ព័ត៌មានថ្មីៗ

ឯកឧត្តម សុខ សង្វារ ៖ មគ្គុទ្ទេសក៍ទេសចរណ៍មានតួនាទីសំខាន់ណាស់សម្រាប់វិស័យទេសចរណ៍

បានផ្សាយនៅ ថ្ងៃទី 30 ខែ មិថុនា ឆ្នាំ2016 03:31 PM ដោយ ៖ អាជ្ញាធរជាតិអប្សរា
“វប្បធម៌គឺជាសៀវភៅមួយក្បាល ដែលផ្ទុកដោយកំណត់ត្រាប្រវត្តិសាស្ត្រ ទំនៀមទម្លាប់ សាសនា និងប្រពៃណីរបស់យើង។ វិស័យទេសចរណ៍ គឺជាអ្នកបោះពុម្ព ដែលក្នុងនោះភ្ញៀវទេសចរគឺជាអ្នកអាន និងមគ្គុទ្ទេសក៍ទេសចរណ៍គឺជាអ្នកអត្ថាធិប្បាយ បកស្រាយសៀវភៅមួយក្បាលនេះ ឲ្យបានទូលំទូលាយដល់ភ្ញៀវទេសចរគ្រប់ជាតិសាសន៍”។ នេះជាប្រសាសន៍របស់ ឯកឧត្តម សុខ សង្វារ អគ្គនាយករងនៃអាជ្ញាធរជាតិអប្សរា និងជាប្រធានក្រុមការងារអនុវត្តផែនការគ្រប់គ្រងទេសចរណ៍អង្គរ នៅសណ្ឋាគារសោមាទេវីអង្គរ។

ក្នុងឱកាសបិទវគ្គបណ្តុះបណ្តាលមគ្គុទ្ទេសក៍ទេសចរណ៍ ដែលរៀបចំឡើងដោយសមាគមមគ្គុទ្ទេសក៍ទេសចរណ៍អង្គរ នាព្រឹកថ្ងៃទី៣០ ខែមិថុនា ឆ្នាំ២០១៦នេះ ឯកឧត្តម សុខ សង្វារ បានសម្តែងនូវការគាំទ្រ និងអបអរសាទរចំពោះសមាគមដែលយកចិត្តទុកបណ្តុះបណ្តាលចំណេះដឹងបន្ថែមដល់ក្រុមមគ្គុទ្ទេសក៍ទេសចរណ៍របស់ខ្លួន។ ឯកឧត្តមបញ្ជាក់ថា ក្នុងនាមស្ថាប័នអភិរក្សរមណីយដ្ឋានអង្គរ អាជ្ញាធរជាតិអប្សរាតែងគាំទ្រជានិច្ចនូវសកម្មភាពពង្រឹងសមត្ថភាព ចំណេះដឹង ដល់ក្រុមមគ្គុទេសក៍ទេចរណ៍គ្រប់រូប ដើម្បីទទួលបានចំណេះដឹង ពាក់ព័ន្ធនឹងលទ្ធផលស្រាវជ្រាវ និងរបកគំហើញថ្មីៗទៀត។

ឯកឧត្តមបន្តថា គឺតាមរយៈមគ្គុទ្ទេសក៍ទេសចរណ៍នេះហើយ ដែលនាំឲ្យភ្ញៀវបរទេសបានស្គាល់នូវអារ្យធម៌ដ៏រុងរឿងរបស់យើង។ មិនតែប៉ុណ្ណោះ មគ្គុទ្ទេសក៍ទេសចរណ៍ក៏ជាអ្នកតំណាងឲ្យប្រជាពលរដ្ឋខ្មែរផងដែរ ក្នុងទំនាក់ទំនងជាមួយភ្ញៀវបរទេស ព្រោះពួកគាត់ជាអ្នកដើរជាមួយ ប្រាស្រ័យជាមួយ ជិតដិតជាមួយភ្ញៀវទេសចរជាងអ្នកណាៗទាំងអស់។ ដូច្នេះ ការបកស្រាយបានល្អ ភាពរួសរាយរាក់ទាក់ និងទំនាក់ទំនងល្អរបស់មគ្គុទេសក៍ទេសចរណ៍ គឺជាចំណែកដ៏សំខាន់ក្នុងកំណើនវិស័យទេសចរណ៍នៅកម្ពុជា។ មានតែការពង្រឹងសមត្ថភាពទេ ដែលធ្វើឲ្យចំណុចដ៏ល្អៗទាំងនេះសម្រេចបានជោគជ័យទៅបាន។

ឯកឧត្តមបន្ថែមថា អាជ្ញាធរជាតិអប្សរាពិតជាគាំទ្រការបណ្តុះបណ្តាលរបៀបនេះយ៉ាងពេញទំហឹង។ បើមានវគ្គរបៀបនេះលើកក្រោយ អាជ្ញាធរជាតិអប្សរានឹងស្វាគមន៍ជួយជាកន្លែងបណ្តុះបណ្តាលនៅសាលសន្និសីទអង្គរ ដែលអាចផ្ទុកមនុស្សបានរាប់រយនាក់ ដោយមិនគិតថ្លៃ និងបញ្ជូនមន្ត្រីជំនាញគ្រប់ផ្នែកដើម្បីធ្វើបទបង្ហាញទៀតផង។ ជាមួយគ្នានេះ ឯកឧត្តមក៏បានអំពាវនាវឲ្យមានការបង្កើតជាសហព័ន្ធ ឬ អាចជាសមាគមធំនៃមគ្គុទ្ទេសក៍ទេសចណ៍ក្នុងខេត្តសៀមរាបទាំងមូល ដើម្បីងាយស្រួលដល់ការងារចែករំលែកព័ត៌មានថ្មីៗ ឬបង្កើតវគ្គបណ្តុះបណ្តាលផ្សេងៗឲ្យបានគ្រប់គ្នា។

លោក លី ហ៊ាង ប្រធានសមាគមមគ្គុទ្ទេសក៍ទេសចរណ៍ខ្មែរអង្គរបានបញ្ជាក់ថា សមាគមរបស់លោកតែងរៀបចំវគ្គបណ្តាលដល់សមាជិកក្រុមជាបន្តបន្ទាប់ ដើម្បីពង្រឹងចំណេះដឹងឲ្យក្លាយជាមគ្គុទេ្ទក៍អាជីព ដែលមានសមត្ថភាព និងសីលធម៌ល្អ។ លោករៀបរាប់ថា សមាគមរបស់លោកមានសមាជិកជាង៣០០នាក់ ហើយការរៀបចំនៅពេលនេះមានរយៈពេល២ថ្ងៃកន្លះ។ គ្រូឧទ្ទេសក៍ក្នុងវគ្គបណ្តុះបណ្តាលនេះ គឺជាអ្នកជំនាញដែលមកពីអាជ្ញាធរជាតិអប្សរា និងអ្នកស្រាវជ្រាវបរទេសមួយចំនួនផង៕








មនុស្សម្នាស្ទើរពេញពិភពលោកដែលបានមកដល់ប្រទេសកម្ពុជា ទាំងអ្នកបុរាណវិទ្យា អ្នកនរវិទ្យា អ្នកប្រវត្តិវិទ្យា មគ្គុទេសនក៍ទេសចរណ៍ ព្រមទាំងភ្លៀវទេសចរ នាំគ្នាឆ្ងល់ទាក់ទង់នឹងទៅនឹងជីវភាពនៃការរស់នៅរបស់មនុស្សសម័យដើម ជាពិសេសគឺមនុស្សដែលរស់នៅក្នុងសម័យកសាងប្រាសាទអង្គរវត្ត មានកម្លាំងពលំ និងការច្នៃប្រឌិតខ្ពស់។
ឆ្លងផុតរដូវវស្សាឆ្នាំនេះហើយ ការជួសជុលសារមន្ទីរព្រះនរោត្តមសីហនុអង្គរ ដែលធ្វើឡើងដោយកិច្ចសហការរវាងអាជ្ញាធរជាតិអប្សរា និងមូលនិធិក្លឹប១%នៃក្រុមហ៊ុនអ៊ីងអុង(AEON) របស់ប្រទេសជប៉ុននឹងដំណើរការហើយ។ មុននឹងឈានដល់ដំណាក់កាលជួសជុលនេះ នាយកប្រតិបត្តិនៃក្រុមហ៊ុនអ៊ីអុង លោក Keiichi Tadaki បានចំណាយពេលមួយព្រឹក នាថ្ងៃទី១២ ខែឧសភា ឆ្នាំ២០១៦នេះ ដើម្បីចូលទស្សនាសារមន្ទីរព្រះនរោត្តមសីហនុអង្គរ។ ទទួលដំណើរទស្សនារបស់លោកនាយកប្រតិបត្តិនៅពេលនេះមាន ឯកឧត្តម ឈរ ថាណាត អគ្គនាយករងនៃអាជ្ញាធរជាតិអប្សរា លោក និន ចាន់សាមៀន ប្រធាននាយកដ្ឋានគ្រប់គ្រងព្រៃឈើ ទេសភាពវប្បធម៌ និងបរិស្ថាន លោក យិត ចាន់ដារដ្ឋ ប្រធានស្តីទីនៃនាយកដ្ឋានអភិវឌ្ឍន៍វប្បធម៌ សារមន្ទីរ និងបទដ្ឋានបេតិកភណ្ឌ និងមន្ត្រីមួយចំនួនទៀតនៃអាជ្ញាធរជាតិអប្សរា។
“ខ្ញុំមិនបានធ្វើរូបចម្លាក់ ឬវត្ថុអនុស្សាវរីយ៍ដែលអ្នកភូមិភាគច្រើនគេនិយមធ្វើនោះទេ។ ខ្ញុំតែងច្នៃប្រឌិតជារូបចម្លាក់ផ្សេងៗ ប្លែកៗខុសពីអ្នកដទៃ ទើបម៉ូយមកទិញរបស់ខ្ញុំជាហូរហែមិនសូវដាច់។ ជួនកាលខ្ញុំទៅឃើញចម្លាក់ ស្អាតៗគេតាំងលក់នៅតាមហាងធំៗ ខ្ញុំ​មកផ្ទះវិញក៏យកទម្រង់នោះមកច្នៃបន្ថែមចេញជារូបចម្លាក់ផ្សេងមួយទៀត”។ ទាំងនេះជាប្រសាសន៍រៀបរាប់របស់លោកពូ តាន់ សុខុន នៅភូមិរហាល សង្កាត់នគរធំ ដែលជាភូមិបុរាណមួយ នៅជាប់នឹងស្រះស្រង់នៃរមណីយដ្ឋានអង្គរ នាព្រឹកថ្ងៃទី៨ ខែមិថុនា ឆ្នាំ២០១៦នេះ។
បុណ្យទេសន៍ផ្តាច់កម្មពៀរ
( ថ្ងៃទី 11 ខែ មិថុនា ឆ្នាំ2016 )
នៅពេលដែលមានមនុស្សឈឺរ៉ាំរ៉ៃ ជាពិសេស ទាក់ទិននឹងជំងឺរបស់មនុស្សចាស់ ដែលគ្រប់គ្នាយល់ថា វាជារឿងធម្មជាតិរបស់មនុស្សមិនអាចជៀសផុត ដូនតាខ្មែរតែងមានកិច្ចពិធីមួយចំនួនទៀត ដើម្បីជួយអបស្ទបជីវិតរបស់ពួកគាត់។ ពិធីនោះសោតមានតូចមានធំ ទៅតាមលទ្ធភាពជាក់ស្តែងរបស់ក្រុមគ្រួសារនៃអ្នកជំងឺ។ គោលបំណងសំខាន់នៃពិធីគឺដើម្បីរំដោះកម្មពៀរ ឬថា ផ្តាច់កម្មពៀរផ្សេងៗ ហើយអាចជួយទ្រទ្រង់អាយុជីវិតរបស់អ្នកជំងឺនោះឲ្យបានយូរតទៅទៀត។
វិស័យទេសចរណ៍ពិតជាកាតាលីករ ដ៏មានសក្តានុពលក្នុងការជួយចូលរួមចំណែកអភិវឌ្ឍប្រទេសជាតិឲ្យមានវឌ្ឍនភាពប្រាកដ។ ក្រោយពីសង្រ្គាមបានបញ្ចប់ទៅក្រោមគោលនយោបាយ យុទ្ធសាស្រ្តឈ្នះ ឈ្នះរបស់រាជរដ្ឋាភិបាល ដែលដឹកនាំដោយសម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជាសព្វថ្ងៃនេះ ប្រទេសជាតិមានសុខសន្តិភាពពេញលេញធ្វើឲ្យពិភពលោកស្គាល់ប្រទេសកម្ពុជាកាន់តែច្បាស់ ហើយប្រាសាទបុរាណជាច្រើននៃតំបន់រមណីយដ្ឋានអង្គរក្លាយជាគោលដៅទេសចរណ៍ដែលមានការទាក់ទាញខ្ពស់បំផុតលើពិភពលោក។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
9
ថ្ងៃនេះ
:
8969
ម្សិលមិញ
:
9079
សប្តាហ៍នេះ
:
08969
ខែនេះ
:
0162478
សរុប
:
012931910