ព័ត៌មានថ្មីៗ

តើមានអ្វីប្លែកចំពោះមគ្គុទ្ទេសក៍ក្រោយទទួលវគ្គបណ្តុះបណ្តាលនៅម៉ាកាវ?

បានផ្សាយនៅ ថ្ងៃទី 18 ខែ កក្កដា ឆ្នាំ2016 02:51 PM ដោយ ៖ អាជ្ញាធរជាតិអប្សរា

មគ្គុទ្ទេសក៍ទេសចរណ៍ចំនួន២០រូប រួមនឹងមន្ត្រី៤រូបនៃអាជ្ញាធរជាតិអប្សរាផង បានចំណាយពេល៩ថ្ងៃទៅទីក្រុងម៉ាកាវ នៃសាធារណរដ្ឋប្រជាមានិតចិន កាលពីអំឡុងខែមិថុនាកន្លងទៅនេះ។ ដំណើរបេសកកម្មនេះធ្វើឡើងក្រោមការផ្តួចផ្តើមរបស់អាជ្ញាធរជាតិអប្សរា តាមរយៈកិច្ចសហការជាមួយអង្គការទេសចរណ៍ពិភពលោក (UNWTO)។

ក្រោយទទួលបានវគ្គបណ្តុះបណ្តាល នៅព្រឹកនេះថ្ងៃទី១៨ ខែកក្កដា ឆ្នាំ២០១៦នេះ ក្រុមមគ្គុទ្ទេសក៍ទាំងអស់បានមកធ្វើបទបង្ហាញខ្លីមួយជូនថ្នាក់ដឹកនាំនៃអាជ្ញាធរជាតិអប្សរា ស្តីពីលទ្ធផលដែលខ្លួនទទួលបានពីវគ្គបណ្តុះបណ្តាលរយៈពេលខ្លីនេះ នៅទីស្នាក់ការនៃអាជ្ញាធរជាតិអប្សរា។

តាមរយៈបទបង្ហាញ លោក ហែម សោភ័ន្ត មគ្គុទ្ទេសក៍ទេសចរណ៍ភាសាអង់គ្លេសបានលើកឡើងថា អំឡុងដំណើរបេសកកម្មនេះ ក្រុមការងាររបស់លោកបានសិក្សាមេរៀនចំនួន៥ប្រធានបទសំខាន់ៗគឺ ៖ សារៈសំខាន់នៃសេវាកម្មទេសចរណ៍នៅរមណីយដ្ឋានបេតិកភណ្ឌ ការយល់ដឹងអំពីទេសចរណ៍អន្តរជាតិ ការផ្តល់បទពិសោធន៍ទស្សនាដែលមានគុណភាពតាមរយៈការណែនាំភ្ញៀវ ការបង្ហាញភ្ញៀវអំពីបេតិកភណ្ឌពិភពលោក និងការចួលរួមជាមួយសហគមន៍។

ក្រៅពីមេរៀនទាំងនេះ តាមរយៈដំណើរស្រង់បទពិសោធន៍ទៅកាន់រមណីយដ្ឋានសំខាន់ៗនៃទីក្រុងម៉ាកាវ លោក សោភ័ន្ត កត់សម្គាល់ឃើញថា “អ្វីដែលគួរឲ្យចាប់អារម្មណ៍ខ្លាំងចំពោះខ្ញុំ គឺអនាម័យ។ ប្រជាជនគេមានការយល់ដឹងខ្ពស់ចំពោះបញ្ហានេះគួរឲ្យសរសើរ។ មានស្លាកសញ្ញាមួយដែលគួរឲ្យចាប់អារម្មណ៍ គឺគេដាក់ថា កន្លែងបន្ទោបង់របស់សត្វឆ្កែ។ នេះមានន័យថា បញ្ហាសំរាម ឬបរិស្ថានទាំងមូលចំពោះមនុស្ស គេគ្រប់គ្រងបានល្អហើយ រហូតគេឈានដល់ការគ្រប់គ្រងអនាម័យរបស់សត្វទៀតផង។ ប្រជាពលរដ្ឋខ្មែរយើងនៅមានចំណុចខ្វះខាតច្រើន នៅពេលទៅកម្សាន្តក្នុងតំបន់រមណីយដ្ឋានម្តងៗ តែងចោលសំរាមពាសវាលពាសកាល ហើយម្នាក់ៗនាំគ្នារអ៊ូថាមិនស្អាត។ នេះជាបទពិសោធន៍ដ៏ល្អដែលយើងគួរតែរៀនតាមគេ ព្រោះការសម្អាតបរិស្ថានគឺជាតួនាទីរបស់យើងទាំងអស់គ្នា មិនត្រូវរង់ចាំតែអ្នកនេះឬអ្នកនោះឡើយ”

ឯកឧត្តម សុខ សង្វារ អគ្គនាយករងទទួលបន្ទុកនាយកដ្ឋានអភិវឌ្ឍន៍ទេសចរណ៍អង្គរ បានលើកឡើងថា វគ្គបណ្តុះបណ្តាលនេះជារឿងសំខាន់ណាស់ដើម្បីផ្សព្វផ្សាយអំពីតំបន់អង្គររបស់យើង។ ភ្ញៀវទេសចរដែលមកទស្សនាអង្គរ គឺជាទេសចរណ៍វប្បធម៌។ ដូច្នេះ លើសពីការមកកម្សាន្ត ទិញនេះទិញនោះ គឺគេចង់ដឹងអំពីវប្បធម៌របស់យើង។ តាមរយៈមគ្គុទ្ទេសក៍នេះហើយ ដែលអាចជួយពន្យល់បកស្រាយអំពីវប្បធម៌របស់យើង ធ្វើយ៉ាងណាឲ្យគេទទួលបាននូវបទពិសោធន៍ទស្សនាមួយ ដែលប្រកបដោយខ្លឹមសារ ធ្វើឲ្យគេចងចាំអំពីអារ្យធម៌របស់យើង និងផ្សព្វផ្សាយបន្តនូវអារ្យធម៌របស់យើង។

ជាមួយគ្នានេះ ឯកឧត្តមបណ្ឌិត ស៊ុំ ម៉ាប់ អគ្គនាយកអាជ្ញាធរជាតិអប្សរា ក៏បានកោតសរសើរនូវការយកចិត្តទុកដាក់របស់មគ្គុទ្ទេសក៍ និងក្រុមការងារទាំងអស់ក្នុងការទទួលយកនូវចំណេះដឹង និងបទពិសោធន៍ល្អៗពីគេ ហើយយកមកចែករំលែកដល់មគ្គុទ្ទេសក៍ និងអ្នកពាក់ព័ន្ធផ្សេងៗទៀតនៅទីនេះ។ ឯកឧត្តមក៏បានគាំទ្រ និងជំរុញឲ្យមានវគ្គបណ្តុះបណ្តាលបែបនេះជាបន្តទៀត។ ជាមួយគ្នានេះ ឯកឧត្តមអគ្គនាយកក៏ជំរុញឲ្យមានកិច្ចព្រមព្រៀងមួយរវាងអាជ្ញាធរជាតិអប្សរាជាមួយនឹងវិទ្យាស្ថានបណ្តុះបណ្តាលទេសចរណ៍ (IFT) នៃទីក្រុងម៉ាកាវផងដែរ ដើម្បីបង្កើនទំនាក់ទំនង និងអាចដោះដូរបទពិសោធន៍ល្អៗពីគ្នាទៅវិញទៅមក៕








ក្នុងរយៈពេលប៉ុន្មានថ្ងៃកន្លងមកនេះ ភ្លៀងយ៉ាងច្រើនបានធ្លាក់ចុះជាបន្តបន្ទាប់បណ្តាលឱ្យស្ថានភាពទឹកមានការកើនឡើងនៅភាគខាងជើងនៃរមណីយដ្ឋានអង្គរចាប់ពីម៉ោង៤ព្រឹក ថ្ងៃទី១៩ ខែតុលា ឆ្នាំ២០២០ និងបន្តធ្លាក់ចុះមកផ្នែកកណ្តាលនៃរមណីយដ្ឋានអង្គរ។
រយៈពេលពីរសប្តាហ៍នៃខែតុលា ឆ្នាំ២០២០នេះ ក្រុមការងារជំនាញនៃនាយកដ្ឋានរៀបចំដែនដីនិងគ្រប់គ្រងលំនៅដ្ឋានក្នុងឧទ្យានអង្គរ បានចុះពិនិត្យលក្ខខណ្ឌនៃការរស់នៅ និងប្រើប្រាស់ទីតាំងស្នើសុំរបស់ប្រជាពលរដ្ឋ បានចំនួន៨៥ករណី រួមមាន៖ ក្រុងសៀមរាប ២៥ករណី ស្រុកបន្ទាយស្រី ១២ករណី ស្រុកអង្គរធំ ៦ករណី ស្រុកប្រាសាទបាគង ២៤ករណី ស្រុកពួក៧ករណី ស្រុកសូទ្រនិគម ៣ករណី និងស្រុកស្វាយលើ ៨ករណី។
របៀបផ្តិតសិលាចារឹក
( ថ្ងៃទី 18 ខែ តុលា ឆ្នាំ2020 )
ការងារផ្តិតសិលាចារឹកមិនតម្រូវទាល់តែជាអ្នកបច្ចេកទេសបុរាណវិទ្យា អ្នកប្រវត្តិសាស្រ្ត ឬអក្សរសាស្រ្ត ទើបអាចផ្តិតបាននោះឡើយ។ វាអាស្រ័យលើអ្នកដែលមានចិត្តអំណត់ និងប្រុងប្រយ័ត្ន ត្បិតអីត្រូវចំណាយពេលយូរ និងដំណើរការក៏ច្រើនដំណាក់កាល មួយទៀតសោតក្រដាសផ្តិតស្តើងពេលត្រូវទឹកផុយងាយរហែកណាស់។
ដើមត្នោតគឺជាប្រភេទរុក្ខជាតិនិមិត្តរូបជាតិនៃព្រះរាជាណាចក្រកម្ពុជា និងជាប្រភេទរុក្ខជាតិដែលមានសារសំខាន់ជាទីបំផុតសម្រាប់ជីវិតរស់នៅប្រចាំថ្ងៃរបស់ប្រជាជនខ្មែរ។ គ្រប់ផ្នែកទាំងអស់នៃរុក្ខជាតិនេះអាចប្រើប្រាស់បានទៅតាមតម្រូវការជាក់ស្តែងក្នុងជីវភាពប្រចាំថ្ងៃ ព្រមទាំងអាចប្រើប្រាស់ជាសម្ភារផ្គុំសំណង់ផ្ទះ និងធ្វើជាទូកសម្រាប់ជាមធ្យោបាយធ្វើដំណើរតាមផ្លូវទឹកទៀតផង។
ថ្ងៃទី១៦ ខែតុលា ឆ្នាំ២០២០ ក្រុមការងារសហគមន៍ប្រចាំក្រុងសៀមរាប ដឹកនាំដោយឯកឧត្តម ខូយ គឹមទួ ដែលមានការចូលរួមជាមួយអាជ្ញាធរមូលដ្ឋានបានចុះពិនិត្យ និងដោះស្រាយសំណើសុំជួសជុលផ្ទះរបស់ប្រជាពលរដ្ឋចំនួន ១៤សំណើ ស្ថិតក្នុងភូមិវាល សង្កាត់គោកចក។ ក្រោយពិនិត្យទីតាំង និងឯកសារជាក់ស្ដែង ក្រុមការងារបានអនុញ្ញាត ០៨សំណើ៕

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
11
ថ្ងៃនេះ
:
8472
ម្សិលមិញ
:
9928
សប្តាហ៍នេះ
:
18400
ខែនេះ
:
0171909
សរុប
:
012941341