរក្សមរតកវប្បធម៌នេះបានយ៉ាងល្អប្រសើរ។ ឯកឧត្តមក៏បានកោតសរសើរផងដែរចំពោះកិច្ចខិតខំប្រឹងប្រែងរបស់ក្រុមការងារដែលមានការលះបង់ខ្ពស់លើការងារជួសជុលនិងអភិរក្សសម្បត្តិ វប្បធម៌ដ៏មានតម្លៃមួយនេះបានយ៉ាងល្អគួរឱ្យមោទនៈ។ បន្ថែមពីនោះឯកឧត្តមក៏បានផ្តាំផ្ញើ ឱ្យក្រុមការងារបន្តភារកិច្ចដោយស្មារតីទទួលខុសត្រូវខ្ពស់បន្តទៀតដើម្បីរក្សាទ្រង់ទ្រាយដើមនៃសំណង់ ព្រះបដិមា រូបគំនូរដ៏អស្ចារ្យនេះ៕






















ថ្ងៃទី៤-៥ ខែមករា ឆ្នាំ២០២១ ក្រុមការងារសហគមន៍នៃអាជ្ញាធរជាតិអប្សរាចំនួន៦គោលដៅដែលមានការចូលរួមសហការជាមួយអាជ្ញាធរមូលដ្ឋាន បានចុះពិនិត្យ និងដោះស្រាយសំណើស្នើសុំជួសជុលតូចតាចរបស់ប្រជាពលរដ្ឋនៅក្នុងតំបន់ឧទ្យានអង្គរ។
ក្រុមការងារថែរក្សាបរិស្ថាន នៃអាជ្ញាធរជាតិអប្សរា ជានិច្ចជាកាលបានខិតខំប្រឹងប្រែងថែរក្សា ក្នុងន័យធ្វើយ៉ាងណាឱ្យបរិស្ថានក្នុងរមណីយដ្ឋានអង្គរ ពិសេសមុខប្រាសាទអង្គរវត្ត មានភាពស្រស់ស្អាត មានភាពបៃតង ជាទីទាក់ទាញ និងជាទីគយគន់សម្រាប់ភ្ញៀវទេសចរគ្រប់រូប។ សកម្មភាពទាំងនោះរួមមាន ការស្រោចទឹកដើមឈើនិងសួនច្បារជាប្រចាំ
ដោយពិនិត្យឃើញមានហានិភ័យខ្ពស់របស់ដើមឈើ ដែលដុះលើរចនាសម្ព័ន្ធស្ពានថ្មបុរាណនៅចន្លោះប្រាសាទតាកែវ និងប្រាសាទធម្មនន្ទ លើស្ទឹងសៀមរាប ក្រុមជំនាញនៃនាយកដ្ឋានអភិរក្សប្រាសាទក្នុងឧទ្យានអង្គរ និងបុរាណវិទ្យាបង្ការ និងនាយកដ្ឋានគ្រប់គ្រងព្រៃឈើ ទេសភាពវប្បធម៌ និងបរិស្ថាននៃអាជ្ញាធរជាតិអប្សរា ដោយសហការជាមួយផ្នែកពាក់ព័ន្ធ បានចុះពិនិត្យ និងអនុវត្តន៍វិធានការបន្ទាន់ចំពោះដើមឈើទាំងនោះ។
សាលិខិតជូនពរ
( ថ្ងៃទី 31 ខែ ធ្នូ ឆ្នាំ2020 )
ក្នុងឱកាសដ៏នក្ខត្តឫក្សថ្លៃថ្លានៃឱកាសចូលឆ្នាំថ្មី ឆ្នាំសកលដែលនឹងឈានមកដល់នៅថ្ងៃ៣រោច ខែបុស្ស ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ០១ ខែមករា គ.ស ២០២១

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
12
ថ្ងៃនេះ
:
5359
ម្សិលមិញ
:
5260
សប្តាហ៍នេះ
:
18529
ខែនេះ
:
0176418
សរុប
:
014236273