ព័ត៌មានថ្មីៗ

ភ្លៀងប៉ុន្មានថ្ងៃជាប់គ្នានាំឲ្យអ្នកគ្រប់គ្រងទឹកនៅអង្គរ ចាប់ផ្តើមសម្អាតប្រឡាយសាជាថ្មី

បានផ្សាយនៅ ថ្ងៃទី 04 ខែ កក្កដា ឆ្នាំ2016 08:40 AM ដោយ ៖ អាជ្ញាធរជាតិអប្សរា

ប្រឡាយនៅតាមប្រាសាទមានទំហំតូចៗ ដោយសារមិនអាចធ្វើធំពេកបាន។ ធ្វើធំមិនបាន ដោយសារម្យ៉ាងធ្វើឲ្យប៉ះពាល់ទេសភាពវប្បធម៌នៃរមណីយដ្ឋានអង្គរ ហើយម្យ៉ាងទៀត អាចធ្វើឲ្យប៉ះពាល់គ្រឹះប្រាសាទដែរ។ តែប្រឡាយតូចៗងាយនឹងកកស្ទះដោយសំរាម និងដីដែលហូរចូលពេលមានភ្លៀងធ្លាក់ម្តងៗ។ ដូច្នេះហើយ នាយកដ្ឋានគ្រប់គ្រងទឹកនៃអាជ្ញាធរជាតិអប្សរា មានការងារជាប្រចាំលើការងារថែទាំ និងស្តារសម្អាតប្រឡាយជុំវិញប្រាសាទក្នុងតំបន់អង្គរ។

ជាក់ស្តែង ភ្លៀងប៉ុន្មានថ្ងៃជាប់គ្នាកន្លងមកនេះ បានធ្វើឲ្យស្មៅដុះតាមកូនប្រឡាយ កកស្ទះដោយស្លឹកឈើ និងសំរាមផ្សេងៗនៅតាមកូនប្រឡាយ ជាហេតុធ្វើឲ្យទឹកហូរទៅស្រះ និងកសិណមិនទាន់ ហើយដក់ទឹកនៅតាមវាលទំនាបនៃប្រាសាទអង្គរវត្ត។ ព្រឹកថ្ងៃទី១ ខែកក្កដានេះ នាយកដ្ឋានគ្រប់គ្រងទឹកកំពុងនាំគ្នាស្តារប្រឡាយតូចៗជុំវិញបរិវេណប្រាសាទអង្គរវត្តឡើងវិញ បើទោះជាទើបតែសម្អាតនៅប៉ុន្មានខែមុននេះក៏ដោយ។

លោក ញ៉ែម រស្មី ដែលកំពុងដឹកនាំការស្តារសម្អាតប្រឡាយនេះរៀបរាប់ថា ប្រឡាយជុំវិញប្រាសាទអង្គរវត្តមានខ្វាត់ខ្វែងច្រើនណាស់ តែជាប្រឡាយតូចៗ ដែលងាយកកស្ទះដោយស្លឹកឈើ ដី និងសំរាម។ ដូច្នេះហើយ ទើបពេលមានភ្លៀងធ្លាក់រាងច្រើនបន្តិច ធ្វើឲ្យទឹកដក់នៅយូរ ដោយសារហូរទៅកសិណមិនទាន់។ លោកបញ្ជាក់ថា ប្រឡាយតូចៗទាំងនេះទើបតែរៀបចំនៅពេលក្រោយៗកន្លងមក ចំណែកប្រព័ន្ធទឹកដែលមានដាក់លូធំៗបន្តិច ជាប្រព័ន្ធទឹកចាស់ដែលនៅសេសសល់ពីសម័យបារាំងមក។

លោក រស្មី រៀបរាប់ថាពេលនេះ មិនមែនតែប្រាសាទអង្គរវត្តមួយទេ សូម្បីប្រាសាទមួយចំនួនទៀត ដូចជាប្រាសាទបាយ័នជាដើម ក៏ក្រុមរបស់លោកកំពុងតែរៀបចំសម្អាតដែរ។ សព្វថ្ងៃកម្មករដែលថែទាំប្រព័ន្ធទឹកតាមបណ្តាប្រាសាទ ក្នុងរមណីយដ្ឋានអង្គរទាំងមូល មានចំនួនជាង១០០នាក់ ដែលតែងឆ្លាស់គ្នាតាមទីតាំងផ្សេងៗ៕










នៅព្រឹកថ្ងៃទី១២ ខែសីហា ឆ្នាំ២០២០ នៅស្នាក់ការអាជ្ញាធរជាតិអប្សរា បានរៀបចំសិក្ខាសាលាផ្ទៃក្នុងស្ដីពី «ប្រព័ន្ធគ្រប់គ្រងបរិស្ថានអង្គរ»។ សិក្ខាសាលានេះមានគោលបំណងផ្សព្វផ្សាយសៀវភៅប្រើប្រាស់ប្រព័ន្ធគ្រប់គ្រងបរិស្ថាន-អង្គរ ស្វែងយល់ និងចូលរួមការពារបរិស្ថានក្នុងតំបន់អង្គរ។
នាព្រឹកថ្ងៃទី១២ ខែសីហា ឆ្នាំ២០២០ ឯកឧត្តម ហង់ ពៅ អគ្គនាយកអាជ្ញាធរជាតិអប្សរា បានដឹកនាំកិច្ចប្រជុំជាមួយភ្នាក់ងារទេសចរណ៍នៃនាយកដ្ឋានអភិវឌ្ឍន៍ទេសចរណ៍អង្គរ ដើម្បីពិនិត្យមើលការវិវត្តនៃការងារទូទៅ ក៏ដូចជាស្វែងយល់ពីផលលំបាកនិងបញ្ហាប្រឈមនានាដែលក្រុមការងារភ្នាក់ងារទេសចរណ៍តែងជួបប្រទះជាប្រចាំ។
ក្នុងគោលបំណងស្ដារគម្របព្រៃឈើក្នុងតំបន់ការពាររមណីយដ្ឋានបេតិកភណ្ឌពិភពលោកអង្គរឲ្យកាន់តែច្រើនឡើង និងបំផុសស្មារតីឲ្យមានការចូលរួមរបស់ប្រជាពលរដ្ឋអំពីកិច្ចការបរិស្ថាន។ ក្នុងន័យនេះ ចាប់ពីខែមិថុនាមកដល់បច្ចុប្បន្ន គឺមានរយៈពេលជាង២ខែមកហើយដែលអាជ្ញាធរជាតិអប្សរា បានចែកកូនឈើជាង៧ម៉ឺនដើមដល់អង្គភាពរដ្ឋ អង្គការ សហគមន៍ សាលារៀន វត្តអារាម វិស័យឯកជន និងសាធារណជនទូទៅដែលបានដាក់ពាក្យស្នើសុំយកទៅដាំនៅតាមតំបន់ផ្សេងៗទាំងក្នុងខេត្តសៀមរាប និងខេត្តមួយចំនួនក្នុងប្រទេសកម្ពុជា។
អាជ្ញាធរជាតិអប្សរា បានបន្តចែកជូនកូនឈើដល់សាធារណជនជិតឆ្ងាយ ដើម្បីយកទៅដាំក្នុងបំណងបង្កើនគម្របព្រៃឈើឡើងវិញនៅក្នុងប្រទេសកម្ពុជា។ នៅថ្ងៃទី៧ និងទី៨ ខែសីហា ឆ្នាំ២០២០ កូនឈើចំនួន ៤,៦២០ដើមទៀត បានចែកជូនដល់សាធារណជនក្នុងខេត្តសៀមរាប ខេត្តបន្ទាយមានជ័យ និងខេត្តតាកែវ។
សេចក្ដីគោរពជូនសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា
ក្នុងឱកាសដ៏សែនមហានក្ខត្តឫក្សថ្លៃថ្លានៃខួបកំណើតគម្រប់ ៦៨ឆ្នាំ ឈានចូល៦៩ឆ្នាំ នាថ្ងៃទី ០៥ ខែសីហា ឆ្នាំ២០២០នេះ តាងនាមថ្នាក់ដឹកនាំ និងមន្ត្រីរាជការគ្រប់លំដាប់ថ្នាក់នៃអាជ្ញាធរជាតិអប្សរា និងក្នុងនាមខ្ញុំផ្ទាល់ ខ្ញុំបាទសូមសម្ដែងនូវមនោសញ្ចេតនារីករាយឥតឧបមា និងសេចក្ដីគោរពស្រលាញ់ដ៏ជ្រាលជ្រៅបំផុត ព្រមទាំងសូមគោរពជូនពរ បវរមហាប្រសើរជូន សម្ដេចតេជោនាយករដ្ឋមន្ត្រី ជាទីគោរពដ៏ខ្ពង់ខ្ពស់ សូមមានជន្មាយុយឺនយូរមានសុខុមាលភាពល្អបរិបូរណ៍ បញ្ញាញាណភ្លឺថ្លា ដើម្បីដឹកនាំរាជរដ្ឋាភិបាល និងប្រទេសជាតិទទួលជោគជ័យដ៏ត្រចះត្រចង់ថ្មីៗថែមទៀត ជាពិសេសវឌ្ឍនភាព និងកិត្យានុភាពល្បីរន្ទឺលើឆាកអន្តរជាតិ
ដើមដំបូងមុន12345...337338បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
6
ថ្ងៃនេះ
:
1061
ម្សិលមិញ
:
6412
សប្តាហ៍នេះ
:
19202
ខែនេះ
:
0246066
សរុប
:
012071697