ព័ត៌មានថ្មីៗ

អ្នកជំនាញអភិរក្សថ្មនៃអាជ្ញាធរជាតិអប្សរាកំពុងជួសជុលចម្រឹងបង្អួច នៅប្រាសាទអង្គរវត្ត

បានផ្សាយនៅ ថ្ងៃទី 20 ខែ កក្កដា ឆ្នាំ2016 02:19 PM ដោយ ៖ អាជ្ញាធរជាតិអប្សរា

ក្រុមអ្នកជំនាញអភិរក្សថ្មរបស់នាយកដ្ឋានអភិរក្សប្រាសាទក្នុងឧទ្យានអង្គរនិងបុរាណ វិទ្យាបង្ការនៃអាជ្ញាធរជាតិអប្សរាកំពុងអនុវត្តគម្រោងជួសជុលចម្រឹងបង្អួចនៅរោងទងទី២ផ្នែក ខាងជើងនៃប្រាសាទអង្គរវត្ត។ ជាទូទៅស្ថានភាពចម្រឹងបង្អួចទាំងអស់នៅប្រាសាទអង្គរវត្ត ពុំមានភាពរឹងមាំល្អឡើយ ចម្រឹងខ្លះពុកផុយនិងសឹករិចរិលដោយអន្លើៗ ឯខ្លះទៀតបានបាក់ និងបាត់បង់ទាំងស្រុង។ ក្នុងដំណាក់កាលដំបូងនៃការសិក្សាលើស្ថានភាពចម្រឹងបង្អួចនៅរោង ទងទី២ផ្នែកខាងក្នុងគឺមានសរុបចំនួន១៤៩ស៊ុមស្មើនឹង១០៣៩ចម្រឹង ក្នុងនោះបានបង្ហាញពី ការខូចខាតខ្លាំងប្រមាណ២១% ខូចខាតមធ្យម ១៦% និងខូចតិចតួចចំនួន៣៩%។

ចំរឹងបង្អួចចំនួន០១ដើមស្ថិតនៅរោងទងទី២ផ្នែកខាងជើងក្បែររួតបាកានបានធ្លាក់បាក់ កាលពីពាក់កណ្តាលឆ្នាំ២០១៥កន្លងទៅ ដោយមូលហេតុនៃការវិវត្តន៍តាមធម្មជាតិរបស់ថ្ម និង ចម្រឹងបង្អួច០១ទៀតស្ថិតនៅរងទី២ផ្នែកខាងត្បូងបានធ្លាក់បាក់ដែលបង្កឡើងដោយភ្ញៀវទេសចរ។

ដើម្បីអភិរក្សប្រាង្គប្រាសាទដែលជាសម្បត្តិបេតិកភណ្ឌពិភលោក អ្នកជំនាញវ័យក្មេង ផ្នែកកិច្ចការអភិរក្សថ្មចំនួន១៩នាក់មកពីនាយកដ្ឋាននានានៃអាជ្ញាធរអប្សរា និងអាជ្ញាធរព្រះ វិហារ បានទទួលការបណ្តុះបណ្តាលពីសាកលវិទ្យាល័យប៉ាឡែមរបស់ប្រទេសអ៊ីតាលី ដោយ មានកិច្ចសហការជាមួយក្រសួងវប្បធម៌និងវិចិត្រសិល្បៈ។

ក្នុងគម្រោងជួសជុលពង្រឹងចម្រឹងបង្អួចនៅប្រាសាទអង្គរវត្តនេះ លោក តាន់ សុផល អនុប្រធាននាយកដ្ឋានអភិរក្សប្រាសាទក្នុងឧទ្យានអង្គរ និងបុរាណវិទ្យាបង្ការ នៅថ្ងៃសុក្រទី១៥ ខែកក្កដា ឆ្នាំ២០១៦នេះ បានលើកឡើងថា ដោយមើលឃើញតាមរយ:ការសិក្សាអំពីស្ថានភាពកំពុងទ្រុឌទ្រោមនៃចម្រឹងបង្អួចទាំងអស់នៅប្រាសាទអង្ករវត្តដែលប្រឈមនឹងគ្រោះថ្នាក់នាបច្ចុប្បន្ន គួបផ្សំនឹងមានការធ្លាក់បាក់បែកចម្រឹងបង្អួចមួយចំនួនកន្លងទៅ ទើបនាយកដ្ឋានអភិរក្សប្រាសាទក្នុងឧទ្យានអង្គរនិងបុរាណវិទ្យាបង្ការនៃអាជ្ញាធរអប្សរា ផ្តើមនូវការសិក្សា ហើយបានអនុវត្តជាគម្រោងនេះឡើងដោយមានការចូលរួមពីអ្នកកបច្ចេកទេសផ្នែកអភិរក្សថ្មដែលធ្លាប់បានទទួលការបណ្តុះបណ្តាលកន្លងមក។

អ្នកបច្ចេកទេសអភិរក្សថ្ម លោក សយ សុភារិន្ធ បានពន្យល់ថា ការជួសជុលចម្រឹង បង្អួចដែលកំពុងអនុវត្តនេះត្រូវចំណាយពេលប្រហែល៦ខែទើបបញ្ចប់ ក្នុងនោះមានកិច្ចការ សម្អាតជាតិស្លែ សំអាតជាតិអំបិលលើផ្ទៃថ្ម និងពង្រឹងសាច់ថ្មឡើងវិញដើម្បីទប់ស្កាត់ការរបេះ ធ្លាក់បន្តទៀត។ ការជួសជុលថ្មត្រូវប្រើពេលវេលាសន្សឹមៗតាមដំណាក់កាលនៃបច្ចេកទេស និមួយៗ។ សកម្មភាពជួសជុលពេលនេះគឺជាជំហានទី១សម្រាប់ការងារជួសជុលចម្រឹងបង្អួច នៅប្រាសាទអង្គរវត្តដែលបានធ្វើឡើងលើស៊ុមបង្អួចំនួន៦ស៊ុម ក្នុងនោះមានចម្រឹងបង្អួចចំនួន ៣៤ចម្រឹងត្រូវបានទទួលការជួសជុលពង្រឹងឡើងវិញ។

សម្រាប់ដំណាក់កាលបន្ទាប់ក្រុមការងារនឹងគ្រោងបន្តជួសជុលចម្រឹងបង្អួចនៅរោងទងទី២ ដែលតាមការប៉ាន់ស្មានត្រូវប្រើចំណាយពេលជួសជុលចំនួន១២ខែ។




















ចាប់ពីថ្ងៃទី២ ខែមិថុនា តទៅ សារមន្ទីរទាំង៣ដែលស្ថិតក្រោមការគ្រប់គ្រងដោយអាជ្ញាធរជាតិអប្សរា ផ្តើមបើកទ្វារស្វាគមន៍ការទស្សនារបស់ភ្ញៀវទេសចរឡើងវិញ បន្ទាប់ពីបិទទ្វារមួយរយៈអំឡុងពេលការរាតត្បាតជំងឺកូវីដ១៩។ ការបើកទ្វារឡើងវិញនេះ គឺមានការគិតគូរខ្ពស់ពីសុវត្ថិភាពភ្ញៀវទេសចរដែលអញ្ជើញមកទស្សនា។
ព្រះវិហារបុរាណនៅវត្តរាជបូណ៌ក្នុងទីរួមខេត្តសៀមរាប បានទទួលការជួសជុលដំណាក់ទី៣ ក្រោមការជួយជ្រោមជ្រែងផ្នែកបច្ចេកទេសនិងឧបត្ថម្ភជាថវិកាពីអាជ្ញាធរជាតិអប្សរា។
ក្នុងខែឧសភា ឆ្នាំ២០២០ របាយការណ៍លេខាធិការដ្ឋានសហគមន៍នៃអាជ្ញាធរជាតិអប្សរា បង្ហាញថា ក្រុមការងារសហគមន៍បានចុះសម្របសម្រួលជាមួយប្រជាពលរដ្ឋដើម្បីពិនិត្យនិងដោះស្រាយសំណើស្នើសុំជួសជុលផ្ទះ រួមទាំងសាងសង់តូចតាចតាមភូមិទាំង១១២ភូមិ ក្នុងតំបន់ឧទ្យានអង្គរ ដោយអនុញ្ញាតជូនប្រជាពលរដ្ឋបានចំនួន៤៧១គ្រួសារ។
នៅព្រឹកថ្ងៃទី២ ខែមិថុនា ឆ្នាំ២០២០នេះ ក្រុមការងាររបស់អាជ្ញាធរជាតិអប្សរា បានបន្តការងាររៀបចំសួនច្បារមុខបរិវេណប្រាសាទអង្គរវត្ត ដែលការងារនេះធ្វើឡើងក្នុងបំណងកែប្រែបរិវេណនេះឱ្យក្លាយជាសួនបៃតង។ នេះជាកិច្ចការអាទិភាពមួយក្នុងចំណោមការងារអាទិភាពជាច្រើនរបស់អាជ្ញាធរជាតិអប្សរា សំដៅធ្វើយ៉ាងណា រៀបចំតំបន់រមណីយដ្ឋានអង្គរឱ្យមានភាពស្រស់ស្អាត មានភាពបៃតង ស័ក្ដិសមជាតំបន់បេតិកភណ្ឌពិភពលោក។
នៅព្រឹកថ្ងៃទី០១ ខែមិថុនា ឆ្នាំ២០២០ នេះ អ្នកស្រី យ៉ន ចាន់ថា ដែលជាអាជីវករ និងអ្នកស្រី នង ញួន ម្ចាស់ទីតាំងតូបលក់ដូរនៅមុខប្រាសាទអង្គរ វត្ត បានស្ម័គ្រចិត្ត រុះរេីអាហារដ្ឋានរបស់ខ្លួន និងប្រគល់ទីតាំងជូនអាជ្ញាធរជាតិអប្សរា ដេីម្បីបន្តដាំដេីមឈេីប្រណិត រៀបចំសួនច្បារ និងសាងសង់កន្លែងបដិសណ្ឋារកិច្ច និងសេវាកម្មទេសចរណ៍ កម្រិតអន្តរជាតិ ដែលមានបរិស្ថាន ស្អាត និងសណ្តាប់ធ្នាប់របៀបរៀបរយ ល្អ ។
ដើមដំបូងមុន12345...319320បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
5
ថ្ងៃនេះ
:
4226
ម្សិលមិញ
:
5331
សប្តាហ៍នេះ
:
62079
ខែនេះ
:
0062079
សរុប
:
010999063