NEWS

The English version of this website is still under construction. This section is only available in Khmer language at this stage. We apologise for any inconvenience

Published on 13 July 2016 01:36 PM Post By ៖ Apsara National Authority
កញ្ចប់គាំពារសុខុមាលភាពមាតានិងទារកចំនួន៧៦ ជាអំណោយដ៏ថ្លៃថ្លារបស់ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទូកទីស្តីការគណៈរដ្ឋមន្ត្រីនិងជាប្រធានអាជ្ញាធរជាតិអប្សរា ព្រមទាំងលោកជំទាវ ត្រូវបានយកទៅចែកជូនស្ត្រីសម្រាលកូនហើយចំនួន៧៦នាក់ នៅឃុំបល្ល័ង្ក ស្រុកប្រាសាទបាគង និងឃុំលាងដៃ ស្រុកអង្គរធំ នាថ្ងៃទី១២ ខែកក្កដា ឆ្នាំ២០១៦។

ពិធីចែកកញ្ចប់គាំពារសុខុមាលភាពមាតានិងទារកនៅស្រុកប្រាសាទបាគង មាន២៨កញ្ចប់ ដឹកនាំដោយឯឧត្តម សុខ លក្ខិណា ទីប្រឹក្សាអាជ្ញាធរជាតិអប្សរា និងនៅឃុំលាងដៃ មានចំនួន៤៨កញ្ចប់ ដឹកនាំដោយឯកឧត្តម ហង់ ពៅ អគ្គនាយរងទទួលបន្ទុកនាយកដ្ឋានគ្រប់គ្រងទឹកនៃអាជ្ញាធរជាតិអប្សរា រួមនឹងប្រធានភូមិ ព្រមទាំងសហការីជាច្រើននាក់ទៀត។

មានមតិសំណេះសំណាលក្នុងឱកាសនោះ ឯកឧត្តម សុខ លក្ខិណា បានលើកឡើងថា ការចែកកញ្ចប់គាំពារសុខុមាលភាពមាតានិងទារក រួមទាំងថវិកាមួយចំនួនផងនោះ គឺជាការរួមចំណែករបស់អាជ្ញាធរជាតិអប្សរា ក្នុងការសម្រាលបន្ទុកដល់ប្រជាជនក្នុងតំបន់អង្គរដែលខ្លះជាអ្នកក្រីក្រ ក៏ដូចជាការលើកទឹកចិត្ត និងជាដៃគូក្នុងការការពារ ថែរក្សាសម្បត្តិដូនតាក្នុងតំបន់អភិរក្សនេះឱ្យបានគង់វង្ស។ ការចែកអំណោយនេះមិនប្រកាន់មានក្រ គណបក្សនយោបាយអ្វីឡើយ គ្រប់គ្នានៅក្នុងតំបន់អង្គគឺទទួលបានស្មើគ្នាឱ្យតែរាយណ៍ជូនមេភូមិមេឃុំដើម្បីផ្តល់ដំណឹងមកអាជ្ញាធរជាតិអប្សរា។ ឯកឧត្តមក៏បានពាំនាំប្រសាសន៍សួរសុខទុក្ខពីសំណាក់ឯកឧត្តមប្រធានអាជ្ញាធរជាតិអប្សរាផងដែរចំពោះបងប្អូនក្នុងតំបន់អង្គរទាំងអស់ សូមបន្តជួយថែរក្សានិងសហការជាមួយអាជ្ញាធរជាតិអប្សរាដើម្បីអភិវឌ្ឍន៍តំបន់អង្គរប្រកប ដោយចីរភាព។

បន្ថែមពីនោះ ឯកឧត្តម ហង់ ពៅ ក៏បានផ្សព្វផ្សាយស្តីពីច្បាប់ការពារបេតិកភណ្ឌនិងតួនាទីភារកិច្ចរបស់អាជ្ញាធរជាតិអប្សរាចំពោះប្រជាជននិងបុរាណដ្ឋាននៅលើទឹកដីអង្គរផងដែរ។ ឯកឧត្តមបានបញ្ជាក់ថា អ្នកជំនាន់ក្រោយគឺសំខាន់ណាស់សម្រាប់តំបន់អង្គរ ព្រោះពួកគេអាចនឹងក្លាយអ្នកដឹកនាំ ជាអ្នកជំនាញការជួសជុលណាមួយក្នុងបុរាណដ្ឋាននាថ្ងៃអនាគត ពួកគេត្រូវមានតួនាទីថែរក្សា ការពារ និងគ្រប់គ្រងតំបន់អង្គរជំនួសមនុស្សចាស់។ ឯកឧត្តមក៏បានសំណូមពរឱ្យប្រជាជនក្នុងតំបន់អង្គរចូលរួមជួយលើកតម្លៃ ឈ្វេងយល់ពីអាជ្ញាធរជាតិអប្សរាឱ្យបានច្រើនទាំងផ្នែកសាងសង់ ការថែរក្សាមរតកវប្បធម៌ផ្សេងៗតាមរយៈក្រុមការងារ ចៀសវាងការជឿលើពាក្យឃោសនាដែលមិនមានមូលដ្ឋានច្បាស់លាស់ ពិសេសត្រូវផ្តល់ដំណឹងឱ្យបានទាន់ពេលវេលាដល់ក្រុមការងារនៅពេលជួបហានិភ័យអ្វីមួយ។

គួរបញ្ជាក់ផងដែរថា បើគិតចាប់ពីខែតុលា ឆ្នាំ២០១៥ ដល់ថ្ងៃទី១១ ខែកក្កដា ឆ្នាំ២០១៦ ការចែកកញ្ចប់គាំពារសុខុមាលភាពមាតានិងទារកបានចំនួន១០៧៩កញ្ចប់ហើយ រួមទាំងថវិកាជាច្រើន ដែលសុទ្ធតែជាថវិកាផ្ទាល់របស់ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទូកទីស្តីការគណៈរដ្ឋមន្ត្រីនិងជាប្រធានអាជ្ញាធរជាតិអប្សរា ព្រមទាំងលោកជំទាវ។ ទន្ទឹមនឹងការចែកកញ្ចប់គាំពារសុខុមាលភាពមាតានិងទារក អាជ្ញាធរជាតិអប្សរាក៏មានផ្តល់សេវាសាធារណៈដោយផ្ទាល់ដល់ប្រជាជនលើផ្នែកសាងសង់តូចតាច និងរុះរើផងដែរ ដោយមិនចាំបាច់ឱ្យប្រជាជនឡើងមកសុំដល់មជ្ឈមណ្ឌលអាជ្ញាធរជាតិអប្សរា។ ក្រៅពីនោះ អាជ្ញាធរជាតិអប្សរាក៏បានយកចិត្តទុកដាក់និងរួមចំណែកលើកតម្លៃក្នុងការថែរក្សាមរតកដូនតាជាមួយប្រជាជន ពិសេសគឺចូលរួមថែរក្សាបេតិកភណ្ឌរស់ មនុស្សក្នុងតំបន់អង្គរទាំងការរស់នៅ ការបង្កើតមុខរបរ សុខភាព ជំនាញការងារ ការសង្គ្រោះបឋមដល់បងប្អូនដែលជួបការលំបាកនានាក្នុងតំបន់អង្គរផងដែរ៕










ក្រៅពីការយកចិត្តទុកដាក់លើការងារអភិរក្ស និងអភិវឌ្ឍន៍ប្រកបដោយចីរភាពក្នុងតំបន់រមណីយដ្ឋានអង្គរ ក្នុងនោះក៏បានយកចិត្តទុកដាក់ជាប្រចាំចំពោះសុខទុក្ខបងប្អូនប្រជាពលរដ្ឋដែលរស់នៅក្នុងតំបន់រមណីយដ្ឋាននោះផងដែរ។ ជាក់ស្តែងក្រុមការងារសហគមន៍នៃអាជ្ញាធរជាតិអប្សរាប្រចាំស្រុកបន្ទាយស្រី នៅព្រឹកថ្ងៃទី២៧ខែឧសភាឆ្នាំ២០១៦នេះ បាននាំយកនូវសម្ភារៈ និងគ្រឿងបរិភោគមួយចំនួន ដែលជាអំណោយដ៏ថ្លៃថ្លារបស់ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានអាជ្ញាធរជាតិអប្សរា និងលោកជំទាវ ទៅចែកជូនគ្រួសារដែលរងគ្រោះដោយអគ្គិភ័យ ភ្លើងឆេះផ្ទះស្ថិតនៅក្នុងភូមិតាឯក ឃុំតាឯក ស្រុកបន្ទាយស្រី ខេត្តសៀមរាប។
ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ទ្រង់បានបំពេញព្រះរាជបេសកកម្មប្រកបដោយភាពជោគជ័យលើទឹកដីនៃអតីតរាជធានីនៃអាណាចក្រខ្មែរ។ កាលពីថ្ងៃទី២៤ ខែឧសភា ឆ្នាំ២០១៦កន្លងទៅនេះ នាព្រះលានជល់ដំរីនៃទីក្រុងអង្គរធំដែលជាអតីតរាជធានីដ៏ឧត្តុង្គឧត្តមនាកំឡុងសតវត្សទី៩ដល់ទី១៥ បច្ចុប្បន្នស្ថិតក្នុងរមណីយដ្ឋានអង្គរ ព្រះអង្គបានយាងជាព្រះរាជាធិបតីដ៏ខ្ពង់ខ្ពស់បំផុត ក្នុងព្រះរាជពិធីច្រត់ព្រះនង្គ័ល។ ព្រះរាជបេសកកម្មបន្ទាប់គឺ ព្រះអង្គទ្រង់យាងទៅបំពេញព្រះរាជទស្សនកិច្ចនៅតំបន់ប្រាសាទកោះកេរដែលក៏ជាអតីតរាជធានីក្នុងកំឡុងដើមសតវត្សទី១០ បច្ចុប្បន្នស្ថិតក្នុងខេត្តព្រះវិហារ ដើម្បីបួងសួងដល់ព្រះវិញ្ញាណក្ខន្ធអតីតព្រះមហាក្សត្រខ្មែរគ្រប់ជំនាន់ ដើម្បីប្រទានក្តីសុខដល់ប្រជានុរាស្ត្រទូទាំងនគរនៃព្រះរាជាណាចក្រកម្ពុជា។
ព្រះរាជពិធីច្រត់ព្រះនង្គ័លឆ្នាំនេះ ត្រូវបានរៀបចំឡើងនៅលើទឹកដីសៀមរាបអង្គរ នៅមុខព្រះលានជល់ដំរី នាព្រឹកថ្ងៃទី២៤ ខែឧសភា ឆ្នាំ២០១៦ ត្រូវនឹងថ្ងៃ៤រោច ខែពិសាខ ពុទ្ធសករាជ ២៥៦០ ក្រោមព្រះរាជាធិបតីភាពដ៏ខ្ពង់ខ្ពស់បំផុត នៃ ព្រះករុណាព្រះបាទសម្តេចព្រះបរមនាថនរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ដោយមានការចូលរួមពីថ្នាក់ដឹកនាំ និងប្រជាពលរដ្ឋយ៉ាងច្រើនកុះករ។
ដើម្បីអបអរសាទរព្រះរាជពិធីច្រត់ព្រះនង្គ័ល ដែលប្រារព្ធឡើងនៅក្នុងបរិវេណមុខព្រះលានជល់ដំរី ក្រោមព្រះរាជាធិបតីភាពដ៏ខ្ពង់ខ្ពស់បំផុត នៃ ព្រះករុណាព្រះបាទសម្តេចព្រះបរមនាថនរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជានោះ អាជ្ញាធរជាតិអប្សរានឹងចែកទឹកជូនបងប្អូនប្រជាពលរដ្ឋ និងភ្ញៀវទេសចរទាំងអស់ ដែលមកទស្សនាកម្មវិធីរយៈពេល៤ថ្ងៃដោយមិនគិតថ្លៃ គឺចាប់ពីថ្ងៃទី២៣រហូតដល់ថ្ងៃទី២៦ ខែឧសភា ឆ្នាំ២០១៦។ ទីតាំងចែកចាយទឹកមានពីរកន្លែងស្ថិតនៅផ្នែកខាងជើង និងខាងត្បូងនៃព្រះលានជល់ដំរី ដែលជាទីតាំងប្រារព្ធពិធី។
អាជ្ញាធរជាតិអប្សរា តាមរយៈក្រុមការងារសហគមន៍ប្រចាំស្រុកបា្រសាទបាគង នាព្រឹកថ្ងៃទី២៣ ខែឧសភានេះ បាននាំយកអំណោយសង្គ្រោះបឋមរបស់ ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានអាជ្ញាធរជាតិអប្សរា ទៅជូនប្រជាពលរដ្ឋមួយគ្រួសារដែលមានអាសយដ្ឋាននៅភូមិកញ្ជរ ឃុំរលួស ដែលរងគ្រោះដោយត្រូវខ្យល់ព្យុះដួលរលំផ្ទះទាំងស្រុង កាលពីដើមខែឧសភាកន្លងទៅ។

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
18
Today
:
39539
Yesterday
:
98152
This Week
:
39539
This Month
:
0039539
Total
:
015109342