ព័ត៌មានថ្មីៗ

អាជ្ញាធរជាតិអប្សរាសហការជាមួយក្រុមគ្រូពេទ្យស្ម័គ្រចិត្តបារាំងចុះពិនិត្យសុខភាពជូនប្រជាពលរដ្ឋនៅភូមិធម្មជាតិរុនតាឯក

បានផ្សាយនៅ ថ្ងៃទី 20 ខែ កក្កដា ឆ្នាំ2016 03:04 PM ដោយ ៖ អាជ្ញាធរជាតិអប្សរា

នៅថ្ងៃទី២០ ខែកក្កដា ឆ្នាំ២០១៦ ឯកឧត្តម ម៉ី ម៉ារ៉ាឌី ទីប្រឹក្សាអាជ្ញាធរជាតិអប្សរានិងជាប្រធានក្រុមការងារអភិវឌ្ឍន៍ភូមិធម្មជាតិរុនតាឯក និងមន្ត្រី/បុគ្គលិកអាជ្ញាធរជាតិអប្សរាមួយចំនួនទៀតបានសហការគ្នាជាមួយក្រុមពេទ្យស្ម័គ្រចិត្តនៃសមាគមបេសកកម្មមនុស្សធម៌នៅកម្ពុជា(AMH) ចំនួន២៥រូប បារាំង១៦រូបនិងខ្មែរ៩រូបចុះទៅពិនិត្យសុខភាពនិងចែកថ្នាំជូនប្រជាពលរដ្ឋដោយឥតគិតថ្លៃនៅភូមិធម្មជាតិរុនតាឯក ឃុំរុនតាឯក ស្រុកបន្ទាយស្រី ខេត្តសៀមរាប។

ឯកឧត្តម ម៉ី ម៉ារ៉ាឌី បានមានប្រសាសន៍ឲ្យដឹងថា ក្រុមគ្រូពេទ្យស្ម័គ្រចិត្តយើងពិនិត្យសុខភាពនិងចែកថ្នាំជូនប្រជាពលរដ្ឋ សិស្សានុសិស្ស រយៈពេល០២ថ្ងៃ គឺចាប់ពីថ្ងៃទី២០ដល់ថ្ងៃទី២១ ខែកក្កដា ឆ្នាំ២០១៦ នៅភូមិធម្មជាតិរុនតាឯកនិង បណ្តាភូមិមួយចំនួនទៀតដែលនៅក្បែរៗនោះ។ ឯកឧត្តមបានបន្តថាការពិនិត្យសុខភាពនេះគឺ ក្រុមគ្រូពេទ្យស្ម័គ្រចិត្តពិនិត្យសុខភាពទូទៅលើកលែងតែសុខភាពមាត់ធ្មេញមួយចេញ ដោយសារក្រុមគ្រូពេទ្យមិនមានអ្នកឯកទេសខាងមាត់ធ្មេញ ហើយក៏មានចែកថ្នាំជូនទៅតាមប្រភេទជំងឺរបស់ពួកគាត់ផងដែរ។

លោក Eric Fournier ប្រធានក្រុមគ្រូពេទ្យស្ម័គ្រចិត្តបារាំងបានលើកឡើងថារូបលោកនិងក្រុមការងារពិតជាមានការសប្បាយរីករាយខ្លាំងណាស់ ដែលអាជ្ញាធរជាតិអប្សរាបានផ្តល់ឱកាសឲ្យក្រុមគ្រូពេទ្យស្ម័គ្រចិត្តរបស់លោក ចុះមកពិនិត្យសុខភាពជូនប្រជាពលរដ្ឋរស់នៅភូមិធម្មជាតិរុនតាឯកដោយសារប្រជាពលរដ្ឋរស់នៅក្នុងភូមិនេះ នៅឆ្ងាយពីទីក្រុងនិងមិនទាន់មានមណ្ឌលសុខភាពគ្រប់គា្រន់នៅឡើយ ទើបក្រុមគ្រូពេទ្យស្ម័គ្រចិត្តរបស់លោកបានសហការគ្នាជាមួយអាជ្ញាធរជាតិអប្សរាចុះពិនិត្យសុខភាពជូនពួកគាត់ដល់ទីកន្លែងតែម្តទៅ។

លោកបានបញ្ជាក់ថាឆ្លងតាមលទ្ធផល ដែលបានពិនិត្យសុខភាពជូនពួកគាត់រួចមក ក្រុមគ្រូពេទ្យស្ម័គ្រចិត្តយើងពិនិត្យឃើញមានប្រភេទជំងឺទូទៅ ដែលកើតមាននៅក្នុងរូបរាងកាយរបស់ពួកគាត់ដូចជាលើសឈាម ផ្តាសាយ ទឹកនោមផ្អែម ជំងឺប្រព័ន្ធរំលាយអាហារ។ល។ហើយក្រុមគ្រូពេទ្យស្ម័គ្រចិត្តក៏បានឲ្យជាដំបូន្មាននិងចែកថ្នាំជូនពួកគាត់ពិសាទៅតាមប្រភេទជំងឺជាក់ស្តែងរបស់ពួកគាត់ផងដែរ។

លោកស្រី សី ម៉ន ជាប្រជាពលរដ្ឋរស់នៅភូមិធម្មជាតិរុនតាឯកបានលើកឡើងថាលោកស្រីមានការសប្បាយរីករាយខ្លាំងណាស់ ដែលមានក្រុមគ្រូពេទ្យស្ម័គ្រចិត្តបារាំងចុះមកពិនិត្យសុខភាពជូនអ្នកភូមិដល់ទីកន្លែងបែបនេះ ហើយលោកស្រីសូមថ្លែងអំណរគុណយ៉ាងជ្រាលជ្រៅចំពោះអាជា្ញធរជាតិអប្សរានិងក្រុមគ្រូពេទ្យស្ម័គ្រចិត្តបារាំង ដែលតែងតែយកចិត្តទុកដាក់ចំពោះសុខទុក្ខប្រជាពលរដ្ឋរស់នៅក្នុងតំបន់រមណីយដ្ឋានអង្គរក៏ដូចជានៅក្រៅតំបន់រមណីយដ្ឋានអង្គរដែរ។

គួររំឭកថានេះជាលើកទី០២ហើយ ដែលអាជា្ញធរជាតិអប្សរាបានសហការគ្នាជាមួយសមាគមបេសកកម្មមនុស្សធម៌នៅកម្ពុជាបានចុះពិនិត្យសុខភាព និងចែកថ្នាំជូនប្រជាពលរដ្ឋនៅភូមិធម្មជាតិរុនតាឯក ឃុំរុនតាឯកស្រុកបន្ទាយស្រី ខេត្តសៀមរាបនេះ ហើយការចុះពិនិត្យសុខភាពជូនប្រជាពលរដ្ឋលើកនេះ អាជ្ញាធរជាតិអប្សរានិងក្រុមគ្រូពេទ្យស្ម័គ្រចិត្ត ក៏បានចែកជូនគ្រឿងសម្ភារៈសិក្សាដល់សិស្សានុសិស្សថ្នាក់បឋមសិក្សានិងថ្នាក់មត្តេយ្យនៅភូមិធម្មជាតិរុនតាឯកចំនួន៧០នាក់ផងដែរ៕
















ក្នុងស្មារតីចូលរួមចំណែកអភិវឌ្ឍន៍ហេដ្ឋារចនាសម្ពន្ធនិងសម្បទានទេសចរណ៍នៅបរិវេណមុខប្រាសាទអង្គរវត្តជាមួយអាជ្ញាធរជាតិអប្សរា ម្ចាស់ភោជនីយដ្ឋានចំនួន៤ខ្នងបានរុះរើដោយស្ម័គ្រចិត្ត នាព្រឹកថ្ងៃទី៦ ខែកក្កដា ឆ្នាំ២០២០។
លោក ឡុង កុសល អ្នកនាំពាក្យអាជ្ញាធរជាតិអប្សរា នាព្រឹកថ្ងៃទី០៦ ខែកក្កដា ឆ្នាំ២០២០ បានអះអាងថា អាជ្ញាធរជាតិអប្សរាមិនដែលបដិសេធចំពោះសំណង់ឬអគារណា ដែលមានភាពស្របច្បាប់ ហើយស្ថិតក្រោមសមត្ថកិច្ចរបស់ខ្លួនទេ។ នេះគឺជាការឆ្លើយបំភ្លឺទាក់ទិនទៅនឹងការផ្សព្វផ្សាយនៅលើបណ្តាញព័ត៌មានសង្គមហ្វេសប៊ុកនៅថ្ងៃទី៤ ខែកក្កដា ដែលមិនមានមូលដ្ឋានច្បាស់លាស់ ឈ្មោះ វិទ្យុ នគររាជ្យ ថា “អាស្រមពើងតាអេវ ស្ថិតនៅលើភ្នំគូលេន ខេត្តសៀមរាប ត្រូវភ្លើងឆេះអស់ ព្រះសង្ឃឆាន់នៅក្រោមដើមឈើ ពុទ្ធបរិស័ទ សុំច្បាប់សាងសង់ឡើងវិញតែអជ្ញាធរជាតិអប្សរា មិនអនុញ្ញាត ចង់សួរថាមូលហេតុអ្វី?”
១៖ អគ្គនាយកអាជ្ញាធរជាតិអប្សរាដឹកនាំក្រុមការងារចុះពិនិត្យរៀបចំការងារមួយចំនួនក្នុងតំបន់រមណីយដ្ឋានអង្គរ
នៅព្រឹកថ្ងៃទី១ ខែកក្កដា ឆ្នាំ២០២០ ឯកឧត្តម ហង់ ពៅ អគ្គនាយកអាជ្ញាធរជាតិអប្សរា បានដឹកនាំក្រុមការងារចុះពិនិត្យ និងត្រៀមរៀបចំការងារមួយចំនួន នៅតាមប្រាសាទក្នុងតំបន់រមណីយដ្ឋានអង្គរ រួមមាន ការងារនៅបរិវេណខាងមុខប្រាសាទអង្គរវត្ត ទីទួលបុរាណដ្ឋានប្រាសាទបាយក្អែក ការដ្ឋានជួសជុលស្ពានហាល ការងាររៀបចំសួនបៃតង ការពង្រីកការដាំកូនឈើ និងគម្រោងសិក្សាលើកបង្គន់អនាម័យខាងត្បូងប្រាសាទអង្គរវត្ត និងការងារនៅប្រាសាទព្រះខ័នជាដើម។ សកម្មភាពនេះ ជាយន្តការក្នុងការជំរុញឱ្យការងារទាំងឡាយប្រព្រឹត្តដោយរលូន
ព្រឹកថ្ងៃទី៣ ខែកក្កដា ឆ្នាំ២០២០ នៅទីស្នាក់ការនៃអាជ្ញាធរជាតិអប្សរា មានជំនួបពិភាក្សាការងាររវាងឯកឧត្តម ហង់ ពៅ អគ្គនាយកនៃអាជ្ញាធរជាតិអប្សរា និងលោក ជា ពិសិដ្ឋ នាយករងផលិតកម្មនៃអគ្គិសនីកម្ពុជា អំពីការចូលរួមរបស់អាជ្ញាធរជាតិអប្សរាក្នុងការបង្កើតវត្ថុដាក់តាំងបង្ហាញនៅក្នុងសារមន្ទីរថាមពលកកើតឡើងវិញ និងឧទ្យានជាតិសម្តេច ហ៊ុន សែន កំពត។
យោងតាមរបាយការណ៍៦ខែដំបូងនៃឆ្នាំ២០២០ ក្រុមការងារលេខាធិការដ្ឋានសហគមន៍ទាំង៥ក្រុមនៃអាជ្ញាធរជាតិអប្សរាបានបន្តការងារចុះពិនិត្យ ការជួសជុលកែលម្អលំនៅដ្ឋាននិងសាងសង់សំណង់ស្រាលតូចតាចក្នុងតំបន់រមណីយដ្ឋានបេតិកភណ្ឌពិភពលោកអង្គរចំនួន២៦៣៩គ្រួសារ ក្នុងនោះបានអនុញ្ញាតមានចំនួន១៩៥៩គ្រួសារ ។
ដើមដំបូងមុន12345...327328បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
7
ថ្ងៃនេះ
:
21568
ម្សិលមិញ
:
24645
សប្តាហ៍នេះ
:
21568
ខែនេះ
:
0138867
សរុប
:
011601463