NEWS

The English version of this website is still under construction. This section is only available in Khmer language at this stage. We apologise for any inconvenience

Published on 04 July 2016 03:40 PM Post By ៖ Apsara National Authority
ដើម្បីអភិវឌ្ឍជំនាញបច្ចេកទេសផ្នែកអភិរក្សប្រាសាទ អាជ្ញាធរជាតិអប្សរាបានរៀបចំវគ្គបណ្តុះបណ្តាលស្តីពី ជំនាញបច្ចេកទេសវាស់ស្ទង់លំងាកនៃរចនាសម្ព័ន្ធប្រាសាទ។ វគ្គបណ្តុះបណ្តាលនេះ ប្រារព្ធធ្វើនៅមជ្ឈមណ្ឌលបណ្ដុះបណ្ដាលអង្គរនៃអាជ្ញាធរជាតិអប្សរា ចាប់ពីថ្ងៃទី៤ ដល់ថ្ងៃទី១៦ ខែកក្កដា ឆ្នាំ២០១៦។

ការបណ្តុះធនធានមនុស្ស ជាមូលដ្ឋានគ្រឹះដ៏សំខាន់ និងជាចលកររុញច្រាន ដើម្បីឱ្យមាន វឌ្ឍភាពប្រកបដោយចីរភាព។ ម៉្យាងវិញទៀត ការបណ្តុះបណ្តាលនេះ គឺជាថ្នាលបន្តវេននៃចំណេះដឹង ពីព្រោះថាការអនុវត្តការងារដែលមានប្រសិទ្ធភាពជាគន្លឹះនៃជោគជ័យ។ ចំណុចនេះ ត្រូវបានគូសបញ្ជាក់ដោយ ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការ គណៈរដ្ឋមន្រ្តី និងជាប្រធានអាជ្ញាធរជាតិអប្សរា ក្នុងកិច្ចប្រជុំបច្ចេកទេសអាយស៊ីស៊ីអង្គរលើកទី២៦ថាការលើកកម្ពស់ធនធានមនុស្ស គឺកត្តាចាំបាច់ដែលខានមិនបាន ដើម្បីជំរុញកិច្ចការអភិរក្ស និងអភិវឌ្ឍន៍រមណីយដ្ឋានអង្គរឱ្យមាននិរន្តរភាព។

វគ្គបណ្តុះបណ្តាលនេះ មានអ្នកជំនាញការជប៉ុន ៤ រូប ដោយមានលោកសាស្ត្រាចារ្យ KENICHRO HIDAKA អ្នកជំនាញAdhoc បុរាណវិទ្យានៃគណៈកម្មការអាយស៊ីស៊ីអង្គរ ព្រមទាំងអ្នកជំនាញ ៣ រូបផ្សេងទៀត ជាគ្រូឧទ្ទេសនាឱកាសនោះផងដែរ។

សូមបញ្ជាក់ថា៖ សិក្ខាកាមដែលត្រូវចូលរួមក្នុងវគ្គបណ្តុះបណ្តាលនេះមានចំនួន ២៥រូប មាន២២រូប ជាមន្ត្រីនៃអាជ្ញាធរជាតិអប្សរា និង ៣រូបទៀត មកពីអាជ្ញាធរជាតិព្រះវិហារ ហើយសិក្ខាកាមនេះទៀតសោត គឺជាក្រុមបច្ចេកទេសពាក់ព័ន្ធដែលធ្លាប់បានឆ្លងកាត់វគ្គបណ្តុះបណ្តាលស្តីពី ការសិក្សាស្វែងយល់អំពីរចនាសម្ព័ន្ធប្រាសាទតាមបទដ្ឋានអន្តរជាតិកាលពីខែធ្នូ ឆ្នាំ២០១៥ កន្លងទៅ។ ក្រៅពី បណ្តុះបណ្តាលនៅសាលសិក្សា សិក្ខាកាមទាំងអស់ក៏នឹងត្រូវចុះទៅអនុវត្តដោយផ្ទាល់នៅលើទីតាំងជាក់ស្តែង ដើម្បីពិនិត្យស្ថានភាពអភិរក្សរបស់ខ្លោងទ្វារតាកាវ ខ្លោង ទ្វារខ្មោច និងប្រាសាទឥដ្ឋមួយចំនួននៅរលួស ដោយប្រើប្រាស់ម៉ាស៊ីន 3D Scanner និងបច្ចេកទេសដទៃទៀតផងដែរ៕








នៅព្រឹកថ្ងៃទី១២ ខែសីហា ឆ្នាំ២០២០ នៅស្នាក់ការអាជ្ញាធរជាតិអប្សរា បានរៀបចំសិក្ខាសាលាផ្ទៃក្នុងស្ដីពី «ប្រព័ន្ធគ្រប់គ្រងបរិស្ថានអង្គរ»។ សិក្ខាសាលានេះមានគោលបំណងផ្សព្វផ្សាយសៀវភៅប្រើប្រាស់ប្រព័ន្ធគ្រប់គ្រងបរិស្ថាន-អង្គរ ស្វែងយល់ និងចូលរួមការពារបរិស្ថានក្នុងតំបន់អង្គរ។
នាព្រឹកថ្ងៃទី១២ ខែសីហា ឆ្នាំ២០២០ ឯកឧត្តម ហង់ ពៅ អគ្គនាយកអាជ្ញាធរជាតិអប្សរា បានដឹកនាំកិច្ចប្រជុំជាមួយភ្នាក់ងារទេសចរណ៍នៃនាយកដ្ឋានអភិវឌ្ឍន៍ទេសចរណ៍អង្គរ ដើម្បីពិនិត្យមើលការវិវត្តនៃការងារទូទៅ ក៏ដូចជាស្វែងយល់ពីផលលំបាកនិងបញ្ហាប្រឈមនានាដែលក្រុមការងារភ្នាក់ងារទេសចរណ៍តែងជួបប្រទះជាប្រចាំ។
ក្នុងគោលបំណងស្ដារគម្របព្រៃឈើក្នុងតំបន់ការពាររមណីយដ្ឋានបេតិកភណ្ឌពិភពលោកអង្គរឲ្យកាន់តែច្រើនឡើង និងបំផុសស្មារតីឲ្យមានការចូលរួមរបស់ប្រជាពលរដ្ឋអំពីកិច្ចការបរិស្ថាន។ ក្នុងន័យនេះ ចាប់ពីខែមិថុនាមកដល់បច្ចុប្បន្ន គឺមានរយៈពេលជាង២ខែមកហើយដែលអាជ្ញាធរជាតិអប្សរា បានចែកកូនឈើជាង៧ម៉ឺនដើមដល់អង្គភាពរដ្ឋ អង្គការ សហគមន៍ សាលារៀន វត្តអារាម វិស័យឯកជន និងសាធារណជនទូទៅដែលបានដាក់ពាក្យស្នើសុំយកទៅដាំនៅតាមតំបន់ផ្សេងៗទាំងក្នុងខេត្តសៀមរាប និងខេត្តមួយចំនួនក្នុងប្រទេសកម្ពុជា។
អាជ្ញាធរជាតិអប្សរា បានបន្តចែកជូនកូនឈើដល់សាធារណជនជិតឆ្ងាយ ដើម្បីយកទៅដាំក្នុងបំណងបង្កើនគម្របព្រៃឈើឡើងវិញនៅក្នុងប្រទេសកម្ពុជា។ នៅថ្ងៃទី៧ និងទី៨ ខែសីហា ឆ្នាំ២០២០ កូនឈើចំនួន ៤,៦២០ដើមទៀត បានចែកជូនដល់សាធារណជនក្នុងខេត្តសៀមរាប ខេត្តបន្ទាយមានជ័យ និងខេត្តតាកែវ។
សេចក្ដីគោរពជូនសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា
ក្នុងឱកាសដ៏សែនមហានក្ខត្តឫក្សថ្លៃថ្លានៃខួបកំណើតគម្រប់ ៦៨ឆ្នាំ ឈានចូល៦៩ឆ្នាំ នាថ្ងៃទី ០៥ ខែសីហា ឆ្នាំ២០២០នេះ តាងនាមថ្នាក់ដឹកនាំ និងមន្ត្រីរាជការគ្រប់លំដាប់ថ្នាក់នៃអាជ្ញាធរជាតិអប្សរា និងក្នុងនាមខ្ញុំផ្ទាល់ ខ្ញុំបាទសូមសម្ដែងនូវមនោសញ្ចេតនារីករាយឥតឧបមា និងសេចក្ដីគោរពស្រលាញ់ដ៏ជ្រាលជ្រៅបំផុត ព្រមទាំងសូមគោរពជូនពរ បវរមហាប្រសើរជូន សម្ដេចតេជោនាយករដ្ឋមន្ត្រី ជាទីគោរពដ៏ខ្ពង់ខ្ពស់ សូមមានជន្មាយុយឺនយូរមានសុខុមាលភាពល្អបរិបូរណ៍ បញ្ញាញាណភ្លឺថ្លា ដើម្បីដឹកនាំរាជរដ្ឋាភិបាល និងប្រទេសជាតិទទួលជោគជ័យដ៏ត្រចះត្រចង់ថ្មីៗថែមទៀត ជាពិសេសវឌ្ឍនភាព និងកិត្យានុភាពល្បីរន្ទឺលើឆាកអន្តរជាតិ
FirstPrev12345...337338NextLast

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
5
Today
:
1030
Yesterday
:
6412
This Week
:
19171
This Month
:
0246035
Total
:
012071666